جامعة عثمان بن عفان رضي الله عنه

د ۱۴۴۷ قمري کال د درسونو د پیل خبرتيا!
دا چې د روان کال درسي بهير د امنيتي مشکلاتو له امله يو څه وځنډېدو، خو الحمدلله د عثمان بن عفان (رضي الله عنه) اداري اراکين ژمن او متعهد دي، تر څو د مدرسې درسي بهير د تېر په څېر يو ځل بيا د خپلو طلباؤ لپاره شروع کړي، نو ټولو طلباء کرامو ته خبر ورکول کېږي، چې تر اوسه يې داخلې نه وي کړې، نو بېړه دې وکړي او ځانونه دې د جامعې د ادارې سره ثبت کړي، چې په همدې اساس د مدرسې محترمو استادانو د مهتمم صاحب په شمول د راتلونکو درسونو د پېل په پار خپلې مشورې شريکې کړې.
د درسونو د شروع نېټه: ۱۴۴۷/۱۱/۲ مطابق ۱۴۰۵/۱/۲۹
د شنبې ورځ

خوشخبري!
ټولو مسلمانانو او په ځانګړي ډول طلباؤ ته خبر ورکول کېږي چې سبا شنبه ۱۴۰۴/۱۱/۱۱ د سهار لخوا په جامعة عثمان بن عفان (ناړۍ) کې د دوو جيدو علماء کرامو، هر يو: فضيلة الشيخ شيخ القران اميد مولا (فضلي) او فضيلة الشيخ شيخ القران صفي الله (صلاحي) له لورې دوره تفسير شروع کېږي.
ټول عوام او خواص بايد له دې زرينې موقعې څخه استفاده وکړي او خپل وخت قیمتي کړي!

قَدْ أَفْلَحَ مَنْ زَكَّاهَا وَقَدْ خَابَ مَنْ دَسَّاهَا!
د جامعة عثمان بن عفان (رضي الله عنه) د ۱۴۰۴ تعليمي کال د څلورنيم مياشتنۍ ازموينې پايلې اعلان شوې، چې ممتازو طلباء کرامو ته يې انعامات او جوائز ورکړل شو.
د ټولو طلباؤ د لا ځليدو په هيله!
د جامعې د فرهنګي کمېټې لخوا!

وَأَنْ لَيْسَ لِلْإِنسَانِ إِلَّا مَا سَعَى وَأَنَّ سَعْيَهُ سَوْفَ يُرَى!
د جامعة عثمان بن عفان (رض) د څلور نيم مياشتنۍ ازموينې وروستۍ ورځ، چې د ازموينې په وروستۍ ورځ به د حفظ، تجوید او ناظرې ازموينې واخېستل شي، هیله ده چې ټول طلباء کرام په پوره اطمینان، جرئت او ډاډ سره خپلې ازموينې ورکړې.

د جامعة عثمان بن عفان (رض) د فرهنګي چارو کمېټې لخوا!

﴿ لِيَبْلُوَكُمْ أَيُّكُمْ أَحْسَنُ عَمَلًا ﴾
د تېر په څېر يو ځل بیا د جامعة عثمان بن عفان (رضي الله عنها) ادارې د مهالوېش سره سم د ۱۴۰۴ تعليمي کال څلور نیم مياشتنۍ ازموينې پېل کړې، چې شپږ ورځې به دوام وکړي.
د جامعې اداره ویاړي، چې هر کال په خپل وخت او په ارامه فضاء کې خپلې ازموينې د طلباؤ د استعداد د لوړولو په پار د جامعې د ټولو اراکينو په شتون کې په شفاف ډول اخلي او هيله لري، چې طلباء په خپلو درسونو کې خواري وکړي او لوړې نمرې واخلي.

اداره: جامعة عثمان بن عفان (رضي اللّٰه عنه)
نېټه: ۱۴۰۴/۶/۸ ش
۱۴۴۷/۳/۶ ق

جدول الدراسي لجامعة عثمان بن عفان (رضي الله عنه) ناری
د جامعة عثمان بن عفان رضي الله عنه ناړۍ اداره د تېر په څېر يو ځل بيا د خپلو هېوادوالو څخه خپل دیني او تربیوي خدمات نه سپموي، راځئ چې خپل اولادونه په اسلامي روحیه سمبال او د دنيوي او اخروي ګټو څخه یې برخمن کړو.
د داخلې نېټه: ۱۰/شوال/۱۴۴۶
د درسونو شروع: ۲۱/شوال/۱۴۴۶ د شنبې ورځ

تَقَبَّلَ اللهُ مِنَّا وَمِنْكُمْ صَالِحَ الأَعْمَالِ!
د جامعة عثمان بن عفان (رضي الله عنه) ناړۍ اداره ټول مسلمان او مؤمن ملت او په ځانګړي د افغانستان غیور ملت ته د کوچني اختر مبارکي وايي.
الله تعالی دې زموږ او ستاسو عبادتونه قبول کړه، او زموږ او ستاسو ګناهونه وبخښي!

د دوره تفسير لومړنۍ ورځ!
د شيخ القران والحدیث مولانا اميد مولا (حفظه اللّٰه) له لورې د دوره تفسير دوره نن ورځ شروع شوه، الله تعالی دې د دوی خدمتونه په خپل دربار کې قبول کړي.

جامعة عثمان بن عفان رضي الله عنه ناړۍ

التبشير بدورة التفسير
د قرآن کریم د ژور فهم او تدبر لپاره جامعة عثمان بن عفان رضي الله عنه ناړۍ انتخاب کړئ، تر څو د قرآن کریم د ژور فهم څخه برخمن شئ.
او د درس خدمات به ان شاء الله د جامعې د دوه جيدو او با تجربه استادانو، هر يو: فضیلة الشيخ شيخ القران مولانا اميد مولا (فضلي) صاحب او فضيلة الشيخ شیخ القران مولانا صفي الله (صلاحي) صاحب لخوا وړاندې کېږي.

نېټه: د شعبان ۱۵ د جمعې مبارکه ورځ.
پته: ناړۍ ولسوالۍ، ناړۍ مرکزي کلی، جامعة عثمان بن عفان (رضي الله عنه).

د کلنۍ ازموينې پېل!
د جامعة عثمان بن عفان رضي الله عنه ناړۍ ادارې د ټاکلې نیټې سره سم کلنۍ ازموينه پېل کړه.
نن د ازموينې لومړۍ ورځ وه، خدای دې وکړي چې دغه ازموينې د ټولو طلباؤ د پرمختګ سبب وګرځي او په راتلونکي کې خپلې هڅې لازياتي او خپلو اهدافو ته ورسېږي.
#هيلهڅوک چې په امتحان کې نقل کوي د هغه لپاره په عربۍ کې کوم لفظ استعمالېږي
#کاميابي

کلنۍ ازموينه!
د جامعة عثمان بن عفان رضي الله عنه ناړۍ ادارې د کلنۍ ازموينې مهالوېش.
د ازموينې د شروع نېټه: ۱۴۴۶/۶/۱۹ الموافق ۱۴۰۳/۱۰/۱