مشعل خصوصي عالي لېسې پکتیا څانګه

د تېرې ورځې د ټیسټ د #پایلو اعلان!
اتومات چک سیسټم په برکت، د جوزا میاشتې اخیستل شوې آزموینې نتایج نن ورځ په شفاف، دقیق او چټک ډول اعلان شول.

د تېرې ورځې اخیستل شوې ټیسټ آزموینې د #نتایجو اعلان مراسم په ډېره منظمه او ښکلې بڼه ترسره شول،
چې #ممتاز زده کوونکي د غوره مقام په تر لاسه کولو سره د ادارې لخوا په ځانګړي ستاینلیکونو او ډالیو سره وستایل شول او هغوی د لا زیاتو هڅو، بریاوو او خپلمنځي سالم #رقابت لپاره وهڅول شول.
موږ ژمن یو چې د معیاري او عصري زده کړو د وړاندې کولو لپاره به د ټکنالوژۍ له نوو امکاناتو څخه لا اغېزمنه ګټه اخلو.
#مشعل، د سیال، عصري او تعلیمي افغانستان هیله او امید…
یادونه :عمومي اول مقام زده کوونکي محمد عثمان ولد عبدالغازي ته د ادارې لخوا 500 افغانۍ نقدي جایزه ورکړل شوه .

په ډېرې خواشینۍ سره مو د افغانستان د ویاړلي فضانورد، عبدالاحد مومند د مړینې خبر واورېد. د هغه مړینه د افغان ولس او د علم او پرمختګ د لارې لپاره یوه لویه ضایعه ده. مرحوم مومند د خپل زحمت، جرئت او لاسته راوړنو له امله د هېواد د ویاړ سمبول و.

الله تعالی دې مرحوم ته جنت الفردوس ورپه برخه کړي، کورنۍ، دوستانو او ټولو خواخوږو ته دې صبر جمیل ورکړي.

إنا لله وإنا إليه راجعون

درنښت!
د مشعل لېسې اداره

د جوزا میاشتې ټېسټ په بریالیتوب سره ترسره شو
د مشعل پکتیا څانګې له زده‌کوونکو څخه د تعلیمي پلان له مخې د جوزا میاشتې ټېسټ واخیستل شو.
زده‌کوونکو ته د سوالونو د فورم تر څنګ د اتومات چیک ځانګړې د کیلۍ پاڼې هم ورکړل شوې، چې د آزموینې د پایلو په ارزونه کې لا زیات دقت، شفافیت او چټکتیا تضمینوي.
د آزموینې ټولې پاڼې د اتومات سیستم له لارې کتل کېږي، نو د همدې پروسې پر بنسټ به د زده‌کوونکو پایلې هم ان‌شاءالله ډېر ژر اعلان شي.
موږ ژمن یو چې د نوې ټکنالوژۍ په مرسته خپلو زده‌کوونکو ته لا غوره، معیاري او اغېزمن تعلیمي خدمات وړاندې کړو.
د یوه تعلیمي، پرمختللي او سیال افغانستان لپاره زموږ هڅې دوام لري.
مشعل پکتیا څانګه�د علم او نوښت کور

مشعل د نوې او پرمختللې نړۍ په فکر روان دی!
د مشعل خصوصي عالي لېسې پکتیا څانګې پرمختللی OMR سیستم یو ځل بیا په نوې او عصري بڼه اپډېټ شو
د زده‌کوونکو د ازموینو د ارزونې او اغېزمن مدیریت په موخه، مشعل پکتیا څانګې خپل OMR سیستم په نوې او پرمختللې بڼه اپډېټ کړ. دا سیستم د عصري ټکنالوژۍ پر بنسټ جوړ شوی او لاندې ځانګړتیاوې لري:
✅ د کانکور د آمادګۍ ازموینو د پارچو چټک او دقیق چیک
✅ د اونیزو او میاشتنیو ازموینو اتومات او چټک چیک
✅ د هر زده‌کوونکي لپاره د ځانګړو او مشخصو پارچو جوړول
✅ د زده‌کوونکو لپاره د پارچو چاپ د بشپړو او اړینو مشخصاتو په درلودلو سره
✅ د نمرواو د نتایجو پایلو اتومات ثبت، تنظیم او مدیریت
✅ د هر زده‌کوونکي د ټولو ازموینو بشپړ ریکارډ ساتل
✅ زده‌کوونکي د خپل استعداد او انتخاب له مخې پوهنځیو ته معارفي کول
✅ والدینو ته د ازموینو د پایلو او نمرو اتومات لېږل
✅ د انساني تېروتنو کمول او د پایلو دقیق کول
✅ د وخت سپما او د اداري چارو لا اسانتیا
✨ مشعل د نوې او پرمختللې نړۍ له غوښتنو سره سم د عصري ټکنالوژۍ په مټ د زده‌کړو د کیفیت د لوړولو او غوره خدمتونو وړاندې کولو لپاره خپلو هڅو ته دوام ورکوي.
د مشعل خصوصي عالي لېسې پکتیا څانګې د نشراتو څانګه