Maître Essalhi

نصيحة
دفعتي شي كونكور طالبين القانون الخاص، ماتبقاش تسول اشنو راجع راه باين ، هما طالبين القانون الخاص يعني غادي تضبط التخصص ديالك هذا امر لا يناقش..
ملي تجلس أمام اللجنة ماغادينش يسولوك في الاقتصاد ولا في شي تخصص اخر غادين يسولوك في القانون الخاص وملي نقولوا القانون الخاص يعني تخصصك من أوله الى ٱخره
قرا تخصصك مزيان ضبطيه وقرا فقط القواعد العامة لأن السؤال كايكون في القواعد العامة ماشي في الجزئيات الصغيرة..
وقرا شوية في القانون العام خاصة الدستوري والاداري وكل ماله علاقة بالتدبير الإداري.
وقرا اختصاصات الوزارة لي حاطة المباراة وهانتا ساليتي ماتبقى تسول حد.

كايتكرر السؤال بزاااف كيفاش ندير نضبط الموضوع العام
باش تضبط الموضوع العام وتكون عندك ثقافة واسعة ومعلومات متجددة ماتعتامدش فقط على القراءة لأن القراءة لوحدها لا تكفي، خصوصا في الشفوي..
خاصك تفهم اولا عاد باش تقرا.
خاص تفهم الظواهر الإجتماعية والإقتصادية
خاصك تقرا وتفرج في البرامج وتسمع المحلليين في مجال الاقتصاد وفي مجال المال الأعمال...
حاول تقلب على البرامج لي كاتناقش هذ النوع من المجالات باش توسع المدارك ديالك أكثر ، لأنك الى عتمادتي غير على القراية بوحدها غادي تحتاج وقت طويل باش تفهم شي امور..
ولكن الى تفرجتي في شي برنامج ولا سمعتي الشي محلل اقتصادي ولا سياسي ولا اجتماعي غادي تفهم بسرعة وتفهم المعلومة على الوجه الصحيح ويختاصر عليك زمن طويل ديال القراءة.

تنبيه
بالنسبة الطلبة لي كايسولوا على النماذج ديال وزارة الشباب ماشي غير تشوف النموذج فيه وزارة الشباب صافي وتبدا تخدم عليه.
راه كاين 3 النماذج مختلفة لأنك غادي تلقى نماذج
في قطاع الشباب
قطاع الثقاقة
قطاع التواصل
وهذ المباراة المعلن عليها الٱن في قطاع التواصل.
ومواضيع الإختبار راه مختلفة تماما بين هذ القطاعات.
يعني شوف النماذج ديال قطاع التواصل.

هذ النموذج راه ديال وزارة التجهيز والماء
ماشي ديال وزارة النقل واللوجيستيك
المواد القانونية المقررة نفسها في المباراة بحكم طالبين القانون الخاص
ولكن في بعض المواد راه كاين اختلاف بين اختصاصات ومهام الوزارة المكلفة بالماء والمكلفة بالنقل
لأنه الى كانت المباراة على شكل موضوع فراه غادي يكون السؤال له علاقة بالنقل واللوجيتسيك مثلا ماشي له علاقة بقطاع الماء..

بخصوص الطلبة لي عندهم صعوبة في التسجيل في المباريات خاصة وزارة الشباب وزارة التجهيز
غادي نحاول نسجل العدد لي قدرت عليه غدا إن شاء الله.
شريطة تكون فاتح حساب في بوابة التشغيل العمومي.
رسل ليا فقط المعلومات صحيحة
وسيرة ذاتية بالنسبة لوزارة التجهيز
وكذلك طلب خطي وسيرة ذاتية بالنسبة لوزارة الشباب.
فقط الطلبة لي عندهم صعوبة في التسجيل خاصة لي ساكنين في البادية أما لي حداه المكتبة أو السيبير او يقدر يتسجل بنفسو بلا ماترسل ليا..
فقط الطلبة لي عندهم صعوبة في التسجيل.

نصيحة
كنت واقف بصح على شي دورة تكوينية باش تفهم القانون سواء المباريات الخاصة بالوظيفة ولا الماستر..
عوض تنخرط في الدورة تضم 100 ولا 200
غادي تشوف شي طالب متمكن ويشرح ليك غير بوحدك المادة لي بغيتي يمشي معاك دقة دقة حتى الى مافهمتيش تسوليه يجاوبك ويشرح ليك فصل بفصل المادة كاملة.
ماشي بحال دورة فيها 200 واحد تسمع فقط الاوديوات ولا الفيديوهات ماغاداش تكون الاستفادة احسن من انك تكون بوحدك مع شخص واحد.
هذ الشي الى كنت فعلا واقف على الدورة باش تقدر ديماري
أما الى قدرتي تقرا بوحدك يكون افضل.

أنت كايجيب ليك الله راك غادي في الهاوية..
ولكن هذ الشي لي كاتحسبوا انت هاوية إنما هو تدبير رباني لأمورك...
فلا تظن أن حصولك على الباكالوريا في بداية. هذه الرحلة كان صدفة..
وتوجهك نحو القانون كان صدفة
وسهرك وتعبك كان صدفة
وحصولك على الإجازة في هذ التخصص صدفة.
حتى حاجة في الدنيا ماكاتوقع صدفة..
وأي خطوة كاديرها في حياتك راها بأمر من الله عز وجل
لذلك لا تقلق مادامت امورك وحياتك بين يدي الله فلا تخشى نوائب الزمان
الكل سيمر بحول الله وتبقى فقط ذكراه.

كاع الوزارات داروا الباروك وخرجوا المباريات الطلبة ديال القانون واخا مناصب قليلة جدا
ولكن على الأقل داروا محاولة ماشي بحال وزارة العدل تخرج أي مباراة تقدر طيح ليك على بالك إلا المباريات الخاصة بالقانون.
وبزاااف على قليان السم 😅

بالنسبة المواد لي خاص يتراجعوا الهذ المباراة
يكفي فقط الرجوع إلى المباراة السابقة وغادي تعرف المواد وطبيعة الأسئلة لي كاتحط.
وخاصة المواد التي لها صلة بالمادة العقارية فهي جد مهمة لا في الكتابي ولا في الشفوي..

النجاح ماكايجيش في الوقت لي بغيتي أنت..
وإنما كايجي في الوقت الذي يراه الله مناسبا لك..
تقدر تمشي المباراة ضابط كلشي وماتوفقش ..
وتقدر تمشي وأنت ماضابطش كلشي وتوفق...
ماشي كاع هذوا لي نجحوا واااااعرين في القانون..
وإنما فيهم المجد والمتوسط والمقتصد.
تقدر تضبط جميع المحاور وتخلي محور واحد هو لي جي فيه سؤال وماتوفقش مع أنك ضابط..
وطالب اخر يكون ضابط فقط محور واحد ومن حسن حظو تحط هذاك المحور ونجح.
النجاح ماعندوش غير طريق واحد
وإنما عندو طرق مختلفة