THIMI TANI

Rregullat gjatë provimeve të PKAB-së 2026.

12 Qershori – Dita Botërore kundër Shfrytëzimit të Punës së Fëmijëve

Çdo vit, më 12 qershor, në mbarë botën shënohet Dita Botërore kundër Shfrytëzimit të Punës së Fëmijëve, një ditë që na kujton rëndësinë e mbrojtjes së të drejtave të fëmijëve dhe garantimit të një fëmijërie të sigurt, të lumtur dhe të mbushur me mundësi për arsimim e zhvillim.

Fëmijët duhet të jenë në shkollë, duke mësuar, duke luajtur dhe duke ndërtuar ëndrrat e tyre për të ardhmen, jo të detyrohen të punojnë në kushte që cenojnë shëndetin, sigurinë dhe mirëqenien e tyre.

Në këtë ditë ndërgjegjësimi, shkolla jonë bashkohet me thirrjen globale për t’i dhënë fund çdo forme të shfrytëzimit të punës së fëmijëve dhe për të promovuar të drejtat e tyre për arsim, mbrojtje dhe barazi.
Së bashku mund të ndërtojmë një shoqëri ku çdo fëmijë ka mundësinë të rritet, të mësojë dhe të realizojë potencialin e tij të plotë.
Fëmijëria është për të ëndërruar, jo për të punuar!

📚 Mbyllja e projektit “Libri, miku im” –
Klasa III-A

Në kuadër të projektit edukativ “Libri, miku im”, nxënësit e klasës III-A zhvilluan një vizitë të veçantë në bibliotekën e qytetit, duke shënuar kështu përmbylljen me sukses të këtij rrugëtimi të bukur në botën e librit dhe leximit.
Gjatë vizitës, nxënësit u njohën më nga afër me mjediset e bibliotekës, fondin e pasur të bibeave për fëmijë dhe rëndësinë që ka leximi në zhvillimin e njohurive, imagjinatës dhe kulturës së tyre.
Ata ndanë përshtypjet për librat e lexuar gjatë projektit dhe shprehën dashurinë e tyre për librin si një mik të çmuar në rrugën e dijes.
Ky aktivitet shërbeu si një përvojë frymëzuese për të nxitur më tej kulturën e leximit dhe për të forcuar lidhjen e nxënësve me librin dhe bibliotekën.
Urime nxënësve të klasës III-A për përkushtimin dhe entuziazmin e treguar gjatë gjithë projektit!

📖 “Një libër është një mik që të shoqëron kudo dhe të pasuron çdo ditë.”

Gazeta e Shkollës

Nxënësit e klasave të 9-ta prezantuan me sukses projektin e tyre krijues “Gazeta e Shkollës”.
Një nismë që synon të pasqyrojë mendimet, idetë dhe talentet e të rinjve përmes gazetarisë shkollore.
Gjatë prezantimit, nxënësit shpalosën punën e tyre të përkushtuar në hartimin e artikujve, intervistave, lajmeve dhe temave me interes për komunitetin shkollor.
Gazeta trajton çështje edukative, sociale dhe kulturore, duke u dhënë nxënësve mundësinë të shprehin mendimet e tyre dhe të zhvillojnë aftësitë e komunikimit, bashkëpunimit dhe krijimtarisë.
Projekti u vlerësua për seriozitetin, origjinalitetin dhe përkushtimin e treguar nga nxënësit, të cilët dëshmuan se zëri i të rinjve ka rëndësi dhe meriton të dëgjohet.
Përgëzojmë nxënësit e klasave të 9-ta për këtë iniciativë të bukur dhe urojmë që “Gazeta e Shkollës” të vazhdojë të jetë një dritare informacioni, reflektimi dhe frymëzimi për të gjithë komunitetin tonë shkollor. 📖📰✨

8 Qershori është Dita Botërore e Oqeaneve.
Kjo datë shërben për të kremtuar rolin jetik të oqeaneve në planet dhe për të rritur ndërgjegjësimin global mbi sfidat mjedisore, si ndotja e ujërave dhe shfrytëzimi i tepërt.
Pse është e rëndësishme kjo ditë:

Prodhimi i oksigjenit: Oqeanet prodhojnë të paktën 50% të oksigjenit në Tokë.

Ushqim dhe biodiversitet:

Janë shtëpia e shumicës së biodiversitetit dhe burimi kryesor i proteinave për mbi një miliard njerëz.

Rregullimi i klimës:
Konsiderohen si mushkëritë e planetit, duke luajtur një rol kyç në rregullimin e klimës dhe mbështetjen e jetës.

Kjo ditë u propozua për herë të parë në vitin 1992 në Samitin e Tokës në Rio de Janeiro dhe zyrtarisht u caktua nga Organizata e Kombeve të Bashkuara (OKB) që prej vitit 2009