01/04/2026
تکایەک لە هەمووان لە ڕۆژی جیهانی ئۆتیزمدا ! 🧩
📌ئۆتیزم ناتەواوی نیە بەڵکو جیاواز بینیە
٢ی نیسانی هەموو ساڵێک ڕۆژی جیهانی چینە هەرە بێناز و پەراوێزخراوەکەی کۆمەڵگەیە، ئەوانیش منداڵانی ئۆتیزمن
سەرەتا پێویستە هەمووان بزانن کە ئەم ئازیزانەمان مافیان هەیە بەسەر(خێزان، کۆمەڵگە،لایەنە پەیوەندیدارەکان)ەوە
ئۆتیزمەکان وەک ئێمە مرۆڤن و خاوەنی هەست و سۆزن، بە ئاسانی هەست بە دڵخۆشی و دڵتەنگیان دەکرێت، هەروەها زۆر ووردەکارن، زۆر زوو هەست بە دڵتەنگی و کەیفخۆشی کەسانی چواردەوریان دەکەن، پابەند. بە شتگەلێک کە خۆشیان دەوێن، زۆر جار لەبواری جیادا دەبنە داهێنەر وەک وێنەکێشان و مۆسیقا و تەکنەلۆژیا
بەڵام ئۆتیزمەکان جگە لەوەی گیرۆدەی دۆخی ناهەمواری خودی خۆیانن، لەهەمانکاتیشدا گرفتارن بەدەست نالەباری ئەو ژینگەیەی تێیدا دەژین هاوکات گیرۆدەی نا دروستی شێوازی مامەڵەی کەسانی چواردەوری خۆیانن
ئۆتیزمەکان وەک چاو و گوێ بەستراوێک کە ناچارن بۆ بەدەست هێنانی سەرەتاییترین پێداویستیەکانین، وەک تونیەتی و برسێتی و چون بۆ دەستشۆر و بۆشاییە ڕۆحیی و دەروونییەکانیان، هاوار بکەن و تەنانەت کاردانەوەی زۆر توندی کرداری بنوێنن وەک باوترینیان، گازگرتن لە خۆیان و کەسانی چواردەوریان، هەروەها ئازارگەیاندن بە خۆیان بە تایبەت بەسەر یان ئەندامە هەستیارەکانیان
جگە لەوەش ئەو خێزانانەی خاوەنی ئۆتیزمن لە بارودۆخێکی ئێجگار دژوار و ناڕەحەتدان و ژیانێکی پڕ لە زەحمەتی و سەختی بەڕێدەکەن، هەندێک ڕۆژ ناچارن کە چەندین خولەک و کاتژمێر بە گوێبیستبونی دووبارە و دەبارەکردنەوەی تەنیا ووشەیەک یان دەنگێک یان هاوکارکردن و بیانوگرتنێکی بێهۆکار و چەندین ڕۆژ و هەفتە بە پۆشینی یەک جۆر جلوبەرگ و خواردنی یەک جۆر خواردن و ژیانێکی پڕ لە ڕۆتینی تاقەت پڕوکێن بەسەر ببەن، هەر بۆیە زۆر گرنگە دۆخی خێزانێکی خاوەن ئۆتیزم لە هەموو لایەنێکەوە لەلایەن تاک و کۆی کۆمەڵگەوە بە ووردی لەبەرچاو بگیرێت و هاوکاریی بکرێن بەتایبەت لایەنی مەعنەوییان
هیوادارین هیچ منداڵێکی ئۆتیزم بێ پەنا و بێ دەرفەت نەمێنێتەوە، کۆمەڵگەش باوەشێکی گەرم بۆ خۆیان و خێزانە زەحمەتکێشەکانیان بکاتەوە.
#ئۆتیزم
#کۆمەڵگا
#سلێمانی
#هەولێر
#دهۆک
#کەرکوک
#هەڵەبجە
#کوردستان
20/12/2025