English with Ms.Omnia

طالب اعدادي 💥

مرحله جديده ومختلفه ونظرا للمناهج والاختلاف بين الجديد والقديم لازم ك ولي أمر تأهل أبنك صح وتوجهه للانسب ليه ❤️

من اكتر الاسئله الي بتتكرر أبني مش متأسس !
ابني خايف ومتعقد من الانجليزي !
رافض يروح الدرس أو كاره المذاكره 😥

خلينا متفقين أن كل مشكله وليها حل بس الفكره في العزيمه وانك تعرف أساس المشكله والحل أيه

لو عندك استفسار تقدر تتواصل معانا علي رسائل الصفحه

إيه هو منهج ال jolly phonics ؟ 🫣


معظم الأمهات بقوا حابين أولادهم يتعلموا علي طريقه منهج جولي فونكس او منهج
Oxford phonics
وفي بعض الأمهات متعرفش ايه منهج جولي فونكس؟

منهج جولى فونيكس هو منهج بيركز على صوت الحرف لتعليم الاطفال القراءة
في أغلب الأوقات بنقابل مشكله مع الأطفال الي بتحفظ الحروف كأسماء مش أصوات فالبتالي بيجوا عند القراءة ومبيعرفوش يقرأوا.

A apple تفاحه
B book كتاب
سمكه يعني fish
طبعا الطريقه دي غلط جداا
فالمنهج ده بيقوم بتدريس 42 صوت
بيقسموه لمجموعات
كل مجموعه فيها ٦ أصوات
قبل مبندخل للطفل ف تدريس الجولي فونكس
الأول بيكون حافظ الحروف كويس وأساميهم وبيعرف يكتبهم بالشكل الصحيح بتاعهم ونهتم جدا بالكتابه الصحيحه لأن في أطفال بتكتب بطرق غلط بتدي نفس شكل الحرف ف الآخر بس لازم يبقي عارف الطريقه الصح ويتعود عليها.

🌿بعد مبيحفظ الحروف بنبدأ نفهمه أن كل حرف ليه إسم وصوت وشكل
زي مثلا حرف ال a وأوريله شكله من خلال رسمه بطريقه صحيحه أو أوريله flash cards
وأعرفه اسمه a لكن صوته .. وابدأ أسمعه الصوت
وأسمعه أغنيته أو قصه قصيرة عنه بتبقي مركزه ع الصوت
ببدأ اسأل الطفل ايه صوت الحرف مش اسمه
what's the sound of this letter?

بعمل Action لكل حرف مثلا s بعمل شكل الثعبان فى الهواء زي حرفs ،وa نمثل ان ف نمل على ذراع ونقول a.

بعمل formation إزاى نكتب الحرف .

بعمل Dictation إملاء للحرف

song بنسمع الأغنيةعلى الحرف الي بندرسه ونكررها .

بنقرأ كلمات بتبدأ بالحرف وبنركز على sound وده بيضيف حصيلة كلمات للطفل

🌿بعد مبنعرف أصوات الحروف كويس بنبدأ نعرفه
ال vowels
a.e.i.o.u
من خلال رسمهم علي شكل وش أو نغنيهم له
بنبدأ ناخد حرف حرف عشان ميتلغبطش ونبدإ نعمل Blending دمج
زي مثلا لما أدمج حرف ساكن مع متحرك

Ba ma fa ca ha ra ba ta

أبدأ أخليه يقرأ حرفين حرفين وبعد كدا ممكن أبدأ
ادخله كلمات مكونه من ٣ حروف
S+a+t = sat
Bat fat cat hat man
وهكذا ف كل ال vowels بس بالتدريج عشان ميتلغبطش

🌿بعد كدا بيبدأ يقرأ جمل بسيطه زي

Mat is a fat cat.
Mat sat on a pat.
Pat is a rat ..
بعد ال short vowels
وبيعرف يقرأ كلمات مكونه من ٣ حروف

🌿ببدأ أدخل علي ال long vowels بالتدريج
Long a.e.i.o.u

🌿خلصنا كل ده أبدا بقي أعرفه
صوت
Sh. Ch . Ph . Th
وندي أمثله كتيرة عليهم

بعد كدا

🌿vowel pairs
(Long/silent)
ay . ai . Oe

🌿Vowels digraphs
(Short or special)
OO as in good

🌿Diphthongs
(2 letters =1 sound)
Oy as in boy

*بعرفه ال silent letters
علي الأقل المشهورين أو الي ممكن يقابلهم
زي silent k before n

احضر ابني للتقديم في المدرسه ازاي للسنه الجديده 🤔
لازم يعرف إن :
الحروف الإنجليزية: ٢٦ حرف
الحروف الساكنه: ٢١ حرف
الحروف المتحركه : ٥ حروف
الحروف المتحركه : a , e , i , o , u

اول حاجه يعرف الحروف وأصواتها
طب وبعدين ؟

يأخد نطق short vowel كلها

طيب اجيبها منين ؟
هنزل بوست مفصل عنها

لازم تحاولي معاه القراءة وتجيبي كلمات مكونه من ٣ حروف ويحاول يقرأها ذي كدا :
Rat , man , van , ant, gap
Bed , hen , men , get
Pin , sit , did , fig
Mop , hot , dog , pot
Sun , mug, fun

طيب أنا معنديش خلفيه اجيب كلمات منين أو اخليه يقرأ ايه ؟
ببساطه في كتب تأسيس مختلفه جديده وبسيطه تقدري تستعيني بيها أو تقدري تطبعي شيتات من علي جوجل

جه دور الارقام ، يحفظ من ١ ل ٢٠ الرقم نركز بيبص أني ناحيه 😂😂😂 وبعد كدا نبدأ نعرفه 1 one ونمشي بالترتيب لحد twenty

خلصنا !!
لا لسه بدري 🙆🙆🙆

يأخد نطق long vowel

ونعيد نفس القصه تاني ونجيب كلمات نتمرن عليها وتقدري تحملي تطبيق Jolly phonics وتستخدميه

نخلص ده ونبدأ بقي ندخل كلمات زي :

الالوان ، العائلة ، المهن ، الاماكن العامة ، ادوات المدرسة ، الخضار ، الفاكهة ، وسائل المواصلات ، الحيوانات وهكذا ..

ونتقابل في بوست تاني للتكمله ❤️

لو في حاجه تانيه حابين تسألوا عليها تقدروا تبعتوا رساله علي الصفحه وأحنا معاكم

ضمائر الإشاره وأساسيات الجرامر للأطفال ♥️
أولي وتانيه أبتدائي 🥰

أسماء الإشارة Demonstrative Pronouns في اللغة الانجليزية هي:

This, That, These, Those والفرق بينهم هو:
This هذا – هذه (للمفرد القريب).
That هذا – هذه ( للمفرد البعيد).
These هؤلاء ( للجمع القريب).
Those أولئك (للجمع البعيد).

الفرق هو أن بعضهم للمفرد وبعضهم للجمع بالإضافة إلى أن البعض منهم يستخدم إذا كنا نتحدث عن شيء قريب والبعض الآخر للشيء البعيد عنا.

في الأمثلة التالية الفرق بين this وthat:
لما باجي أشرح بعمل ايه بقرب من الشيء وألمسه وأفهمه أن ده كدا قريب

This is my book
هذا كتابي

This is my father.
هذا ابي.

وبعد كدا أبعد وأشاور من بعيد علشان يفهم أن that للبعيد

That tree is very high
تلك الشجرة ارتفاعها كبير

That is a pen
هذا قلم.

وأهم حاجه أرجع أفكرهم بقاعده A-An قبل الاسم المفرد

🌞🌞🌞🌞🌞🌞🌞🌞🌞🌞🌞🌞🌞🌞🌞🌞

Which
عند دراستك لأسماء الإشارة قد تتساءل عن معنى which لأنها مرتبطة باسم الاشارة that
Which هو ضمير من ضمن ضمائر الوصل (who – where – which – that) أي تُستخدم هذه الضمائر للوصل بين جملتين مثل:

The man who drives this car is my father
الرجل الذي يقود هذه السيارة يكون والدي.

This red pen is what I need
هذا القلم الأحمر هو ما أريده.

علاقة that بضمائر الوصل هي أنها ممكن أن تحل محل أي منها وتعطي نفس المعنى:
The man that drives this car is my father
الرجل الذي يقود السيارة يكون والدي.

للتدريب أكثر دعونا نقرأ معاً الأمثلة الآتية:
This car on the bridge is very fast
هذه السيارة التي على الجسر سريعة جداً.

I want to buy that dress
أريد شراء ذلك الفستان.

I can’t wait to eat this cake
أنا متحمس جداً لأكل هذه الكعكة.

هكذا بهذه الجمل البسيطة السابقة وضحنا الفرق بين this و that وأصبحت تعرف جيداً أسماء الاشارة وكذلك ضمائر الوصل.

أمهات كتير بتسأل🤕
🌿 أعمل إيه مع ابنى ٥ سنين ؟!🙆🙆

🌿لازم يعرف إن :
الحروف الإنجليزية: ٢٦ حرف
الحروف الساكنه: ٢١ حرف
الحروف المتحركه : ٥ حروف
الحروف المتحركه : a , e , i , o , u
======================================
🌿اسمها الحروف المتحركة ليه ؟
عشان كل حرف له اكتر من صوت
======================================
🌿كمان يعرف الحروف وأصواتها
======================================
يأخد نطق short vowel كلها

🌿كمان طفلك لازم تحاولي معاه القراءة وتجيبي كلمات مكونه من ٣ حروف ويحاول يقرأها ذي كدا :
Rat , man , van , ant, gap
Bed , hen , men , get
Pin , sit , did , fig
Mop , hot , dog , pot
Sun , mug, fun , yum
======================================🔹جه دور الارقام ، يحفظ من ١ ل ٢٠ الرقم بالكلمه بتاعته.
======================================

يأخد نطق long vowel

🌿كمان نبدأ نحفظه بعض الكلمات ذي :
الالوان ، العائلة ، المهن ، الاماكن العامة ، ادوات المدرسة ، الخضار ، الفاكهة ، وسائل المواصلات ، الحيوانات وهكذا ..
======================================
يعرف أدوات النكرة.
وشرحVerbto
🌿يعرف الفرق بين He, she, it
=======================
نكمل تأسيس الجرامر ف البوست المقبل إن شاءالله

ايه أهم خطوة في تأسيس الانجليزي ؟
لو طالب ضعيف أو مبتديء يعني لسه في كجي ابتدي معاه ازاي ؟؟🤔
أهم خطوة أن الطفل يحب المادة ❤️
و علشان يحبها لازم تكون مشروحة بطريقة صح 👌

يعني شرح بسيط ...صور جذابة ...تمارين متنوعة و كتيرررررر ..... قطع قراءة ...كتابة جمل و براجرافات كمان 🔥💯💯 .....محادثات ....تمارين على قواعد الترقيم ....أماكن لكتابة الواجبات علشان راحة المعلم و الأم .......تقييمات و اختبارات تديله ثقة بنفسه💪

الضغط هيولد الانفجار فكل ما هتضغط عليه أكتر كل ما هيسبب ليه عقده من الماده 😔 ولازم نبقي فاهمين الفروق الفرديه بين الأطفال وأن مفيش اتنين زي بعض كل واحد ليه نقطه تفوق ونقطه ضعف

أعرف النقطتين عند طفلك وساعتها هيبقي معاك المفتاح 🗝️ الي هيحط طفلك علي أول السلم صح 🪜

أزرع حب هتحصد نجاح ❤️

أيه هو الچولي فونكس بشكل بسيط للناس الي بتسأل 🤔

هو المنهج الذي يهتم بتعلم الأصوات التي تصنعها الأحرف ، وليس أسماء الأحرف التي تدرس بالأبجدية ، فليس ذلك ما نحتاج له حين القراءة ؛ فالأصوات هي ما نحتاجها للبدء بالقراءة والكتابة من دون ان يختلط على المربي وعلى الطفل بالتالي الأمر؛ فيتم تعلم هذه الأصوات بطرق منهجية معروفة ، إلى جانب جميع المهارات اللازمة ليتمكن الطفل أو انت بأن تكون قارئًا وكاتبًا بطلاقة وسلاسة في اللغة الإنجليزية . حيث يدرس منهج جولي فونيكس بطرق مرحة وجذابة ، باستخدام الشخصيات والقصص وأساليب حركية والعاب وأغاني 🥁

اول حاجه مهارة تعلم الأصوات 😊

ويتعلم خلال تلك المهارة الطفل الأصوات التي تحمل اسم اخر مختلف ،وليس اسم الحرف . حيث يتم تعلم 42 صوتا مختلف في منهج جولي فونكس

تاني حاجه تشكيل – كتابة الأحرف 🥰

وهنا يتعلم الطفل طريقة تشكيل الأحرف وكتابتها بالشكل والرسم الصحيح؛ بواسطة قلم رصاص، ويتم تعليمهم مسكة القلم الصحيحة؛ من اجل الحصول على خط انيق وكتابة جميلة حسب قواعد اللغة ( ودي هنتكلم عليها في بوست منفصل )

تالت حاجه مهاره المزج 🌞

وهنا يقدم للطفل أحرف منفصلة لكلمة معروفه يقوم الطفل بتهجئتها لقراءتها بالشكل الصحيح مع بعض كاملة، مثال على ذلك لو قمنا بتقديم الاتي:

“sat”=“s” + “a” + “t”

رابع حاجه التجزئه 🍫

وهنا تقريبا عكس المهارة السابقة وتتحقق بتحقق المهارة السابقة؛ حيث يتم فيه تعلم الأطفال ان يقوموا بسماع الأصوات الفردية من خلال نطق الكلمة كاملة، ويطلب منهم تقسيم الكلمة؛ لكتابتها والتهجئة بشكل سليم فمثلا:

“hen” = “h” + “e” + “n”

آخر حاجه الكلمات الصعبه ( المكلبظه ) 😁

هناك بعض الكلمات التى لا تتبع اسس الصوت ، لذا يتم تعليمهم هذه الكلمات بصور منفصلة مع مراعاة وضع استراتيجية لتذكرها



لو لسه تايه أبعت لنا رساله وأحنا معاك ❤️🌿

هو دة الفونكس اللي بتسألوا عليه
All About Short and Long Vowel Sounds

أوقات واحنا بندرس الفونكس للطفل بيستغرب و بيسألنا ليه مثلا صوت حرف (a) مختلف في كلمه cat عن كلمة cake أو مثلا ليه صوت حرف u مختلف في كلمه cub عن صوتها في كلمه cube وأسئلة كتيرة تانية في نفس الاتجاه دا

أصوات الحروف في اللغة الإنجليزية بتختلف نوعا ما فأحيانا بتكون مخادعة ومش كل الحروف بتعمل نفس الأصوات في كل الكلمات وعشان كدا تعليم الاطفال الصغيرين القراءة يعتبر تحدي كبير بسبب ان الحروف ليها أصوات مختلفة ودا بناء علي الطريقة اللي بتستخدم بيها الكلمة وعشان كدا بنحاول نفرق للطفل بين الأصوات القصيرة والطويلة short and long vowel sounds تعالوا نفهم اكتر ونفهم الطفل الفرق بينهم عشان نساعده يقرأ أفضل

أول حاجة لازم نفهمهم يعني ايه short and Long Vowel Sounds
ودا بيكون عن طريق اننا نعرفهم كل حاجة عن أنواع الحروف وهي الحروف المتحركة والساكنه ونفرق بينهم اللي بيكونوا في الآخر 26 حرف في اللغة👍 بس بيدونا اصوات اكتر بكتير

لازم الطفل يعرف ان الحروف الصوتيه الخمسه)a,e,i,o,u)
كل حرف منهم عنده عالأقل صوتين مثلا حرف a مختلف في كلمه cat عن كلمه cane طيب دا هيخلي الطفل يحتار شويه في البداية ازاي يقدر يحدد الصوت اللي هينطق بيه الحرف المتحرك في الكلمة
ببساطة هنفهم الطفل ان كل حرف متحرك عنده صوتين واحد قصير short بننطقه بطريقة مختلفة واحسن حل عشان يتقنهم عن طريق القصص وكلهم هنا في الجروب أو عن طريق الأغاني 🎥 وواحد طويل long زي نطق اسم الحرف بالظبط كدا تمام
وأحيانا بيكون صامت وساكت مش بيتنطق 😶

الصوت اللي بيعمله الحرف بيعتمد علي مكانه في الكلمة والحروف اللي جمبه
تعالوا نفهم اكتر وناخد مثال للتوضيح :
حرف a في كلمه cat وحرف e في كلمه bed هنا كلمات صغيره من ثلاث حروف والحرف المتحرك في النص مختلف الصوت عن صوت حرف a, eفي كلمه cake, heat وهنا صوتهم long وبنلاحظ وجود حروف متحركة تانيه معاهم في الكلمه وعشان الموضوع يبقي أسهل تعالوا نعلمهم شويه قواعد هتساعدهم جدا جدا في القراءة والتفرقه بين الأصوات دي

Vowel Position مكان الحرف المتحرك

Vowel Sound صوت الحرف المتحرك
أمثله

@لو عندنا كلمه فيها حرف متحرك واحد بس وبتنتهي بحرف ساكن هنا الحرف المتحرك صوته short.

‘a’ in ‘jam’

‘e’ in ‘west’

‘o’ in ‘hot’

‘i’ in ‘fish’

‘u’ in ‘cup’

@لو الكلمة فيها حرفين متحركين يفصلهم عن بعض حرفين او اكتر الحرف المتحرك الاولاني صوته

as in ‘apple’

as in ‘octopus’

as in ‘basket’

as in ‘elephant’

as in ‘umbrella’

3. لما الكلمه بتنتهي بحرف e الحرف المتحرك الاولاني بيتنطق بإسمه وحرف e في نهاية الكلمه صامت

‘cap’ becomes ‘cape’

‘kit’ becomes ‘kite’

‘tub’ becomes ‘tube’

as in ‘game’

as in ‘time’

4. لما بيكون عندي حرفين متحركين جمب بعض في الكلمة الحرف المتحرك الاولاني بينطق اسمه والتاني بيكون صامت

as in ‘tie’

as in ‘boat’

as in ‘rain’

as in ‘value’

as in ‘feet’
ودي مجموعه من الامثله علي الاصوات كلها short and long هتساعد اكتر للفهم والنطق وعشان يحسوا بالفرق

Aa

‘fat’, ‘map’, ‘hand’, ‘lamp’, ‘glass’ short vowel

‘fate’, ‘pain’, ‘game’, ‘mail’, ‘whale’ long vowel

Ee

‘egg’, ‘red’, ‘nest’, ‘bell’, ‘smell’

‘ear’, ‘sea’, ‘heal’, ‘weak’, ‘three’

Ii

‘pig’, ‘rib’, ‘fist’, ‘milk’, ‘swim’

‘hide’, ‘tile’, ‘lime’, ‘wipe’, ‘prize’

Oo

‘fox’, ‘hop’, ‘rod’, ‘drop’, ‘pond’

‘road’, ‘goat’, ‘bone’, ‘note’, ‘roast’

Uu

‘bud’, ‘gun’, ‘hug’, ‘dump’, ‘puff’

‘rule’, ‘true’, ‘dune’, ‘flute’, ‘fruit

دا شرح مبسط للتفرقه بين الأصوات المتحركةlong and short vowel sounds للأطفال الصغيرين عشان نساعدهم اكتر علي القراءة ودي أهم خطوه لازم يتعلموها

لو عندك أي استفسار في التأسيس أو مش عارفه تبدأي مع طفلك أزاي تقدري تواصلي معانا ❤️🌿

Mrs / Omnia khaled
O.k Academy for learning English

What are 10 examples of simple past tense?

10 examples of affirmative simple past tense sentences

They got home very late last night.

I watched TV last week. 📺

I walked.

I lived abroad for ten years.

They always enjoyed visiting their friends.

The rain stopped an hour ago. 🌧️

She was beautiful.

I saw a movie last week. 🎥