Faculty of Engineering, Paktika University

پکتیکا پوهنتون کې د انجنیري پوهنځي محصلانو ته (د مهندسي څانګې پیژندنه او کاري ساحه) او (د سیول انجنیري پیژندنه) تر سرلیکونو لاندې یو ورځنی سمینار وړاندې شو.
تېره ورځ پنج شنبه د ۱۴۴۷هـ.ق کال د جمادی الاول میاشتې په لومړۍ نېټه په پکتیکا پوهنتون کې د انجنري پوهنځي محصلانو ته (د مهندسي څانګې پیژندنه او کاري ساحه) او (د سیول انجنیري پیژندنه) تر سرلیکونو لاندې یو ورځنی سمینار، چې د یاد پوهنتون رئیس م. صاحب شبیراحمد عباس، د انجنیري پوهنځي رئیس انجنیر صاحب ګل محمد شرعي، د انجنیري پوهنځي استادانو او محصلانو پکې ګډون درلود، د ن. پوهنیار هدایت الله حیدري او پوهنیار محمدعمر مسرور لخوا د غونډو په عمومي تالار کې وړاندې شو.
پیل یې له معمول سره سم د قرآنکریم د څو مبارکو آیتونو په تلاوت سره وشو، ورپسې د انجنیري پوهنځي رئیس انجنیر صاحب ګل محمد شرعي د سمینار په ارزښت، په خپل مسلک کې د ظرفیت په لوړولو او په خپله برخه کې هېواد ته په خدمت کولو هر آړخیزه وینا وکړه.
وروسته یاد سمینار د ن. پوهنیار هدایت الله حیدري او پوهنیار محمدعمر مسرور لخوا په ښه توګه وړاندې شو.
د یادولو وړ ده، چې د یاد سمینار په اخیره برخه کې د پوهنځۍ استادانو او مدیرانو ته د یاد پوهنځي له لوري د تشویق په پار یوه یوه لونګۍ (پټکي) ور پسر کړل شول او هغه محصلین، چې په پسرلني سمستر کې یې د څانګو په کچه لوړې نمرې او په رقابتي سیالیو کې لوړې نمرې اخیستې وي، په ستاینلیکونو او ډالیو وستایل شول.
والسلام

د ارګون ولسوالي خاندار په کلي باندې د پاکستان پوځي رژیم لخوا د تېري شپې د ړانده بمبارد په نتېجه کې د ملکي وګړو ترڅنګ د پکتیکا پوهنتون، انجنیري پوهنځي د تاند او ځوان محصل د شهادت او همدارنګه د مهندسی څانګې د دریم صنف د ابن السبیل محصل د مړیني له کبله د پکتیکا پوهنتون، انجنیري پوهنځي د ادارې د تسلیت پیغام.
بسم الله الرحمن الرحیم
په ډېره خواشینۍ سره تېره شپه د ارګون په ولسوالي د خاندار په کلي باندې د پاکستان د پوځي رژیم د ړانده، جنایتکارانه اوله وحشت څخه ډک بمبارد په نتېجه کې د یو شمیر وطنوالو په شمول د پکتیکا پوهنتون، انجنیري پوهنځي سیول انجنیري څانګې لومړي ټولګي یو تن مستعد، د حسنه اخلاقو قاموس مرحوم محصل سید هارون ولد سید کریم د شهادت او همدارنګه د مهندسي څانګې د دریم صنف د یوه علمي، متدین مسافر محصل فرید احمد ولد غلام رباني د مړیني له کبله، چې د ګران هیواد، د پکتیکا پوهنتتون او انجنیري پوهنځي لپاره ستره ضایعه ده، د انجنیري پوهنځي اداره د شهید شوي او مرحوم محصلینو پتمنو کورنیو ته د دې سترې غمېزي په موقع کې د زړه له کومې د تسلیت مراتب وړاندې کوي او خپله ژوره خواخوږي او غمشریکي څرګندوي.
انا لله وانا الیه راجعون
دا پېښه دا حقیقت روښانه کوي چې د پاکستان پوځي ادارې د یوې اجیري محصوري مافیا شکل اخیتار کړی، دا برید په کلکله سره غندو، دابرید د دښمن سیاسي، اقتصادي کمزوري او ستر جنایت په ګوته کوي،
د پکتیکا پوهنتون، انجنیري پوهنځي اداره د خپل اسلامي نظام او زعیمو امراوو ته د استحکام او دراز عمر په استدعاء لاسونه غونچه کوي او د لوی الله جل جلاله له جلالي دربار څخه شهیدانو ته جنت الفردوس، ټپیانو ته عاجله شفاء او خپلوانو ته یې جمیل صبر او د جزیل اجر په استدعاء قائله او لاسونه لپه کوي.
الله تعالی جل جلاله دي په راتلونکې کې ګران وطنوال، د پکتیکا پوهنتون او انجنیري پوهنځی د داسي ناورین او غمیزو څخه په خپل جلالي امان کې وساتي.
آمین یا رب العلمین
د انجنیري پوهنځي د ادارې لخوا
۱۴۴۷/۰۴/۲۶ هـ. ق

د پکتیکا پوهنتون اړوند انجنیري پوهنځي له محصلانو څخه (په حساب ماشین/scientific calculator) کې رقابتي آزموینه واخیستل شوه.
نن سه شنبه د ۱۴۴۷هـ.ق کال د ربیع الاول میاشتې په (۳۰) مه نېټه په پکتیکا پوهنتون کې د یاد پوهنتون انجنیري پوهنځي له محصلانو څخه (په حساب ماشین/scientific calculator) کې رقابتي آزموینه، چې (۴۵۰) تنو محصلینو پکې ګډون کړی و، د پکتیکا پوهنتون په انګړ کې واخیستل شوه.
د یادولو وړ ده، چې څو ورځې مخکې د انجنیري پوهنځي له لوري د یاد پوهنځي محصلانو ته په (Scientific Calculator) کې درې ورځنی ورکشاپ دائر شوی و، چې په اساس یې یاده آزموینه په پلان کې نیول شوې وه او نن ورځ د سلګونو تنو محصلانو څخه په یاد حساب ماشین کې آزموینه واخیستل شوه.
ګډون کوونکو محصلانو له دې کبله چې دوی ته (په حساب ماشین/scientific calculator) کې د رقابتي آزموینې زمینه برابره شوې وه، خپله خوښي څرګنده کړه. ځينو کسانو، چې په دې آزموینه کې یې ګډون کړي و، د آزموینې په پروسه کې له ښې روڼتیا او غوره مدیریت څخه خپل رضايت وښود.
په درنښت

پکتیکا پوهنتون انجنیري پوهنځي او د پکتیکا ولایت ټولګټو چارو ریاست تر منځ د دوه اړخیزه همکاریو هوکړه لیک لاسلیک شو!
نېټه: یکشنبه د ۱۴۴۷هـ.ق کال د صفرالمظفر میاشتې (۱۶) مه.
پکتیکا پوهنتون انجنیري پوهنځي او د پکتیکا ولایت ټولګټو چارو ریاست تر منځ د علمي، فرهنګي، زده کړه ییزو او څېړنیزو اړیکو د ټېنګښت او پياوړتیا په موخه د دوه اړخیزه همکارویو هوکړه لیک، د پکتیکا پوهنتون د رئیس م. صاحب شبیراحمد عباس او د پکتیکا ولایت ټولګټو چارو ریاست د رئیس مولوي محمداکبر عادل په لاسونو، لاسلیک شو.
د یاد هوکړه لیک محتوا د د څېړنیزو پروژو په سرته رسولو کې یو له بل سره په لازمې همکاري، د انجنیري پوهنځي لخوا د ټولګټو چارو ریاست کارمندانو ته د لنډ مهاله سمینارونو او علمي پروګرامونو په وړاندې کولو، په ټولګټو چارو ریاست کې د انجنیري پوهنځي محصلانو ته د لنډ مهاله عملي کار د زده کړو په زمینه سازي، یو د بل له علمي، زده کړه ییزو، فرهنګي او څېړنیزو امکاناتو، وړتیاوو او ظرفیتونو څخه په مؤثره استفادې او داسې نورو اړینو موضوعاتو راټوله وه.
په درنښت

د جديد الشمول محصلينو د پام وړ!

د انجنیري پوهنځي ټول کهول ته دې مبارک وي!
د پوهنځي پنځه کلن ستراتيژيک پلان تائيد شو او له دې وروسته به ان شاﺀالله د يوه منظم او برجسته پلان له مخې د پوهنځي د ارتقاﺀ او بهبود لپاره کار کوو.

په پکتیکا لوړو زده کړو مؤسسه کې محصلینو ته (د اسلامي شریعت له نظره د مخدره موادو حکم او په ټولنه کې یې ناوړه اغېزې، د کیفیت لوړاوي د معیارونو لنډه پيژندنه او د پوهنځیو د ستراتېژیک پلانونو معرفي) موضوعاتو باندې یو ورځنی سمینار وړاندې شو.

نن پنج شنبه د ۱۴۴۶ هـ.ق کال د ذالقعده الحرم میاشتې په (۴) مه نېټه په پکتیکا لوړو زده کړومؤسسه کې د اسلامي شریعت له نظره د مخدره موادو حکم او په ټولنه کې یې ناوړه اغېزې، د کیفیت لوړاوي د معیارونو لنډه پيژندنه او د پوهنځیو د ستراتېژیک پلانونو معرفي) موضوعاتو باندې یو ورځنی علمي سمینار، د مجربو استادانو لخوا د مؤسسي د غونډو په عمومي تالار کې، وړاندې شو.
یاد سمینار د قرآن کریم د څو مبارکو آیاتونو په تلاوت سره پیل شو، ورپسې د یادې مؤسسې د استادانو مولوي صبغت الله حقیار، پوهنمل عجب خان سلطان، پوهنمل محمدشفیق حافظ او پوهنیار محمدعارف عابد لخوا یاد سمینار (د اسلامي شریعت له نظره د مخدره موادو حکم او په ټولنه کې یې ناوړه اغېزې، د کیفیت لوړاوي د یوولس ګونو معیارونو لنډه پيژندنه او د ارزونې پروسه او د ښوونې او روزنې او انجنیري پوهنځیو د ستراتېژیک پلانونو معرفي او د ستراتېژیکي مواردو لنډه پيژندنه) موضوعاتو په درلودلو سره د (۵) پنځه ګونو پوهنځیو محصلینو ته په ښه توګه وړاندې شو.
په درنښت

د انجنیري پوهنځي اداره د برکت، رحمت او مغفرت میاشتې (روژې مبارکې) د رارسېدو په مناسبت ټولو مسلمانانو ته مبارکي وايي. الله پاک دې زموږ روژې، عبادتونه او دعاوې په خپل دربار کې قبولې کړي.

ستاسو شتون زموږ قوت دی، له ياده مه باسئ، د بریا لپاره یو بل ته اړتیا لرو.

د اړونده څانګو د نوماندانو د پام وړ!

د پکتیا پوهنتون، پکتيکا، زابل، وردګ او زم زم لوړو زدکړو مؤسسو د بېلابېلو څانګو خالي کادري بستونو نوماندانو د پام وړ!

د پکتیا پوهنتون، وردګ او پکتیکا لوړو زده کړو موسسو خالي کادري بستونو نوماندانو د پام وړ!

. Organizational Chart .