02/08/2025
رسالة من القلب للقلب 💌
أنا عارفة إننا مش بنتواصل بقالنا كتير و ده خلاكي تحسي بغربة عني 🥺
بس كمان عارفة إنك كنتي مستنية اللقاء ده من زمان علشان نتصالح و نفضفض لبعض 🤝🏻
أنا آسفة على كل ألم عشتيه و كل خوف واجهتيه و أنا مش جنبك 😔
سامحيني على طول بعدي عنك إللي أفقدك الأمان و الحنان 😞
أعاهدك من اللحظة أكون أقرب إنسانة ليكي و أوفى صديقة 🫂
أنا أدركت مدى حبي ليكي و قربي منك و قد إيه أنا ممتنة ليكي على وجودك الجميل
و صدق مشاعرك اللي بيساعدنا نتشافى من كل اللي تعبنا زمان 😌
بحبك يا نسختي الصغيرة الجميلة 👧🏻
شكراً من قلبي لقلبك يا أنا 💞
💕
01/08/2025
عاشقات الكرتون 🩷
يا ترى ليه معظمنا بنحب كرتون البناويت الصغيرين زي سالي و هايدي
و مهما كبرنا بنفضل نتأثر بيهم ؟
تعالوا نتفكّر حبة 🤔
هل يا ترى علشان بنشوف فيهم حاجة شبهنا ؟
في الحقيقة إحنا بنتعاطف و بنحنّ لينا إحنا شخصياً 💟
لأن الطفلة اللي بنشوفها بتخاطب جزء مننا محتاج يتواصل معانا و يعبر عن نفسه 🗣️
الجزء المدفون في أعماقنا من سنين بينادي علشان نشوفه و نسمعه و نحتضنه 🫂
كأنها بتنفّس عن مشاعرنا المكبوتة اللي مش عارفين نعبر عنها بحرية 🤭
و بتشاور لنا على احتياجات عاطفية أهملناها لما ما لقيناهاش من أهلنا 😔
عرفتي إن طفلتك محتاجة تحس بحبك ، هل هتكوني لها الأم الحنون و الحضن اللي يحتويها ؟
تعالي أقولك على المكافأة و الهدية اللي منتظراكي 🎁
لما بنتواصل مع الجزء الطفولي مننا و نحتضنه و كأننا بنتبنّاه علشان نشبعه حنان و اهتمام،
بتكون الثمرة العظيمة هي إننا بالفعل بنحب أنفسنا و نُشبع احتياجات إشباعها بيحل لنا مشاكل كبيرة في حياتنا و علاقاتنا 💟
لما بنحب نفسنا بنستكشف جمالنا و قوتنا و نتقبل ضعفنا برحمة فبندخل في حال السلام الداخلي و الرضا و السكينة 💜
هو فيه أجمل و أعظم من كده هدية ؟ 💝
من اللحظة دي انوي إنك تكوني لنفسك الأم المحبة و ابدئي اتواصلي مع طفلتك، اسأليها :
ايه شعورك في اللحظة دي ؟
إيه احتياجك في الموقف ده ؟
ممكن تطلب منك تحضني نفسك 🫂
أو تطلب منك تكتبي لها رسالة حب تطمنيها إنك هتفضلي سندها و أمانها و حمايتها 💌
أو تحسي إنها محتاجة تبكي شوية و تفرّغ ألم جواها و تحكي لك عنه و ترتاح 😌
كل ما زاد التواصل بينكم هتعيشي قصة حب من نوع خاص و هتدوقي أجمل مشاعر ممكن تعيشيها في حياتك 🩵
👧🏻
😍
🩷
11/07/2025
تمرين عملي 💭
و انتِ قدام مرايتك، ايه أكتر وصف بتوصفي شكلك بيه ؟
إيه الجزء من جسمك إللي مضايقك أو بتُحرجي منه و بتحاولي تخبيه ؟
افتكري معايا كده 🤔
مين أول شخص وصفك بالصفة دي و انتِ طفلة ؟ 👀
إيه الموقف إللي خلاكي حساسة و مركزة مع الجزء ده من جسمك ؟ 👀
دلوقت خدي نفَس عميــــــــــــق كأنك أول مرة تتنفسي بهدووووووووء 😌
و خدي معاه قرار بإنك تتخلي عن الكلمة و النظرة و الوصف ده نهائياً 🤚🏻
فرغي مشاعرك بحرية تامة 🌬 و بعدها سامحي كل اللي كان 😇 علشان دي البداية الوحيدة
للتصالح مع نفسك 🫂
إنتِ دلوقت واعية و حرة تختاري قصتك الجديدة اللي هتحكيها لنفسك 🥰
و قادرة تصفي مرايتك من عيون الناس و ترضي عن جمالك اللي ربنا أهداه ليكي و ميزك بيه 😍
🌸
11/07/2025
مرايتي و لا مرايتهم ؟🪞
اتأملي مرايتك كأنها بتحس و بتتكلم معاكي 🗣
يا ترى هي شايفاكي إزاي و بتقولك ايه ؟
طيب لو قلت لك إن الصورة دي مش حقيقية و المراية نفسها هي عيون ناس تانية مش مراية صافية، هتصدقي ؟
صورتنا عن نفسنا شبه قطع البازل puzzle اللي اتكونت على مدار سنين من طفولتنا المبكرة 👶🏻
كل كلمة و كل نظرة و كل تعليق أو حتى إيماءة من الأب و الأم و الأهل "و لو بهزار" هي قطعة منهم أخدناها "على قد وعينا" و بنينا عليها صورتنا الذاتية و صدقناها عن نفسنا و عشنا بيها طووووول عمرنا 😵💫
فإللي اتقال لها: "انتِ جميلة" شايفة نفسها بعين الجمال و إللي اتقال لها: تخينة، منكوشة، مش شبه أختك ليه! ☹️ هتعيش عمرها كله مصدقة عن نفسها الأحكام دي 🗣️.......
لحد ما تقرر تفكك قطع البازل القديمة و تنضف مرايتها و تبدأ في حياتها فصل جديد تكتب فيه أوصافها و مزاياها و تشوف جمالها الخاص بعيونها هي و حبايبها 😍
يا ترى تقدري تنضفي مرايتك و تشوفي صورتك بعين الحب و الجمال ؟
🌸
