Dr. Muhammad Ahsan Ul Haq

ویکھ نی ماں میں بدل گیا واں

روٹی ٹھنڈی کھا لیندا واں
گندے کپڑے پا لیندا واں

غصہ سارا پی جاندا واں
ہر دکھ تے لب سی لیندا واں

ساریاں گلاں جر لیندا واں
ٹھنڈا ہوکا بھر لیندا واں

پر کسے نوں کجھ نئیں دسدا
ہر ویلے میں ریہندا ہسدا

اندر جھاتی کوئی نا پاوے
دکھ تیرا مینوں کھائی جاوے

تیرے باجھ مینوں کوئی نا پُچھدا
ہن تے میں کسے نال نئیں رُسدا

ویکھ نی ماں میں بدل گیا واں

اگر تم نے خوابوں کا بکھرنا نہیں دیکھا تو تم ضبط کی قیمت کبھی نہیں جان سکتے۔