Victory Educational Kits for Kids

🌿 ယနေ့ခေတ် လူငယ်တွေရဲ့ အခက်အခဲများ

ယနေ့ခေတ် လူငယ်တွေဟာ အရင်ခေတ်လူငယ်တွေနဲ့ မတူတဲ့ ဖိအားတွေ၊ စိန်ခေါ်မှုတွေကို ရင်ဆိုင်နေကြရပါတယ်။
တချို့အခက်အခဲတွေကို အပြင်ပန်းက မမြင်နိုင်ပေမယ့် သူတို့ရဲ့ စိတ်ထဲမှာတော့ တိတ်တဆိတ် တိုက်ပွဲဝင်နေကြတာမျိုးလည်း ရှိကြပါတယ်။

🔸 ပညာရေးနှင့် အနာဂတ်အတွက် ဖိအားများ
စာမေးပွဲရလဒ်ကောင်းဖို့၊ တက္ကသိုလ်ဝင်ခွင့်ရဖို့၊ အလုပ်အကိုင်ကောင်းရဖို့ဆိုတဲ့ ဖိအားတွေက လူငယ်တွေကို စိတ်ပင်ပန်းစေတတ်ပါတယ်။

🔸 Social Media ရဲ့ သက်ရောက်မှု
သူများတွေရဲ့ အောင်မြင်မှု၊ လှပမှု၊ ပျော်ရွှင်မှုတွေကို မြင်ရင်း ကိုယ့်ကိုယ်ကို မလုံလောက်သလို ခံစားရစေနိုင်ပါတယ်။

🔸 ကိုယ့်ကိုယ်ကို ရှာဖွေနေရခြင်း
“ငါ ဘယ်သူလဲ?” “ငါ ဘာဖြစ်ချင်တာလဲ?” ဆိုတဲ့ မေးခွန်းတွေကြားမှာ ကိုယ့်အမှန်တကယ် စိတ်ဝင်စားရာကို ရှာဖွေနေရတတ်ပါတယ်။

🔸 မိဘများနှင့် နားလည်မှုကွာဟမှု
မျိုးဆက်မတူခြင်းကြောင့် အမြင်မတူမှုတွေ ဖြစ်တတ်ပြီး “ငါ့ကို ဘယ်သူမှ နားမလည်ဘူး” လို့ ခံစားရတတ်ပါတယ်။

🔸 သူငယ်ချင်းနှင့် ပေါင်းသင်းဆက်ဆံရေး ပြဿနာများ
လက်ခံစေချင်တာ၊ ပယ်ချခံရမှာ ကြောက်ရွံ့တာ၊ အဖွဲ့လိုက်ဖိအား (Peer Pressure) တွေကို ကြုံတွေ့ရနိုင်ပါတယ်။

🔸 စိတ်ကျန်းမာရေးဆိုင်ရာ စိန်ခေါ်မှုများ
စိတ်ဖိစီးမှု၊ စိုးရိမ်ပူပန်မှု၊ စိတ်ဓာတ်ကျမှုတွေကို ခံစားနေရပေမယ့် အကူအညီတောင်းဖို့ ကြောက်ရွံ့နေတတ်ပါတယ်။

🔸 နည်းပညာနှင့် အာရုံပျံ့လွင့်မှုများ
ဖုန်း၊ ဂိမ်း၊ အင်တာနက်အသုံးပြုမှုများကြောင့် အာရုံစိုက်နိုင်မှု လျော့နည်းလာပြီး အချိန်စီမံခန့်ခွဲနိုင်ဖို့ ခက်ခဲလာနိုင်ပါတယ်။

🔸 စီးပွားရေးနှင့် ဘဝရပ်တည်မှုအတွက် စိုးရိမ်မှုများ
အလုပ်အကိုင်အခွင့်အလမ်း၊ ဝင်ငွေတည်ငြိမ်မှု၊ ဘဝရပ်တည်နိုင်ရေးအတွက် မသေချာမှုတွေကလည်း လူငယ်တွေကို ဖိအားဖြစ်စေပါတယ်။

💛 တစ်ခါတစ်ရံ လူငယ်တွေဟာ အကြံဉာဏ်ထက် နားလည်ပေးမယ့်သူတစ်ယောက်ကို ပိုလိုအပ်နေတတ်ပါတယ်။

“မင်းဘာဖြစ်နေတာလဲ?” လို့ မေးမယ့်အစား
“မင်း ဘယ်လိုခံစားနေရလဲ?” လို့ မေးပေးနိုင်ခြင်းက သူတို့အတွက် အားအင်တစ်ခု ဖြစ်နိုင်ပါတယ်။

🌱 လူငယ်တွေဟာ ပျင်းရိနေကြတာ မဟုတ်ပါဘူး။
တစ်ခါတစ်ရံ သူတို့ရင်ထဲမှာ မမြင်ရတဲ့ စိတ်ဖိစီးမှုတွေကို တိတ်တဆိတ် ရင်ဆိုင်နေရတာသာ ဖြစ်ပါတယ်။

မိဘများသတိထားနိုင်စေရန်မျှဝေပေးလိုက်ပါတယ်ခင်ဗျ။

လူငယ်ဘဝကို အမှတ်တွေနဲ့တင် မဟုတ်ဘဲ၊ ကိုယ့်ကိုယ်ကို ယုံကြည်မှု၊ လဲကျရင် ပြန်ထနိုင်မယ့် Resilience တွေနဲ့ ကြီးထွားလာစေချင်ပါတယ်။
မိဘတွေအနေနဲ့ သားသမီးရဲ့ အောင်မြင်မှုထက် "သူတို့ရဲ့ စိတ်နေသဘောထား (Mindset)" ကို အရင်ဆုံးရင်းနှီးမြှုပ်နှံပေးဖို့ Victory မှ ဖိတ်ခေါ်ချင်ပါတယ်။ 💛

📩 အသေးစိတ်သိရှိလိုပါက Page Messenger မှတစ်ဆင့် ဆက်သွယ်မေးမြန်းနိုင်ပါသည်။

မိဘအများစု သတိမထားမိတဲ့ ဆယ်ကျော်သက်အရွယ်ရဲ့ အန္တရာယ်

"ကိုယ့်သားသမီးက လူဆိုးမဟုတ်ပါဘူး...
ဒါပေမယ့် လူကောင်းလေး ဖြစ်နေလွန်းလို့...
တစ်နေ့နေ့မှာ ထိခိုက်သွားနိုင်ပါတယ်။"

━━━━━━━━━━━━━━

ကျောင်းဖွင့်ရာသီ ရောက်လာပြီ။

အတန်းသစ်...
သူငယ်ချင်းအသစ်...
ပတ်ဝန်းကျင်အသစ်...
စိန်ခေါ်မှုအသစ်...

မိဘတွေကတော့...
"စာလိုက်နိုင်ရဲ့လား"
"ကျူရှင်အဆင်ပြေရဲ့လား"
"အမှတ်ကောင်းကောင်း ရနိုင်ရဲ့လား"
ဆိုတာတွေကိုပဲ စိတ်ပူတတ်ကြပါတယ်။

ဒါပေမယ့်...
ဆယ်ကျော်သက်ကလေးတွေ နေ့စဉ် ဖြတ်သန်းနေရတဲ့ အကြီးမားဆုံး စိန်ခေါ်မှုက စာမေးပွဲမဟုတ်ပါဘူး။
"ပတ်ဝန်းကျင်ကလူတွေ" ပဲဖြစ်ပါတယ်။

━━━━━━━━━━━━━━

သူငယ်ချင်းဖိအား (Peer Pressure)

အုပ်စုထဲက ဖယ်ကြဉ်ခံရတာ (Group Exclusion)

အနိုင်ကျင့်ခံရတာ (Bullying)

အမြဲတမ်း နှိုင်းယှဉ်ခံရတာ (Comparison)

ရုပ်ပိုင်းဆိုင်ရာ လှောင်ပြောင်ခံရတာ (Body Shaming)

ဆိုရှယ်မီဒီယာရဲ့ ရိုက်ခတ်မှု (Social Media Pressure)

ကိုယ့်ကိုယ်ကိုယ် ယုံကြည်မှု ပျောက်ဆုံးတာ (Self-Doubt)

ဒီအရာတွေဟာ စာမေးပွဲအမှတ်ထက် ပိုပြီး ကလေးတစ်ယောက်ရဲ့ စိတ်ကျန်းမာရေး၊ အရည်အချင်းနဲ့ အနာဂတ်ဘဝတစ်ခုလုံးကို သက်ရောက်စေနိုင်ပါတယ်။

ဒါကြောင့် မိဘတိုင်း ကိုယ့်ကိုယ်ကိုယ် သေချာပြန်မေးကြည့်သင့်တဲ့ မေးခွန်းတစ်ခု ရှိပါတယ်။

━━━━━━━━━━━━━━

ကိုယ့်ကလေးက...

အနိုင်ကျင့်ခံရသူလား?

အနိုင်ကျင့်သူလား?

ဒါမှမဟုတ် ဘေးက မဆိုင်သလို ရပ်ကြည့်နေသူလား?

ဒါပေမယ့်... အဲ့ဒီထက် ပိုအရေးကြီးတဲ့ မေးခွန်းကတော့...

သူဟာ...
"ကိုယ့်ကိုယ်ကိုယ် ကာကွယ်တတ်သူ" ဖြစ်ရဲ့လား?
"မကောင်းတဲ့ ဖိအားကို NO လို့ ပြတ်ပြတ်သားသား ပြောရဲသူ" ဖြစ်ရဲ့လား?
"ဒေါသထွက်နေချိန်မှာ ကိုယ့်စိတ်ကို ပြန်ထိန်းနိုင်သူ" ဖြစ်ရဲ့လား?
"ပြဿနာကြုံလာတဲ့အခါ မှန်ကန်တဲ့ ဆုံးဖြတ်ချက် ချနိုင်သူ" ဖြစ်ရဲ့လား?

━━━━━━━━━━━━━━

ဒီလို Life Skills တွေကို အရင်က ကျောင်းသင်ရိုးစာအုပ်တွေထဲမှာ သီးသန့်သင်ပေးလေ့ မရှိပါဘူး။

ဒါကြောင့် ကမ္ဘာတစ်ဝန်းက ခေတ်မီပညာရေးအဖွဲ့အစည်းတွေမှာ Social Emotional Learning (SEL) ကို အခုခေတ်မှာ အဓိကထား ထည့်သွင်းလာကြတာ ဖြစ်ပါတယ်။

SEL ဆိုတာ ကျောင်းစာလို ဘာသာရပ်တစ်ခု မဟုတ်ပါဘူး။
ကလေးတစ်ယောက်...

ကိုယ့်ကိုယ်ကိုယ် နားလည်ဖို့

ကိုယ့်စိတ်ကို စီမံခန့်ခွဲတတ်ဖို့

ယုံကြည်မှု ခိုင်မာစွာ တည်ဆောက်ဖို့

အခြားသူတွေနဲ့ မှန်ကန်တဲ့ ဆက်ဆံရေး တည်ဆောက်ဖို့

မကောင်းတဲ့ ဖိအားတွေကို ရဲရဲဝံ့ဝံ့ ငြင်းဆိုတတ်ဖို့

ဘဝရဲ့ မှန်ကန်တဲ့ ဆုံးဖြတ်ချက်တွေကို ကိုယ်တိုင်ချတတ်ဖို့

လိုအပ်တဲ့ ဘဝစွမ်းရည် (Life Skills) တွေကို စနစ်တကျ လေ့ကျင့်သင်ယူတဲ့ Framework တစ်ခု ဖြစ်ပါတယ်။

━━━━━━━━━━━━━━

Victory Learning Corner မှာတော့...
ကျွန်တော်တို့ ပျိုးထောင်ပေးချင်တာက "စာတော်တဲ့ ကလေး" ဖြစ်ဖို့ချည်းသက်သက် မဟုတ်ပါဘူး။ "ကိုယ့်ဘဝကိုလည်း ကောင်းကောင်း ကိုင်တွယ်တတ်တဲ့ ကလေး" ဖြစ်ဖို့လည်း ရည်ရွယ်ပါတယ်။

"Smart Heads Meet Kind Hearts" ဆိုတဲ့ ကျွန်တော်တို့ Victory Learning Corner ရဲ့ ခံယူချက်အတိုင်း...

-အသိပညာနဲ့ နှလုံးသားကို ဟန်ချက်ညီစွာ ဖွံ့ဖြိုးလာစေဖို့...
-ကိုယ့်ကိုယ်ကိုယ် သိမြင်နားလည်လာစေဖို့...
-ကိုယ့်အတွင်းစိတ် ယုံကြည်မှု တည်ဆောက်လာစေဖို့နဲ့...
-အနာဂတ်အတွက် ခေါင်းဆောင်မှု အရည်အချင်းများ ရင့်ကျက်လာစေဖို့...
"SEL for Teens Program" ကို အသေအချာ ပြင်ဆင်စနစ်တကျ စီစဉ်ထားခြင်း ဖြစ်ပါတယ်။

━━━━━━━━━━━━━━

July 2026 Intake
SEL for Teens (Age 12+)

တက်ရောက်နိုင်မည့် ပုံစံ - Online Class & In-Person Class

သင်တန်းကာလ - 2-Month Journey

ဒီ ၂ လတာအတွင်းမှာ အဆင့် ၄ ဆင့်အတိုင်း ပျိုးထောင်ပေးသွားမှာ ဖြစ်ပါတယ်။

Know Yourself (ကိုယ့်ကိုယ်ကိုယ် သိမြင်ခြင်း)

Grow Yourself (စိတ်ပိုင်းဆိုင်ရာ ကြီးထွားရင့်ကျက်ခြင်း)

Lead Yourself (ကိုယ့်ကိုယ်ကိုယ် ဦးဆောင်နိုင်ခြင်း)

Inspire Others (သူတစ်ပါးကို ကောင်းမွန်စွာ ရှေ့ဆောင်နိုင်ခြင်း)

━━━━━━━━━━━━━━

မိဘတစ်ယောက်အနေနဲ့... ဒီနေ့ ကိုယ့်ကိုယ်ကိုယ် ပြန်မေးကြည့်ပါ။

"ကိုယ့်ကလေးကို ကျောင်းစာမေးပွဲအတွက်တော့ အကောင်းဆုံးပြင်ဆင်ပေးထားပြီးပြီ..."
"ဘဝအတွက်ရော ပြင်ဆင်ပေးထားပြီးပြီလား...?"

July 2026 Intake အတွက် အသေးစိတ် သိရှိလိုပါက-
Viber No.- 09740 844 098 [or]
Page Messenger မှ "TEEN SEL" ဟု ပို့ပြီး စုံစမ်းမေးမြန်းနိုင်ပါသည်ခင်ဗျာ။

(မိဘများအတွက် ကျောင်းဖွင့်ရာသီ အကြံပြု ပို့စ်လေးဖြစ်ပါ၍ စာနဲနဲ ရှည်ပါသည်ခင်ဗျာ၊၊ အဆုံးထိ သည်းခံဖတ်ရှုပေးပါခင်ဗျာ)

အနိုင်ကျင့် ခံနေရတာလား၊ အနိုင်ကျင့်တဲ့ သူလား၊ ဘေးက မဆိုင်သလို ရပ်ကြည့်နေသူလား?

အခုဆိုရင် ကလေးတွေ ကျောင်းပြန်တက်ရမယ့် ကျောင်းဖွင့်ရာသီကို ရောက်ရှိလာပါပြီ။
ကျောင်းနေအရွယ် ၅ နှစ်ကနေ ဆယ်ကျော်သက်အရွယ် ကလေးတွေအတွက် ကျောင်းဖွင့်ချိန်ဆိုတာ နေရာသစ်၊ အတန်းသစ်၊ သူငယ်ချင်းအသစ်တွေနဲ့ ရင်ခုန်စရာကောင်းသလို၊ တစ်ဖက်မှာလည်း အကြီးမားဆုံး ပြဿနာတစ်ခုကို ရင်ဆိုင်ရဖို့ အစပြုတဲ့ အချိန်လည်း ဖြစ်ပါတယ်။
အဲဒါကတော့ ခေတ်အဆက်ဆက် ကလေးတိုင်း ကြုံတွေ့ရလေ့ရှိတဲ့ 'School Bullying' (ကျောင်းတွင်း အနိုင်ကျင့်မှု) ပြဿနာပါပဲ။

ဒီလို အနိုင်ကျင့်ခံရတဲ့ ကိစ္စတွေ ကြားရတဲ့အခါ မိဘတော်တော်များများက "ဟာ... ဒါလေးများ၊ ငါတို့တုန်းကလည်း ဒီလိုပဲ ကြုံခဲ့၊ ဖြတ်သန်းခဲ့ရတာပဲ။ ကလေးသဘာဝပဲလေ" လို့ ပေါ့ပေါ့တန်တန် တွေးမိတတ်ကြပါတယ်။

ဒါပေမဲ့ တကယ့် လက်တွေ့မှာတော့ School Bullying ဟာ ကလေးတွေ သာမန်ဖြတ်သန်းရမယ့် ကြီးထွားမှုဖြစ်စဉ် မဟုတ်ပါဘူး။

အမေရိကန် စိတ်ပညာအသင်း (APA) နဲ့ နိုင်ငံတကာ ကလေးသူငယ် စိတ်ပညာရှင်တွေရဲ့ သုတေသနတွေအရ— ကျောင်းတွင်း အနိုင်ကျင့်ခံရမှုဟာ ကလေးဘဝမှာတင် ပြီးဆုံးသွားတာ မဟုတ်ဘဲ၊ လူကြီးဘဝရောက်တဲ့အထိ ကိုယ့်ကိုယ်ကိုယ် ယုံကြည်မှုကင်းမဲ့ခြင်း၊ စိတ်ဓာတ်ကျခြင်းနဲ့ လူမှုဆက်ဆံရေးကို ကြောက်ရွံ့ခြင်းစတဲ့ "ရက်ရှည်လများ အမြစ်တွယ်နေမယ့် စိတ်ဒဏ်ရာ (Long-term Childhood Trauma)" တွေကို ကြီးကြီးမားမား ဖြစ်စေတယ်လို့ အတိအကျ သတိပေးထားပါတယ်။

School Bullying ဆိုတဲ့ သံသရာကြီးထဲမှာ ကလေးတွေဟာ အဓိက နေရာ (၃) ခုထဲက တစ်ခုခုမှာ အမြဲတမ်း ပိတ်မိနေတတ်ပါတယ်။
မိဘများအနေနဲ့ ကိုယ့်ကလေးဟာ အခု လက်ရှိ ဘယ်နေရာမှာ ရပ်တည်နေလဲဆိုတာကို သေချာ ဆန်းစစ်ကြည့်ဖို့ လိုအပ်ပါတယ်-

၁။ အနိုင်ကျင့် ခံနေရသူ (The Victim)
ကျောင်းမှာ နေ့စဉ်နဲ့အမျှ နှုတ်အားဖြင့်ဖြစ်စေ၊ ကိုယ်ထိလက်ရောက်ဖြစ်စေ၊ ဖယ်ကြဉ်ခံရတာပဲဖြစ်စေ ခံစားနေရတဲ့ ကလေးတွေပါ။
သူတို့ဟာ အိမ်ပြန်ရောက်ရင် အခန်းအောင်းနေတတ်သလို၊ ကျောင်းသွားရမှာကို အလွန်အမင်း ကြောက်ရွံ့နေတတ်ကြပါတယ်။

၂။ အနိုင်ကျင့်တဲ့ သူ (The Bully)
ကိုယ့်ကလေးကတော့ အနိုင်ကျင့်မခံရဘူး၊ သူက ပြန်တောင် လုပ်လိုက်သေး" ဆိုပြီး ဂုဏ်ယူမနေပါနဲ့။ အခြားသူကို အနိုင်ကျင့်တဲ့ ကလေးတွေရဲ့ နောက်ကွယ်မှာလည်း ကြီးမားတဲ့ စိတ်ပိုင်းဆိုင်ရာ လစ်ဟာမှုတွေ ရှိနေတတ်ပါတယ်။
သူတို့ဟာ ကိုယ်တိုင် အာရုံစိုက်ခံချင်လို့ (သို့) ကိုယ့်ရဲ့ မလုံခြုံမှုကို ဖုံးကွယ်ချင်လို့ အခြားသူအပေါ် ဗိုလ်ကျတတ်ကြတာပါ။ ဒါဟာလည်း မှန်ကန်တဲ့ EQ မရှိခြင်းရဲ့ ပြယုဂ်ပါပဲ။

၃။ ဘေးက မဆိုင်သလို ရပ်ကြည့်နေသူ (The Bystander)
တကယ်တော့ အဆိုးဆုံးနဲ့ စိတ်ဒဏ်ရာ အများဆုံးရတဲ့ နောက်တစ်စုကတော့ အနိုင်ကျင့်ခံရတာကို တွေ့နေရပေမယ့်၊ ကိုယ်တိုင်လည်း ဝင်မကူညီရဲ၊ ကိုယ့်ကိုပါ လာအနိုင်ကျင့်မှာ ကြောက်လို့ နှုတ်ဆိတ်ပြီး ရပ်ကြည့်နေရတဲ့ ကလေးတွေပါပဲ။
ဒီကလေးတွေရဲ့ ရင်ထဲမှာ "ငါ မကူညီနိုင်ခဲ့ဘူး" ဆိုတဲ့ အပြစ်တင်စိတ် (Guilt) တွေနဲ့ ကြီးပြင်းလာရတတ်ပါတယ်။

ဒီ (၃) မျိုးစလုံးဟာ ကြီးမားတဲ့ ဆိုးကျိုးတွေကို ခံစားကြရပါတယ်။

အခုကြုံရမယ့် ဆိုးကျိုး
ကလေးဟာ ညဘက် အိပ်မပျော်တာ၊ အကြောင်းမဲ့ ငိုယိုတာ၊ ကျောင်းသွားချင်စိတ် လုံးဝ မရှိတော့တာ၊ စာမလုပ်နိုင်ဘဲ အမှတ်တွေ ထိုးကျလာတာမျိုးတွေ ချက်ချင်း ဖြစ်လာတတ်ပါတယ်။

နောင်ကြုံရမယ့် ဆိုးကျိုး
အချိန်ကြာလာတာနဲ့အမျှ ကိုယ့်ကိုယ်ကိုယ် တန်ဖိုးမထားတော့တာ (Low Self-esteem)၊ လူအများနဲ့ ရောနှောဖို့ ကြောက်ရွံ့လာတာ (Social Anxiety) နဲ့ တချို့သော အဆိုးရွားဆုံး အခြေအနေတွေမှာ မိမိကိုယ်ကို အဆုံးစီရင်ချင်စိတ် တွေအထိ ဖြစ်ပေါ်လာနိုင်ပါတယ်။ ဒါဟာ လျစ်လျူရှုထားလို့ မရတဲ့ အသက်အန္တရာယ်ရှိတဲ့ ပြဿနာပါ။

ဒါဆို မိဘတွေအနေနဲ့ ကိုယ့်ရင်သွေးကို ဒီလို School Bullying သံသရာထဲမှာ ညပ်မနေစေဘဲ၊ ဘယ်လို ကာကွယ်ပေးကြမလဲ?

ကလေးကို "သူလုပ်ရင် ပြန်ချလိုက်" လို့ သင်ပေးမလား၊ ဒါမှမဟုတ် ကျောင်းပြောင်းပေးလိုက်မလား?
တကယ်တော့ ဒါတွေဟာ ရေရှည်အတွက် အဖြေမဟုတ်ပါဘူး။

အကောင်းဆုံး အကာအကွယ်ကတော့ ကလေးကို "Social Emotional Learning (SEL)" လို့ခေါ်တဲ့ စိတ်ခံစားမှုဆိုင်ရာ ဉာဏ်ရည်ဉာဏ်သွေး (EQ) ကို ပြင်ဆင်ပေးလိုက်တာပါပဲ။

SEL ပြည့်ဝတဲ့ ကလေးတွေဟာ ပြဿနာကို ဒီလို ကျော်လွှားနိုင်ပါတယ်-

၁။ Self-Awareness
ကိုယ့်ရဲ့ တန်ဖိုးကို ကိုယ်တိုင် သိတဲ့အတွက် အခြားသူက လာရောက် အနိုင်ကျင့် နှိမ့်ချတဲ့အခါ ကိုယ့်ကိုယ်ကိုယ် သိမ်ငယ်မသွားတော့ပါဘူး။

၂။ Self-Management
အနိုင်ကျင့်ခံရတဲ့အခါ ကြောက်ရွံ့တုန်လှုပ်ပြီး ငိုယိုတာမျိုး မလုပ်ဘဲ၊ တည်တည်ငြိမ်ငြိမ်နဲ့ "NO" လို့ ရဲရဲဝင့်ဝင့် တုံ့ပြန် ပြောဆိုနိုင်စွမ်း (Assertiveness) ရှိလာပါတယ်။

၃။ Social Awareness & Empathy
အခြားသူကို အနိုင်ကျင့်ချင်စိတ် ပေါ်လာရင်တောင် "သူဘယ်လောက် နာကျင်သွားမလဲ" ဆိုတဲ့ ကိုယ်ချင်းစာတရားကြောင့် အနိုင်ကျင့်သူ (Bully) အဖြစ်ကနေ ရှောင်ရှားနိုင်ပါတယ်။

၄။ Responsible Decision Making
သူငယ်ချင်းတစ်ယောက် အနိုင်ကျင့်ခံရတာကို တွေ့ရင် ဘေးကနေ ရပ်ကြည့်မနေဘဲ လူကြီးကို အကြောင်းကြားတာ၊ အကူအညီပေးတာမျိုးတွေကို မှန်မှန်ကန်ကန် ဆုံးဖြတ် လုပ်ဆောင်နိုင်ပါတယ်။

လေးစားရပါသော မိဘတို့ခင်ဗျာ... ကိုယ့်ကလေးကို ကျောင်းမှာ ဘယ်သူကမှ အနိုင်မကျင့်အောင် လိုက်လံ စောင့်ကြည့်ပေးဖို့ဆိုတာ လုံးဝမဖြစ်နိုင်ပါဘူး။
ဒါပေမယ့်သူတို့ကိုယ်တိုင် ရဲရဲဝင့်ဝင့် ရင်ဆိုင်ဖြေရှင်းနိုင်မယ့် "စိတ်ပိုင်းဆိုင်ရာ ကြံ့ခိုင်မှု-Emotional Armor" ကိုတော့ ကျွန်တော်တို့ တပ်ဆင်ပေးလို့ ရပါတယ်။

ကျောင်းဖွင့်ရာသီမှာ ကလေးတွေရဲ့ Academic ပညာရေးအတွက် ကြိုတင်ပြင်ဆင်ပေးသလိုပဲ၊ သူတို့ရဲ့ စိတ်ပိုင်းဆိုင်ရာ လုံခြုံမှုအတွက်ပါ ကြိုတင်ပြင်ဆင်ပေးဖို့ Victory Learning Corner မှာ အသက် (၇) နှစ်မှ ဆယ်ကျော်သက်အရွယ် လူငယ်များအတွက် "SEL for Kids & Teens" အတန်းများကို (Online / In-person) လစဉ် ဖွင့်လှစ်သင်ကြားပေးလျက် ရှိပါတယ်ခင်ဗျာ။

ကိုယ့်ကလေးရဲ့ အနာဂတ်အတွက် အကောင်းဆုံးသော စိတ်ပိုင်းဆိုင်ရာ ရင်းနှီးမြှုပ်နှံမှုကို ပြုလုပ်ချင်တယ်ဆိုရင်တော့... Page ရဲ့ Message Box (သို့မဟုတ်) ဖုန်းနံပါတ်ကနေတစ်ဆင့် အသေးစိတ် လာရောက်ဆွေးနွေး မေးမြန်းနိုင်ပါတယ်ခင်ဗျာ။

Victory Learning Corner
"Where Smart Heads Meet Kind Hearts"

📩 ဆက်သွယ်ရန် / Viber - ၀၉၇၄၀ ၈၄၄ ၀၉၈

မိဘတွေ ပြန်အဆင်ပြေသွားကြရင် အပျော်ဆုံးက ဘယ်သူဖြစ်မလဲ?

အဖြေကတော့…

သားသမီးတွေပါ။ ❤️

မိဘနှစ်ယောက် စကားမပြောဖြစ်ကြတဲ့အချိန်မှာ ကလေးတွေက မပြောပေမယ့် စိတ်ထဲမှာ စိုးရိမ်နေတတ်ကြပါတယ်။

အဖေနဲ့ အမေ ရယ်ရယ်မောမော ပြန်စကားပြောကြတဲ့နေ့၊
အတူတူ ထမင်းစားကြတဲ့နေ့၊
အိမ်ထဲမှာ နွေးထွေးတဲ့ အငွေ့အသက်တွေ ပြန်ရလာတဲ့နေ့…

အဲဒီနေ့မှာ အပျော်ဆုံးအပြုံးကို မြင်ရမယ့်သူက သားသမီးတွေပဲ ဖြစ်ပါတယ်။

သူတို့အတွက် မိဘနှစ်ယောက်ရဲ့ ချစ်ခြင်းမေတ္တာဟာ လုံခြုံမှုဖြစ်သလို၊
မိဘနှစ်ယောက်ရဲ့ ညီညွတ်မှုဟာ သူတို့ရဲ့ စိတ်ချမ်းသာမှု ဖြစ်ပါတယ်။

တစ်ခါတလေ မိဘတွေက ကိုယ့်ရဲ့ စိတ်ဆိုးမှု၊ အတ္တနဲ့ မာနတွေကိုပဲ မြင်နေတတ်ကြပေမယ့်…

ကလေးတွေကတော့

“အဖေနဲ့ အမေ ပြန်အဆင်ပြေကြပါစေ”

ဆိုတဲ့ ဆုတောင်းချက်လေးကို တိတ်တဆိတ် ဆုတောင်းနေတတ်ကြပါတယ်။

ဒါကြောင့် မိဘဖြစ်လာပြီဆိုရင်
“ဘယ်သူမှန်တယ်၊ ဘယ်သူနိုင်တယ်” ဆိုတာထက်

“ငါတို့ကလေး ပျော်ရွှင်ပြီး စိတ်လုံခြုံရဲ့လား” ဆိုတာကို ပိုဦးစားပေး၊ စဉ်းစားပေးဖို့ လိုပါတယ်။

ဘာလို့လဲဆိုတော့…

မိဘတွေ ပြန်အဆင်ပြေသွားတဲ့အခါ အနိုင်ရတာ မိဘတွေမဟုတ်ပါဘူး။
အပျော်ဆုံးဖြစ်သွားတာ သားသမီးတွေပဲ ဖြစ်လို့ပါ။ ❤️

📚 ကလေးကျောင်းဖွင့်တဲ့အခါ မိဘများ လုပ်ပေးသင့်သော အချက်များ

ကျောင်းဖွင့်ချိန်ဆိုတာ ကလေးတွေအတွက် စိတ်လှုပ်ရှားမှုနဲ့အတူ စိုးရိမ်မှုလည်း ရှိနိုင်တဲ့အချိန်ပါ။ မိဘတွေရဲ့ ပြင်ဆင်ပေးမှုက ကလေးရဲ့ ကျောင်းဘဝအစကို ပိုမိုပျော်ရွှင်ပြီး အဆင်ပြေစေပါတယ်။

၁။ အိပ်ချိန်၊ နိုးချိန်ကို ကြိုတင်ညှိပေးပါ

အားလပ်ရက်ကာလမှာ အိပ်ချိန်ပျက်သွားနိုင်တာကြောင့် ကျောင်းဖွင့်မတိုင်မီ ရက်အနည်းငယ်ကစပြီး ကျောင်းတက်ချိန်နဲ့ ကိုက်ညီအောင် အိပ်စက်မှုကို ပြန်လည်ညှိပေးပါ။

၂။ ကျောင်းသုံးပစ္စည်းများကို အတူတကွ ပြင်ဆင်ပါ

ကျောင်းလွယ်အိတ်၊ စာအုပ်၊ ခဲတံ၊ ရေဘူး၊ အဝတ်အစားများကို ကလေးနဲ့အတူ စစ်ဆေးပြင်ဆင်ပေးခြင်းက တာဝန်ယူမှုကို သင်ကြားပေးနိုင်ပါတယ်။

၃။ ကျောင်းအကြောင်းကို အပြုသဘောဖြင့် ပြောပြပါ

“ကျောင်းမှာ သူငယ်ချင်းအသစ်တွေတွေ့မယ်”၊ “ပျော်စရာတွေရှိမယ်” စတဲ့ စကားလေးတွေက ကလေးရဲ့ စိုးရိမ်မှုကို လျော့နည်းစေပါတယ်။

၄။ မနက်စာ မပျက်စေပါနဲ့

အာဟာရပြည့်ဝတဲ့ မနက်စာက ကလေးရဲ့ အာရုံစူးစိုက်နိုင်စွမ်းနဲ့ သင်ယူနိုင်စွမ်းကို တိုးတက်စေပါတယ်။

၅။ ခံစားချက်တွေကို နားထောင်ပေးပါ

“ကျောင်းတက်ရမှာ ဘယ်လိုခံစားရလဲ” ဆိုပြီး မေးမြန်းပေးပါ။ ကြောက်ရွံ့မှု၊ စိုးရိမ်မှုရှိရင်လည်း အပြစ်မတင်ဘဲ နားလည်ပေးဖို့ လိုပါတယ်။

၆။ သန့်ရှင်းရေးအလေ့အကျင့်များ သင်ပေးပါ

လက်ဆေးခြင်း၊ နှာချေချိန် ပါးစပ်အုပ်ခြင်း၊ ကိုယ်ပိုင်ပစ္စည်းများကို သေချာအသုံးပြုတတ်ခြင်းတို့ကို လေ့ကျင့်ပေးပါ။

၇။ ကျောင်းမှ ပြန်လာချိန်ကို အရေးထားပါ

“ဒီနေ့ ဘာတွေဖြစ်ခဲ့လဲ” လို့ မေးပြီး ကလေးရဲ့ အတွေ့အကြုံ၊ ပျော်ရွှင်မှု၊ အခက်အခဲတွေကို နားထောင်ပေးပါ။

၈။ နှိုင်းယှဉ်ခြင်း မလုပ်ပါနဲ့

“သူများက ပိုတော်တယ်” ဆိုတဲ့ စကားတွေထက် “မနေ့ကထက် ဒီနေ့ ပိုကြိုးစားနိုင်တယ်” ဆိုတဲ့ အားပေးမှုတွေက ကလေးရဲ့ ယုံကြည်မှုကို တည်ဆောက်ပေးပါတယ်။

❤️ မိဘများအတွက် သတိရစရာ

ကျောင်းဖွင့်ချိန်မှာ ကလေးတွေ လိုအပ်တာက ပြီးပြည့်စုံတဲ့ မိဘမဟုတ်ပါဘူး။ သူတို့ရဲ့ ခံစားချက်ကို နားထောင်ပေးပြီး လုံခြုံနွေးထွေးတဲ့ အားပေးမှု ပေးနိုင်တဲ့ မိဘကို ပိုလိုအပ်ပါတယ်။

“ကလေးတစ်ယောက်ရဲ့ ပျော်ရွှင်တဲ့ ကျောင်းဘဝအစဟာ စိတ်ရှည်ပြီး နားလည်ပေးတတ်တဲ့ မိဘရဲ့ လက်တွဲမှုကနေ စတင်ပါတယ်။” 🌷📖

#ကျောင်းစတက်တဲ့နေ့
#ကလေးနှင့်ကျောင်း #မိဘမေတ္တာ #စောင့်ရှောက်မှု #တန်ဖိုးထားခြင်း

"အဖေနဲ့ အမေ ဘာလို့ စကားမပြောကြတာလဲဟင်..."

အသက် ၁၄ နှစ်အရွယ် သားလေးဟာ သူ့အခန်းလေးထဲမှာ စာအုပ်ကိုသာ စိုက်ကြည့်နေပေမယ့် စိတ်ကတော့ ဧည့်ခန်းထဲက တိတ်ဆိတ်မှုဆီ ရောက်နေခဲ့တယ်။

အိမ်ထဲမှာ ဘာအသံမှ ထွက်မနေပေမယ့် ရင်ကျပ်စရာ ကောင်းလွန်းတဲ့ တင်းမာမှုတွေက လေထုထဲမှာ ပြည့်နှက်လို့။

အဖေကလည်း မျက်နှာတည်ကြီးနဲ့ ဖုန်းပဲ ကြည့်နေတယ်။ အမေကလည်း စားပွဲမှာ ထိုင်ပြီး စာအုပ်တစ်အုပ်ကို အာရုံမရဘဲ လှန်နေတယ်။ သူတို့နှစ်ယောက်ကြားမှာ ကာရံထားတဲ့ 'အသံတိတ် စစ်ပွဲ' က ကလေးရဲ့ စိတ်ကို အိမ်ထဲမှာ မလုံခြုံသလို ခံစားရစေပါတယ်။
ကလေးတွေက လူကြီးတွေထက်ပတ်ဝန်းကျင်ရဲ့ စိတ်ခံစားချက်အငွေ့အသက်ကို ပိုပြီး အာရုံခံစားမိတတ်ကြတာပါ။
မိဘတွေ စကားမပြောဖြစ်ကြတဲ့အချိန်၊ အိမ်ထဲမှာ အေးစက်စက် အငွေ့အသက်တွေ လွှမ်းမိုးနေတဲ့အချိန်မှာ ကလေးတွေက နှုတ်ကထုတ်မပြောပေမယ့် စိတ်ထဲမှာတော့
"ငါ တစ်ခုခု အမှားလုပ်မိလို့လား..."
"အဖေနဲ့အမေ ဝေးကွာသွားကြတော့မှာလား..." ဆိုတဲ့ စိုးရိမ်စိတ်တွေနဲ့ ရင်တထိတ်ထိတ် ဖြစ်နေတတ်ကြပါတယ်။
ညဘက် ကုတင်ပေါ်လှဲ မအိပ်ခင်မှာလည်း သားလေးဟာ ရင်ထဲကနေ တိတ်တဆိတ် ဆုတောင်းနေမိတယ်... “အဖေနဲ့
အမေ ပြန်အဆင်ပြေကြပါစေ” လို့။
နောက်နေ့ ညနေမှာတော့... အိမ်ထဲကို နွေးထွေးတဲ့ အလင်းရောင်လေးတွေ ပြန်ဝင်လာသလိုပဲ။
မီးဖိုချောင်ထဲမှာ ဟင်းချက်ရင်း အဖေနဲ့အမေ ရယ်ရယ်မောမော ပြန်စကားပြောနေကြတဲ့အသံ၊ အတူတူ ထမင်းစားဖို့ ပြင်ဆင်နေကြတဲ့ မြင်ကွင်းကို သားလေး မြင်လိုက်ရတဲ့အချိန်...
အဲဒီအချိန်မှာ သားလေးရဲ့ မျက်နှာပေါ်က အပျော်ဆုံး အပြုံးဟာ ကမ္ဘာပေါ်မှာ အလှဆုံးပါပဲ။
ကလေးတွေအတွက်တော့ မိဘနှစ်ယောက်ရဲ့ ချစ်ခြင်းမေတ္တာဟာ အကောင်းဆုံး 'လုံခြုံမှု' ဖြစ်ပြီး၊ မိဘနှစ်ယောက်ရဲ့ ညီညွတ်မှုဟာ သူတို့ရဲ့ 'စိတ်ချမ်းသာမှု' ပါ။
တစ်ခါတလေ မိဘတွေက ကိုယ့်ရဲ့ စိတ်ဆိုးမှု၊ အတ္တနဲ့ မာနတွေကိုပဲ ရှေ့တန်းတင်ပြီး "ငါမှန်တယ်၊ ငါနိုင်တယ်" ဆိုတာကိုပဲ မြင်နေတတ်ကြပေမယ့်... တကယ်တော့ မိဘတွေ ပြန်အဆင်ပြေသွားတဲ့အခါ အနိုင်ရတာ မိဘတွေမဟုတ်ဘူး။
အပျော်ဆုံးနဲ့ အနိုင်ဆုံး ဖြစ်သွားတာ သားသမီးတွေပဲ ဖြစ်ပါတယ်။ ❤️
ဒါကြောင့် "ငါတို့ ဘယ်သူမှန်လဲ" ထက် "ငါတို့ကလေး ပျော်ရွှင်ပြီး စိတ်လုံခြုံရဲ့လား" ဆိုတာကို ပိုဦးစားပေး စဉ်းစားပေးကြပါစို့ရှင်။



#အမေ့ရဲ့သက်ပြင်းချသံနဲ့သားလေးရဲ့တိတ်တဆိတ်ဆုတောင်းချက်

ကိုယ့်ဒေါသနောက်မှာ “ဘယ်သူနာကျင်သွားလဲ” လို့ မာနကိုချပြီး ငုံ့ကြည့်ပေးနိုင်စွမ်း သင့်ဆီမှာ ရှိရဲ့လား?

အိမ်ထောင်ရေးတစ်ခုမှာ “ချစ်ရုံ” နဲ့တင် မလုံလောက်ဘဲ “နားလည်ပေးနိုင်စွမ်း” က လက်တွေ့ဘဝကို ဆွဲတင်ရတဲ့ အချိန်တွေရှိတတ်ပါတယ်။

တစ်နေ့တော့…အမျိုးသားဖြစ်သူက “အမျိုးသမီးအတွက်လိုအပ်တာတွေဝယ်ပေးမယ်” ဆိုပြီး ဇနီးနဲ့ကလေးကို Shopping Centre ခေါ်သွားခဲ့ပါတယ်။
ဒါပေမဲ့
“အမျိုးသမီးနဲ့အတူ ဖိနပ်ဝယ်ကြမယ်ဆိုတာပြောထားကြပြီးသားပေမယ့် ဖိနပ်ဝယ်နေကျဆိုင်ရှေ့ရောက်တဲ့အခါ အရင်လို…ဖိနပ်ဆိုင်ထဲလည်းတန်းမဝင်၊ရွေးချယ်ကြည့်ရှုပေးခြင်းမျိုးမရှိပဲ၊ ဟိုဆိုင်ဝင်မလိုလို၊ ဒီဆိုင်ဝင်မလိုလိုနဲ့ ရှေ့မှာပတ်နေတယ် (အရင်က ဒီဆိုင်ဝင်ကြည့်မယ်၊ ပြီးသေချာရွေးချယ်ပေးနေကျ) ခုကျ ကိုယ်ခန္ဓာပဲ ဘေးမှာရှိပြီး စိတ်ကတခြားတစ်နေရာ ရောက်နေသလိုမျိုး။

ဇနီးဖြစ်သူက အဲ့ဒီအပြောင်းအလဲကို ချက်ချင်း ခံစားမိလိုက်တယ်။
စိတ်ထဲလည်းဝမ်းနည်းသွားတယ်။ သူ့ဘာသာဝင်ကြည့်တယ်။
ဒါပေမယ့်သူမ စိတ်ထဲခံစားရတာရော၊ သူမပိုက်ဆံနဲ့ဝယ်ရတာမဟုတ်တဲ့အတွက် သူမ ဖိနပ်တွေကို သေချာမကြည့်ပဲ ဆိုင်ပြင်ထွက်လာတယ်။

သူမ ခံစားချက်ကို အသာလေး မြိုသိပ်ထားလိုက်တယ်။
အပေါ်ထပ်မတက်ချင်တော့ပေမယ့် ကလေးက အပေါ်သွားချင်တယ်ဆိုတာကြောင့် အပေါ်ဆက်တက်ခဲ့တယ်။

နောက်ထပ်လည်း ဒီလိုပဲ ဘယ်ဆိုင်ဝင်ကြည့်မယ်မရှိပဲ ပတ်နေပြန်တယ် အမျိုးသမီးစိတ်မရှည်ပဲ ဖိိနပ်ဆိုင်တစ်ခုကိုထပ်ဝင်ကြည့်တယ်။

အဲအချိန် အမျိုးသားဖုန်းကလာနေလို့ အပြင်ထွက်ဖုန်းသွားပြောတယ်၊ အမျိုးသမီးက သူ့ဘာသာကြိုက်တာ၊ လိုက်တာကို မရွေးချင်ပဲ ပြန်ဆင်းကြမယ်ဆိုပြီး ပြန်ဆင်းပြီး ကားနဲ့ပြန်လာကြတယ်။

ကားပေါ်ရောက်တော့ အမျိုးသားက “ဖုန်းတွေ ဆက်တိုက်ဝင်နေတာကို နားမလည်ဘူးလား၊ ကိုယ်ချင်းမစာဘူးလား” ဆိုပြီး စိတ်မရှည်သလို အမျိုးသမီးကိုပြောတယ်။

ဒါပေမဲ့ ဇနီးဖြစ်သူ စိတ်ထဲခံစားနေရတာက ဖုန်းလာတာကြောင့်မဟုတ်ဘူး။လို့ပြန်ပြောလိုက်တဲ့အချိန်မှာတော့…
အမျိုးသားက စိတ်မထိန်းနိုင်ဘဲ ကားစတီယာရင်ကို ဒေါသတကြီးထုနှက်လိုက်တယ်။
အဲ့ဒီစက္ကန့်မှာပဲ… ဇနီးရဲ့ရင်ထဲက ဝမ်းနည်းမှုတွေဟာ “ကြောက်ရွံ့တုန်လှုပ်မှု” အဖြစ် ပြောင်းလဲသွားခဲ့တယ်။

ဘေးက ကလေးငယ်လေး လန့်ဖြန့်ပြီး ငိုရှာတော့မယ့် မျက်နှာလေးကို မြင်လိုက်ရတဲ့အချိန်မှာတော့ သူမရဲ့ မိခင်စိတ်က ပိုလို့တောင်ကွဲကြေသွားရတယ်။
တကယ်တော့ EQ မြင့်မားသူဆိုတာ စိတ်အေးနေချိန်မှာတင် မဟုတ်ဘဲ၊ မိမိကိုယ်တိုင် ဒေါသအရှိန် တောက်လောင်နေရတဲ့ အချိန်မှာပါမိမိရဲ့ "အတ္တ" ထက် မိမိရဲ့ "ဇနီးနဲ့ ကလေး" အတွက် စာနာပေးနိုင်တဲ့ စိတ်နဲ့ ကြည့်ပေးနိုင်သူကို ခေါ်တာပါ။

ဒေါသအရှိန် တောက်လောင်နေရတဲ့ အချိန်မှာတောင်…ကိုယ့်ရဲ့ အပြုအမူ၊ ကိုယ့်ရဲ့ စကားတစ်ခွန်းက ကိုယ်ချစ်ပါတယ်ဆိုတဲ့သူ့ရဲ့ စိတ်ထဲမှာ ဘယ်လောက်အထိ နက်ရှိုင်းတဲ့ “အမာရွတ်” ဖြစ်ကျန်ရစ်မလဲဆိုတာနဲ့ပတ်သက်ပြီး ဆင်ခြင်တုံတရားနဲ့ ထိန်းချုပ်နိုင်စွမ်း ဖြစ်တယ်။

EQ မြင့်တဲ့သူတွေက ပြဿနာတစ်ခုမှာ “ဘယ်သူမှန်လဲ၊ ဘယ်သူမှားလဲ” ဆိုတဲ့ အတ္တထက်၊ “ငါ့ကြောင့် ဘယ်သူနာကျင်သွားပြီလဲ” ဆိုတဲ့ခံစားချက်ကိုပဲ ဦးစားပေး ကြည့်တတ်ကြတယ်။

Relationship တစ်ခုမှာ တစ်ဖက်လူရဲ့ ခံစားချက် (Feeling) ကို Dismiss လုပ်ပစ်တာ (ဒါလေးတင်ပဲကို အပိုတွေလုပ်တယ်လို့သတ်မှတ်တာ) များလာရင် အချစ်တွေက တဖြည်းဖြည်းနဲ့ အေးစက်ခဲပိတ်သွားတတ်ပါတယ်။

“အဲ့လောက်ထိ ဘာဖြစ်စရာလိုလို့လဲ” ဆိုတဲ့ စကားတစ်ခွန်းကတစ်ဖက်လူ ရင်ဘတ်ကွဲမတတ် ခံစားနေရတဲ့ နာကျင်မှုကို တန်ဖိုးမရှိအောင် ခြေမွှဖျက်ဆီးလိုက်သလိုပါပဲ။

EQ မြင့်တဲ့ Partner ဆိုတာပြဿနာမဖြစ်အောင် အမြဲတမ်း Perfect ဖြစ်နေတဲ့သူတော့ မဟုတ်ပါဘူး။

အမှားတစ်ခု လုပ်မိသွားတဲ့အခါ ကိုယ့်မာန (Ego) ထက် တစ်ဖက်လူရဲ့ အခြေအနေကို စာနာမှု (Empathy) ကို ဦးစားပေး ရွေးချယ်တတ်သူသာ ဖြစ်ပါတယ်။

ပြီးတော့… တိတ်ဆိတ်နေတဲ့လူတိုင်း “အဆင်ပြေနေတာ မဟုတ်ဘူး” ဆိုတာကိုလည်း သတိပြုမိသင့်ပါတယ်။

တချို့လူတွေက အိမ်ထဲမှာ မုန်တိုင်းမကျချင်လို့၊ အေးချမ်းမှုမပျက်ချင်လို့ ကိုယ်နာကျင်နေတာကို ကိုယ်တိုင်ပဲ မြိုသိပ်ပြီး အပြုံးတုတွေနဲ့ နေပြကြတာ။
ဒါပေမဲ့ အကြိမ်ကြိမ် မျိုသိပ်ထားရတဲ့ စိတ်အနာတွေက တစ်နေ့ကျရင် “ချစ်ခြင်း” ထက် “ပင်ပန်းလွန်းခြင်း” ကို ပိုကြီးမားလာစေပြီးလက်လွှတ်ဖို့အထိ တွန်းပို့နိုင်ပါတယ်။

ဒါ့ကြောင့် အိမ်ထောင်ရေးတစ်ခုမှာ… အိမ်ထောင်ဘက်နှစ်ဦးစလုံးရဲ့IQ က မိသားစုတစ်စုအတွက် လိုအပ်တဲ့အိမ်ကို ခိုင်ခန့်အောင်တည်ဆောက်ပေးနိုင်ပါလိမ့်မယ်။
ဒါပေမဲ့ အိမ်ထောင်ဘက်နှစ်ဦးစလုံးရဲ့ EQ မြင့်မှသာ( တစ်ယောက်ကိုတစ်ယောက် အပြန်အလှန် ကိုယ်ချင်းစာစိတ်ရှိမှသာ) အဲ့ဒီအိမ်ကလေးကို စိတ်လုံခြုံမှုအပြည့်ရှိတဲ့ “နွေးထွေးတဲ့ ခိုလှုံရာ” အစစ်အမှန် ဖြစ်အောင် ထိန်းသိမ်းပေးနိုင်တာပါ။

အိမ်ထောင်ရေးတစ်ခုမှာ ဇနီးနဲ့ ခင်ပွန်းကြား သာမက မိမိရဲ့ရင်သွေးရဲ့ စိတ်လုံခြုံမှုပေးနိုင်ဖို့ EQ က အရေးကြီးသလိုပဲ၊ မိမိတို့ရဲ့ ရင်သွေးငယ်တွေကို ကျန်းမာပျော်ရွှင်ပြီး လူမှုပတ်ဝန်းကျင်မှာအောင်မြင်တဲ့သူတွေဖြစ်လာအောင် ပျိုးထောင်ပေးဖို့အတွက်လည်း "မိဘများရဲ့ EQ မြင့်မားမှု" က အသက်သွေးကြောတမျှအရေးပါနေပါတယ်။

ဒေါသထွက်စရာ ကြုံလာတဲ့အခါ မိမိအတ္တထက် ကိုယ့်ရဲ့အိမ်ထောင်ဘက်နဲ့ ကလေးရဲ့ စိတ်ဒဏ်ရာကို ငုံ့ကြည့်ပေးနိုင်တဲ့ သူတစ်ယောက်ဖြစ်လာဖို့၊ ကလေးရဲ့ ခံစားချက်ကို Dismiss မလုပ်ဘဲ ဖေးမတတ်ဖို့အတွက် Victory Learning Corner မှာ မိဘများ တက်ရောက်လေ့လာနိုင်တဲ့ Parenting EQ Program (မိဘများအတွက် စိတ်ခံစားမှုဆိုင်ရာ သင်တန်းနှင့် အစီအစဉ်များ) ရှိနေပါတယ်ခင်ဗျာ။



#အိမ်ထောင်ရေး #ကိုယ်ချင်းစာတရား #နားလည်မှု

🐀🦠 ကြွက်များမှ ကူးစက်တတ်သော 𝗛𝗮𝗻𝘁𝗮𝘃𝗶𝗿𝘂𝘀 အကြောင်း သိထားသင့်ပါတယ် 🦠🐀

𝗛𝗮𝗻𝘁𝗮𝘃𝗶𝗿𝘂𝘀 ဆိုသည်မှာ
ကြွက်များ၏ ဆီး၊ မစင်၊ တံတွေးများမှတစ်ဆင့် လူသို့ ကူးစက်နိုင်သော ပြင်းထန်သည့် ဗိုင်းရပ်စ်ရောဂါတစ်မျိုး ဖြစ်ပါသည်။

⚠️ အဖြစ်နည်းသော်လည်း
ကူးစက်ခံရပါက အသက်အန္တရာယ်ရှိနိုင်သည့် ရောဂါဖြစ်သောကြောင့် သတိထားကာကွယ်ရန် အရေးကြီးပါသည်။

😷 ရောဂါလက္ခဏာများ
• ဖျားခြင်း
• ခေါင်းကိုက်ခြင်း
• ကြွက်သားနာကျင်ခြင်း
• ပျို့အန်ခြင်း
• အသက်ရှူရခက်ခဲခြင်း
• ပြင်းထန်ပါက အဆုတ်နှင့် ကျောက်ကပ် ထိခိုက်နိုင်ခြင်း

🛡 ကာကွယ်ရန်
✔️ အိမ်နှင့်ပတ်ဝန်းကျင် သန့်ရှင်းထားပါ။
✔️ အစားအစာများကို လုံခြုံစွာ သိမ်းဆည်းပါ။
✔️ ကြွက်ချေးများကို တံမြက်စည်းဖြင့် မလှည်းဘဲ စိုစွတ်သောနည်းဖြင့် သန့်ရှင်းပါ။
✔️ လက်ကို ဆပ်ပြာဖြင့် စင်ကြယ်စွာ ဆေးကြောပါ။

✈️ ခရီးသွားသူများအတွက်လည်း အထူးသတိပြုရန်လိုအပ်ပါသည်။
ကြွက်အညစ်အကြေးများရှိနိုင်သော ပိတ်လှောင်နေရာများကို ရှောင်ကြဉ်ပြီး သန့်ရှင်းရေးပြုလုပ်ရာတွင် protective measures များ အသုံးပြုပါ။

💢 ကြွက်များနှင့် ထိတွေ့ပြီးနောက်
အပြင်းဖျားခြင်း သို့မဟုတ် အသက်ရှူရခက်ခဲခြင်းများ ဖြစ်ပေါ်လာပါကဆေးရုံ၊ ဆေးခန်းသို့ အမြန်ဆုံး သွားရောက်ပြသပါ။

🫶 ကျန်းမာရေးကို ဂရုစိုက်ခြင်းဟာမိမိကိုယ်ကို ကာကွယ်ခြင်းသာမက မိသားစုကိုလည်း ကာကွယ်ပေးခြင်း ဖြစ်ပါတယ်။

ကဆုန်လပြည့်အခါသမယတွင် ကိုယ်၊ စိတ်နှစ်ဖြာကျန်းမာ၊ချမ်းသာကြပါစေကြောင်း ဆုတောင်းမေတ္တာပို့သအပ်ပါသည်။

Victory Educational Kits for 💛
Happy learningwith Victory 💝

#ကဆုန်လပြည့်ဗုဒ္ဓနေ့