Saeedurrahman salih

عیدکم مبارک 😍
خویندو او ورونو لوی اختر مو مبارک 🌱
همېشه لپاره دې د مسلمه امت پر غمځده مخونو د اخترونو په څېر خوښۍ دوام ومومي.
او د هېوادوالو سربېره دې د هر مؤمن دردېدلی زړه لپاره د خوښیو خانقاه د فطرت په خوښیو خړوبه او شلېدلی ګرېوان د پیوند په بڼه وده ومومي.
نوووووو...!
د قربانیو لپاره اخیستل شوي څارويو له ذبحې مخکې د حسدونو . کرکو . بغضونو . عداوتونو . ترپګنیو . د یو بل نه منلو او د صله‌رحمۍ پرېکولو حیوانات ذبح کړئ تر څو قرباني مو د رب ﷻ په وړاندې قبوله وګرځي.

درنښت
ستاسو ورور .
م. سعیدالرحمن (صالح)
#عید
#مبارک
Saeedurrahman salih 👈

#مشوره
#نظریات
غواړم د ځوان نسل د بیدارېدو او د پخوانیو اتلانو له کړنو سره د بلدتیا په موخه پر غږیزه بڼه یو داستان پیل کړم.
ستاسو په اند کوم یو به د امت مسلمه او راتلونکي نسل لپاره ډېر ګټور تمام شي؟
که هر څه مو په ذهن کې وي ..
مهرباني وکړئ راته یې وړاندیز کړئ.
درنښت.

#کتابخوانی
#تاریخ

Saeedurrahman salih 👈

دلته یو ځوان سړی دی
‎ډیـر قـهرمـان سـړی دی
‎
‎پـه عـقیــده او مـنهـــج
‎زیـات مهربان سـړی دی
‎
‎راویښـــوي بــه ملــــت
‎لکــــه اذان ســــړی دی
‎
‎په خوله خاموشه خو د کار سړی .
‎له وینا یې د عمل پر انرژۍ بلها خواري کړې .
‎تېره ورځ یې پر خپله جامعة کې پر یو څو موضوعاتو د داخل سربیره د نورو جامعاتو تر مابین د طالبانو خپل منځي مسابقه برابره کړې وه چې له دغې مسابقې داسې انګېرل کېدل چې دغه دروند او باوقاره سړي کار کړی او لا یې د کار لپاره مټې رابډ وهلې .
‎نووووو ...!
‎تر شا یې ودرېږئ او دغه د دعوت بلې ډیوې تر خپله وسعه په روښانتیا کې ورسره بله وساتئ.
‎ــــــــ
‎الشیخ ابوالمغیرة صابرالله (الغنوي) حفظه الله 💝
‎لا تاند او هسک ووسي
‎او لا د یو فولادي مورال څښتن شئ.
‎حفظک الله تعالی من کید الحاسدین 💝
‎ـــــــــــ
‎جامعة الاسلامیة السلفیة کنر افغانستان ❤
‎د علمي او دعوتي پرمختګونو روڼ انځور
‎د هیواد راتلونکی نسل د علمي بډاینې رڼه بېلګه.
#خدمت
#اتفاق
#سلفیة
#پرمختګ
‎
Saeedurrahman salih 👈

#النصیحة .
ناهیلی کېږه مه...!
ماتې مه منه ...!
هڅه جاري وساته...!
ستا ورځې هم راځي ...!

Saeedurrahman salih 👈

‎
‎ملګرتوب او دوستانه
‎دا د ملګرتوب تر شا د یو داسې داستان نوم دی چې یا به د ملګرتوب او د دوستانې له امله لکه د صحابه کرامو اوسلفو د جنتونو تر اعلی مقامه رسېږي
‎او یا به يې له امله د جهنم تر ګړنګونو غورزېږي .
‎په دوستانه کې مو د دوست او نږدې ملګري تر شا د مصیبت او تکلیف په وخت کې لکه د نړېدلي دیوال د اړم په څېر ودرېږئ .
‎نه لکه د روان موټر لپاره د ټایرونو د هواکشۍ (هوا ایستونکي) بې‌بنسټه ازغی او ستنې
‎چې له امله یې یوازې موټروان نه بلکې ټول سپاره له تکلیف سره مخ کېږي 😔.
‎په دوستانه کې له ځانه ګیدړ ذاتي دوه مخېزه درباريان مه جوړوئ چې د ملګري په اسرارو او رازونو د نورو مجلسونه جوړوﺉ
‎او په ديُوسه تنه هر ډُول ته لکه د نڅا ګرې ډمي ځان څرخوۍ او د خیانت ککړ لاسونه غورزوۍ
‎او په خاينه څېره مو د دوست په شخصیت د هر دوه کسیز مجلس شخوند ته زمینه برابروۍ .
‎په دوستانه کې له احتیاط فکر او سوچ کار واخلئ
‎نه له لنډ او قاصر فکر چې په راتلونکي کې یې د کړنې له امله لکه د شیطان په سر خاورې شیندۍ او هېڅ نتیجه ترې نه شۍ ترلاسه کولاي.
‎او دا هم پر یاد ولرۍ چه په دوستانه کې ځینې کړنې آن تر مرګه نه هېریږي
‎او د هېریدو درمل یې له ازله تر ابده ډېرې خلک بې‌نتیجې او تاواني کړی .
‎په دوستانه کې خامیانې او نیمګړتیاوې خامخا کېدونکې دي خو تر دې یې مه رسوئ چې نور ترې ناوړه استفاده وکړي. او خپل بوس د وریښمو په بازار کې پری وپلوری .
‎احتیاط وکړئ، احتیاط !
‎دوستانه او ملګرتوب لکه د پېغلې انجلۍ د ښایست روڼ مخ که یو وار د دربدَریو او مشکلاتو خونخواره اثارو یې مخ داغجن کړ بیا یې پخوانۍ ښکلا لکه د سپوږمۍ پر مخ کې د ناز مسکا نشي کولای.
‎قدمونه مو په احتیاط واخلئ.
‎د غوره خویونو مالکان واوسئ.
‎او د مجلسونو لپاره د کنټرول او خپلواکۍ هنر زده کړئ.
‎نو بناءً زما ملګري ټول زما د سر تاجونه دي، راته درانه او قدرمن دي لکه غرونه. حفظهم الله جمیعاً.
‎عامه پوهاوی او عامه لیکنه.
‎هیله ده چې شخصي یې تصویر نه کړئ.
‎درنښت
ستاسو ورور 👇
‎📝 م ـ سعیدالرحمن (صالح)

Saeedurrahman salih 👈
‎

اخ د کنړ دردیدلیه ولسه 💔
‎د کارغه روژه مو په کوم تعبیر توجیه کړم او کوم نوم ورکړم؟
‎له چا مو زده کړل او له کومه مو دغه د فرعون دستور د کنړونو تر سینې راورساوه؟
‎پر کومې نشې اخته یاست ولې مو د وحشي دریندګانو پر قدم قدم کېښود او نړۍ ته مو داسې بېلګه وړاندې کړه چې د ټول افغان ملت سر مو خپو ته ښکته کړ؟
‎ولې او په څه نظره شوﺉ ؟
‎د یو ماشوم وژل په داسې بې‌رحمۍ زړه اره اره کوي،
‎د کاڼي په څېر زړونه اوبه کوي له خاموشه سینو د درد چغې وباسي حیران یم چې څه ولیکم او له کومه یې پیل کړم.
‎افسوس بیا هم افسوس.
‎دغه حیوانات به هم د مسلمانۍ دعوه کوي،
‎دوی به هم کور کې برېت ښځو ته تاو کړي وي چې ګوندې موږ نران یو،
‎دوی به هم په کوم جماعت (مسجد) کې دغه دیوسی ککرۍ هغه غیرتي رب ﷻ ته ښکته پورته کړی وی چې د دوی له هر حالته خبردار دی او له څاره یې محفوظ نه دی.
‎والله چې د فرعون (علیه اللعنة) تېر یاد یې تازه کړ،
‎ماشوم د مور او پلار سربېره یې بلها مؤمن ولس وژړاوه.
‎کنړۍ میندو په ذهنونو کې یې یو وار بیا دغه ګنده ذهنیت ترویج کړ چې خپلو بچیو ته دغه سپارښتنه وکړي چې جماعت . مدرسې او مکتب ته مه ځئ دلته د انسانیت تر عنوان لاندې لیوان مو ونه داړي.
‎دلته د راغلي امن دشمنانو نړۍ ته وښودله چې موږ ته امن مهم نه دی. دلته دې د شهیدانو کورنۍ زنانه په یوازې ځان د یتیم بچي سره یوازې ډاکټر غم او ښادۍ ته نه ځي.
‎ــــــــــ
‎د داسې وحشي درینده‌ګانو د جرړو ویستنې لپاره پر امنیتي ارګانونو غږ کوو چې ورځ او شپه پر ځان یوه کړي په پوره دقت او کره څار دغه داړونکي وحشیان د جیل په موقتي دروازو مه محدودوئ بلکې علني یې د رب ﷻ محکمې ته ولېږدوئ څو د راتلونکی نسلونو لپاره د پند او عبرت روڼ انځور وګرځي.
‎
📝 م سعیدالرحمن (صالح)
#وحشت
#ظلم
Saeedurrahman salih 👈

کیسه ګۍ او دردونکي خاطره💔.
‎یو وخت د نن ورځې یتیم نارنج باغ د دارالعلوم په دروازه کې یو د لوړ قد او غټو ویښتانو ځوان د یو څه ماډرن او سټایلیش هلکانو سره په دغه انداز را دننه شو چې لومړۍ پوښتنه یې داسې وه.
‎دا د مفتي سردار ولي مدرسه ده؟
‎هو مهرباني، خدمت مو؟
‎راغبرګه یې کړه موږ یې ملاقات ته راغلي یو که مو د ملاقات زمینه ورسره برابره شي؟
‎له ستړي مشۍ او روغ بړ وروسته د مدرسې دهلېز ته دننه شول. هغه وخت د مدرسې په منځ کې د سیمنټو او اوسني فرش شوي میدان فضا د کرچ بې‌لحاظه زورونکو تیرو کاڼو نیولې وه.
‎د دوی د راتګ سره سم د مدرسې ټولو اراکینو او شاګردانو یې مجلس ته په راتګ سره د ملاقات لېوالتیا په مینه ناکو څهرو کی لا له ورایه ښکارېده یوازې د شیخ صیب یې څنګ کاوه (ځان ساته).
‎د شیخ سردار ولي (رحمه الله) سره د ملاقات په وخت یې ورته کړل قاري صیب مفتي صیب په ځای دی؟
‎شیخ صیب ورته کړل هو کښېنئ رب ﷻ به خیر کړي.
‎یوه ملګري ته شیخ شهید و غږ کړه .
‎وړکیه احمدشاه خان راخبر کړه.
‎ شیخ احمدشاه حفظه الله له راتګ سره سم شیخ سردار ولي رحمه الله ته یې په دواړو لاسونو لکه د سیاسیونو د اشارې په معنا لاس ونیو او ورته یې جَوته کړه چې همدغه شیخ سردار ولي دی رحمه الله.
‎د لږ خاموشۍ او اوږدې ساه اخیستنې وروسته یې پر سترګو کې د محبت اوښکو لکه د هوسۍ زغلنده او چټک غبرګون له ورایه د مینې او صمیمیت مزل لنډاوه.
‎بیا یې د احوال‌پرسۍ خواږه سره تبادله کړل.
‎وروسته یې د راتګ لامل روښانه کړه چې موږ اسټرالیا کې لوبې درلودې زړه مې یو څه تنګ شو بهر ووتلم د یو اسلامک ډیټا سنټر مې اسلامي ډیټا وغوښته هماغه وه چې ستاسو له هر اړخیزو بیانونو یې مستفید کړو خیر دې یوسي.
‎له هماغه وخت وروسته مې د ځان سره عهد وکړ که دغه د جادوګر غږ خاوند د هر هیواد وي ملاقات یې راباندې لازم شو او خامخا به ورځم.
‎د وخت په مدار خبر شوم چې دغه د نرم او مرحمي دریځ څښتن او د هسک مرال او نبوي اخلاقو رڼه هنداره د دردېدلي او کړېدلي خو د غیرتونو او میړنیو د ټاټوبی افغانستان اوسېدونکی دی.
‎مینه مې ورځ تر بلې زیاتېده هیلې مې غوړېدې او د لقاء لپاره مو د ساعتونو شمار د ګوتو پر څوکو کاوه.
‎بختور یو چې ستاسو له شتونه مو هیواد برخه‌مند دی.
‎شیخ صیب ترې مننه وکړه او ورته یې د دوی له لوبو او تېر ژوند پر تړاو مهم او کره معلومات ورکړل.
‎دوی حیران شول او یوه یې یو بل ته له لیدلو وروسته ورغبرګه کړه مفتی سیب لکه چې لوبې هم څارئ...
‎ــــــــــــــــــــ
‎دغه راغلی دَ اوس وخت د کرکټ سابقه لوبغاړی او د رنځ پر بستر پروت شاپور ځدراڼ ؤو د روغ صحت څښتن دی شی . او ترڅنګ یې حمید حسن، نجیب ترکی او د کرکټ نور لوبغاړي وو.
‎هسې مې رایاد شول.
‎ډېره دردونکې ده چې د یو داسې چا بې‌برخې یو چې په نړۍ یې د جادوګر غږ راج او باج ؤو او دی 😭
‎رحمه الله رحمةً واسعة 💔

📝م سعیدالرحمن (صالح)
‎
#درد
#تاریخ
#خاطره
Saeedurrahman salih 👈

دسلفی علماؤ تجمع او پر یوه ټغر راټولېدنه .

‎نن پنج شنبه د 1405/2/17 هـ ش د سلفی دعاتو تر مابین ماهانه ناسته کې د هیواد په کچه د علمی پرمختګونو له راڼه ستورو برخه مند وو .

‎د مجلس تمرکز او مهم اهداف .

‎1/ د نویو مهاجرینو راتګ ته ښه راغلاست او هر کلی .
چې په راغلیو مهاجرینو کي د دعاتو په نمایندګۍ شیخ طیب الله پلرني ټاټوبي ته په راتګ د ټولو مهاجرینو په نمایندګۍ د خوښۍ اظهار وکړ او د علماؤ له شوری او نظام یې د پر وخت خدمت مننه وکړه .

‎2/ د اتفاق، اتحاد او له یوه منبره د راڼه دعوت په لور د نبوي اخلاقو او روڼ مسیر تعقیب .

‎3/ په اوس وخت کې ټولنې ته متوجې فتنې او مشکلات لکه ځانځاني، الحاد، تردید النصوص، فتنة الشهوة، انتشار الفواحش، د ډلو او جماعاتو ایجاد، د نظام په خلاف د خلکو هڅونه او راپارول ... او داسی نورو فتنو ته د ځوانانو، علماؤ او دعاتو متوجه کېدل وو .

‎په نوموړي مجلس کې د کنړ سربېره د ننګرهار او کابل له علماؤ او دعاتو هم برخه مند ؤو حفظهم الله جمیعا 💝.

‎د نوموړي مجلس کوربه توب د استادانو استاد او د سلفی عقیدې ریښتونی ماڼو شیخ ابو ادریس خوشحال خان حلیم حفظه الله علمی مرکز کې وو .

م سعیدالرحمن (صالح)

#اتفاق
#دعوت
#سلفیة

ملګــــــري او غلیمان 😏
د ورځنیو مصروفیاتو تر څنګ مو خامخا لږ وخت د خارجي کتابونو مطالعې ته ورکړﺉ،
تر څو د ژوند په چارو کې مو کره والی او روڼوالی لا ښه جَوت شي.
‎د خبرو تسلسل. د خبرې ځای . او د مشروع حاضر جوابۍ له خوږو به په کامله معنا بډایه یاست.
نو له همدې امله ‎دغه کتاب (ملګري او غلیمان) به مو د ملګرتوب په نامه له تاسو سره مله ستاسو بد اعمال درته لکه د وړو او ویښتو جلا کړي.
‎په ملګرتوب کې به مو لا ویښ کړي او له به د یو ځیرکه ځوان او دوست روحیه خپله کړئ.
‎له هغه ازغې دارې ونې له سیوري به مو د یو ارام ساحل پر غاړه د یوې داسې ونې تر سیوري دمه کړي چې هم مېوه او هم به د ارام ورکوونکي یخ سیوری برخه‌مند یاست.
‎نو هر ځوان یې وګورئ .
ترڅو د ملګرتوب په نامه د بلها ځان‌خوښو له تورو څېرو درته د مکر او فریب دوه‌مخیزه توره پرده پورته کړي.
‎وبه وینئ بلها تورې څېرې چې دوستان نه بلکې ښاماران دي.
‎صرف موقع د ټَـک درکولو ته مو منتظر او تم دي.
‎حفظکم الله جمیعاً من الرفاقة الدنیة.

#ملګرتیا
#مطالعه