Maharat Center

Gsm Guide Repair Tools 𝐆𝐒𝐌 𝐆𝐮𝐢𝐝𝐞 – 𝐓𝐨𝐨𝐥𝐬 & 𝐋𝐮𝐱𝐮𝐫𝐲
Tech Store spécialisé en :
🔧 Outils & matériel pro de réparation
📱 Accessoires smartphone
⚙️ Produits tech & gadgets
✨ Qualité • Performance • Fiabilité

الفوائد المذهلة لبذور اليقطين لصحتك. لمواصلة تلقي وصفاتي، يكفي أن تترك تعليقًا… شكرًا لك! التفاصيل في أول تعليق

عسلامة انا طالب نقرى في ihec carthage نهار الجمعة في الليل مع حكاية من 9 لل 11 كنت نحضر انا و زميلتي في سيدي بوسعيد في القهوة الي ديما نريفزو فيها لاني بريود اكزامانات النهائية ، مع حكاية 11 متاع الليل خرجت من قهوة time out الي هي في سيدي بوسعيد الي نحضر فيها انا و الطفلة الي معايا و خرجت نكلم في التاليفون و طلعت لسيدي بوسعيد لفوق ...

عرضني طفل عمرو هكا 25 ولا 26 ، بقى يحكي معايا و قالي راني نخدم في الامن و يحكيلي على القراية و حسيتو متثقف برشا و قالي راني متخرج من فندق جديد و هو بكرهبتو و بقى يحكيلي قالي اسمو دالي و الحق ميبانش جملة الي هو متاع براكاجات من حديثو و تاليفونو ايفون و من كرهبتو محطيتهاش فيه الي هو باش يقتلني ، بقيت نحكي معاه و بعد قالي انا زادا باش نهبط لوسط البلاد كان تحب نوصلك و هونو خوذ تاكسي من غادي و اوصل للعمران الاعلى الحقيقة

انا بحكم طالب حسبتها فلوس و تاكسي زون 30 من سيدي بوسعيد للعمران و الكفل رتحتلو قلت على الاقل نربح ركبة بلاش و هو يخدم في الحاكم حسب كلامو ، هبطت للقهوة انا وياه بكرهبتو باش نرجع نهز ساكي من عند زميلتي دخلت انا وياه لقهوة time out ملقيتش زميلتي الي تقرى معايا ياخي الي يخدمو في القهوة قالولي راي خرجت و هزت الساك و باش انا نمشيلها خاطر هي تسكن قريبة للقهوة ...

بقى مكبش قالي نوصلك خاصة الي دارها راي قريبة في اميلكار تعدينا بالكرهبة و كلمتها خرجتلي ساكي فيه الفلوس و اوراقي و هزيت الساك من عندها و بعد مشينا ... و انا هذا الكل و واقف فيه لانو من حديثو تحسو واعي و مثقف و معطيتهاش فيه و يضحك و يفدلك متخسوش الي قاتل متسلسل ...

بعد يعمل بيا الدورة و قالي هاني تنوصلك لتونس و خوذ تاكسي من غادي و انا بحكم مانيش ولد بلاد منعرفش الثنية وصل بيا لوسط البلاد و بعد قالي هاو تنوصلك للعمران الاعلى متلقاش تاكسيات هنا ، لكن في اللخر بحكم مانيش ولد بلاد و الدنيا ظلمة في الدنيا وصل بينا لغابة في مقرين و غادي دخل لغابة و انا في هذا الكل نعيط و نقلو هبطني و بعد هبط و اعتدى عليا بالعنف لوين وجهي ازراق و ضربني ضرب موت يمكن ضربني اكثر من 60 بوني و كف على وجهي و وصل خنقني و يقلي الليلة لازم تموت .و قاعد يضحك و تقلي مكش اول واحد ... و بعد خدم كرهبة و مشى و هزلي ساكي و انا فقدت الوعي

كي شافني فقت شوي عاود حبس كرهبتو و رجعلي و عاود خنقني و بقى يلوج على حجرة كبيرة منصبة باش يقتلني بيها و يخنق فيا يخنق فيا يخنق فيا وصلت للموت و يحط في يدو قدام خشمي يشوف فيا انا متت ولا مازلت حي كان انا تضاهرت الي منتحرمش و منتنفسش باش هو سيبني و نسمع فيه يقول هونك متت ...

راني مقهووووووور صارلي كريز مانيش مصدق الي صار فيا ... فكلي تاليفوني شاريه عندي 5 ايام ، بطاقة تعريفي ، بطاقة طالب ، كارط د17 ، ليناتي متاع النظر مازالت جديدة و فلوسي في الساك .... بربي بربي عاونوني انا شكيت لمركز مقرين و مش عارف توا شيصير نحب شكون يندخلي باش نجمو نوصلو للتسجيلات متاع قهوة time out في سيدي بوسعيد في 11.30 تقريبا متاع الليل كي دخلت انا وياه ولا يشوفو الكاميرات الي دايرة غادي مع العلم حبسنا زادا قدام البوسطة متاع اميلكار بربي كان فما كاميراوات راو وجهي ميتشافش بالدمومات و زادا الكاميرات قدام mg و قهوة memo متاع سيدي بوسعيد خاطر تعدينا من غادي و تعدينا من الثنية متاع الكيوسك وين قهوة malibu

يربي عاونوني و وصلولي صوتي، باش ناخذ حقي الي يعرف يعوني يعطيوني تسخير باش نجم ناخذ تسجيلات للكاميرا ..... انا نبرئ الشرطة و البوليسية منو لانو مستحيل يطلع يخدم معاهم

✉️ من بريد الصفحة