خوځښت خصوصي عالي لېسه

خبرتيا!

د خوځښت خصوصي عالي لېسې د ۱۴۰۴ ل.ل. کال، ټولو قدرمنو فارغو زده کوونکو ته په خورا درنښت خبر ورکول کيږي، چې د کانکور ازموينې ګډون کارتونه د ښوونځي ادارې ته رارسېدلي دي. له تاسو قدرمنو هيله کيږي، چې خپل ګډون کارتونه د ياد ښوونځي له ادارې څخه تر لاسه کړئ.

په درنښت

د خوځښت خصوصي عالي لېسې اداره.

د نجونو لپاره ځانګړی تعلیمي فرصت!
خوځښت خصوصي عالي لېسه د نجونو لپاره د ماسپښین ځانګړې دوره پيل کړې ده. په دې دوره کې زده کوونکو ته معیاري تدریس، مناسب تعلیمي چاپېریال او منظم درسي
بهیر برابر شوی دی.
ټول تدریسي بهیر د مسلکي ښځینه ښوونکو له خوا تر سره کېږي.
زموږ موخه دا ده چې:
نجونو ته په خوندي او مناسب چاپېریال کې معیاري او اغېزمنې زده کړې برابرې کړو.

د خپلو لوڼو د ښه راتلونکي لپاره نوم لیکنه وکړئ.

خبرتیا!
درنو او د قدر وړ والدینو!
خوځښت خصوصي عالي لېسه د نوي 1405 ښوونیز کال لپاره د زده کوونکو نوم لیکنه پیل کړې ده. زموږ موخه د معیاري زده کړو وړاندې کول او د زده کوونکو د علمي او اخلاقي وړتیاوو پیاوړتیا ده.
که د خپل اولاد د روښانه راتلونکي په لټه کې یاست، نو همدا اوس د نوم لیکنې له فرصت څخه ګټه واخلئ.
يادونه: د لومړي ټولګي څخه تر دولسم ټولګي ذکور زده کوونکي.
: د لومړي ټولګي څخه تر شپږم ټولګي اناث زده کوونکي.

» له موږ سره یوځای شئ او د علم پر لور ډاډمن ګام پورته کړئ.

د خوځښت خصوصي عالي لېسې د نشراتو څانګه.

خبرتیا!
د قدر وړ والدینو او ګرانو زده‌کوونکو!
لکه څنګه چې تاسو په جریان کې یاست، ژمنۍ رخصتۍ پای ته رسېدلې دي. سبا پنجشنبه، چې د ۱۴۰۵ ښوونیز کال د حمل میاشتې له شپږمې نېټې سره سمون لري، درسونه په عادي ډول پیلېږي.
درنو والدینو!
هیله ده خپل ماشومان پر خپل وخت ښوونځي ته راولېږئ.
د خوځښت خصوصي عالي لېسه له نويو نوښتونو سره نوی ښوونيز کال پيلوي.
په درنښت
د خوځښت خصوصي لېسې اداره

د اختر مبارکۍ پيغام!
د خوځښت خصوصي عالي لېسې رهبري د کوچني اختر د رارسېدو له امله، ټول مسلمه امت، افغان غيور ولس، درنو والدينو، قدرمنو ښوونکو او ګرانو زده کوونکو ته د زړه له تله مبارکي وړاندې کوي.
هيله ده چې دا مبارکې ورځې مو له خوښۍ، سوکالۍ او برياوو ډکې وي.
په درنښت
د خوځښت خصوصي عالي لېسه

د کارموندنې خبرتيا!
خوځښت خصوصي عالي لېسه د ۱۴۰۵ ښوونیز کال لپاره د تدریسي بهیر د لا پیاوړتیا په موخه، په بېلابېلو مضمونونو کې د وړ، مسلکي او تجربه لرونکو ښوونکو د جذب اعلان کوي.
له ټولو په شرایطو برابرو او د تدریس مینه‌والو څخه هیله کېږي چې د نوم لیکنې او اسنادو د سپارلو لپاره ۱۴۰۴/۱۲/۱۵ نېټې پورې د یادې لېسې ادارې ته مراجعه وکړي.
درنښت
د خوځښت خصوصي عالي لېسې اداره.

‎د روژې مبارکې میاشتې د اسانتیا په موخه، د روژه‌ماتې مهال وېش
‎
‎ تر څو درانه هېوادوال وکولای شي خپل عبادات په منظم او دقیق ډول ترسره کړي.
‎الله تعالی دې زموږ روژې، عبادتونه او نېک اعمال قبول او دا سپېڅلې میاشت دې د خیر، برکت، روغتیا او بریاوو سبب وګرځوي.
‎روژه مو قبوله او عبادتونه مو منظور شه.
‎
‎د خوځښت خصوصي عالي لېسې د نشراتو او عامه اړیکو څانګه

خبرتيا!

د فارغو زده کوونکو د پام وړ!

هغه زده کوونکي، چې په (۱۴۰۳ ل.ل) کال کې د خوځښت خصوصي عالي لېسې څخه فارغ شوي، خبر ورکول کيږي، چې د (۱۲) کلنې تعليمي دورې اسناد (شهادتنامې) د ياد ښوونځي ادارې ته له مربوطه مرجع څخه راغلې دي. د ياد کال هر فارغ زده کوونکی کولای شي، چې ۱۴۰۴/۱۱/۲۰ نېټې وروسته خپل تعليمي اسناد له ادارې څخه تر لاسه کړي؛ ترڅو ېې له حقوقو او امتيازاتو برخمن شئ.

په درنښت

خوځښت خصوصي عالي لېسې اداره.