DNA

نظام الدراسة في الجامعات الهندية وكيف بختلف عن السودان والمفروض تتوقعه شنو واحسن حاجة تعملها عشان تقدر تتأقلم بسرعة ويكون معدلك كويس لمن تتخرج
نظام الدراسة في الجامعات الهندية بعتمد على الكورسات المكثفة في أغلب الجامعات يعني في السمستر الواحد المادة الحتاخذها حتكون كتيرة ومتعمقين فيها كتير ونظامهم بعتمد على الكتابة والحفظ حتى في المجالات الهندسية ايوا في فهم يوصلوا ليك المعلومة قدر الإمكان لكن في النهاية الامتحانات بتعتمد على قدر المعلومات البتكتبها ماعلى فهمك ليها ودا الفرق بين الدراسة في الهند والسودان هناك الدكتور بمشيك على حسب فهمك، هنا لا على حسب الكاتبه وكميته بتاخد درجات اكتر ودا البوقع الطلاب الجداد في مشاكل في أول سنة وبسقطوا كتير منهم لأننا مامتعودين على الكتابة الكتيرة عكس الهنود الهم من المدرسة بكتبوا كتير. وغير كدا طبعا الكتابة بالانجليزي ودي نقطة تانية صعبة للطلبة لانه ياداب بتكون لامي ليك كلمتين انجليزي بتتكلم بيهم لكن كتابة كتيرة بالانجليزي ماكانت ضرورية عندنا الا للتعبير في امتحان الشهادة
فنصيحتي للطلاب اول ماتوصل الهند جيب ليك كراسة فاضية واقعد اكتب كتير اي مواضيع من النت أو حتى مواضيع الكورس بتاعتك عود نفسك على الكتابة بسرعة وبصورة فعالة
دا طبعا غير فوايد الكتابة في الدراسة والحفظ المعلومة البتكتبها بيدك ومن راسك بتترسخ في ذاكرتك طويلة المدى ومابتتنسي بالساهل وبتقدر تتذكرها سريع وقت تحتاجها.
وبس كدا للمنشور الجاي
لو عندك استفسار او حاجة دايرنا نتكلم ليك عندها بخصوص الدراسة في الهند اكتبها لينا في التعليقات او اتواصل معانا على الواتس
+91 6302999581