Fazilat Zam Zam Private School / فضيلت زم زم ځانګړې عالي لېسه

#يو کتاب، يوه اونۍ

فضیلت زم زم خصوصي عالي لېسې د يو کتاب، يوه اونۍ په شعار سره د کتاب نړيواله ورځ ولمانځله. د غونډې په پيل کې د لېسې امر احسان الله ويسا د کتاب په ارزښت، مطالعې په لارو چارو او د ښوونځي د انضباطي اصولو په رعایت خبرې وکړې. ښوونکو او زده کوونکو په نوبت سره د کتاب په اهميت، دوامدارې مطالعې، د مطالعې لپاره د کتاب په انتخاب، له مطالعې سره د عادت جوړونې او کتابونو په معرفي غونډه لا رنګينه کړه.
د ښوونځي کتابتون د غني کولو او مطالعې دودولو لپاره ښوونکو او زده کوونکو په لسګونه ټوکه بیلابیل کتابونه د ښوونځي کتابتون ته ډالۍ کړل. فرهنګي کمیټې مطالعې ته د زده کوونکو هڅونې او مطالعې دودولو په موخه د (يو کتاب، يوه اونۍ) تر شعار لاندې ژمنه وکړه، که هر زده کوونکی په اونۍ کې يو کتاب ولولي او د پنجشنبې ورځې سرلاين کې يې زده کوونکو ته ور وپېژني، د ادارې له لوري د ډالۍ ګټونکی دی. دغه جوايز به تر څلورو اونيو زده کوونکو ته ور کول کېږي.

فضیلت زم زم
وياړ، نوښت او سالم پرمختګ

نوی کال د نويو زده کوونکو لپاره!

فضیلت زم زم خصوصي عالي لېسه د معياري زده کړو لپاره، مسلکي ښوونکي، ارام چاپيريال او غوره درسي ميتودونه لري. خپل ماشومان مو د روښانه راتلونکي او غوره شخصيت جوړونې لپاره موږ ته امانت راولېږئ. موږ يې د روښانه اينده تضمين در کوو.

د 1405 ښوونيز کال د درسونو پيل خبرتيا!

د پوهنې وزارت هدايت سره سم سبا پنجشنبه د حمل مياشتې په شپږمه نېټه د ۱۴۰۵ ښوونيز کال درسونه پيلېږي.
يو ځل بيا ۱۴۰۵ ښوونيز کال له نويو هيلو، هڅو او برياوو سره پيلوو. راځئ يو ځای، په مينه، نظم او زحمت سره د پوهې دا لار روښانه وساتو او د خپلو زده کوونکو لپاره يو روښانه سبا جوړ کړو.

نوی کال مو مبارک، برياوې مو په برخه! 🌱📚

د فضیلت زم زم ځانګړې عالي لېسه د ۱۴۰۵ ښوونیز کال لپاره له نرسری څخه تر دولسم ټولګي پورې د نویو زده کوونکو د جذب او نوم لیکنې لړۍ پيل کړې ده.
محترمو والدینو!
که غواړئ خپل اولادونه په دیني او عصري زده کړو سمبال کړئ، د مجربو او مسلکي ښوونکو په مټ، منظم تعلیمي چاپیریال کې زده کړې وکړي، نو فضیلت زم زم ځانګړې عالي لېسه انتخاب کړئ،
زم زم ویاړ، نوښت او سالم پرمختګ.
پته: بلند منزل، پکتیا پوهنتون عمومي دروازي ته مخامخ فضیلت زم زم ځانګړې عالي لېسه.

د کارموندنې خبرتیا!!
فضیلت زم زم ځانګړې عالي لېسه د ١٤٠٥ ښوونیز کال لپاره په لاندې برخو کې ښځینه ښوونکو ته اړتیا لري:
بستونه:
دری برخه کې (۱ بست)
قرانکریم برخه کې (١ بست)
کمپیوټر برخه کې (١ بست)
ساینس او ټولنیز لوست برخه کې (١ بست)
انګلیسي، انکلیش ساینس برخه کې (١ بست)
اصولي صنفي برخه کې ( ٢ بسته)
#شرایط
۱ـ باید د لېسانس/څوارلسم پاس تر کچې پورې زده کړې ولري.
۲ـ د اړوند مضمون تدریس وړتیا ولري.
۳ـ په یادو برخو کې پوره تجربه ولري.
٤ـ د ښوونکي په توګه سپېڅلې دندې ته ژمن وي.

هغه قدرمن ښوونکي چې د ١٤٠٥ ښوونیز کال لپاره غواړي زموږ سره همکار شي، نو هیله ده چې خپلې سي وي (CV) او کاري تجربې لیکونه او د نورو اړوندو معلوماتو لپاره د لېسې ادارې ته مراجعه وکړئ.

د واټساپ او اړيکو نیولو شمیره: 0776156156
پته: ګردیز، بلندمنزل، پکتیا پوهنتون عمومي دروازې ته مخامخ
د فضیلت زم زم ځانګړې عالي لېسې اداره