3lomangy

القاعدة رقم ٨ لطلبة علوم الجُدد:

اختيار شريك المعمل في السكاشن أهم من اختيار شريك حياتك.

هو أي حد داخل علوم لازم يتعلم هندي؟ 😂

هالو ماي برادر
توداي وي ويل ايلاصتريت

القاعده رقم ٦ لطلبة علوم الجُدد

ركز ف محاضرات الكيمياء وبيض ورا الدكتور كل كلمه ومتقولش لما اروح هدور يوتيوب وبتاع علشان مش هتلاقي غير هنود وباكستان

القاعدة رقم ٥ لطلبة علوم الجدد.

الكلام دا موجه للرجاله اخواتنا، هتلاقي بنت حلوة وجميلة وهتقع في حبها، اعرف انها قسم حيوان، بلاش تكراش عليها وتفضل تعلق أمالك اوي لأنها في الاخر هتطلع مخطوبة وهتبقا المعيدة اللي بتدرسلك كمان، وابعد عن بنات القسم دا هما حلوين بس غـ..دارين وهبة تشهد علي كده، طبعاً أنت لسه متعرفش مين هبة بس هتبقا تعرف.

القاعدة رقم ٤ لطلبة علوم الجدد.

هتاخد مواد عملي تخص الميكروبيولوجي وزولوجي ، اوعى تحفظ الشريحة بألوانها عشان هتيجي في الامتحان وتلاقيها بدل ما كانت صفرا هتبقا حمرا.

بالنسبه للقاعده رقم ٣ الخاصه بسكاشن الفيزياء
هييجي واحد محنك يشغل دماغه ويفكر نفسه اينشتاين الغلابه وضميره حي مش عايز يفبرك وشغال طول السنه بما يرضي الله
هيجيب كحكة ف العملي واسأل مجرب
انا كنت ببات ف السكشن علشان التجربة تطلع صح واصحابي اللي فبركو مشيو قبل نص الوقت وراحو يفطرو وانا قاعده بفطر عواقب افعالي مع التجربة
لما وصلنا امتحان العملي لقيت نفسي جايبه ٤ من ٢٠
حلفت لاعتمد الفبركة الترم التاني ف الكهربية ودخلت رصيت اللي حافظاه جبت ١٩ من ٢٠
انا مش بضللكو يا ولاد لو خيروني بين اني اشتغل التجربة او افبركها هفبركها طبعا بدون نقاش

القاعدة رقم ٢ لطلبة علوم الجُدد
ودى قاعدة مهمة أوى فيه مادة اسمها
(تحليلية)هتشتغلوا فى المعامل titration (معايرة يعنى بالسحاحة) هتلاقى المعيد والدكاترة يقولك لازم تكون مظبوطة وبتاع وتشتغل ٣ مرات ، بص بقا انت هتشتغل مرة واحدة هيطلع معاك رقم تزود بعده واحد من عشرة وقبله واحد من عشرة وكدة اكنك اشتغلتها ٣ مرات او اعمل زى صاحبى الى بينقلها فى اخر السكشن وخلاص

القاعدة الأولى (١) لطلبة علوم الجُدد

وأنت شغال فى المعمل هتلاقى ساعات فى الخطوات يقولك حط مثلاً drop by drop (نقطة ب نقطة يعنى ) لو سمعت حد من زمايلك فى السكشن قالك سيبك يعم وحط شوية حلوين.
امسك فى الشخص دا وشغله معاك لحد اخر سنة

حليت الاسئلة كلها بالعناصر بالشرح والمفروض اجيب إمتياز
الدكتور آللي بيصحح :

لما اركب مواصلات وانا راجع من امتحان الميدترم وحد يقولي خد ٣ من العشرة

عاملين جروب للدفعة كلها
وجروب تاني للدفعه كلها معرفش ليه
وجروب لكل جروب
وجروب للسكاشن
وجروب خاص بكل مادة
وجروب للحاجات المهمة
وجروب للكلام اللي ملهوش لازمة
وجروب من غير الدكاترة
وجروب من غير الدكاترة والمعيدين
وجروب من غير الدكاترة والمعيدين و مندوب الدفعة 🙂

يعنى لما انا محتاج حد يشرحلى الجدول
هعمل إيه فى المنهج؟