بنياد خصوصي ښوونځی Bunyad Private High School

د بنيــــــــاد ننګرهار خصوصي ښوونځي د ارتقاء غونډې تـــــــه ښه راغلاست .
راتګ مو په لېمو .

د نن ورځې زده کوونکي د صبا ورځې ښوونکي دي

درخصتۍڅخه رنګینه علمي استفاده:
څرنګه چې دسلواغي[دلوي]شپږویشتمه په ټول افغانستان کې د روسانو د سرولښکرو د وتلو په مناسبت عمومي رخصتي ده؛ نو ددغه رخصتۍ څخه په استفادي سره د بنیاد ننګر هار خصوصي ښوونځي د خپلو زده کوونکو له پاره یو لنډ علمي تفریحي سفر برابر کړ، چې په دغه سفر کې د تفریحې پروګرامونو سره، سره په څو ځانګړو مسائلو لکه: د دیني او عصري علومو ارزښت د اسلام په رڼا کې د مولوي صاحب برات الله، د سلواغي شپږویشتمه دروسانو دوتلو په تړاو لنډ معلومات د استاذ حیات الله " احساس" اوهمدارنګه دغازي امان الله خان د کارنامو په اړه لنډ وضاحت د استاد محمد سلام لخو ا د زده کوونکو سره شريک شو.
په اخر کې د ټولو استادانو، د بنياد ننګرهار خصوصي ښوونځي محترم مديرصاحب زاهدالله همت، د شيخ زايد پوهنتون استاد پوهنيار خيبر مومند او د ټولو زده کوونکو ترمنځ علمي بحث وشو او په پورته موضوعاتو يو ځل بيا رڼا واچول شوه.
هيره دې نه وي چې دغه شان علمي سفرونه به د ولس او علمي ملګرو په همکارۍ سره د الله ج په مرسته دوام وکړي او دا به يي پاي نه وي.

د پوهنې وزارت د هدايت په اساس سبا سه شنبې د 1400 /دلوې /26 نېټه د شوروي ځواکونو وتلو په مناسبت په ټول افغانستان کې عمومي رخصت دى

بنياد ننګرهار خصوصي ښوونځى د يو بل تعليمي قدم په لور:
بنياد ننګرهار خصوصي ښوونځى غواړي راتلونکې اونۍ کې د خپلو زده کوونکو تر منځ سيرت النبي سيالي په لار واچوي، چې ممتاز او د لوړو نمرو ګټونکي زده کوونکي به په ځانګړو تعليمي او تشويقي تحايفو ونازوي او ان شاءالله دغه سيالي به نوموړى ښوونځى په راتلونکي کې دکوټ په سطحه واخلي، چې تر څو مو زده کوونکي تشويق او خپلي ديني زده کړې لا پياوړي کړي.

د کار او ټولنیزو چارو وزارت خبرتیا!

سبا سه شنبه د ۱۴۰۰ هجري شمسي کال د میزان (تلې) میاشتې ۲۷مه چې د ۱۴۴۳ هجري قمري کال د ربیع الاول ۱۲مه سره سمون خوري، چې د اسلام ستر پیغمبر حضرت محمد صلی الله علیه و سلم د زوکړې نیکمرغه ورځ ده او د کار قانون ۴۱مې مادې سره سم په ټول هیواد کې عمومي رخصتي ده.

قدرمنو والدينو!
سلامونه او نېکې هېلې مو قبولې کړئ، د اوږد ځنډ او رخصتۍ څخه وروسته له تاسو څخه هېله کوو، تر څو سبا خپل اولادونه ښوونځي ته په ټاکلي وخت سره راولېږئ.
نوټ: د ماسک استعمال لازمي دى!

#متأسفانه

خبرتیا!
د پوهنې وزارت د هدایت پر اساس د کرونا ناروغۍ د خپرېدا مخنیوي په موخه د ننګرهار په ګډون په ۱۶ ولایتونو کې ټول دولتي او خصوصي ښوونځي، مدرسې، کورسونه او د نیمه لوړو زده کړو موسسات سر له نن (۸ غبرګولي) نېټې تر راتلونکو دوو اونیو رخصت دي.
دا چې په تودو سیمو کې کلنۍ ازموینې جریان لري، د پاتې ازموینو په اړه به د همدې اونۍ په جریان کې تصمیم ونیول شي او میکانیزم به شریک شي.
د ننګرهار تودو او سړو سیمو ټول دولتي او خصوصي ښوونځي به تر دوو اونیو تړلي وي.
کاپي

هغه سيمه چې يو وخت د ننګرهار په سطحه تر ټولو بې امنه سيمه ګڼل کېده، نن الحمد لله د ننګرهار په سطحه د امن کور ګڼل کېږي.
د ننګرهار ولايت د کوټ ولسوالۍ د بنياد ننګرهار خصوصي لېسې د زده کوونکو د کلنۍ ازموينې لومړۍ صحنه.