Mohamed Reda - محمدرضا

اللي بتفتكره نهاية ... ممكن يكون أول فصل في قصة عظيمة

أول ما سعيت بين الصفا والمروة، حسّيت إن المسافة أطول مما كنت متصور. في اللحظة دي افتكرت السيدة هاجر رضي الله عنها، وهي لوحدها تمامًا في صحراء قاسية، ومعاها طفل رضيع بيبكي من العطش. مفيش لا أكل ولا ميّه، ولا أي حد يساعدها. ومع كده، راحت من الصفا للمروة ورجعت بينهم سبع مرات.

هي ما كانتش بتسعى بس علشان تلاقي ميّه، كانت بتسعى علشان قلبها كله خوف على ابنها وإيمان بالله. هي كانت عارفة إن مفيش ميّه قدامها، بس كانت كل مرة تروح وترجع كأنها بتقول: "يا رب، أنا مش هقف… أنا بدق كل باب وبستعين بيك." ولو ما ظهرش زمزم في السعي السابع، كانت هتكمل للسعي الثامن والتاسع والعاشر بنفس الرجاء والدعاء.

القرآن الكريم بيعلّمنا إن قيمة حياتنا مش في النتيجة بس، لكن في السعي نفسه. ربنا سبحانه وتعالى قال:
"وَأَنْ لَيْسَ لِلإِنْسَانِ إِلَّا مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاءَ الأَوْفَى"

يعني حتى لو حاولت مرة وفشلت، ده لسه مش سعي حقيقي… السعي هو إنك تكمّل وتبذل جهدك، حتى لو الطريق شكله مسدود. أنت مش بتسعى علشان توصل بس، أنت بتسعى علشان ربنا يشوف سعيك. وجزاء ربنا مش بالضرورة الحاجة اللي أنت متوقعها، لكنه أكيد الأنسب ليك والأحسن ليك.

زي ما هاجر سعت سبع مرات بين جبلين، في الآخر الميّه ما طلعتش من الجبال نفسها، طلعت من تحت رجل سيدنا إسماعيل. الرسالة إنك اسعى وخلّي قلبك مطمّن… لأن اللي بيجازيك هو رب العالمين.

ربنا كمان قال:
"وَمَنْ أَرَادَ الْآخِرَةَ وَسَعَى لَهَا سَعْيَهَا وَهُوَ مُؤْمِنٌ فَأُولَئِكَ كَانَ سَعْيُهُمْ مَشْكُورًا"
وقال: "فَمَنْ يَعْمَلْ مِنَ الصَّالِحَاتِ وَهُوَ مُؤْمِنٌ فَلَا كُفْرَانَ لِسَعْيِهِ وَإِنَّا لَهُ كَاتِبُونَ"

يعني كل جهدك مش بيروح هدر أبدًا. فاسعى في شغلك، في أحلامك، في طاعتك، وفي كل خطوة بتقربك من الله… اسعى بقلب راضي، وسيب النتيجة على ربنا. لأن اللي شايف سعيك هو اللي هيجازيك، وجزاؤه دايمًا أحسن وأعظم من كل اللي كنت بتتمنى.

في ناس كتير زي علي… عباقرة بالفطرة بس الظروف حرمتهم من أبسط حقوقهم.
أنا مؤمن إن كل واحد فينا محتاج فرصة… وأجمل وأهم فرصة ممكن نقدمها هي فرصة التعليم.

اللي زي علي لو اتوفرتله الفرصة، حياته كلها هتتغير، وهيفتح لنفسه باب لمستقبل تاني خالص.
وعشان كده، بحكم شغلي في مجال التعليم، قررت أخصص جزء من وقتي ومجهودي في عمل تطوعي عشان أوفر الفرص دي… سواء من خلال جمعيات، شركات، أفراد، أو حتى الحكومة.
والحقيقة في جهات وأشخاص عندها مسئولية مجتمعية حقيقة بتقدمها ودا اللي محتاج يزيد الفترة الجاية

بدعوة من ربنا إن يوفقنا ونقدر نوصل لعدد أكبر من الأطفال اللي محتاجين.

ولو تعرف حد يستحق فرصة حقيقية للتعليم، ماتترددش تبعتلي… يمكن نكون سبب في تغيير حياته
#فرصة تعليم

أرجوكم بلاش تدخلوا عيالكم ثانوية عامية 👇👇👇

من أخوكم محمد رضا، كلمة من القلب لكل أب وأم بلاش تحطوا عيالكم في قالب مش بتاعهم!.

إحنا اتربينا على إن الثانوية العامة هي السكة الوحيدة اللي بتوصل للمستقبل.
بس الحقيقة؟ الدنيا اتغيرت، وكل يوم بتتفتح أبواب جديدة، وشغلانات كانت زمان مش محسوبة… بقت النهاردة فرص حقيقية.

أنا مش جاي أقولك ما تدخّلش ابنك ثانوية عامة،
لكن جاي أقولك: متدخلهوش وخلاص…
اسأله: هو حابب إيه؟ موهوب في إيه؟ بيحب يشتغل بإيده؟ ولا بيحب الكمبيوتر؟ ولا نفسه يكون بطل رياضي؟
مفيش حاجة اسمها "كله لازم يعدي من نفس الباب". الباب اللي نفع معاك زمان… ممكن يبوظ لحد تاني دلوقتي.

فيه بدائل كتير ومحترمة جدًا… وبتدي فرص حقيقة للشغل والنجاح والنمو:

🔧 مدارس التكنولوجيا التطبيقية
مدارس زي العربي، WE، الإنتاج الحربي، فولكس فاجن…
ولادك هيتعلموا حاجات مطلوبة في السوق، وياخدوا تدريب عملي في شركات كبيرة،
وفي الآخر؟ يا إما يشتغل، يا إما يكمل جامعة لو عايز.
يعني مستقبله في إيده.

مدارس التعليم المزدوج
اللي بيدرس وبيشتغل وهو لسه طالب… بياخد مرتب، بياخد خبرة، وبيطلع السوق فاهم وعارف.

مدارس عسكرية
لو ابنك عنده كاركتر وشخصية قوية، ليه ما يدخلش في مجال عسكري من بدري؟
واضح، منظم، وبيفتحله مستقبل محترم.

مدارس رياضية
الولد اللي بيحب الكورة أو أي رياضة، ليه تطفيله حلمه؟
المدارس دي بتديله تعليم كويس وتدريب قوي… وممكن يبقى بطل قد الدنيا.

مدارس بتخصصات نادرة
زي الضبعة للطاقة النووية، مدرسة الذهب، المدارس الفندقية…
شغل مضمون، تخصص نادر، وفلوس حقيقية.

للأسف… ناس كتير بتدخل ولادها ثانوية عامة وهما مش مستعدين،
ويضغطوهم، ويضيعوا ثقتهم في نفسهم… وفي الآخر لا طب، ولا هندسة، ولا سعادة.

لكن لما تمشي مع ابنك في طريق هو بيحبه،
هتشوفه ناجح، واثق من نفسه، ومبسوط.

وبقولها لكل أب وأم ارجوك
ماتفرضش على ابنك حلمك…
سيبه يكتشف طريقه، واسنده بدل ما تزقه في سكة مش بتاعته.

ولو انت طالب / طالبة
اعرف إنك مش لازم تمشي ورا القطيع.
اعرف نفسك، واسأل عن البدائل، وشوف إيه ينفعك إنت… مش الناس.

ولو تايه اكتب ليا جايب كام وبتحب إيه وعايز تتعلم إيه واقولك تعمل ايه

لما تبقى نمبر وان… الدنيا كلها تقفلك وتقولك "اتفضل"! 👑🔥

كريستيانو رونالدو مش بس نجم كورة… ده تعريف كلمة شغل على النفس.
الراجل حرفيًا بيقبض بالأرقام اللي مش ممكن تتخيلها، وده مش عشان الحظ،
عشان سنين تعب وتضحية والتزام.

📊 شوف التفاصيل المجنونة لعقده الجديد مع النصر:

178 مليون يورو في السنة

3.4 مليون في الأسبوع

15٪ من ملكية النادي

بونص توقيع يوصل لـ 38 مليون

80 ألف عن كل جول

40 ألف عن كل أسيست

8 مليون لو كسب الدوري

4 مليون لو خد هداف الدوري

6.5 مليون لو فاز ببطولة آسيا

طيارة خاصة ومصاريفها على النادي

60 مليون من رعاة وشركات في آسيا

غير فريق كامل حواليه:
3 سواقين – 4 بيخدموه – 2 شيف – 3 بستانيين – 4 حراسة شخصية 😮‍💨💼

---

اللي بيوصل للنجومية دي مش محظوظ… ده اختار يتعب بدل ما ينام، يشتغل على نفسه بدل ما يشتكي.
فكر كده…
لو انت كل يوم اشتغلت على حلمك، طورت مهاراتك، وسعت بجد…
ممكن جداً يجيلك وقتك وتلاقي الكل بيقولك "إحنا في ضهرك".

أزاي تتعلم الماني من الصفر ؟
شاب من جامعة ازهرية وبيغير مجاله .ويتخصص في تعليم لغة صعبة ومش سهل تتعلمه وكمان يعمل مبادرة لتعليم الماني بطريقة كلها العاب وحاجات مختلفة ..تشد اي حد وتشجع اي حد يتعلم .
لما بيقولي انه علم اكتر من 20 الف شخص يتعلم الماني من خلال شغله ..كنت مستغرب ازاي عمل كدا وبامكانيات بسيطة عرف يعمل دا
ودااللي هيحكه في الحلقة في بودكاست نواة وبيتكلم عن تجربته وازاي غير مجاله وبيعلم الناس الماني ..
لو نفسك تتعلم الماني وياست فانصحك تتفرج علي الحلقة ..لو عايز تعرف ازاي تبدا وتايه ..فالحلقة فيها خلاصة خبرة واحد عالمي في تعليم اللغات
.الحلقة في اول تعليق

📣 لكل خريج تربية، أو أي حد حابب يبدأ طريقه في التدريس... الحلقة دي معمولة ليك!

في الحلقة الجديدة من بودكاست نواة، اتكلمنا عن:
✅ إزاي تبقى مدرس شاطر وتطور نفسك بسرعة
✅ المهارات اللي بتميز المدرس المطلوب في المدارس الدولية
✅ إزاي تلاقي شغل بسهولة في مدارس خاصة أو دولية داخل مصر أو براها
✅ وأهم الأخطاء اللي لازم تتجنبها في بداية مشوارك

لو لسه متخرج أو بدأت تدريس ولسه مش لاقي طريقك، اسمع الحلقة دي قبل أي خطوة 👇
🎧 https://www.youtube.com/watch?v=cuXrCPwv5bs&t=38s

ومتنساش تعمل منشن لأي صاحبك خريج تربية أو بيدور على فرصة حقيقية ✨

خريطة النجاح للمدرسين الجدد في الحلقة دي من بودكاست نواة، هنرسم مع بعض خريطة النجاح لأي مدرس جديد نفسه يبدأ بداية قوية، سواء في مدارس خاصة أو دولية، داخل مصر أو براها.لو أنت خريج تربية ...

أنا اشتغلت مع مديرين مدارس وزرت مدراس كتير في مصر وبرا مصر بحكم شغلنا في EduVation بنشوف تجارب مدارس لمدارس كتير
بس من التجارب اللي شفتها وسمعت عنهم كتير واللي حبيت اتكلم عنها ف بودكاست @ نواة

وهي تجربة Engy Nada عن إدارة مدارس تعليمية عمرها اكتر من ٣٠ سنة وكمان ازاي شغالين علي تدريب المعلمين والبرامج اللي بتتعمل ..وازاي شغالين علي تطوير الطلاب مش بس مناهج..لا دول بيعملوا لهم حاجات تساعدهم في مستقبلهم
ودا اللي ركزت عليه في الحلقة ..ان أشرح خلاصة خبرة إدارة سلسلة مدارس دولية قوية في مصر وتجربة ملهمة ..وكمان عن تجربة تدريب المدرسين وكمان التعامل مع الطلاب وأولياء الأمور.

لينك الحلقة :
https://youtu.be/CSWsIv7mEOM

يا شباب الدراسات العليا والباحثين...

أنا عارف العذاب اللي بنعيشه وإحنا بنكتب الـ Literature Review، وكم الوقت والضغط النفسي اللي بيضيع على قراءة مئات الأوراق العلمية علشان نوصل لصياغة مفيدة ومركزة.

جربت أداة اسمها Undermind.ai، وبصراحة لازم أشاركها معاكم، لإنها وفّرت علي شهور من الشغل!
أداة ذكية جدًا، كأنك بتتكلم مع زميلك اللي فاهم قوي في مجالك، تقول له: "أنا بشتغل على الموضوع الفلاني"، تلاقيه بيرد عليك بـ:

أهم الدراسات في المجال

ملخصات منظمة ومصادر موثوقة

أفكار لفجوات بحثية تقدر تشتغل عليها

وتحليلات تربط لك التخصصات ببعض كمان!

واللي عاجبني فيها جدًا إنها مش مجرد ملخصات، لا، كل نقطة تقدر ترجع لمصدرها الأصلي وتتأكد بنفسك.

دي مش أداة رفاهية… دي أداة بقت جزء من أدوات الباحث العصري.
سواء ماجستير، دكتوراه، مشرف، أو حتى مهتم بفهم المواضيع المعقدة بسهولة... لازم تجربها.

ودي لينك التجربة:
https://www.undermind.ai/

ابدأ بالخطة المجانية وشوف بنفسك.

وقريب هشارك معاكم أدوات ذكاء اصطناعي تانية جربتها بنفسي…
الموضوع مش موضة، ده مستقبل الشغل والإنتاجية.