Lily Naing Khiangte

*ပျောက်သွားတဲ့အပြုံးကိုရှာတဲ့ နတ်သမီးလေး "ပန်းနံ့သာ"*ပုံပြင်တစ်ပုဒ်ပါ။
:::::::::::::::::::::::::::
ပန်းနံ့သာဆိုတဲ့ နတ်သမီးလေးက ပန်းတွေကိုစကားပြောတတ်တယ်။ တစ်နေ့ သူ့အကြိုက်ဆုံး နှင်းဆီပန်းကြီးက "နတ်သမီးလေးရေ ငါ့ရဲ့အပြုံးပျောက်သွားပြီ" လို့ပြောတယ်။

နှင်းဆီပန်းက ပုံမှန်ဆို လှလှပပပွင့်ပြီး နေရောင်ကိုမြင်ရင်ပြုံးတတ်တာ။ အခုတော့ ခေါင်းငုံ့နေတယ်။

ပန်းနံ့သာလိုက်ရှာတယ်။ မြစ်ဘေးမှာရှိတဲ့ ပုရွက်ဆိတ်မလေးကိုမေးတယ်။ ပုရွက်ဆိတ်မလေးက "အပြုံးဆိုတာ ပျောက်မသွားဘူး။ ပျော်တဲ့အချိန်ကျရင်ပြန်ပေါ်လာတယ်" လို့ပြောတယ်။

ပန်းနံ့သာတောထဲမှာလိုက်ရှာ၊ ကောင်းကင်မှာလိုက်ရှာ... မတွေ့ဘူး။ နောက်ဆုံးသူဝမ်းနည်းပြီး ငိုချလိုက်တယ်။ "ချွတ်" ဆိုတဲ့မျက်ရည်တစ်စက်က နှင်းဆီပန်းပေါ်ကျသွားတယ်။

အံ့ဩစရာပဲ! မျက်ရည်စက်လေးထိတာနဲ့ နှင်းဆီပန်းက "ဟား" ဆိုပြီး အရမ်းလှလှပပပွင့်လာတယ်။ ပန်းနံ့သာရယ်သံလေးကြားရတော့ နှင်းဆီပန်းရဲ့အပြုံးပြန်ပေါ်လာတာ။

ပန်းနံ့သာသဘောပေါက်သွားတယ်။ အပြုံးဆိုတာ ရှာလို့မရဘူး။ တစ်ယောက်ယောက်ကိုဂရုစိုက်လိုက်ရင်၊ ချစ်တဲ့စိတ်နဲ့ကြည့်လိုက်ရင် သူ့ဘာသာပြန်ပေါ်လာတာပဲ။

နောက်ပိုင်းပန်းနံ့သာက ပန်းတွေကိုရေလောင်းတိုင်း "မင်းလှလိုက်တာ" လို့ပြောပေးတယ်။ ပြီးတော့ပန်းတွေအားလုံးက ပြုံးပြုံးလေးဖြစ်သွားတယ် 🌹

သမီးလေးရော... အခုပြုံးပြလိုက်ဦး။ မင်းပြုံးလိုက်ရင် နတ်သမီးလေးပန်းနံ့သာလိုပဲ ပတ်ဝန်းကျင်တစ်ခုလုံးလင်းသွားလိမ့်မယ် 😄