Mirna Maher

خلال أكتر من ٦ شهور فاتوا إشتغلت على تأسيس فرع جديد من فكرة مشروعى
Mindful Melodies لتوفير ألعاب مستوردة إلكترونية فى
مش بس فى شكل لاب توب أو موبايل أو أجهزة شبه اللى بيستخدمها الأطباء والمهندسين..بقت بين إيدين أطفالنا بسهولة
ممكن كمان تبقى عربات أو طيارات تعليمية غير تنمية المهارات للبيبيهات فى الشهور الأولى لغاية مايكبروا طبقاً للمواصفات
فلسفة المونتيسوري.

هل أنا وقفت عملى فيما يخص التدريس أو الإنتاج ؟
قطعاً .. لأ .. والإجابة إنكم هتشوفوا تطور مختلف خلال الفترة الجاية إنشالله فى فرع مشروعى الأساسى
Mindful Melodies For Music Education / Production ❤️ بكل شغف لإن فيه تفاصيل كتير أوى بتمنى أشاركها معاكم وماتريال مختلفة الوقت الجاى أن شاء الرب وعشنا لكن محتاجة تنسيق وترتيب

لكن .. أنا بكتب البوست ده عشان الفرع الخاص بالوارد الخارج من الالكترونيات اللى حكيت عنه فى البداية .. لإن الحقيقة دخلت فى الموضوع ده كان من باب الفضول وبغرض بحثى
أشوف تأثير إمكانيات مختلفة لو دخلت حياة أطفالنا فى الدول النامية زى مصر .. هل هتنافس مسكة الأطفال فى الشاشات والموبايلات وخلافه ؟
هل ممكن يكون بأيدينا نحمى الطفولة من ضرر التكنولوجيا الغير المحسوبة من البدرى بدرى كده

إضطرابات كتير هجمت علينا ولسه هنجنى آثارها وعشان كده بكل أمانه وانا بعمل جرد وتطوير فى الأدوات والألعاب اللى بيستخدموها أولادى .. حبيت يكون ليا دور ولو بسيط
إنى أوعى أمهات وأساعدهم يختاروا لأولادهم اللى يفيد وقتهم ويمتعهم بأمان دون الضرر بطفولتهم أو تتسرق براءة وهدوء أيامهم ....
لو حابين تزوروا المشروع من هنا
https://www.facebook.com/groups/744956338282819/?ref=share&mibextid=NSMWBT
Mindful Melodies
وماتنسوش
Mindful Melodies للتعليم الموسيقى الأكاديمي
وستوديو الإنتاج الموسيقى Mindful Melodies Studio 🎙 🎶

مع بداية عام جديد .. وهدنة وبُعد لفترة طويلة من السنة ولسه حبة كمان ... فخورة أنى على مدار ٦ سنين فاتوا أُتيحت لى الفرصة .. إنى أشارك دراستى وشغفى للتأليف والتوزيع الموسيقى .. إنه أتعلم مهارة التدريس ومريت فيها بمراحل كتير ممتنة ليها جداً .. اتعاملت مع كل الأعمار
- ورش للأطفال فى الحضانات
- درست الطلبة فى مدرسة من أقدم وأعرق المدارس فى مصر
ومن هنا إعتزلت .. إنى أتوسع فى إنى أدرس مبادئ الموسيقى النظرية وتخصص البيانو.. سواء كورسات حضور
أو أونلاين سواء جوة مصر أو برة مصر ...

خبرة حقيقة .. مميزة على كل الأصعدة فرقت فى حياة ناس
وناس فرقت فى حياتى .. الأطفال بأسرهم
كان بيشغلنا إزاى الطفل يطلع لقدام بشخصيته المتفردة
والموسيقى جزء من الرحلة دى مافصلنهاش ولا مرة
عن مشاعر الطفل وأفكار وتحدياته كل واحد ليه قصة مختلفة

أحتكيت كمان ب Gen Z
الطلبة المتفوقين اللى درسوا واشتغلوا تبع كليات قمة
بس بيهربوا لهواية وهدف مختلف .. برده كانت رحلة وهتفضل رحلة مميزة جداً على قلبى ومكملين

خلال الرحلة والرسايل الكتير ومن الكلام والنقاشات كتير مع الأهل اللى بيبدأوا مع اولادهم تعليم موسيقى ويتوقفوا لأسباب كتير .. وهنشتغل سوا ... ابتديت أهتم بحتة إنه إزاى لو فيه تروما من طريقة تعلم قديمة صوره مشوهة للطالب عن نفسه وقدراته تمنعه إنه يسعد بالموهبة اللى ربنا حاطه فيها وكل مافى الأمر شويه تراب هننفضهم ونحط برنامج ونمشي عليه

تفاصيل كتير جداً أدتنى معنى مختلف لحياتى
وآن الأوان .. أنه أختلى بنفسى مع دراسة والعمل على مشاريع مهمة.. ولكن أتمنى أقدر أوثق التجارب السابقة اللى مريت عليها سريعاً كده لل٦ سنوات الماضية ..تكون مُسجلة تقدر تفيد أكبر عدد ممكن من المهتمين بدراسة الموسيقى من كل الأعمار
ولا أنسى أنى أتشرفت كتير .. بإنى أديت إستشارات لمُعلمين
تربية موسيقية سواء داخل مصر أو خارجها كانت تجربة لوقت قصير.. لكن أيضا ساعدتنى أبحث من أين تأتى الثغرات ان المدرس يكون عنده شغف وشاطر لكن مش عارف يشتغل على نفسه أزاى ويكون مميز ....

أتمنى إنى أقدر فى وقت ما أوثق التجربة كاملة
سواء فى صورة مقالات.. فيديوهات ودروس مُسجلة
ربما كتب مش قادرة أحدد لمسئوليات ضاغطة الفترة دى

لكن أرحب بأى شخص فارق معاه التوجه ده إنه يقترح اللى شايف فى نفسه انه محتاج منى شئ معين أقدر أقدمهوله ومن هنا تبدأ الخطة إنشالله

لو قريت للنهاية بشكرك أنك خدت من وقتك
وقريت فى خبرة غالية على قلبى

❤️

عايزة أقول أنا بفرح أوى بالناس اللى بتنجح فى الفن والرياضة وأعمال خيرية ملهمة بفرح بالممثلين والمؤلفين والفنانين التشكيليين وراقصى الباليه وأى حد بيدى للحياة طعم ولون
شكراً ومبروك من القلب ❤️

مسؤول / مسؤولة مبيعات وخدمة
عملاء أونلاين – Online Sales & Customer Support
“Social Media Sales
Representative” لو شايف أو شايفة فى نفسك المواصفات ابعتلى رسالة

مستورد وارد الخارج للاستفسار من خلال الرسايل
ضميت النشاط ده لشغلى بهدف توفير وسائل متعة وتعلم للطفل
تنافس الشاشات والموبايلات والتابلت واللجوء للدروس الخصوصية من بدرى بلا داعى .. الجروب معمول مخصوص عشان اساعدكم تختاروا أفضل إمكانيات لتنمية مهارات أطفالكم
الطفل اللى بيتقدمله لعب تعليمية أو تنمية مهارات معظم الوقت
طفل ذكى ومختلف وبيكتشف نفسه أسرع من أطفال تانيين
Mindful Melodies when Fun meets Learning
مش محتاجة أقولكم إن فيه حصريا آلالات موسيقية بجودة عالية جدا .. استمتعوا معايا بمشروعى الصغير بحب كبير ❤️

هنعمل نظام الورشة take away !
مين يحضر
١-أصحاب الجداول المزدحمة
ونفسهم يعملوا حاجة جديدة
٢-الناس اللى بتحب تضيف لمعلوماتها حاجة عن كل حاجة
مش حاجات كتير فى مجال واحد
ها أتحمستوا ؟
تفتكروا أول ورشة هتكون عن إيه ورونى الإبداع
#الورشة