Ibrahim El-Apgigy

سرعة استجابة جهاز الكمبيوتر تتناسب عكسياً مع أهمية شيت الإكسيل اللي أنت شغال عليه وقرب ميعاد التسليم.

الحاجات اللي بتقلل من رصيدك للشغل:

- التسويف وتأجيل الكورسات لـ السبت الجاي.
- مقارنة نفسك بشخص شغال بقاله 5 سنين.
- خوفك من التقديم على الوظائف بسبب مطلوب الخبرة.

طبيعي جداً تنزل تدريب أو تستلم شغل وتلاقي الواقع مختلف تماماً عن الكتب.. متتخضش

الكلية بتديك الأساس النظري (الخريطة)، لكن النزول للواقع هو اللي بيعلمك السواقة. كل المحاسبين والمديرين الكبار اللي بتشوفهم انهارده، بدأوا أول أسبوع ليهم في الشغل وهم مش عارفين يطبعوا ورقة أو يسجلوا فاتورة بسيطة. السر مش في إنك تكون عارف كل حاجة، السر في إنك تكون عندك قابلية للتعلم وسرعة بديهة. اسأل، اغلط، واتعلم.. محدش اتولد فاهم.

بكرا السبت والواحد ملحقش يتعافي من اسبوع شغل جديد.

بيقولي يابختك بمديرك.

مستغرب انك اتخرجت ومشتغلتش ليه لحد دلوقتي:
- ال CV بتاعك فاضي
- معندكش Linked In
- بتعرف تفتح ال Excel بالعافية
- كورسات أونلاين عاملها Save بقالك سنتين ومفتحتهاش

هاتولي ميزة واحده في الشغل غير اننا بنروح عشان التكييف.

كلمات لازم تشيلها من قاموسك في الشغل وتخليك بروفيشينال!

يا بطل/قمر/ذوق ( يا أستاذ فلان / يا بشمهندس...)
منور الدنيا ( بالتوفيق / مجهودك ممتاز )
ما يغلاش عليك ( العفو / تحت أمر الشغل / بالتوفيق )
علي زوقك ( وفقا للمعايير / حسسب المطلوب )
خليك فاهم الشغل ليه معاير وطريقة محددة بتتعامل بيها، غير قعدتك مع صحابك 👌

في الشغل لازم تتعلم إن الوضوح في الكلام هو أقصر طريق للاحترام،
خلي لسانك عفيف، وحدودك واضحة، وكلامك ليه معنى واضح.

العالم مش بيفتكر الناس اللي عاشت حياة سهلة، العالم بيفتكر اللي تعبوا وهما بيبنوا كيان من مفيش.

مش لازم نكون بنعمل حاجة عظيمة كل يوم، العظمة الحقيقية إننا لسه بنتعامل بـ لطف في وسط اللي بقينا بنشوفه.