Sir Sharaf Academy

صورة عادية … و لكن هناك من تذكر شئ ما 💭🧐😘

مع كامل احترامي للقيمتين و القامتين المذكورين في البوست و المقارنة بينهم
بس مش قادر اوصفلكم ببقا فخور اد إيه لما بيوصلني منشن زي دة و لما أشوف حد سواء معلوم الهوية او مجهول بيذكُرنا بريڤيو حلو زي دة...
ببقا في غاية السعادة و بحمد ربنا دايما إنه وصّلنا للدرجة دي و إن متدربينّا فاكرينّا دايما بالخير و في الخير
شكرآ من القلب لكل حد اتدرب معانا و إفتكرنا بريڤيو إيجابي سواء وصلّنا او لسة موصلّناش 🫶
و ربنا يديمها نعمة و يحفظها من الزوال 🤲❤️

عارف أسوأ كذبة اتباعت لناس كتير في الشغل؟
إنك لازم تبقى شغال طول الوقت… وإن أي لحظة سكون اسمها “كسل” و”تقاعس”

بس الحقيقة؟ انت مش ماكينة. ومش مطلوب منك تشتغل 24/7 عشان تبقى بروفيشنال 🤷🏻‍♂️

فيه فترات بتبقى تقيل، دماغك مش جايبة، أفكارك ناشفة، وبتحس إنك لو ضغطت كمان هتتكسر… وده طبيعي جدًا على فكرة
دي مش نهاية شغفك، دي إشارة إنك محتاج :
“استراحة محارب”

الموضوع ساعات مش محتاج إجازة طويلة… محتاج بريك صغير بس
إنك تشد الفيشة دي مش حاجة مؤذية بالعكس...
دة بدل ما تلاقي نفسك بتتوه في تفاصيل بسيطة، بتأجل، بتغلط في حاجات كنت بتعملها بمنتهى الشطارة ، وبتفقد الحماس و الشغف … وبعدين تلوم نفسك وتقول “أنا مستوايا نزل”
لا يا عزيزي … انت مستواك مش نازل ، إنت بس مُستهلك

في معلومة طريفة بتقول إن دماغك بينتج أكتر و أحسن لما يفصل شوية من البص في التليفون او اللاب توب و التفكير في التاسكات الكتير اللي عندك يعني باختصار زي ما قولت قبل كده : Less is more 👌

الشركات دايما فاكرة إن الضغط المستمر بيزود الإنتاجية
و الحقيقة أنا شايف العكس تماما 🙅

أنا حاولت و لسة بحاول قدر الإمكان اني اخلق بيئة صحية و آدمية في شغلي
و بناءا عليه أقدر أحقق تارجتس مستهدفة على المدى القصير و المدى الطويل بدون خلق عُقد أو اضطرابات سواء نفسية او شخصية للتيم بتاعي
و من كل قلبي... بتمنى أكون حققت دة
و من هنا أحب أوجه الشكر و العرفان و التقدير لكل حد إشتغل معايا في يوم و كان جزء من رحلتنا في سير شرف أكاديمي و أقوله الله يمسيك بالخير و اتشرفت إننا اشتغلنا سوا في يوم
و أخص بالذكر التيم الحالي شركائي في النجاح :
سواء بشغفهم او حبهم او إخلاصهم او اتقاءهم لله في كل خطوة بيخطوها في مجالنا سوا
إنتوا سبب رئيسي في تطور و تقدم و نجاح سير شرف أكاديمي ❤️
لولاكم ما كنّا هنا : Built by people
Tabarak Ahmed
Nira Saeed
Rawan Yousry Shehata
Nehal Elabasy
Abdullah
Marina George Milad
كــــــــادى النحاس
Abdalla ElKzaz
شكرآ من كل قلبي ❤️

أقوى 10 تطبيقات هتخليك تتكلم إنجلش بشكل كويس جدااااا وتمارس اللغة مع natives

1️⃣ Memrise
مخصص لحفظ الكلمات وتحسين النطق زي المتحدثين الأصليين بالظبط

2️⃣ Busuu
مخصص لخطط التعلم المنظمة من اول A1 لحد C1

3️⃣ Lingbe
مخصص لممارسة اللغة مع Native speakers

4️⃣ Beelinguapp
مخصص لقراءة قصص ممتعة لتطوير الفهم

5️⃣ Listening time
مخصص للإستماع بكل مستوياته من مبتدئ لمتقدم

6️⃣ Duolingo
مخصص لدروس قصيرة ولطيفة بأسلوب جذاب

7️⃣ BBC Learning English
مخصص لتحسين الاستماع والمفردات من خلال محتوى أصلي من BBC باللهجة البريطانية

8️⃣ Elsa Speak
مخصص للتطبيق الاحترافي وتطوير النطق و الاكسنت

9️⃣ LingQ
مخصص للتعلم من خلال مقالات، بودكاست، وفيديوهات مع متابعة تقدمك ومستواك

🔟 Tandem
مخصص للدردشة وتبادل اللغة مع ناس من مختلف أنحاء العالم

الإستمرارية على التطبيقات دي هتخلي مستواك في الإنجلش يتغير 180 درجة
ولو حابب تنجز أسرع وتوصل بالإنجلش بتاعك لمستوى كويس جداً، كلمنا و سيب الباقي علينا 🫶

من فرع طنطا... إلى أي مكان بتحلم توصله 🌍
لسة بتأجل تعلم الإنجلش ؟
لسة كل مرة بتقول: "هبدأ الشهر الجاي"؟
يمكن تكون الراوند الجديدة هي الفرصة اللي مستنيها من زمان! ✨
📅 الراوند الجديدة تبدأ يوم ١٥ يونيو يعني بكرة 😍🤩

في الأكاديمي عندنا مش بنتعلم كلمات و جرامر وبس...
إحنا بنتعلم إزاي نتكلم بثقة، نعبر عن نفسنا بطلاقة، ونستخدم الإنجلش في الدراسة والشغل والسفر والحياة اليومية.
✅ تحسين مهارة الـ Speaking والثقة في الكلام
✅ تدريب عملي ومحادثات حقيقية من أول يوم
✅ متابعة مستمرة وفيدباك يساعدك تتطور بسرعة
✅ تجهيز لاختبارات IELTS & TOEFL
✅ أونلاين وأوفلاين حسب ما يناسبك

سواء كنت Beginner أو Intermediate أو حتى محتاج تطور مستواك بشكل professional ... مكانك معانا.

⏳ الأماكن محدودة والـ booking شغال دلوقتي ماتستناش لما تسمع إن الأماكن خلصت...

ابعتلنا رسالة دلوقتي واحجز مكانك قبل اكتمال العدد

كان نفسي أبقا C1👑

كنت متعطل في مستوى B2 لفترة طويلة جدًا
ومهما حاولت أوصل لمستوى C1 كانت دايمًا الحصيلة بتعطلني
اللي هو عارف أتكلم بس بكلمات محدودة وأفكار متكررة وقواعد جرامر مظبوطة بس محدودة بردو 🤷🏻‍♂️

لغاية ما قررت أجرب حاجة مختلفة: قلت لنفسي كل يوم هقرأ 3-5 صفحات بس بالإنجلش... لا أكتر ولا أقل.
اخترت حاجة بحبها بجد ؛ بدأت بـ Comic Books زي
“Diary of a Wimpy Kid”
عشان اللغة حقيقية وواقعية ومضحكة كمان.
أول أسبوع الموضوع كان مُرهق شوية… كان فيه كلمات جديدة كتير، بس قررت ما أترجمش كل كلمة عشان مزهقش وأكمل قراية. وأقف بس عند الكلمات اللي بتعطل الفَهم بشكل عام
وأحيانًا كنت بقرا نفس الصفحة مرة للاستمتاع بس
ومرة تانية عشان أتأكد إني فهمت كويس.

بعدها بدأت أحس إني بتعلم مهارة مهمة جدًا في الإنجلش و هي بالانجلش إسمها Conjecture
او تخمين المعنى من السياق نفسه 🤓

بعد فترة بسيطة حسيت بتغيير كبير:
الحصيلة اللغوية زادت بشكل ملحوظ، لأني بقيت بتعرض للكلمات والجمل الصحيحة مرارًا وتكرارًا ...
نطقي اتحسن، لأني بقيت بقرأ بصوت عالي وأحيانًا بسمع Audio book وأنا بقرأ ، فبدأت أقلد النطق الصحيح بشكل طبيعي وطبعا الكلمة إللي اشك في نطقها اسمعها علي youglish او U dictionary او Meriam Webster

الجرامر بتاعي اتظبط لوحده لأن التعرض للجمل الصحيحة بشكل مستمر بيساعد المخ يخزنها ويستخدمها بعد كده.

بعد 3 شهور بالظبط، مستواي اتحسن بشكل كبير جدًا! أخيرًا بدأت أحس إني بدخل في مرحلة الـ C1.

دلوقتي أنا (Sir Sharaf) بقرأ كتب في مجال التطوير الشخصي والبيزنس زي “Atomic Habits” و “Blue Ocean Strategy”، وعشرات الكتب المتخصصة في مجالي كمدرب لغة ومدرب مدربين وكشخص مهتم بالبيزنس وتطوير الذات و ال personal branding.

نصيحة بجد من القلب:

لو عاوز فعلاً تنقل مستواك من مرحلة B2 لمستوى C1، أو من A2 لـ B1 و B2 أو حتى تبني حصيلة لغوية قوية، ابدأ القراءة النهاردة. اختار حاجة بتحبها فعلًا:
•قصص قصيرة (Short Stories)
•روايات بسيطة (Novels)
•كتب كوميكس زي Wimpy Kid وغيرها
•أو حتى مقالات في مجالك الدراسي

كل ده هيخليك تستمتع بالقراءة ، ومن غير ما تحس عقلك هيبرمج نفسه صح على اللغة
و هنا بييجي دور الاستمرارية اللي من غيرها كل دة ملوش اي لزمة 👌

ها ، جاهز تبدأ قراءة ؟

ولو محتاج ترشيحات كتب أو مصادر تساعدك، إسأل شات چي بي تي السؤال دة :
Recommend me Some series of English books that can help me build a strong English language aligned with strong terminology putting into consideration the simplicity of the stories, tales or articles that I'm about to read and that I'm not an experienced reader, I'm just getting started so it's preferable to recommend me simple stuff such as " The diary of a wimpy kid" so it will be easy to comprehend.

ولو كملت قراءة لحد هنا فشكرآ إنك مهتم و اديتنا من وقتك ❤️