Yerevan Chamber of Commerce and Industry

🗓️ Այսօր՝ մարտի 17-ին, Հոնկոնգի առևտրի զարգացման խորհրդի և Երևանի առևտրաարդյունաբերական պալատի հետ համատեղ, Երևանում անցկացվեց «Հոնկոնգ 2026. ռազմավարական հնարավորություններ և գործարար գործընկերությունների զարգացում» խորագրով սեմինար։

Հոնկոնգը աշխարհի ամենաազատ տնտեսություններից մեկն է և առաջատար համաշխարհային առևտրային և ֆինանսական կենտրոն։

Հոնկոնգի հետ համագործակցության թեման մեծ հետաքրքրություն առաջացրեց հայկական ընկերությունների շրջանում։ HKTDC Մոսկվայի խորհրդատվական գրասենյակի նախագծի ղեկավար Քրիստինա Զեմսկովան ներկայացրեց տեղեկատվություն համաշխարհային B2B հնարավորությունների, միջազգային ցուցահանդեսներին և գործարար ծրագրերին մասնակցության, ինչպես նաև Հոնկոնգի առևտրի զարգացման խորհրդի կողմից իրականացվող աջակցության ծրագրերի վերաբերյալ։

Invest Hong Kong-ի Ռուսաստանի, ԱՊՀ և Բալթյան երկրների գծով ավագ խորհրդատու Լեոնիդ Օրլովը կիսվեց Հոնկոնգում գործարար հնարավորությունների վերաբերյալ գործնական տեղեկատվությամբ և ներկայացրեց հայկական ընկերությունների ներկայության ասպեկտները Մեծ ծոցի տարածքում և Հարավարևելյան Ասիայում։

📍Սեմինարն անցավ ինտերակտիվ մթնոլորտում ՝ ապահովելով արդյունավետ քննարկումներ և հաստատելով գործարար համայնքի մեծ հետաքրքրությունը միջազգային համագործակցության զարգացման նկատմամբ։

📢 SEMICON Southeast Asia 2026

2026 թ․ մայիսի 5–7-ը SEMICON Southeast Asia 2026 կանցկացվի Կուալա Լումպուր քաղաքում, Մալայզիա։

SEMICON Southeast Asia-ն հանդիսանում է Հարավարևելյան Ասիայի ամենախոշոր և ազդեցիկ միջոցառումը կիսահաղորդչային և էլեկտրոնային արտադրանքի ոլորտում՝ միավորելով ոլորտի առաջատար ընկերություններին, նորարարներին և լուծումների մատակարարներին տարածաշրջանից և ամբողջ աշխարհից։

Ցուցահանդեսի շրջանակում Malaysian External Trade Development Corporation (MATRADE)-ը՝ Մալայզիայի արտահանման խթանման ազգային գործակալությունը, կազմակերպում է նախապես պլանավորված գործարար հանդիպումներ (International Sourcing Programme – INSP) միջազգային գնորդների և մալայզիական արտահանողների միջև։

Հրավիրում ենք հետաքրքրված ընկերություններին գրանցվել և մասնակցել ծրագրին։

Մանրամասների համար՝
🌐 https://expo.semi.org/southeastasia2026/public/enter.aspx
📧 [email protected]
📞 +7 495 966 00 62

#ՄիջազգայինՀամագործակցություն