18/03/2022
بسم الله الرحمن الرحیم
تيره ورځ پنجشنبه چې د ۱۴۰۰ هـ ش کال حوت د میاشتې د ۲۶ مې نېټې سره برابره وه په کابل کمبریج انسټيټيوټ کې د ګرانو هېوادوالو د علمي کچې د لوړتیا په پار یو ورځنی د هڅونې علمي سمینار (څنګه کولای شو خپلو اهدافو ته ورسيږو؟) تر عنوان لاندې تر سره شو چې په ياد سمينار کې د کابل کمبریج خصوصي ښوونځي او انسټیټیوټ محترم ريس واصف الله (صياد) ، عمومي مدير سيد نادر (پامير) ، د ښوونځي تدريسي معاون قاري صاحب آمين يار (مخلص) ، د دولتي او خصوصي ښوونځيو مسؤلينو ، د خصوصي پوهنتونونو محصلينو ، د ياد انسټیټیوټ زده کوونکو او د علم او ادب مینوالو پکې برخه اخیستې وه. ياد سمینار د قرآن عظیم الشان په مبارکو آیتونو پيل شو. د سمينار په پيل کې د کابل کمبریج خصوصي ښوونځي تدريسي معاون قاري صاحب آمين يار (مخلص) ګډونوالو ته د ښه راغلاست ترڅنګ د ياد سمينار وړاندې کوونکو څخه مننه وکړه او د راتلونکو برنامو او دې ته ورته نورو سمينارونو د وړاندې کولو په اړوند وینا وکړه او د سمینار مفهوم يې بیان کړ. وروسته د مرکز (کابل) څخه راغلي هڅاند ځوان (Motivational Speaker) سید محمد نبي (بهار) خپل ترتیب شوی سمینار د (څنګه کولای شو خپلو اهدافو ته ورسیږو؟) تر عنوان لاندې د هدف پيژندل ، د هدف اهميت ، په ژوند کې د هدف ټاکل ، هدف ته درسېدو لارې چارې او دې ته ورته نور مهم مسايل ګډونوالو ته وړاندې کړل تر څنګ يې د ښار د پوهنې آمريت د نظارت غړي عبدالرحمن (رحماني) ياده موضوع د اسلام له نظره په تفصيلي ډول واضح کړه. د سمينار ټولو ګډونوالو د کابل کمبریج انسټیټوټ له رهبرۍ څخه مننه وکړه او خوښي یې وښوده چې داسې د هڅؤنې علمي سيمنارونه يې پۀ لاره اچولي دي همدارنګه دوی د سيمنار لۀ وړاندې کوونکو څخه هم غوښتنه وکړه چې دغه ډول سيمنارونه دې لا نور هم دوام وکړي ځکه چې پۀ دغه ډول سيمنارونو کې هغه څۀ تشريح کيږي کوم ته چې اوس وخت کې زياته اړتيا ده. ياد سمينار د استاد اجمل (قلم یار) په وينا او اختتامیه دعا سره پای ته ورسيد.
په درنښت.
د کابل کمبریج انسټيټيوټ د نشراتو څانګه.
15/03/2022
17/02/2022
15/02/2022
16/01/2022
02/01/2022
31/12/2021