Geology Special Batch 56 – Al-Azhar University
Capturing our best memories and unforgettable moments 📸
الفيديو ده عبارة عن مجموعة ناس كانوا محترمين جدًا في التربية العسكرية…
بس اللي عمل المونتاج كان له رأي تاني 😂😂
#ذكريات ❤️
30/05/2026
والامتحان بكره …🙂
#الامتحانات
27/05/2026
عيدكم مبارك 🌙
وكل عام وأنتم بخير ❤️
يارب أيامكم كلها فرحة وراحة بال ونجاح
ويجمعكم دايمًا بأحبابكم على خير 🤍
عيد سعيد عليكم وعلى كل أحبابكم ❤️
❤️
اللمة اللي كانت بتعدّي أصعب أيام الجامعة 🤍😂
#جامعتنا
سألنا الدفعة سؤال بسيط… والإجابات كانت عبثية شوية 😂🤍🎓
#جامعه #كليه #امتحانات #تخرج #دفعة2026 #ريلز #ضحك #جيولوجيا
الناس بتذاكر قبل الامتحان…
وإحنا بنظبط التشكيلة ونتوكل على الله 😂📚
#جيولوجيا
#امتحانات
😂
من أول سنة لآخر سنة… نفس الأمنية ما اتغيرتش 😂
اللهم الزواج العاجل 🤍
#دعاء #الجامعة #ترند #كوميديا
15/05/2026
في دكاترة بتشرح المنهج…
وفي دكاترة بتخليك تحب العلم نفسه ❤️
الدكتور عبدالجليل هويدي 🤍
Abdel Galil Hewaidy
بصراحة مهما كتبنا كلام… مش هنوفي حضرتك حقك أبدًا ❤️حضرتك من الشخصيات اللي فعلًا أثرت فينا كلنا، سواء بعلمك أو أخلاقك أو احترامك الكبير للعلم والطلبة 🤍
قيمة وقامة علمية كبيرة جدًا، ومن أفضل وأحب الدكاترة لقلوب الطلبة ❤️
دكتور يشهد له الجميع بالعلم والأخلاق والاحترام والالتزام، وحرصه الدائم إن الطلبة تستفيد وتتعلم صح.
ويمكن من أكتر الحاجات اللي كانت مميزة فعلًا…إن حضرتك مكنتش مجرد دكتور بيشرح وخلاص،لا… حضرتك كنت شخص بيحب اللي بيقدمه وكان بيبان في كل كلمة وكل معلومة وكل مجهود ❤️
ومن أكتر الحاجات اللي فرقت مع دفعتنا فعلًا…
إننا كنا أول ناس نوثق المحاضرات ونشاركها على يوتيوب عشان الكل يستفيد 🎥❤️
والفكرة فعلًا نجحت بشكل كبير جدًا بفضل الله ثم بفضلك وبسبب شرح حضرتك الدقيق وأسلوبك المميز في توصيل المعلومة 🤍
والموضوع مبقاش مقتصر على طلبة القسم أو الكلية بس…
لا، ناس من أماكن كتير جدًا كانت بتتابع المحاضرات وتستفيد منها ❤️🌍
حضرتك من الدكاترة اللي أي طالب يفتخر إنه اتعلم على إيديهم،❤️
وكل واحد فينا أكيد طلع من محاضرات حضرتك بحاجة مفيدة سواء علم أو نصيحة أو حتى طريقة تفكير مختلفة ❤️
فشكرًا لحضرتك على كل تعب ومجهود وصبر معانا طول السنين دي 🤍
وشكرًا إن حضرتك كنت سبب بعد ربنا في إن ناس كتير تحب المجال وتفهمه بشكل صح ❤️
وربنا يبارك في صحتك وعلمك وعمرك يا دكتور ويرزقك راحة البال والسعادة والرزق الواسع 🤍
ويجعلك دائمًا منارة علم ينتفع بيها الناس ❤️
وربنا يجزيك عن كل طالب علمته وكل دقيقة تعبت فيها كل خير 🤍
ويكتبلك الأجر والثواب ويجعل كل اللي قدمته في ميزان حسناتك يارب ❤️
وفعلًا حضرتك سبت بصمة كبيرة جوانا كلنا،وبصمة عمرها ما هتتنسي ❤️
وباسم الفرقة الرابعة جيولوجيا خاصة 🤍
بنقول لحضرتك:
شكرًا على كل شيء… وربنا يجزيك عنّا كل خير 🌹❤️
10/05/2026
“فاينل العملي الأخير من العام الأخير” 💔
“إحساس رابعة كلية” 🙂💔
يعني بجد مش عارف أنا حاسس بإيه بالظبط…
مبسوط؟ زعلان؟ خايف؟ مستني أخلص؟ ولا عايز الوقت يقف شوية؟ 😂
طب أنا كبرت إمتى أصلًا؟
إحنا لسه داخلين الكلية من يومين وبنسأل السكاشن فين 😭
طب إزاي هتخرج رسمي كدا خلال كام شهر؟
يعني خلاص مفيش:
“هنبدأ من الترم الجاي”؟ 😂
طب أنا عايز أتخرج دلوقتي عشان زهقت…
بس أول ما أفكر إن فعلًا دي آخر سنة أقول:
لا يعم استنى شوية 😭💔
طب الكارير؟
هشتغل إيه؟
وإزاي؟
ومين أصلًا أقنعني وأنا داخل الكلية إن “الجيولوجيا مستقبل”؟ 😂⛏️
طب صحابي؟
هنفضل زي دلوقتي؟
ولا كل واحد هياخده طريق ونبقى ناس بتنزل لبعض ستوري “وحشتوني” وخلاص؟ 😭
يعني إيه شهر ٩ يعدي من غير تجهيزات كلية؟
وشهر ١٢ من غير ضغط فاينل وميد؟
يعني مفيش حد يقول:
“ذاكروا يا جماعة الامتحان قرب”
وأنا مطنش عادي؟ 😂
طب فعلًا الكلية هتطلع أحلى أيام حياتنا؟
ولا إحنا مش حاسين بقيمتها غير دلوقتي؟ 🥺
إزاي كل التفاصيل دي هتبقى مجرد ذكريات؟
البنشات…
السكاشن…
الخروجات…
الرغي قبل الامتحان…
الضحك اللي وسط الضغط…
حتى الناس اللي كانت بضان شوية هنفتقدهم والله 😂💔
وفجأة استوعبت إن…
إحنا بقينا “الدفعة الكبيرة” 😭
الناس اللي كانت تايهة في أولى بقت دلوقتي بتقول للدُفعات الأصغر:
“متقلقوش يا جماعة كله بيعدي”
وإحنا أصلًا مش عارفين عدى إزاي 😂😂
أربع سنين عدوا بسرعة بطريقة مرعبة…
في ناس دخلت حياتنا وبقت جزء من يومنا،
وفي لحظات كنا فاكرينها عادية وطلعت أجمل من أي حاجة ❤️
يمكن كنا طول الوقت بنقول:
“إمتى نخلص؟”
بس أول ما النهاية قربت…
اكتشفنا إننا متعلقين بكل حاجة فيها 🥺💔
دفعة جيولوجيا خاصة ❤️⛏️
يمكن كنا أكثر دفعة بتصيح…
بس أكيد كنا أكتر دفعة ضحكت وعاشت ذكريات 😂🤍
ربنا يديم الصحبة الحلوة دي علينا جميعًا ❤️
#هي