Viska - eyjar

Vegna mikilla vinsælda ætlum við að setja upp auka leiksýningu á verkinu „Á þjóðhátíð ég fer“ með Gleðisprengjunum!

Sýningin verður 16. júní kl. 18:00.

Miðasala hefst 12. júní og stendur til 15. júní frá
kl. 15:30–19:00.

Hægt er að panta miða í síma 852-1940 eða með tölvupósti á [email protected].

Miðaverð: 5.000 kr.

Hlökkum til að heyra frá þér 😊 [email protected]

Í dag fengum við heimsókn frá Viðari hjá Skyndihjálparskólanum sem hélt skyndihjálparnámskeið á ensku í Visku.

Þátttakendur fengu bæði fræðslu og verklega þjálfun í því hvernig bregðast skuli við neyðartilvikum og öðluðust mikilvæga færni sem getur skipt sköpum þegar á reynir.

Við þökkum Viðari kærlega fyrir frábært námskeið og góða samveru.

Starfsfólk Vinnslustöðvarinnar er nú að ljúka þriggja daga leiðtogaþjálfun frá KVAN.

Á námskeiðinu fengu þátttakendur hagnýt verkfæri sem nýtast í starfi, með áherslu á styrkleika, jafningjasambönd, leiðtogahæfni, markþjálfun, liðsheild, starfsanda, menningu og erfið starfsmannasamtöl.

Markmiðið er að efla bæði einstaklinga og teymi, styrkja jákvæð samskipti og skapa enn betri vinnustað þar sem starfsfólk getur haft jákvæð áhrif á eigið starf, líðan og árangur samstarfsfólks.

Við þökkum Jóni Halldórssyni frá KVAN fyrir frábært námskeið og þátttakendum fyrir góða þátttöku og metnað.

Gleðisprengjur sprungu með látum - Eyjafréttir Það var mikil spenna í loftinu þegar ég gekk inn í leikhúsið á miðvikudaginn sl. til að sjá sýninguna Á þjóðhátíð ég fer. Í kynningunni stóð að hér væri um að ræða leiksýningu aldarinnar með Gleðisprengjunum. Ég vissi ekki alveg hverju ég átti von á, en hafði þ...

Leiksýningin “Á Þjóðhátíð ég fer” sem var frumsýnd þann 13. maí heppnaðist einstaklega vel og fékk frábærar viðtökur. Sýningin var kraftmikil, einlæg og full af gleði❤️ Árna Grétari Jóhannssyni leikstjóra tókst að láta gleðisprengjurnar skína ásamt Bigga og Jarli sem keyrðu upp stemninguna. Starfsfólkið á Heimaey studdi einnig vel við sitt fólk á sviðinu og bak við tjöldin.

Innilegar hamingjuóskir og þakkir til allra sem komu að sýningunni fyrir ómetanlegt starf.

Lífið er svo sannarlega yndislegt🙌🏼

Kæru vinir
Þar sem stelpurnar okkar í IBV eru að spila mjög mikilvægan leik á þriðjudaginn kl 18:00 hefur verið ákveðið að fella niður sýninguna þann dag. Allir sem áttu miða þá fá sæti á miðvikudagssýninguna - við munum hafa samband við ykkur í dag.
Ein stór sýning verður því klukkan 18:00 á miðvikudaginn fyrir fullu húsi - leikhúsið opnar kl 17 þar sem hægt verður að sækja miðann sinn og skella sér í betri stofuna hjá leikfélaginu.

Við minnum á að miðasala hefst í dag kl 14:00 í síma 852-1940

https://hac.is/2026/05/07/vorfundur-simenntunarmidstodva-haldinn-a-husavik/

Vorfundur símenntunarmiðstöðva haldinn á Húsavík – Þekkingarnet Þingeyinga Vorveðrið var helst til ljóst að lit, en umræðuefnin heit og hópurinn samstilltur