KUST Nursing Community

کوہاٹ: KUST میں نرسنگ سیمینار، ویلکم پارٹی، کینڈل لائٹنگ اور اوتھ ٹیکنگ تقریب کا شاندار انعقاد

کوہاٹ: کوہاٹ یونیورسٹی آف سائنس اینڈ ٹیکنالوجی (KUST) کے نرسنگ ڈیپارٹمنٹ کے طلبہ و طالبات کی جانب سے "Nursing Seminar, Candle Lighting & Oath Taking Ceremony" اور ویلکم پارٹی کا شاندار انعقاد کیا گیا۔ تقریب کا مقصد نرسنگ کے شعبے سے وابستہ نئے طلبہ کو خوش آمدید کہنا، انہیں پیشہ ورانہ ذمہ داریوں سے آگاہ کرنا اور خدمتِ انسانیت کے جذبے کو مزید فروغ دینا تھا۔

تقریب میں وائس چیئرمین نرسنگ ڈیپارٹمنٹ اسسٹنٹ پروفیسر فرجاد علی شاہ، سابق چیئرمین نرسنگ ڈیپارٹمنٹ پروفیسر ڈاکٹر فرمان اللہ، چیئرمین ایمرجنسی کیئر ٹیکنالوجی پروفیسر ڈاکٹر فواد بنگش، لیکچرر مسٹر حمید خان، لیکچرر مسٹر محیب خان، لیکچرر مس نایاب حبیب، ڈسٹرکٹ یوتھ آفیسر فیصل وزیر، انسپکٹر ممتاز علی اور بانی صدر KUST نرسنگ کمیونٹی عاصم وزیر سمیت اساتذہ کرام، طلبہ و طالبات اور دیگر معزز شخصیات نے بھرپور شرکت کی۔

تقریب کے چیف گیسٹ رکنِ قومی اسمبلی (MNA) جناب شہریار آفریدی تھے جبکہ اسپیشل گیسٹ ملک حافظ حبیب نور تھے۔ تاہم حالات کی نزاکت کے باعث ان کی شرکت ممکن نہ ہو سکی، البتہ انہوں نے اپنی نمائندگی کے لیے اپنے بھائی انسپکٹر ممتاز علی کو تقریب میں بھیجا۔

اس موقع پر نئے نرسنگ طلبہ سے باقاعدہ حلف لیا گیا اور انہیں پیشہ ورانہ اخلاقیات، مریضوں کی بہترین نگہداشت، دیانت داری اور ذمہ داری کے ساتھ اپنے فرائض انجام دینے کے عزم کی تجدید کرائی گئی۔ تقریب کے دوران کینڈل لائٹنگ کی خصوصی تقریب بھی منعقد ہوئی، جس نے نرسنگ کے مقدس پیشے سے وابستگی، ہمدردی، ایثار اور خدمتِ انسانیت کے عزم کو اجاگر کیا۔ اس کے ساتھ ساتھ سینئر طلبہ و طالبات نے نئے آنے والے طلبہ کا دل کی گہرائیوں سے استقبال کیا اور انہیں KUST نرسنگ فیملی میں شمولیت پر خوش آمدید کہا۔

بانی صدر KUST نرسنگ کمیونٹی عاصم وزیر نے اپنے خطاب میں کہا کہ نرسنگ ڈیپارٹمنٹ کو کونسل رجسٹریشن کے حوالے سے جن مسائل کا سامنا تھا، اس دوران تمام نرسنگ طلبہ نے جس اتحاد، صبر اور ثابت قدمی کا مظاہرہ کیا وہ انتہائی قابلِ تعریف ہے۔ انہوں نے کہا کہ طلبہ کی اجتماعی جدوجہد نے اس مسئلے کو اجاگر کرنے میں اہم کردار ادا کیا اور امید ظاہر کی کہ مستقبل میں نرسنگ کے شعبے کو مزید ترقی اور استحکام حاصل ہوگا۔

انہوں نے مزید اپنے خطاب میں رکنِ قومی اسمبلی جناب شہریار آفریدی، ملک حافظ حبیب نور اور دیگر تمام افراد کا بطور نرسنگ کمیونٹی شکریہ ادا کرتے ہوئے کہا کہ آج نرسنگ طلبہ جو خوشیاں منا رہے ہیں اور جس اعتماد کے ساتھ اپنے تعلیمی سفر کو جاری رکھے ہوئے ہیں، اس میں ان شخصیات کی کاوشوں اور تعاون کا اہم کردار ہے۔ انہوں نے کہا کہ نرسنگ طلبہ ان خدمات اور قربانیوں کو ہمیشہ قدر کی نگاہ سے دیکھیں گے اور یاد رکھیں گے۔

عاصم وزیر نے ڈسٹرکٹ یوتھ آفیسر فیصل وزیر کا بھی خصوصی شکریہ ادا کیا جن کی کاوشوں سے اس بہترین اور یادگار پروگرام کا انعقاد ممکن ہوا۔

تقریب کے اختتام پر اساتذہ کرام، مہمانانِ گرامی اور دیگر نمایاں شخصیات میں شیلڈز تقسیم کی گئیں۔ اس موقع پر نئے طلبہ کو ان کے تعلیمی سفر کے آغاز پر مبارکباد پیش کرتے ہوئے ان کے روشن مستقبل، پیشہ ورانہ کامیابی اور خدمتِ انسانیت کے جذبے کے لیے نیک تمناؤں کا اظہار کیا گیا۔

یہ یادگار تقریب خوشی، اتحاد، روایت، اخوت اور پیشہ ورانہ ذمہ داری کے احساس سے بھرپور رہی۔

اللہ تعالیٰ تمام نرسنگ طلبہ و طالبات کو اپنے پیشے میں کامیابی، عزت اور انسانیت کی خدمت کی توفیق عطا فرمائے۔ 🤍🕯️👩‍⚕️👨‍⚕️

Deputy Commissioner Kohat
Shehryar Khan Afridi
DPO Kohat
Kohat University of Science & Technology KUST

کسٹ نرسنگ کمیونٹی، وائس چانسلر پروفیسر ڈاکٹر ظفر الیاس صاحب، چیئرپرسن نرسنگ ڈیپارٹمنٹ میڈم سمیرا جبین صاحبہ، اسسٹنٹ پروفیسر سید فرجاد علی شاہ صاحب، اور بالخصوص ڈائریکٹر اکیڈمکس ڈاکٹر ذیشان صاحب اور ان کی پوری ٹیم کی تہہ دل سے مشکور ہے، جن کی مسلسل کاوشوں، بہترین رہنمائی اور بھرپور تعاون کی بدولت آج کوہاٹ یونیورسٹی آف سائنس اینڈ ٹیکنالوجی (KUST) کا نام باضابطہ طور پر پاکستان نرسنگ اینڈ مڈوائفری کونسل (PNMC) کے رجسٹرڈ اداروں کی فہرست میں شامل ہو چکا ہے۔
یہ کامیابی صرف ایک ادارے کی نہیں بلکہ پوری نرسنگ کمیونٹی، طلبہ، فیکلٹی اور انتظامیہ کی مشترکہ محنت، عزم اور لگن کا ثمر ہے۔
ہمیں فخر ہے کہ کوہاٹ یونیورسٹی آف سائنس اینڈ ٹیکنالوجی (KUST) پاکستان کی پہلی یونیورسٹی بن گئی ہے جسے پاکستان نرسنگ اینڈ مڈوائفری کونسل (PNMC) کی جانب سے نرسنگ طلبہ کے لیے 150 نشستوں کی منظوری حاصل ہوئی ہے۔
یہ کامیابی نہ صرف KUST کے موجودہ طلبہ و طالبات بلکہ کوہاٹ اور جنوبی اضلاع کے ہزاروں نوجوانوں کے لیے بھی ایک انتہائی اہم اور خوش آئند پیش رفت ہے۔ اس سنگِ میل کے ذریعے علاقے کے طلبہ و طالبات کو معیاری نرسنگ تعلیم کے مزید بہتر مواقع میسر آئیں گے، جو صحت کے شعبے میں ان کے روشن مستقبل کی ضمانت بنیں گے۔
کسٹ نرسنگ کمیونٹی وائس چانسلر صاحب، نرسنگ فیکلٹی، ڈائریکٹر اکیڈمکس صاحب اور ان کی پوری ٹیم کی انتھک محنت، پیشہ ورانہ وابستگی اور نرسنگ تعلیم کے فروغ کے لیے ان کی گرانقدر خدمات کو خراجِ تحسین پیش کرتی ہے۔

کسٹ نرسنگ کمیونٹی

What is going on in KUST؟

اس پیج کے پیچھے جو بھی معزز "بے شرم" حضرات چھپے ہوئے ہیں، ان کا واحد مقصد اساتذہ کو بدنام کرنا, نرسنگ ڈیپارٹمنٹ کو بد نام کرنا اور مخصوص افراد کی چمچہ گیری کرنا معلوم ہوتا ہے۔

ایڈمن صاحب! کل آپ جس ڈیپارٹمنٹ کے صدر کے خلاف پروپیگنڈہ کر رہے تھے، اُس کا قصور صرف یہ تھا کہ اُس نے نرسنگ طلبہ کے حقوق کا دفاع کیا، مفاد پرست عناصر کے سامنے کھڑا ہوا اور آپ کی دوغلی طلبہ سیاست کو پوری یونیورسٹی کے سامنے بے نقاب کیا۔ آج اچانک اسی ڈیپارٹمنٹ کے ساتھ ہمدردی کا اظہار اگر چمچہ گیری نہیں تو پھر کیا ہے؟

دوسری بات یہ کہ نرسنگ طلبہ نے اپنے حقوق کے حصول کے لیے چار سال تک مسلسل جدوجہد کی، ہر ظلم کے خلاف آواز اٹھائی اور ہر مشکل کا سامنا کیا۔ اُس وقت آپ خاموش تماشائی بنے رہے۔ آج اچانک طلبہ کے درد کا احساس کیسے جاگ اٹھا؟

یہ بھی حقیقت ہے کہ آپ کی بعض پوسٹس طلبہ کے حق میں کم اور ایک مخصوص سیاسی جماعت کی حمایت میں زیادہ نظر آتی تھیں، جس سے آپ کی غیر جانبداری پر سوال اٹھتے ہیں۔

رہی آج کے واقعے کی بات، تو ایک کلاس میں ایک طالب علم کے لباس کے حوالے سے استاد اور طالب علم کے درمیان غلط فہمی پیدا ہوئی، جس کے باعث تلخ کلامی ہوئی۔ لیکن الحمدللہ نرسنگ طلبہ اتنے باشعور اور ذمہ دار ہیں کہ اپنے مسائل کا حل خود نکال سکتے ہیں۔ اس معاملے کا حل بھی نکال لیا گیا ہے اور معاملہ خوش اسلوبی سے ختم ہو چکا ہے۔

لہٰذا گزارش ہے کہ نرسنگ ڈیپارٹمنٹ کو اپنی سیاست اور ذاتی مفادات کے لیے استعمال نہ کریں۔ جس کے اشاروں پر آپ یہ مہم چلا رہے ہیں، اُن تک بھی ہمارا پیغام پہنچا دیں کہ وہ جتنی کوشش کر سکتے ہیں کر لیں، نرسنگ کمیونٹی اپنے حقوق، اتحاد اور مقصد کے حصول میں کسی کو کامیاب نہیں ہونے دے گی۔
نرسنگ طلبہ باشعور ہیں، متحد ہیں اور اپنے مسائل کا حل خود نکالنا جانتے ہیں۔

کسٹ نرسنگ کمیونیٹی کوہاٹ یونیورسیٹی