مدرسة التهذيب الأبتدائيه للبنات

إنفتحت طريقة ألكترونية من خلال تطبيق سوبر كي

1//حتى تقدم على الإعتراض تدخل على تطبيق سوبر كي .

2//بعدها على الخدمات .

3// تضغط على عرض الكل راح تطلعلك كل الخدمات الموجودة .

4// تختار وزارة التربية ، إذا ما طلعتلك بهاي الواجهة تگدر تبحث فوگ وزارة التربية أو تنزل على الخدمات الحكومية ف تشوف وزارة التربية ف تدخل على التطبيق الخاص بوزارة التربية العراقية .

5// راح تنفتحلك واجهة حتى تقدم على الإعتراض تروح ع الخدمات .

6// من خلال الخدمات تختار التلاميذ والطلاب .

7// راح تطلعلك الخدمات الموجودة تشوف وين الإعتراضات على المرحلة الإبتدائية تضغط عليها .

8// راح تطلعلك المعلومات لازم تمليها بالكامل(الأسم الأول ، الأسم الثاني ، الأسم الثالث ، الأسم الرابع) يعني الإسم الرباعي للطالب اللي يريد يعترض على النتيجة مو تكتب الإسم اللي جاي يقدم الطلب لا ، الإسم اللي يريد يعترض على النتيجة تكتب إسمه الرباعي .

9// تكتب رقم موبايل(رقم موبايل ولي الأمر ، أي رقم تختار) .

10// بعدها تكتب إسم المدرسة .

11// تكتب الرقم الإمتحاني للتلميذ ، كل تلميذ عنده رقم إمتحاني إذا ما تعرفه ف تگدر ترجع للنتيجة راح تلگاه مقابل الإسم هو هذا رقمك الإمتحاني .

12//تختار الدور اللي هو حالياً فقط الدور الأول للإعتراضات .

13// صورة للبطاقة الإمتحانية وإذا ماعندك صورة للبطاقة الإمتحانية أخذ سكرين للنتيجة وأرفعها على الموقع .

14//بعدها تختار المواد اللي تريد تعترض عليها (مادة ، مادتين ، ثلاث مواد) ماكو أي مشكلة وتختار المواد اللي تريد تعترض عليها مثلاً التربية الإسلامية واللغة العربية .

15// كل مادة راح تختارها لازم تكتب درجتك الحالية ، يعني حالياً بالنتائج ف أنت تكتب الدرجة اللي موجودة بالنتيجة مالتك .

16// بعد ما تكتب الدرجة وتختار المواد راح تطلعلك إنه أنت شمختار ، مختار مادتين كل مادة شكد درجتها الحالية ، إذا مثلاً عندك خطأ تگدر تروح تعدلها أو تگدر تحذف مادة من المواد وتضغط على إرسال الطلب .

17// سعر الإعتراض لكل مادة دراسية خمسة آلاف
إذا تعترض على مادة خمسة آلاف ، مادتين عشرة آلاف ، ثلاث مواد 15 ألف وهيچ على عدد المواد اللي أنت راح تعترض عليها .

18//بعد ما ترسل الطلب طبعاً راح تدخل مرحلة التدقيق ، من تدقق راح يجيك إشعار إنه المعلومات تدققت وتگدر تدفع .

19//ف توصل الى مرحلة الدفع اللي هي المرحلة الثانية گلنالكم إنه تدفعون خمسة آلاف لكل مادة إنتو راح تعترضون عليها وإن شاء الله بعد فترة راح تجيكم النتيجة من خلال التطبيق .

20// أكو مدارس أو مديريات جاي تطلب إنه تحمل الوصل من خلال نافذة (تحميل الوصل) تحمله وتطبعه وتبعثه للمدرسة ، بس هذا مو كل المدارس ولا كل المديريات ، لكن أكو مدارس ومديريات جاي تطلب هذا الشيء إنه تحمل الوصل وتستنسخه وتروح تبعثه للمدرسة حتى يرفعوه الى وزارة التربية ... إن شاء الله التوفيق والنجاح لجميع تلاميذنا الأعزاء .@

بسم الله الرحمن الرحيم،
الى تلميذاتنا العزيزات سيكون موعد توزيع النتائج للصف السادس الابتدائي للعام الدراسي 2025-2026 يوم الخميس الموافق6/4/ في الساعة الخامسه عصرا ارجو الحضور جميعا مع جلب الكتب المدرسيه لأستلام نتائجكم 🌻سيتم توزيع اهدايا من قبل الست زينب مديره المدرسه
والست زينب صالح في مادة الاجتماعيات🌱
والست ابتسام علي عوده في ماده اللغه العربيه 🌱
مبارك لكم هذا النجاح 💐💐💐💐💐💐


مديره المدرسه

🌟 مبروك النجاح والتفوق مدرسة التهذيب الابتدائيه للبنات تزهو بنجاح باهر 🌟
بسم الله الرحمن الرحيم
​"يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ"
صدق الله العظيم
​بمشاعر مفعمة بالفخر والاعتزاز 💪 وبأجواء تملؤها الفرحة والسرور 💪 تتقدم إدارة مدرسةالتهذيب الابتدائية للبنات والست المشرفه الاداريه الست شيماء المحترمه🌺🌺🌺
بأجمل التهاني وأزكى التبريكات بمناسبة تحقيق تلميذاتنا العزيزات في الصف السادس الابتدائي نسبة نجاح باهرة في الامتحانات الوزارية 💪
​👑 إلى تلميذاتنا الغاليات
​لقد كنتن على قدر المسؤولية، 💪ورفعتن رأس مدرستكن وعوائلكن عالياً.💪 هذا النجاح هو خطوتكن الأولى 💪نحو مستقبل مشرق💪 يليق بطموحاتكن💪 مبارك لكن هذا التميز والتفوق،💪 وإلى مزيد من النجاحات في المراحل القادمة.💪ونتمنى حظ أوفر لتلميذاتنا المكملات
​🌸 إلى أهالي التلميذات الكرام:
​نهنئكم بقطاف ثمار تعبكم وسهركم مع بناتكم إن هذا الإنجاز ما كان ليتحقق لولا متابعتكم المستمرة ودعمكم اللامحدود، فأنتم الشريك الحقيقي في هذا النجاح. مبارك لكم فرحتكم ببناتكم.
​💼 إلى معلماتنا العزيزات (معلمات الصف السادس ):
​تلوح في سمائنا دوماً نجوم برّاقة، لا يخفت بريقها وتستحق منا كل الثناء. شكراً لجهودكن الاستثنائية، وإخلاصكن في العطاء، وصبركن الذي أثمر هذا التفوق الكامل. لقد أثبتن كالعادة أنكن بناة حقيقية للأجيال.
​مدرسة التهذيب ستبقى دائماً وأبداً مصنعاً للأبطال ومنبراً للعلم والتميز.
​ألف مبروك للجميع، ومن نجاح إلى نجاح أعلى بإذن الله! 🎈🎉
​
🌹 مديرة المدرسة

التلميذات المشمولات باضافة درجة القرار 5 لتصبح 10 درجات للصف الخامس الابتدائي فقط
اما تلاميذ الصفوف الاولية ( الاول الثاني. الثالث. الرابع. ) الراسبين بجميع الدروس او المكملين فيحق لهم اداء امتحان الدور الثاني

غدا الأحد🌺🌺🌱🌱
مراجعه لماده الرياضيات للصف السادس الابتدائي الساعه الثامنه صباحا
مع جلب دفتر للمراجعه

تم مراجعة شاملة لمادة اللغة الانكليزيه من قبل ست غفران بارك الله في جهودها وحرصها ع تلميذاتنا نتمى النجاح والتوفيق لهن

غدا الجمعة مراجعة شاملة للغة الإنكليزية من قبل الست غفران في تمام الساعة ال ٨ صباحا

يوم ثاني لمراجعة اللغة العربية للست ابتسام بارك الله في جهودها والشكر لحضور التلميذات والنجاح والتوفيق للجميع