Inaam Mustafvi

ساری دنیا کی محبت سے کنارہ کر کے
ہم نے رکھا ہے فقط خود کو تمہارا کر کے. (الحمد للہ)
محنت کام آ گئی........درجہ قبولیت کو پہنچی.........!!
گذشتہ روز لخت جگر شیخ الاسلام ڈاکٹر محمد طاہر القادری، سفیر امن صاحب زادہ پروفیسر ڈاکٹر حسین محی الدین قادری صدر منہاج القرآن انٹرنیشنل سے ڈائریکٹر فرید ملت ریسرچ انسٹیٹیوٹ محترم المقام محترم فاروق رانا صاحب کی سرپرستی میں اپنے بھائیوں کے ہمراہ اہم ملاقات..!
ملاقات میں شیخ الاسلام ڈاکٹر محمد طاہر القادری کے فتنہ الحاد کے خلاف ہونے والے خطابات پر مبنی تیار کردہ نوٹس کا تحفہ پیش کیا اور ایک مرتبہ پھر خوب شاباش اور دعائیں وصول کیں...
گذشتہ چھ ماہ میں فتنہ الحاد کے خلاف تیار کردہ نوٹس کو جس طرح تیار کیا اور پھر انہیں ہر طرف پہنچایا اس سارے عمل کی تفصیلی رپورٹ پیش کی اور ہر ہر بات پہ ڈاکٹر صاحب کی دعائیں، مسکراہٹیں اور توجہات سمیٹیں... یقیناً ہمارا یہی توشہ دنیا و آخرت ہے...
تمہاری یاد بھی محسن کسی مفلس کی پونجی ہے
جسے ہم پاس رکھتے ہیں جسے ہم روز گنتے ہیں..
ملاقات اپنے نقطہ عروج کو اس لمحے پہنچی جب ہمارے ان تیار کردہ نوٹس کو یوں قبولیت ملی کہ اب یہ نوٹس منہاج القرآن کا ڈاکومنٹ بنا دیئے گئے ہیں اور آئندہ چند روز میں ان کو فرید ملت ریسرچ انسٹیٹیوٹ کی طرف سے نئے ٹائٹل پیج کے ساتھ چھاپ دیا جائے گا اور پھر ہر خاص و عام ان نوٹس کو سیل سینٹر منہاج القرآن سے حاصل کر سکے گا..
"یقیناً میرے لیے یہ اعزاز کسی نوبل پرائز سے کم نہیں"
کہاں میں.... اور کہاں یہ عنایت کہ میری انفرادی کاوش کو آفیشلی چھاپ دینے کا اعلان کر دیا جائے... یقیناً ایسی عنایات سخی لوگ ہی کیا کرتے ہیں... اور یہ بات بھی اظہر من الشمس ہے کہ "اس دور کا بڑا سخی گھرانہ شیخ الاسلام کا گھرانہ ہے..."
الحمد ہماری محنت یوں رنگ لائی ہے.... یہ نوٹس سیل سینٹر پر موجود ہوں گے...! اب اگلی بات سنیے اور وہ یہ کہ ہائیر ایجوکیشن کمیشن کے سربراہان کو پتہ چلا کہ شیخ الاسلام ڈاکٹر محمد طاہر القادری نے فتنہ الحاد کے خلاف خطابات کیے ہیں اور انہوں نے مرکز سے رابطہ کرکے مواد مانگا ہے تا کہ وہ کتابیں مرتب کرکے یونیورسٹیوں میں لگا سکیں... ان نوٹس کی قبولیت یوں بھی ہوئی ہے کہ جب ہائیر ایجوکیشن کمیشن کو مرکز کی طرف سے مواد بھیجا جائے گا تو اس مواد میں ایک ادنیٰ سا حصہ ان نوٹس کا بھی ہو گا..... ان نوٹس کو منہاج یونیورسٹی کی لائبریری کا حصہ بھی بنا دیا گیا ہے... الحمد للہ
صاحب زادہ پروفیسر ڈاکٹر حسین محی الدین قادری صاحب نے اعتکاف 2024 میں تصوف کے عنوان پر جو خطابات ارشاد فرمائے یقیناً وہ خطابات تصوف کے خلاف اٹھنے والے فتنہ کا تدارک ہیں.... آج کی ملاقات میں ان خطابات کو نوٹس کی صورت میں مرتب کرنے کی اجازت بھی حاصل کی ہے... اور آئندہ چند دنوں میں ان خطابات کو نصابی کتاب کی صورت میں، صاحب زادہ پروفیسر ڈاکٹر حسین محی الدین قادری صاحب کی ہدایات کے مطابق منظر عام پر لایا جائے گا اور ان کو تصوف سینٹر منہاج یونیورسٹی کی طرف سے شائع کیا جائے گا.. ان شاء اللہ
میں اس کرم کے کہاں تھا قابل
حضور کی بندہ پروری ہے
ملاقات کے اختتام پر اپنے بیٹے محمد العربی کا نام ڈاکٹر صاحب کے دست مبارک سے لکھوایا... جس پر آپ نے فرمایا کہ یہ تو بہت خوب صورت نام ہے... آپ نے اپنے دست مبارک سے تحریر فرمایا، بیٹے اور بیٹے کی ماں کو دعاؤں سے نوازا، بیٹے کے دادا دادی، اور نانا نانی کو دعاؤں سے نوازا اور بالخصوص ان نوٹس کی تیاری میں جن سٹوڈنٹس نے میرا ساتھ دیا ان کےلیے اور ان کے گھر والوں کےلیے آپ نے خصوصی دعا فرمائی..... یہ دعائیں ہی تو زندگی ہیں..!
اس ملاقات میں پیکر شفقت و محبت برادر اکبر محترم عرفان بھائی اور برادر اصغر محترم معظم بھائی بھی ہمراہ تھے.... یہ ملاقات جس مبارک شخصیت کی بے پناہ محبتوں اور شفقتوں کے سائے میں ہوئی یقیناً وہ محترم المقام محترم فاروق رانا صاحب ہیں جنہوں نے روز اول سے مرحلہ وار مکمل راہنمائی فرمائی اور کئی خاردار مراحل سے گزار کر اس ملاقات اور نوٹس کی قبولیت کی صورت میں منزل تک پہنچایا... میں تہہ دل سے محترم سر فاروق رانا صاحب کا شکر گزار ہوں......اللہ رب العزت آپ کو سلامت رکھے آمین ثم آمین یا رب العالمین بجاہ سید المرسلین صل اللہ علیہ والہ وسلم...
ان شاء اللہ جلد تصوف نوٹس کے ساتھ پھر منظر عام پر ہوں گے.... سب کی دعاؤں کا طلب گار...!
محمد انعام مصطفوی
ڈپٹی ڈائریکٹر ڈائریکٹوریٹ ای پی ڈی

"دہر میں اسم محمد سے اجالا کر دے"
میلاد النبی صل اللہ علیہ والہ وسلم کانفرنس
جامع مسجد گھرکی لاہور
ان شاءاللہ

ہر گزرتے دن کے ساتھ فتنہ الحاد نوجوان نسل میں اپنی جڑیں مضبوط کرتا جارہا ہے... شہر اعتکاف 2024 میں شیخ الاسلام ڈاکٹر محمد طاہر القادری نے اس فتنہ کے تدارک کے لیے سات مختلف موضوعات پر خطابات کیے اور فتنہ کو کچلنے میں اپنا کردار ادا کرنے کا حق ادا کیا...
اللہ پاک نے اپنے حبیب مکرم صل اللہ علیہ والہ وسلم کے صدقے ہمیں یہ توفیق عطا فرمائی کہ ان خطابات کے نوٹس تیار کیے.
یہ نوٹس کئی اعتبارات سے منفرد اور ممتاز ہیں.. ان کے امتیازات و خصائص درج ذیل ہیں
1.شیخ الاسلام ڈاکٹر محمد طاہر القادری نے سات خطابات کیے تو ہم نے ان نوٹس کے سات ابواب بنائے.. پھر ہر خطاب میں بیان کردہ الگ الگ واقعات کو ایک ایک فصل کا درجہ دے کر مکمل فہرست تیار کی گئی ہے..
2.ہر فصل میں بیان کردہ ہر ہر بات کو علیحدہ علیحدہ سرخیاں (Headings) لگا کر لکھا گیا ہے
3.ان نوٹس میں شیخ الاسلام مدظلہ کے خطابات کو لفظ لفظ نہیں لکھا گیا بلکہ ایک بات کو مکمل سن کر اس کو اختصار کے ساتھ آسان لفظوں میں لکھا گیا ہے تاکہ ایک عام اور کم تعلیم یافتہ نوجوان کو بھی سمجھ میں آ سکے
4.شیخ الاسلام مدظلہ العالی نے خطابات کے دوران پروجیکٹر پر تصاویر کے زریعے بات کو سمجھایا.. ان نوٹس میں نہ صرف ان تصاویر کو شامل کیا گیا بلکہ ہر ہر صفحہ پر اضافی تصاویر کے ساتھ بات کو قارئین تک پہنچایا گیا ہے
5.وقت کو ملحوظ رکھتے ہوئے شیخ الاسلام نے بعض اوقات ضروری نقطہ تک پہنچتے ہوئے اس ضروری نقطہ سے پہلے سائنسی تراکیب کے محض نام لیے اور پھر اصل بات کی ہی وضاحت کی... ان نوٹس میں ان ضروری نقطہ سے پہلے آنے والی سائنسی تراکیب کو بھی وضاحت و صراحت کے ساتھ، تصاویر کی مدد سے قارئین تک پہنچایا گیا ہے..
آئیے فتنہ الحاد کی لہر توڑنے میں اپنا کردار ادا کریں اور ان نوٹس کو ہر نوجوان اور تعلیمی اداروں کے اساتذۂ کرام تک پہنچائیں
یہ نوٹس کلر پرنٹنگ اور بلیک اینڈ وائٹ دونوں بائنڈنگز میں موجود ہیں... یوں تو یہ نوٹس پی ڈی ایف میں بھی وصول کیے جا سکتے ہیں لیکن رائے اور خواہش یہ ہے کہ ان نوٹس کو پی ڈی ایف میں وصول نہ کیا جائے کیوں کہ دیکھنے میں یہ آیا ہے کہ وہ محض موبائل کی میموری کا حصہ بن جاتے ہیں مگر عملی طور پر ہم ان سے استفادہ نہیں کر پاتے..
پی ڈی ایف منگوانے کے لیے ضروری ہے کہ اگر کوئی دوست پی ڈی ایف منگوائے تو وہ اس شرط کے ساتھ منگوائے کہ نوٹس منگوا کر اپنے علاقے میں ان کے پرنٹ نکلوا کر مکمل دل جمعی سے استفادہ کیا جائے
دعا ہے اللہ رب العزت ہماری اس مساعی جمیلہ کو اپنی بارگاہ میں قبول فرمائے اور ہمیں فتنہ الحاد کو ختم. کرنے میں اپنا اہم کردار ادا کرنے کی توفیق عطا فرمائے آمین ثم آمین یا رب العالمین بجاہ سید المرسلین صل اللہ علیہ والہ وسلم
والسلام
محمد انعام مصطفوی
ہیڈ ٹیچرز کونسل منہاج یوتھ لیگ پاکستان

Allah's Little Lambs
الحمد للہ آج اللہ پاک نے بہت بڑی کامیابی اور خوشی سے نوازا... Allah's Little Lambs کے پلیٹ فارم سے ہم نے لاہور کے گورنمنٹ سکولز کا وزٹ کیا اور ایک سو ضرورت مند، غریب اور یتیم بچوں و بچیوں کو سکول جرسیوں اور جرابوں کا تحفہ پیش کیا...! دل باغ باغ ہو گیا.. کیوں کہ
یہی ہے عبادت، یہی دین وایماں
کہ کام آئے دنیا میں انساں کے انساں.
بچوں کے چہروں پہ ہمارے لیے مسکراہٹ اور دعائیں تھیں..
ہم تمام طلبہ و طالبات اور دوستوں کے شکر گزار ہیں کہ جنہوں نے اس مقصد میں کامیاب کرنے کےلیے اپنا مالی تعاون کیا.. مالی تعاون کرنے والے طلبہ و طالبات اور دوستوں کے شکر گزار ہیں.. اللہ پاک اپنے حبیب مکرم کے سب کی کاوش کو اس شعر کے ساتھ قبول فرمائے.. کہ
خدا کے عاشق تو ہیں ہزاروں، بنوں میں پھرتے ہیں مارے مارے
میں اس کا بندہ بنوں گا جس کو خدا کے بندوں سے پیار ہوگا

Second Training Camp
پانچ سے بارہ سال کی عمر بچوں کے لیے...
Tomorrow 8:00Am
Jallo Park Lahore

آج کے تربیت یافتہ بچے.... کل کے راہنما....!!
آئیے 5 سے 12 سال کی عمر کے بچوں کی تربیت اور ان کی خوابیدہ صلاحیتوں کو اجاگر کرنے کے لیے اپنے بچوں اور چھوٹے بہن بھائیوں کو رجسٹر کروائیں تاکہ وہ مستقبل میں ایک مفید شہری بن کر اپنا کردار ادا کر سکیں ...!
بچوں کی تربیت کے رنگ.. Allah's Little Lambs کے سنگ