مدرسہ عربیہ تعلیم القرآن جامع مسجد اقصٰی

عید الاضحیٰ کے پُرمسرت موقع پر ادارہ ہٰذا کی جانب سے تمام اہلِ اسلام کو دلی مبارکباد پیش کرتے ہیں۔
اللہ تعالیٰ اس مبارک دن کی برکتوں سے امتِ مسلمہ کو امن، خوشحالی، اتفاق اور رحمتوں سے مالامال فرمائے، اور ہماری عبادات، قربانیاں اور دعائیں اپنی بارگاہ میں قبول فرمائے۔

عید الاضحیٰ ہمیں ایثار، قربانی، اخلاص اور اللہ تعالیٰ کی رضا کے لیے ہر چیز قربان کرنے کا درس دیتی ہے۔
آئیے! اس مبارک موقع پر محبت، بھائی چارے اور خیر خواہی کو عام کریں۔۔۔

کل بروز منگل نمازِ فجر سے تکبیراتِ تشریق کا آغاز ہورہا ہے، جو 13 ذوالحجہ کی عصر تک جاری رہیں گی۔

..ہر فرض نماز کے بعد یہ تکبیرات پڑھنا واجب ہے
اللّٰهُ أَكْبَرُ اللّٰهُ أَكْبَرُ، لَا إِلٰهَ إِلَّا اللّٰهُ وَاللّٰهُ أَكْبَرُ، اللّٰهُ أَكْبَرُ وَلِلّه الْحَمْد

تکبیراتِ تشریق ہر مرد و عورت پر واجب ہیں۔
مرد بلند آواز سے جبکہ عورت آہستہ آواز میں تکبیر پڑھے گی۔

اناللہ واناالیہ راجعون 😭
شیخ الحدیث حضرت مولانا محمد ادریس صاحب رحمہ اللہ کی مظلومانہ شہادت کے دلخراش واقعہ نے لاکھوں کروڑوں دِلوں کو لہولہان کر دیا ہے۔
وہ اس وقت تعداد کے اعتبار سے ملک کی دورہ حدیث کی سب سے بڑی دو درسگاہوں میں بیک وقت شیخ الحدیث تھے۔ اس منفرد اعزاز میں پورے ملک میں ان کا نہ کوئی شریک تھا اور نہ ماضی میں اس کی کوئی مثال ملتی ہے۔ اس وقت وہ جامعہ حقانیہ اکوڑہ خٹک اور جامعہ نعمانیہ اتمانزئی کے دورہ حدیث شریف کے تقریباً ڈھائی ہزار طلبہ کو حدیث پڑھا رہے تھے۔ صبح جامعہ نعمانیہ اتمانزئی چارسدہ میں صحیح البخاری ، صحیح مسلم اور سنن ترمذی پڑھانے کے بعد جامعہ حقانیہ اکوڑہ خٹک جا کر وہاں دورہ حدیث کے طلبہ کو بخاری شریف پڑھاتے تھے۔اس کے ساتھ ساتھ تقریباً روزانہ ہی صوبے کے طول و عرض میں عوامی جلسوں میں وعظ و نصیحت اور اصلاحی بیانات کا کثرت سے معمول تھا جس کی وجہ سے عوام الناس میں بھی انتہائی مقبول و محبوب تھے۔
ایسی قیمتی اور عظیم علمی و روحانی شخصیت کا سفاکانہ قتل انتہائی اندوہناک حادثہ ہے۔ اللہ جانتا ہے کہ اس مظلومانہ شہادت کی ملک و ملت کو کیا قیمت چکانی پڑے گی ....
مدرسہ عربیہ تعلیم القرآن جامع مسجد اقصٰی