بزم نعیمیہ

ختم بخاری کے موقع پر جامعہ نعیمیہ لاہور کے فاضل ساتھی جناب محمد فرحان ناصر صاحب اپنی لکھی ہوئی نظم اساتذہ و طلباء کو سنا رہے ہیں۔

∆بزم نعیمیہ کی الوداعی تقریب∆
بزمِ نعیمیہ کے زیرِ اہتمام دارالعلوم جامعہ نعیمیہ لاہور میں الوداعی بزمِ ادب کا انعقاد کیا گیا۔ اس موقع پر صدرِ بزمِ نعیمیہ حافظ انعام حبیب بڑالوی صاحب نے اساتذہ اور طلباء سے پُراثر الوداعی خطاب کیا اور بزمِ نعیمیہ کی سالانہ کارکردگی رپورٹ پیش کی۔
صدرِ بزمِ نعیمیہ نے اپنے خطاب میں کہا کہ ہم جامعہ نعیمیہ لاہور کے اساتذہ کرام، ناظمِ اعلیٰ اور انتظامیہ کے احسان تلے دبے ہوئے ہیں، جن کی سرپرستی اور رہنمائی کے بغیر یہ خدمات ممکن نہ تھیں۔ ہم نے اپنی بساط کے مطابق طلباء کی خدمت کی کوشش کی اور عالم اسلام کی عظیم علمی آماجگاہ جامعہ نعیمیہ لاہور کے طلباء کی نمائندہ جماعت بزم نعیمیہ کی صدارت کا عطا ہونا میرے لیے اعزاز ہے۔
اس موقع پر جانشینِ شہیدِ پاکستان، ناظمِ اعلیٰ اور چیئرمین اسلامی نظریاتی کونسل پاکستان، ڈاکٹر محمد راغب حسین نعیمی صاحب نے شرکاء سے خطاب کرتے ہوئے صدرِ بزمِ نعیمیہ اور ان کی پوری ٹیم کو جامعہ کی تاریخ میں قلیل مدت کے اندر ریکارڈ اور مثالی خدمات انجام دینے پر اپنی اور جامعہ کی انتظامیہ کی جانب سے بھرپور خراجِ تحسین پیش کیا۔
اللّٰہ تعالٰی فیضانِ نعیمیہ کو تاقیامت جاری رکھے۔
آمین یا رب العالمین

بزم نعیمیہ
Jamia Naeemia Lahore

جامعہ نعیمیہ سے سالانہ تقریبات کی لائیو نشریات

مفتی اعظم سیمینار مفتی محمد حسین نعیمی رحمۃ اللہ علیہ براہِ راست دار العلوم جامعہ نعیمیہ لاہور

دارالعلوم جامعہ نعیمیہ لاہور کے لیے یہ امر نہایت باعثِ اعزاز و افتخار ہے کہ جامعہ نعیمیہ لاہور کے علماء و فضلاء نے ہر دور میں علمِ حدیث کی خدمت میں گراں قدر اور قابلِ فخر خدمات انجام دی ہیں، جو اس عظیم علمی ادارے کی روشن روایت اور مضبوط علمی وراثت کی واضح دلیل ہیں۔ انہی درخشاں خدمات کا تسلسل جناب فاروق امیر صاحب (پی ایچ ڈی اسکالر و ایڈمن آفیسر جامعہ نعیمیہ لاہور) کی اس علمی کاوش کی صورت میں ہمارے سامنے آیا ہے، جنہوں نے "علماء جامعہ نعیمیہ کی خدمات حدیث" کو کتابی شکل میں مرتب فرمایا، جو ان کی عمیق تحقیق، محنتِ شاقہ اور حدیثِ نبوی ﷺ سے گہری وابستگی کا مظہر ہے۔ الحمدللہ، اس گراں قدر کتاب کی آج باقاعدہ اشاعت عمل میں آ رہی ہے، جو اہلِ علم اور طلبۂ تحقیق کے لیے ایک قیمتی اضافہ ہے۔ ہم جناب فاروق امیر صاحب کو اس شاندار علمی خدمت پر دل کی گہرائیوں سے مبارکباد پیش کرتے ہیں اور دعا گو ہیں کہ اللہ تعالیٰ اس تصنیف کو قبولیتِ عام عطا فرمائے، اسے نافعِ علم بنائے اور مصنف کو مزید علمی و تحقیقی خدمات کی توفیق عطا فرمائے۔ آمین یا رب العالمین۔

سالانہ تقریبات عرس مبارک براہِ راست دار العلوم جامعہ نعیمیہ لاہور