Study notes

ဂျပန်မှာ အလုပ်လုပ်ရင်း မြန်မာပြည်က မိဘတွေကို အလည်ခေါ်ချင်လို့ ဘာတွေပြင်ဆင်ရမလဲဆိုပြီး လာမေးကြတဲ့ ညီအစ်ကိုတွေအတွက် ပြန်မျှဝေပေးချင်ပါတယ်။

စာရွက်စာတမ်းလေးတွေသာ သေချာမှန်ကန်အောင် ပြင်ထားရင် ဗီဇာရဖို့က မခက်ပါဘူး။

၁။ ဂျပန်ဘက်က ကိုယ်တိုင်ပြင်ရမယ့် စာရွက်စာတမ်းများ 🇯🇵

ကိုယ်က ဖိတ်ခေါ်မယ့်သူ ဖြစ်တဲ့အတွက် ဒီစာရွက်တွေကို အရင်ပြင်ပြီး မြန်မာပြည်ကို မူရင်း (Original) အတိုင်း ပို့ပေးဖို့ လိုပါတယ်။

• ဖိတ်ခေါ်စာ (Invitation Letter): 招へい理由書 (Shohei Riyusho) လို့ ခေါ်ပါတယ်။ ဘယ်သူ့ကို ခေါ်မှာလဲ၊ ဘာကြောင့် ခေါ်တာလဲဆိုတာကို သေချာဖြည့်ရမှာပါ။

• အာမခံစာ (Letter of Guarantee): 身元保証書 (Mimoto Hosho-sho) ပါ။ မိဘတွေ ဒီမှာနေစဉ်အတွင်း စားစရိတ်၊ နေစရိတ်နဲ့ လိုအပ်တာမှန်သမျှကို ကိုယ်က တာဝန်ယူပါတယ်ဆိုတဲ့ အာမခံချက်ပါ။

• နေထိုင်သူစာရင်း (Juminhyo): ၃ လအတွင်း ထုတ်ထားတဲ့ 住民票 (Juminhyo) မူရင်း လိုပါတယ်။

• အလုပ်ထောက်ခံစာ (Certificate of Employment): ကိုယ်လုပ်နေတဲ့ ကုမ္ပဏီမှာ တောင်းလိုက်ရင် ရပါတယ်။

• အခွန်စာရွက် (Tax Certificate): City Office မှာ 課税 (Kazei) သို့မဟုတ် 納税 (Nozei) စာရွက် သွားထုတ်ထားပါ။

• ဘဏ်လက်ကျန် (Balance Certificate): ဘဏ်မှာ ကိုယ့်ငွေစုစာရင်း ဘယ်လောက်ရှိလဲဆိုတာ သက်သေပြဖို့ စာရွက်တောင်းရပါမယ်။

• နေထိုင်ခွင့်ကတ်နဲ့ ပတ်စပို့: ကိုယ့်ရဲ့ 在留 card (Zairyu Card) နဲ့ Passport မိတ္တူလေးတွေလည်း ထည့်ပေးလိုက်ပါ။

၂။ မြန်မာပြည်ဘက်က မိဘတွေ ပြင်ရမှာတွေ 🇲🇲

ဂျပန်သံရုံးမှာ ဗီဇာလျှောက်ဖို့အတွက် မိဘတွေဆီမှာ ဒါလေးတွေ ပြင်ထားခိုင်းပါ။

• Passport: သက်တမ်း အနည်းဆုံး ၆ လ ကျန်နေရမယ်နော်။
• ဗီဇာလျှောက်လွှာ: ဂျပန်သံရုံး Website က ပုံစံအတိုင်း ပြည့်စုံအောင် ဖြည့်ရမှာပါ။

• ဓာတ်ပုံ: ၄.၅ × ၄.၅ size၊ နောက်ခံအဖြူ (၆ လအတွင်း ရိုက်ထားတာ ဖြစ်ရမယ်)။

• အိမ်ထောင်စုစာရင်း: မူရင်းရော မိတ္တူရော လိုအပ်ပါတယ်။
• ခရီးစဉ် Schedule: ဂျပန်ရောက်ရင် ဘယ်နေ့၊ ဘယ်နေရာ သွားမယ်ဆိုတာ အကြမ်းဖျင်း ရေးထားတဲ့ 滞在予定表 (Taizai Yotei-hyo) ပါ။

• ဂျပန်က ပို့လိုက်တဲ့ စာရွက်တွေ: ကျွန်တော် အပေါ်မှာ ပြောခဲ့တဲ့ ဂျပန်ဘက်က စာရွက်အားလုံးရဲ့ မူရင်းတွေပါ။

✈️ လေယာဉ်လက်မှတ်နဲ့ ဗီဇာအကြောင်း

ဗီဇာမကျခင် လေယာဉ်လက်မှတ်ကို အပြတ်ဝယ်စရာ မလိုသေးပါဘူး။ Schedule of Stay ကိုပဲ သေချာတင်ပြလိုက်ရုံပါပဲ။ ဗီဇာကတော့ အခြေအနေအရ ရက် ၃၀ ကနေ ၉၀ အထိ ရတတ်ပါတယ်။

စာရွက်စာတမ်းတွေကို ကိုယ်တိုင်ဖြည့်ဖို့ အချိန်မပေးနိုင်ရင် ဒါမှမဟုတ် စိတ်မချရင်တော့ စိတ်ချရတဲ့ Visa Service တွေနဲ့ အပ်လိုက်တာ ပိုအဆင်ပြေပါတယ်။

မိဘတွေကို ဂျပန်ခေါ်ဖို့ ကြိုးစားနေတဲ့ သူငယ်ချင်းတွေအားလုံး အမြန်ဆုံး အဆင်ပြေကြပါစေဗျာ။ ☘️

ဂျပန်စာလေ့လာနေရင်း တစ်ခါတလေ ပျင်းလာတာမျိုး၊ စိတ်ဓာတ်ကျတာမျိုး ရှိလား? အဲဒီအခါကျရင် စာအုပ်ကို ခဏပိတ်ပြီး ဒီကားလေးကို ပြန်ကြည့်ဖို့ တိုက်တွန်းချင်ပါတယ်။ အပျော်ကြည့်ရုံတင်မကဘဲ Language Learning အတွက်ပါ အရမ်းအထောက်အကူပြုလို့ပါ။

💡 ဂျပန်စာလေ့လာသူတွေအတွက် ဘာတွေထူးခြားလဲ?
၁။ Title ရဲ့ လျှို့ဝှက်ချက် (Vocabulary & Culture)
ဂျပန်နာမည်ရင်းက "千と千尋の神隠し" ပါ။

• 神隠し (Kamikakushi): "နတ်ဘုရားက ဖျောက်ထားခြင်း" လို့ အဓိပ္ပာယ်ရပါတယ်။ ဂျပန်ရှေးရိုးရာ ယုံကြည်မှုအရ ကလေးတွေ ရုတ်တရက် ပျောက်သွားရင် နတ်ဘုရားတွေ ခေါ်သွားတာလို့ ယူဆကြတဲ့ Culture ကို ဒီစကားလုံးကနေ လေ့လာနိုင်ပါတယ်။

၂။ ရိုးရှင်းပြီး သဘာဝကျတဲ့ Conversation များ
ဒီကားထဲက Dialogue တွေဟာ အရမ်းကြီး ခက်ခဲတဲ့ စကားလုံးတွေ သုံးထားတာ မဟုတ်ဘဲ နေ့စဉ်သုံး စကားပြောတွေ (Polite form ရော Casual form ရော) ပါဝင်လို့ နားထောင်မှု (Listening) လေ့ကျင့်ဖို့ အကောင်းဆုံးပါ။

၃။ "နာမည်" ရဲ့ အရေးပါမှု (Kanji အသုံးပြုပုံ)
ဇာတ်လမ်းထဲမှာ စုန်းမကြီး Yubaba က Chihiro ရဲ့ နာမည်ထဲက Kanji တစ်လုံးကို သိမ်းလိုက်ပြီး "Sen" (千) လို့ ပြောင်းခေါ်လိုက်တာဟာ ဂျပန်စာရဲ့ Kanji Reading (On-yomi/Kun-yomi) သဘောတရားကို စိတ်ဝင်စားစရာကောင်းအောင် သရုပ်ဖော်ထားတာပါ။ ကိုယ့်နာမည် (ကိုယ့်ရဲ့ Identity) ကို မေ့မသွားဖို့ ဆိုတာဟာ ဂျပန်ယဉ်ကျေးမှုမှာ ဘယ်လောက် အရေးကြီးလဲဆိုတာ တွေ့ရမှာပါ။

၄။ ဂျပန်လူနေမှုပုံစံနဲ့ ယဉ်ကျေးမှု (Traditional Elements)
ရေချိုးဆောင် (Bathhouse) ယဉ်ကျေးမှု၊ နတ်ဘုရားတွေအပေါ် ထားတဲ့ အယူအဆနဲ့ ဂျပန်လူမျိုးတွေရဲ့ "လုပ်ငန်းခွင် စည်းကမ်း" တွေကို ဒီဇာတ်လမ်းထဲက စကားပြောတွေမှာ အထင်အရှား တွေ့နိုင်ပါတယ်။

🌟 Learning Tip:
ဒီကားကို ပထမတစ်ခါ Subtitle နဲ့ကြည့်ပါ။ ဒုတိယတစ်ခါကိုတော့ Subtitle ပိတ်ပြီး နားထောင်ကြည့်ပါ။ Character တွေ ပြောတဲ့ "Osewa ni narimasu" (ကျေးဇူးတင်စကား) တို့၊ "Onegaishimasu" တို့ကို ဘယ်လို အခြေအနေမှာ သုံးလဲဆိုတာ သေချာ သတိထားကြည့်ရင် စာထက် ပိုမှတ်မိလွယ်စေမှာပါ။

ဂျပန်စာလေ့လာနေတဲ့ သူငယ်ချင်းတွေကိုလည်း Mention ခေါ်သွားဦးနော်။ အားလုံးပဲ ဂျပန်စာ လေ့လာမှုမှာ အဆင်ပြေကြပါစေ! 頑張ってください! (Ganbatte kudasai!) 💪🇯🇵
Away #千と千尋の神隠し

ဂျပန်စာလေ့လာနေသူတွေ အနေနဲ့ မဖြစ်မနေကြည့်သင့်တဲ့ anime ဇာတ်ကားလေး 💙
တစ်ခါကြည့်ပြီးရင်နောက်တစ်ခါ ပြန်ကြည့်ဖို့ သတ္တိအတော်မွေးရတဲ့ ဇာတ်ကား… 😭

ဒီကားကို ကြည့်ဖူးသူတိုင်း သိကြမှာပါ။
Grave of the Fireflies ဟာ
စစ်ပွဲရဲ့ အနိဋ္ဌာရုံကို
ကလေးနှစ်ယောက်ရဲ့ မျက်လုံးနဲ့
အရမ်းကို နာကျင်စရာကောင်းအောင်
ဖော်ပြထားတဲ့ Studio Ghibli ရဲ့ အကောင်းဆုံး လက်ရာတစ်ခုပါ။

စစ်ပွဲကြားမှာ မိဘမဲ့ဖြစ်သွားတဲ့
အစ်ကိုဖြစ်သူ Seita နဲ့
ညီမလေး Setsuko …
သူတို့မှာ ရှိတာဆိုလို့
တစ်ယောက်နဲ့တစ်ယောက် အပြန်အလှန် ချစ်ခင်မှုနဲ့
ပိုးစုန်းကြူးလေးတွေ ပဲ ရှိခဲ့တာပါ။

“ဘာလို့ ပိုးစုန်းကြူးလေးတွေက
မြန်မြန်သေသွားကြတာလဲ?”
ဆိုတဲ့ ညီမလေးရဲ့ အမေးစကားက
ကြည့်နေတဲ့သူတိုင်းရဲ့ ရင်ကို
တစ်ခါတည်း ခွဲလိုက်သလိုပါပဲ။

စစ်ပွဲဟာ
ဘယ်သူမှန်တယ်၊ ဘယ်သူမှားတယ်ဆိုတာထက်
အပြစ်မဲ့တဲ့ ကလေးငယ်တွေ၏ ဘဝကို
ဘယ်လောက် ရက်စက်စွာ
ဖျက်ဆီးနိုင်လဲဆိုတာကို
ဒီဇာတ်ကားက သက်သေပြနေပါတယ်။

ပိုပြီး နာကျင်စရာကောင်းတာက
ဒီကားကြည့်ပြီးချိန်
ကိုယ့်နိုင်ငံထဲမှာလည်း
ဒီလိုအပြစ်မဲ့တဲ့ ကလေးတွေ
ဘယ်နှစ်ယောက်လောက်
ရှိနေပြီလဲဆိုတာ
တွေးမိသွားတဲ့အခါ
မျက်ရည်ပိုဝဲရတာပါပဲ… 💔

ဒီကားကြည့်ပြီး
ဘယ်နှစ်ခါလောက်
မျက်ရည်ကျခဲ့ရလဲ
မန့်ခဲ့ကြပါဦး… 👇

Anime ကြည့်ခြင်းဟာလည်း ဂျပန်စာလေ့လာဖို့ အကောင်းဆုံး နည်းလမ်းတွေထဲက တစ်ခုပဲဖြစ်ပါတယ် 🍀💛 ဇာတ်လမ်းကောင်းလေးတွေကြည့်ရင်း နားရည်ဝလာတော့ စကားပြောတဲ့အခါ လေယူလေသိမ်းနဲ့ အသံထွက်တွေကအစ ပိုမှန်လာမှာပါ။

ဘာကြည့်ရမလဲ ဝေခွဲမရဖြစ်နေသူတွေအတွက် Listening လေ့ကျင့်ရင်း ကြည့်သင့်တဲ့ Anime Movie ကောင်းကောင်းလေးတွေ ကို ပုံလေးတွေနဲ့တကွ ညွှန်းပေးလိုက်ပါတယ်။ 🌻

• Your Name (Kimi no Na wa) - ဂျပန်စကားပြော အသုံးအနှုန်းလေးတွေက အရမ်းနားဝင်ချိုပြီး Listening စတင်လေ့ကျင့်သူတွေအတွက် အကောင်းဆုံးပါပဲ။ ☄️💫

• Only Yesterday - နေ့စဉ်ဘဝအကြောင်းကို အေးအေးလေး ရိုက်ပြထားတာမို့ စကားပြောတာ ရှင်းလင်းပြီး နားလည်ရလွယ်ပါတယ်။ 🌾🎒

• Stand By Me Doraemon - ငယ်ငယ်ကတည်းက ရင်းနှီးပြီးသား ဇာတ်ကောင်လေးတွေမို့ စကားပြောပုံစံတွေကို အလွယ်တကူ မှတ်မိစေမှာပါ။ 🤖🐱

• I Want to Eat Your Pancreas - ခံစားချက်အပြည့်နဲ့ ပြောတဲ့စကားလုံးလေးတွေကို နားထောင်ရင်း Listening ရော Vocabulary ပါ တိုးတက်စေပါတယ်။ 🌸ကိုယ်အကြိုက်ဆုံး Anime ကရော ဘာဖြစ်မလဲ? Comment မှာ ပြောခဲ့ဦးနော်! 👇

အစကတော့ မဖြေနိုင်လို့စိတ်ညစ်နေတာပဲ။
သူငယ်ချင်းတွေမေးလိုက်တော့ တော်သေးတာပေါ့ သူတို့လဲကျလို့ 😂