Maryam Amarkhil مریم امرخېل

مردم شریف، باعزت و بزرگوار منطقه قوناق!
از محبت، همدلی و حمایت صمیمانه‌ای که همواره نسبت به فرزندان‌تان و روند آموزشی نشان داده‌اید، صمیمانه سپاسگزارم. همراهی شما باعث شده است تا کودکان این منطقه با امید، انگیزه و اعتماد به نفس در مسیر علم و دانایی گام بردارند.
دیدن تلاش و پیشرفت شاگردان عزیز، نشان‌دهنده توجه و باور شما به ارزش آموزش است. این کودکان سرمایه‌های ارزشمند آینده‌اند و بی‌تردید فردای روشن سرزمین زیبا ما از همین کلاس‌های ساده و دل‌های پاک آغاز می‌شود.
سپاس ویژه از استادان پرتلاش که با تعهد، صبر و دلسوزی، در کنار شاگردان ایستاده‌اند و با زحمات بی‌وقفه‌شان نقش اساسی در رشد علمی و اخلاقی آنان ایفا می‌کنند.
امیدوارم با تداوم همدلی و همکاری مردم آگاه منطقه قوناق، شاهد شکوفایی هرچه بیشتر فرزندان‌مان باشیم و آینده‌ای روشن، آگاه و سربلند در انتظار آنان باشد.

با حرمت و امتنان
مریم امرخیل

د بامیانو څانګې د کلنۍ ازموینې پایلو نمانځغونډه:

د کېږدۍ ګرځنده ښوونځي ادارې له خوا د بامیانو څانګې زده کوونکو هڅونې په موخه د کلنۍ ازموینو پایلو نمانځنې غونډه جوړه شوه، چې په ترڅ کې یې ممتاز زده کوونکي وستایل شول او همدارنګه نورو ټولو زده کوونکو ته د تشویق او هڅونې په پار وړې ډالۍ ورکړل شوې، څو د راتلونکي تعلیمي کال لپاره په لا زیات قوت، باور او مینه سره زده کړو ته راودانګي.
په دې غونډه کې زده کوونکي، ښوونکي، د سیمې مشران، مخور، میندې، پلرونه او ځوانان راټول شوي وو. د خلکو ګډون او تود هرکلي دغه لرې پرته او محرومه سیمه مې د دوی مینه له علم او پوهوې سره ثابتوي. د همدې ژورې مینې له امله یې ستاینلیکونه او انعامونه میندو په خپلو لاسونو ګلالیو اولادونو ته وسپارل.
د ټولګیو په کچه لومړي، دویم او درېیم مقام ګټونکي په ستاینلیکونو، ماشومانو کیسو، ډالیو او کپونو ونازول شول، او د ښوونځي په کچه تر ټولو غوره زده کوونکی د ستاینلیک، غوره ډالۍ، کپ او نغدي جایزې وړ وګرځېد. دا ستاینې د ماشومانو د هڅونې تر ټولو پیاوړې وسیله وه، څو پر خپل استعداد باور وکړي او د علم لاره په ټینګه ونیسي.
همدارنګه د ښوونکو د صادقانه هڅو، زحمتونو او ژمنتیا قدرداني وشوه. هر ښوونکی په ستاینلیک او نغدي جایزه ونازول شو، ځکه دوی په داسې لرې سیمه کې د علم مشعل بل ساتلی دی. د سیمې له مشرانو او د ماشومانو له میندو او پلرونو څخه هم د زړه له کومې مننه وشوه، چې د خپلو اولادونو تر څنګ یې د تعلیم ملاتړ کړی او د زده کړو ارزښت یې درک کړی دی.
کېږدۍ ګرځنده ښوونځی باور لري چې دا هڅې به دزده کړو محرومیت او تیاره ماته کړي، له همدې کوچنیو ګرځنده کېږدیو څخه د یوه باوري، پوه او هیله‌من نسل راټوکېدلو په هڅه او درشل کې دی.




‎

د لوګر څانګې د کلنۍ ازموینو د پایلو نمانځغونډه:

د کېږدۍ ګرځنده ښوونځي د ۱۴۰۴ ښوونیز کال له پای ته رسېدو وروسته د لوګر څانګې د زده کوونکو د کلنیو ازموینو د پایلو د اعلان او د لوړو نمرو ګټونکو زده کوونکو د هڅونې په موخه غونډه ترسره کړه.
په یاده غونډه کې د ښوونځي ښوونکي، زده کوونکي، د زده کوونکو کورنۍ غړو او د سیمې یو شمېر مشرانو ګډون کړی وه. لومړي، دویم او درېیم مقام ګټونکو زده کوونکو ته ستاینلیکونه او ډالۍ ورکړل شوې او همدارنګه د ښوونځي په کچه تر ټولو غوره زده کوونکی د ستاینلیک، غوره ډالۍ او نغدي جایزې په ورکولو سره وستایل شو.
ادارې د لوګر څانګې ښوونکي هم د تېر ښوونیز کال په ترڅ کې د ښوونې او روزنې د غوره خدمتونو له امله وستایل.
کېږدۍ ګرځنده ښوونځی اداره د هېواد په هغو لرې پرتو سیمو کې ماشومانو ته د زده کړو زمینه برابروي، چې ښوونیزو اسانتیاوو ته لاسرسی نه لري.

د کېږدۍ ګرځنده ښوونځي ادارې سږ کال د خپلو ټولو څانګو ممتازو زده‌کوونکو ته، تر زرو افغانیو نغدي انعامونه او دغه شان ستاینلیکونه برابر کړي دي. دا نوښت د دې لپاره دی چې زده‌کوونکي لا ډېر وهڅول شي، پر خپلو زده‌کړو باور ومومي او د علم په لاره کې لا ټینګ ګامونه واخلي.
دلته د خوست څانګې هغه روښانه څېرې وینئ چې د خپلې هڅې، زحمت او هوډ په برکت یې امتیاز ترلاسه کړی او د سیمې له قدرمنو مشرانو څخه یې ستاینلیکونه او انعامونه واخیستل. دا شېبې یوازې د انعام وېش نه دی، بلکې د امید، باور او راتلونکي د جوړولو پیغام خپروي.
په دې غونډه کې د سیمې مشرانو هم خپلې مهمې غوښتنې او خبرې شریکې کړې، چې ان‌شاءالله اړوند ویډیوګانې به یې وروسته خپرې شي.
له کېږدۍ تر سپوږمۍ دا یوازې یو شعار نه، بلکې د هغو ماشومانو کیسه ده چې له ساده امکاناتو سره لوی خوبونه ویني او د رڼا پر لور روان دي

په ماشومتوب کې به مې انا ویل:
تاسې نوي غوړیدلي ګلان یئ، باید داسې وپالل شئ لکه د ګل پالنه د مهربان باغبان په لاسونو؛
خو خدای مه کړه، که دا تنکي ګلان د بې‌پروا او نامهربان باغبان لاس ته ورشي،یا به یې د چا بدرنګه لاسونه نوي غوړیدلي ګلونه له تنه راجلا کړي او یا به د بې اوبه کېدو نه مړاوی شي.
اوس داسې فکر کوم چې د وطن په ځمکو یو بې رحمه باغبان حاکم دی چې په بې پروایئ یې ټول فصلونه او غوړیدلي ګلونه وچ او مړاوي کیږي.