Rah e ilam

‏نبی اکرم صلی اللہ علیہ وسلم یہ دعا فرماتے:

‏“اللَّهُمَّ إِنِّي أَسْأَلُكَ الْهُدَى وَالتُّقَى وَالْعَفَافَ وَالْغِنَى”

‏“اے اللہ! میں تجھ سے ہدایت کا طالب ہوں، تقویٰ کا طلب گار ہوں، پاکدامنی کا خواہشمند ہوں، مالداری اور بے نیازی چاہتا ہوں“۔

‏( جامع ترمذی،۳۴۸۹)

”اس پر نظر رکھو کہ تمہاری کمائی کہاں سے آتی ہے اور مسجد میں پہلی صف میں نماز پڑھو!“

(سیدنا سفیان ثوری رحمه الله)

پیاس نے پوری غزہ شہر کو اپنی لپیٹ میں لے لیا ہے۔

شہر کی پانی کی بورنگ (ٹیوب ویلز) اس وقت شہریوں کی کل یومیہ ضرورت کا صرف 12 فیصد پورا کر پا رہی ہیں۔

ترجمان بلدیہ غزہ:

برصغیر میں اشاعت اسلام کا سب سے بڑا ذریعہ
مولانا سید ابو الحسن علی ندوی رح لکھتے ہیں:

افسوس ہے کہ کسی نے مشائخ ہندوستان اور بالخصوص سلسلہ چشتیہ کے مشائخ کی تبلیغی کوششوں کی تاریخ و روئداد مرتب کرنے کی زحمت گوارا نہیں کی۔لیکن تمام مورخین کے نزدیک ہندوستان میں اشاعت اسلام کا سب سے بڑا ذریعہ صوفیائے کرام اور فقرائے اسلام ہیں۔اور ظاہر ہے کہ ان سلاسل تصوف میں سلسلہ چشتیہ اور اس کے مشائخ کو اولیت اور اہمیت حاصل ہے، اور اس کام میں ان کا حصہ تناسب سے زیادہ ہے۔

📗📗 تاریخ دعوت وعزیمت : 3/ 170

ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ

غیر ضروری تعلقاتِ دنیا سے نجات کا طریقہ

ارشاد فرمایا کہ بعض لوگ خدا کی یاد کے لیے منتظر رہتے ہیں کہ دنیا کے جھگڑوں سے نجات ہوجائے تو پھر فارغ ہو کر اللہ اللہ کریں۔ کوئی کہتا ہے کہ بیٹے کا نکاح ہوجائے تو بےفکر ہو کر خدا کو یاد کریں، فلاں زمین کے مقدمہ سے چھٹکارا ہوجائے تو آخرت کی فکر میں لگیں مگر میں بقسم کہتا ہوں کہ ان جھگڑوں سے نجات خدا کی یاد کے بغیر ہو ہی نہیں سکتی۔ خدا سے لگاؤ پیدا کرو، رفتہ رفتہ سب تعلقات خود ہی کم ہو جائیں گے، اس کے بغیر کبھی تعلقات سے نجات نہیں ہوسکتی۔

(شكر النعمه بذكر رحمة الرحمہ، مواعظِ اشرفیہ، جلد۳، صفحہ ۱۳۵)

اگر کوئی نہ ختم ہونے والی حقیقی اور فیصلہ کن جنگ ہے تو وہ نبوت اور جاہلیت کی جنگ ہے۔ وہ جس کی نمائندگی مغرب کر رہا ہے اور وہ اسلام (دین برحق) جس کا علمبردار تنہا مسلمان رہ گیا ہے۔ اس جنگ کے سوا دیگر تمام جنگیں نقلی اور خانہ جنگیاں ہیں جن میں ایک ہی خاندان کے لوگ کسی معمولی سی چیز پر لڑ پڑتے ہیں یا جیسے بچے اپنی کم عقلی سے جھگڑ بیٹھتے ہیں، لیکن فکر و نظر کی دائمی جنگ، جاہلیت و نبوت کے درمیان ہی ہے۔

از مولانا ابوالحسن علی ندوی