Zəngi liseyi
17/06/2026
Liseyimizin 4-cü sinif rus bölməsinin şagirdi Elay Novruzlu Qlobal Riyaziyyat Olimpiadasında yüksək nəticə göstərərək bürünc medala🥉 layiq görülmüşdür.
Bu uğur şagirdimizin əzmkarlığının, zəhmətinin və riyaziyyata olan marağının gözəl göstəricisidir. Şagirdimizi ürəkdən təbrik edir, ona gələcək təhsil həyatında daha böyük nailiyyətlər, yeni zirvələr və parlaq qələbələr arzulayırıq!
17/06/2026
🏆 Təbrik edirik! 🏆
3-cü sinif rus bölməsinin şagirdi Elay Cahangirli beynəlxalq incəsənət müsabiqəsi “Azerbaijan Stars” çərçivəsində keçirilən rəqs nominasiyasında uğurla çıxış edərək II yerə layiq görülmüşdür.
Liseyimizin 7-ci rus bölməsi şagirdi Musayev Hümmət Cavidan oğlu JU-JİTSU üzrə yeniyetmələr arasında keçirilən yarışda Azərbaycan Respublikasını uğurla təmsil edərək I yerə layiq görülmüşdür. Bu möhtəşəm qələbə onun əzmkarlığının, zəhmətinin və yüksək idman hazırlığının nəticəsidir. Hümməti bu böyük nailiyyəti münasibətilə ürəkdən təbrik edir, ona gələcək yarışlarda da yeni-yeni uğurlar və qələbələr arzulayırıq! 🇦🇿🥇
JU-JİTSU Azərbaycanda yeniyetmələr arasında inkişaf edən və beynəlxalq yarışlarda ölkəmizi təmsil edən idman növlərindən biridir.
15/06/2026
15 İyun – Milli Qurtuluş Günü
Azərbaycan xalqının taleyində mühüm dönüş nöqtəsi olan 15 İyun – Milli Qurtuluş Günü dövlətçiliyimizin xilası, milli birliyin bərpası və ölkəmizin inkişaf yoluna qədəm qoyduğu əlamətdar tarixdir.
1993-cü ilin 15 iyun tarixində Ümummilli Lider Heydər Əliyevin xalqın təkidli tələbi ilə yenidən siyasi hakimiyyətə qayıdışı ölkədə sabitliyin təmin olunmasına, dövlət müstəqilliyinin qorunmasına və gələcək inkişafın əsaslarının yaradılmasına zəmin olmuşdur.
Bu gün Azərbaycan xalqı Milli Qurtuluş Gününü dərin hörmət və ehtiramla qeyd edir, dövlətimizin möhkəmlənməsi və tərəqqisi naminə görülən işləri yüksək qiymətləndirir.
Milli Qurtuluş Günü münasibətilə hər kəsi səmimi qəlbdən təbrik edir, xalqımıza əmin-amanlıq, rifah və yeni uğurlar arzulayırıq.
Zəngi liseyində fəaliyyət göstərən Məktəb Şurasının Sosial İş və Könüllülük Komitəsinin şagirdlərinin təşəbbüsü ilə küçə heyvanlarına qayğı aksiyası həyata keçirilmişdir.
Aksiya çərçivəsində məktəb ətrafında yaşayan sahibsiz heyvanlar üçün su və yem qabları yerləşdirilmişdir. Təşəbbüsün əsas məqsədi şagirdlərdə canlılara qarşı mərhəmət və şəfqət hissinin, sosial məsuliyyət anlayışının, eləcə də könüllülük dəyərlərinin daha da gücləndirilməsidir.
Şagirdlər bu nümunəvi addımla bir daha nümayiş etdirmişlər ki, xeyirxahlıq ən sadə əməllərdən başlayaraq böyük mənəvi dəyərlərə çevrilə bilir. Küçə heyvanlarına göstərilən diqqət və qayğı onların həyat şəraitinin yaxşılaşdırılmasına töhfə verməklə yanaşı, cəmiyyətimizdə humanizm, mərhəmət və canlı aləmə həssas münasibət kimi ali dəyərlərin təbliğinə də xidmət edir.
Unutmamalıyıq ki, bəzən bir qab su və bir ovuc yem bir canın ümidinə çevrilir. Məhz belə nəcib təşəbbüslər gənc nəslin mənəvi inkişafında mühüm rol oynayaraq daha qayğıkeş, daha məsuliyyətli və daha humanist bir cəmiyyətin formalaşmasına töhfə verir.
13/06/2026
Liseyimizdə Kiçik Akademiyanın 30-cu konfransı keçirilib. Konfrans Kiçik Akademiyanın sədri Gülnarə Səfərovanın rəhbərliyi və direktor Nigar Məmmədovanın iştirakı ilə baş tutub.
Tədbirdə şagirdlər kimya, fizika, biologiya, coğrafiya, tarix və STEAM fənləri üzrə hazırladıqları maraqlı tədqiqat işləri və layihələrlə çıxış ediblər. Məruzələr böyük maraqla dinlənilib, şagirdlərin elmi araşdırma bacarıqları və yaradıcılıq qabiliyyətləri yüksək qiymətləndirilib.
Konfransın keçirilməsində əsas məqsəd şagirdlərdə elmi-tədqiqat fəaliyyətinə marağın artırılması, onların bilik və bacarıqlarının inkişaf etdirilməsi, həmçinin əldə etdikləri nailiyyətlərin təqdim olunması olub. Tədbir iştirakçılar tərəfindən maraqla qarşılanıb və uğurla yekunlaşıb.
Liseyimizin şagirdi Nuray Qasımova Beyin Olimpiada Mərkəzi tərəfindən keçirilən Qlobal Riyaziyyat Olimpiadasında yüksək nəticə göstərərək gümüş medala layiq görülmüşdür.
Bu uğur onun zəhmətinin, biliyinin və əzmkarlığının göstəricisidir. Nurayı əldə etdiyi nailiyyət münasibətilə ürəkdən təbrik edir, ona gələcək təhsil və olimpiadalarda daha böyük uğurlar arzulayırıq. İnanırıq ki, bu qələbə onun yeni zirvələr fəth etməsinə stimul olacaq.
09/06/2026
Zəngi liseyində 5-ci sinif şagirdləri arasında atletika idman növü üzrə maraqlı və rəqabətli yarış keçirilmişdir. Yarışın əsas məqsədi şagirdlər arasında sağlam həyat tərzini təşviq etmək, idmana marağı artırmaq və onların fiziki bacarıqlarını inkişaf etdirmək olmuşdur. Tədbirdə iştirak edən şagirdlər yüksək fəallıq nümayiş etdirmiş, yarış ruhu və komanda həmrəyliyi nümayiş etdirmişlər.
| Monday | 08:00 - 17:00 |
| Tuesday | 09:00 - 17:00 |
| Wednesday | 08:00 - 17:00 |
| Thursday | 08:00 - 17:00 |
| Friday | 08:00 - 17:00 |