Rajo School for the Deaf

🌙🐐 Ciidul Adxa Mubaarak 🐐🌙
Maamulka iyo macallimiinta Schoolka Rajo for the Deaf waxay dhammaan ardayda iyo waalidiinta sharafta leh ugu hambalyeynayaan munaasabadda barakeysan ee Ciidul Adxa.
Waxaan idiin rajeyneynaa ciid ay ka buuxaan farxad, caafimaad, jacayl iyo nabad. Waxaan rajeyneynaa in carruurteennu ay fasaxa ciidda ku qaataan reynreyn iyo qosol, iyagoo waqti qurux badan la qaadanaya waalidkooda iyo qoysaskooda.
Mahad gaar ah ayaan u direynaa waalidiinta taageerada joogtada ah ee ay siiyaan carruurtooda iyo schoolka. Alle ha idinka abaalmariyo kheyr badan.
🎉 Ciid wanaagsan dhammaantiin 🎉
✨ Rajo for the Deaf School ✨

HAMABLYO CIIDA WANAAGSAN
waxaan idlin rajaynaynaa ciid leh
caafimaad iyo nabad mahadsanidiin kaloonida aad nagu qabtaan iyo inaad qeyb ka tihiin bulshada SomSocial

Maamulka Rajo Primary and Secondary School for the Deaf waxa uu ogeysiinayaa dhammaan waalidiinta, ardayda iyo bulshada in dugsigu fasax galayo 10-ka dambe ee bisha barakaysan ee Ramadaan iyo maalmaha Ciidul Fitriga.

Waxaan ku boorrinaynaa ardayda iyo qoysaskooda inay ka faa’iideystaan fadliga iyo acmaasha khayrka badan ee 10-ka dambe ee Ramadaan, kuwaas oo ah maalmo aad u qiimo badan.

Sidoo kale, maamulka dugsigu waxa uu horay idiinku
hambalyeynayaa munaasabadda Ciidul Fitriga, waxaanan idiin rajaynaynaa Ciid barakaysan oo farxad leh. 🌙✨

📅 Dugsigu waxa uu dib u furmi doonaa:
28 March 2026 (Sabti) – Insha Allah.
Mahadsanidiin wada shaqayntiinna iyo taageeradiinna joogtada ah.
Maamulka
Rajo Primary and Secondary School for the Deaf

Maanta waxaa si sharaf iyo maamuus leh Dugsiga Rajo Primary & Secondary School for the Deaf u soo booqday wafdi ka socday Wasaaradda Waxbarashada, Hiddaha iyo Tacliinta Sare ee Dowladda Hoose ee Gobolka Banaadir.
Booqashada kormeerka waxaa hoggaaminayay:
Mudane Riyaq Osman Ali – Kormeeraha Wasaaradda Waxbarashada Gobolka Banaadir
Mudane Maxamed Cusmaan Axmed (Dheere) – Kormeeraha Imtixaanaadka
Wafdigu waxa ay si dhow u indha-indheeyeen habsami u socodka waxbarashada, maamulka imtixaanaadka, iyo tayada adeegga waxbarasho ee la siiyo ardayda maqalka la’, iyagoo bogaadiyey dadaalka muuqda ee ay muujiyeen maamulka dugsiga, macallimiinta, iyo guud ahaan bahda Rajo School.
Dugsiga Rajo waxa uu maanta hoy u yahay 50 arday oo maqalka la’ ah, kuwaas oo ay si hagar la’aan ah u barbaariyaan 12 macallin oo u heellan horumarinta waxbarashada carruurta baahiyaha gaarka ah qaba.
Maamulka Rajo School waxa uu si gaar ah ugu mahadcelinayaa Wasaaradda Waxbarashada Gobolka Banaadir kormeerka, talooyinka wax ku oolka ah, iyo dhiirrigelinta ay u muujiyeen dugsiga. Tani waa tallaabo muhiim ah oo xoojinaysa tayada waxbarashada iyo daryeelka ardayda maqalka la’.
Rajo School – Meel ay rajadu ka dhalato, waxbarashaduna ka iftiinto.

Maamulka Rajo Primary and Secondary School for the Deaf waxa uu si weyn ugu faraxsan yahay inuu bulshada iyo bahda waxbarashada la wadaago in maanta dugsigu si rasmi ah u qaabilay kormeer iyo wafdi waxbarasho oo ka kala yimid Jamhuuriyadda Japan 🇯🇵 iyo Kanada 🇨🇦.
Wafdigan ayaa qayb ka ah barnaamij caalami ah oo lagu kormeerayo laguna horumarinayo dugsiyada waxbarashada dhagoolayaasha ee dalalka kala duwan ee caalamka.

Maanta oo ay taarikhdu tahay 17/1/2026 waa maalin muhiim ah oo farxad iyo rajo xambaarsan, maadaama uu si rasmi ah uga bilowday Imtixaanka Term Two ee Rajo School for the Deaf
Imtixaankani waa mid muujinaya dadaalkii ardayda, juhdigii macallimiinta, iyo taageeradii joogtada ahayd ee waalidiinta.
Waxaan u rajaynaynaa dhammaan ardayda guul, kalsooni, iyo in Alle u fududeeyo imtixaanka ay maanta wajahayaan.
Rajo School for the Deaf waxay mar walba u taagan tahay horumarinta waxbarashada ardayda maqalka la’, iyada oo siinaysa fursad siman iyo mustaqbal ifaya.

OGAYSIIS MUHIIM AH
Maanta oo ay taariikhdu tahay 17/01/2026, waxaa si rasmi ah uga bilaabmay Imtixaanka Dhexe (Midterm) ardayda dugsiga hoose, dhexe iyo sare ee
Rajo Primary and Secondary School for the Deaf.
Dugsigu wuxuu ku yaallaa Dagmada Wadajir, Xaafadda Madiina, Laanta Xawo Taako.
Rajo School for the Deaf wuxuu mudnaan gaar ah siiyaa tayaynta waxbarashada ardayda maqalka naafada ka ah, isagoo ka shaqeeya in ay noqdaan arday aqoon leh, karti badan, isla markaana si buuxda ula jaanqaadi kara bulshada.
Himiladeennu waa in ardayda maqalka naafada ka ah ay noqdaan jiil guuleysta, isku kalsoon, kana qayb qaata horumarka bulshada iyo dalka.
Waxaan u rajaynaynaa dhammaan ardayda imtixaanka u fariisatay guul, dadaal iyo natiijooyin wanaagsan.

Aasaaska 15-sano ee Yaasmiin Foundation
Maanta waa maalin taariikhi ah oo farxad iyo mahadnaq leh. Yaasmiin Foundation waxay u dabaaldegaysaa 15 sano oo adeeg, garab istaag iyo rajo beerid ah, gaar ahaan taageeridda ardayda naafada ah ee maqalka la’.
Muddo 15 sano ah, Yaasmiin Foundation waxay ahayd tiir adag oo ay ku tiirsan yihiin carruurta maqalka la’, iyada oo siinaysay:
🎓 Waxbarasho tayo leh
🤝 Daryeel iyo taageero joogto ah
🌱 Fursado ay ku gaaraan riyadooda
Rajo School for the Deaf – Primary & Secondary waxay si gaar ah ugu mahadcelinaysaa Yaasmiin Foundation kaalinta muuqata ee ay ka qaadatay horumarinta waxbarashada ardaydeena, kor u qaadista kalsoonidooda, iyo in ay helaan mustaqbal ifaya.
15 sano oo naxariis, 15 sano oo isbeddel, 15 sano oo rajo ah.
Ilaahay ha barakeeyo Yaasmiin Foundation, hana u fududeeyo in ay sii laba jibbaarto kheyrka ay u hayso bulshada, gaar ahaan carruurta maqalka la’.
Hambalyo Aasaaska 15-sano! 💙🤍

Asc
Dhamaan waalidka iyo ardayda iskoolka Rajo Deaf school waxa lagu wargelinya in iskuulka uu furmayo Maalinta Sabtiga 27 December 2025

Dhaman ardayda iyo macaliminta ha soo xaadiraan subaxdii

Wabilaahi toowfiiq