Deped Tayo Palawit ES Annex - Cavite Province

🎒 BIYAYA SA BAWAT BAG, PAG-ASA SA BAWAT MAG-AARAL
Donasyon ng mag asawang ayaw magpakilala, Naghatid ng Ngiti at Inspirasyon sa Palawit ES Annex
Sa patuloy na diwa ng bayanihan at malasakit sa edukasyon, pinagkalooban ng mga biyaya ang mga mag-aaral ng Palawit Elementary School Annex sa pamamagitan ng mapagkawang-gawang donasyon ng kanilang pamilya.

Naghatid sila ng iba't ibang kagamitang makatutulong sa pag-aaral at kapakanan ng mga bata tulad ng mga school bags, lunch boxes na may kasamang tumbler, mga payong, educational manipulatives, at emergency kit sets. Ang mga kagamitang ito ay tiyak na makapagbibigay ng dagdag na inspirasyon at suporta sa mga mag-aaral sa kanilang pag-aaral.

Ayon sa Kalihim ng Barangay Lallana, kilala ang mag-asawa sa kanilang bukas-palad na pagtulong sa komunidad. Bahagi na umano ng kanilang misyon ang magbahagi ng biyaya sa mga nangangailangan, kabilang na ang mga batang nasa Day Care Center ng Barangay Lallana na nakatanggap din ng kanilang tulong noong mga nakaraang pagkakataon.

Buong pasasalamat na tinanggap ng pamunuan ng paaralan, mga g**o, at mga mag-aaral ang mga handog na ito. Higit pa sa mga materyal na bagay, ang kanilang donasyon ay nagsisilbing inspirasyon at paalala na maraming indibidwal at pamilya ang handang tumulong upang mapaunlad ang edukasyon ng kabataan.

Ang kabutihang-loob nina Ma'am at Sir ay patunay na ang tunay na tagumpay ay nasusukat hindi lamang sa naabot sa buhay kundi sa kakayahang magbahagi ng biyaya sa kapwa.

Maraming salamat po sa inyong walang sawang pagmamalasakit at suporta sa mga mag-aaral ng Palawit Elementary School Annex.

NAGKAISA PARA SA MAS LIGTAS AT MAAYOS NA DAANAN SA PALAWIT ES–ANNEX
Bayanihan at Pagkakaisa, Susi sa Solusyon
Isa sa mga hamon na kinaharap ng bagong bukas na Palawit Elementary School – Annex ay ang mataas na gutter sa harap ng paaralan na nagiging sagabal sa pagpasok at paglabas ng mga sasakyan sa loob ng compound. Dahil dito, nahihirapan ang mga g**o, magulang, at iba pang mga bisita na maipasok nang maayos ang kanilang mga sasakyan sa paaralan.

Sa kabila ng hamong ito, muling napatunayan ang diwa ng bayanihan sa komunidad. Sa pamamagitan ng kusang-loob na tulong ng mga mabubuting puso at mga nagmalasakit sa paaralan, may mga nag-donate ng semento at iba pang materyales upang maisagawa ang paggawa ng sementadong rampa sa pasukan ng paaralan.

Sa pagtutulungan ng mga boluntaryo at mga miyembro ng komunidad, matagumpay na naisagawa ang pagsesemento ng rampahan na magsisilbing ligtas at maayos na daanan ng mga sasakyan. Ang proyektong ito ay malaking tulong hindi lamang sa mga g**o kundi maging sa mga mag-aaral, magulang, at iba pang stakeholder na bumibisita sa paaralan.

Taos-pusong Pasasalamat
Ang pamunuan ng Palawit Elementary School – Annex ay taos-pusong nagpapasalamat sa lahat ng mga nagbigay ng materyales, oras, lakas, at suporta upang maisakatuparan ang proyektong ito. Ang inyong kabutihang-loob at pakikiisa ay patunay na ang edukasyon ay tunay na responsibilidad ng buong komunidad.

Patuloy na magsisilbing inspirasyon ang inyong pagtulong upang higit pang mapaganda at mapaunlad ang ating paaralan para sa kapakanan ng mga mag-aaral.

"Sa bawat tulong at bayanihan, mas nagiging matatag ang paaralan at mas maliwanag ang kinabukasan ng ating mga kabataan."

Sama-sama para sa malusog na kabataan!
Ang Palawit Elementary School–Annex ay nakikipagtulungan sa mga magulang, barangay, at mga katuwang sa kalusugan upang matiyak ang ligtas, malusog, at de-kalidad na edukasyon para sa bawat mag-aaral.

Biyayang Handog para sa Paaralan: Tulong at Donasyong Nagbigay-Lakas

Unang Linggo ng Pasukan, Sinimulan sa Diagnostic Assessment Bilang Bahagi ng ARAL Program ng DepEd

PSDS MULING BUMISITA SA PALAWIT ES ANNEX PARA SA BRIGADA ESKWELA MONITORING
Dr. Marlene Panganiban, nagbigay ng Technical Assistance para sa matagumpay na paghahanda sa SY 2026–2027
PALAWIT ELEMENTARY SCHOOL – ANNEX, muling pinarangalan ng pagbisita ni Dr. Marlene Panganiban, PSDS ng TMC 1, kasama si Nurse Jomacris Javier, bilang bahagi ng monitoring at pagbibigay ng Technical Assistance para sa Brigada Eskwela 2026–2027.

Sa kanyang pagbisita, sinuri ni Dr. Panganiban ang mga isinagawang paghahanda ng paaralan upang matiyak ang ligtas, maayos, at handang pagbubukas ng klase para sa mga mag-aaral. Nagbigay rin siya ng mahahalagang mungkahi at gabay upang higit pang mapabuti ang implementasyon ng mga programa at gawain ng Brigada Eskwela.

Lubos na nagpapasalamat ang pamunuan, mga g**o, at mga stakeholder ng Palawit Elementary School – Annex sa patuloy na suporta, paggabay, at Technical Assistance na ibinibigay ni Dr. Panganiban at Nurse Jom Javier. Ang kanilang pagbisita ay nagsisilbing inspirasyon upang patuloy na maisakatuparan ang mga layunin ng DepEd para sa de-kalidad na edukasyon.

Sa pamamagitan ng sama-samang pagkilos ng paaralan at komunidad, masisig**o ang matagumpay at makabuluhang pagbubukas ng taong panuruan 2026–2027

Palawit ES Annex: Bagong Paaralan, Bagong Pag-asa, Mas Maliwanag na Kinabukasan