Al Misbah

نیکیوں کا موسمِ بہار

سب تعریفیں اُس اللہ کے لیے ہیں جس نے وقت کو پیدا فرمایا، پھر بعض دنوں اور مہینوں کو خاص فضیلت عطا کی تاکہ بندوں پر رحمت کے دروازے کھل جائیں اور نیکیوں کا اجر کئی گنا بڑھ جائے۔ یہ مبارک موسم (حج اور عشرہ ذوالحجہ) دراصل اللہ کی طرف سے ایک محبت بھری پکار ہیں، تاکہ غفلت میں ڈوبا ہوا بندہ دوبارہ اپنے رب کی طرف لوٹ آئے، چھوٹے ہوئے اعمال کی کمی پوری کرلے، آنکھوں میں ندامت اور دل میں توبہ لے کر اپنے رب کے قریب ہوجائے۔کتنا خوش نصیب ہے وہ انسان جو ان بابرکت لمحات کی قدر کرلے، اپنے رب کی اطاعت میں جھک جائے، اور رحمتِ الٰہی کی ان ہواؤں سے اپنا دامن بھر لے۔ شاید یہی چند لمحے اُس کی مغفرت، نجات اور جہنم کی آگ سے حفاظت کا سبب بن جائیں۔

ذوالحجہ کا چاند:
نبی کریم ﷺ نے فرمایا: "جب تم ذوالحجہ کا چاند دیکھو اور تم میں سے کوئی شخص قربانی کا ارادہ رکھتا ہو، وہ اپنے بالوں اور ناخنوں کو (نہ کاٹے) اپنے حال پر رہنے دے۔" (مسلم: 1977)

عشرۂ ذوالحجہ :
اللہ تعالیٰ نے ان دنوں کی قسم کھائی ہے: "قسم ہے فجر کی، اور دس راتوں کی"۔ (سورۃ الفجر: 1-2)
اکثر مفسرین کے نزدیک "دس راتوں" سے مراد ذوالحجہ کا پہلا عشرہ ہے۔

-- ذوالحجہ کے ابتدائی دس دن اللہ تعالیٰ کے نزدیک نہایت فضیلت والے ہیں۔
رسول اللہ ﷺ نے فرمایا: "ان دنوں میں کیے گئے نیک اعمال اللہ تعالیٰ کو سب سے زیادہ محبوب ہیں۔"(صحیح بخاری: 969)

اہم اعمال:
1۔ نیک اعمال کی کثرت
نماز، تلاوتِ قرآن، ذکر، دعا، صدقہ اور دیگر نیک اعمال کا اہتمام کیا جائے۔ (صحیح بخاری:969)

2۔ روزہ رکھنا، خصوصاً 9 ذوالحجہ (یومِ عرفہ) کا روزہ
رسول اللہ ﷺ نے فرمایا: "میں اللہ سے امید رکھتا ہوں کہ یومِ عرفہ کا روزہ ایک سال پہلے اور ایک سال بعد کے گناہوں کا کفارہ بن جائے گا۔ (مسلم: 1162)

3۔ تکبیرات کہنا
الله أكبر، الله أكبر، لا إله إلا الله، والله أكبر، الله أكبر، ولله الحمد
نبی ﷺ نے فرمایا: "ان دنوں میں تہلیل، تکبیر اور تحمید کثرت سے پڑھا کرو۔" (مسند احمد:5446)

4۔ قربانی کرنا: "صاحبِ استطاعت مسلمان قربانی کے ذریعے اللہ کا تقرب حاصل کرے۔" (سورۃ الکوثر: 2)

5۔ حج و عمرہ
ان دنوں میں حج ادا کرنا عظیم ترین اعمال میں سے ہے۔
رسول اللہ ﷺ نے فرمایا: "حجِ مبرور کا بدلہ جنت کے سوا کچھ نہیں۔" (بخاری: 1773)

6۔ توبہ و استغفار
گناہوں سے سچی توبہ اور اللہ تعالیٰ کی طرف رجوع کیا جائے: "تم سب اللہ کے سامنے توبہ کرو۔" (سورۃ النور: 31)

المصباح ڈیجیٹل

______________
مستند علماء اور حوالہ جات سے بھرپور دینی و شرعی رہنمائی حاصل کرنے کے لیے سبسکرائب کریں:

المصباح ڈیجیٹل یوٹیوب چینل
https://youtube.com/?si=MqFMM7qilnOka7tW

شارٹ کلپس کے لیے فیس بک پیج لائک کریں:

المصباح ڈیجیٹل فیس بک پیج
https://www.facebook.com/share/1AxKupfPLh/

افادۂ عام اور حصولِ ثواب کے لیے اسے دیگر احباب تک شیئر کریں۔

جزاکم اللہ خیراً

ٹیم المصباح ڈیجیٹل

رابطہ و تجاویز:
03008189849