Compu Alex Kids

مساء الخير

في المرات اللي فاتت اتكلمنا على تعريف البرمجة و البرنامج , مين هو المبرمج وانواع لغات البرمجة , وكمان اتكلمنا عن الرواد في عالم الكمبيوتر و البرمجة زي Steve Jobs, Bill Gates, Ada Lovelace

آخر مقالة تساءلنا عن الخطوات السابقة لعملية كتابة البرنامج واللي بسببها البرنامج بينجح او بيفشل الحقيقة انا في المقالة دي هأجل الاجابة عن السؤال شوية

لكن هتكلم في مفهوم مهم جداً ومهارة من أهم مهارات القرن الـ 21 21st century Skills , وهي مهارة حل المشكلات Problem Solving ==

==الله الله, واحنا مالنا ومال حل المشكلات, ما تخلينا في البرمجة

-- عزيزي المبرمج الصغير متبقاش أهوج (الله يسامحك يا أحمد @الدحيح - بهت عليا

) -- يا عزيزي البرمجة هي حل مشكلات أساساً , دي وظيفتك يا فندم

== مش فاهم

-- أيوة كده خليك معايا واديني فرصة أفهمك ببساطة احنا طول الوقت عايزين اننا نحول المهمات اللي بننفذها بشكل يدوي لشكل اوتوماتيكي فالكمبيوتر و الروبوتات هي اللي تشتغل واحنا نفضى للمهام الإنسانية "اللي مش هينفع فيها الآلة"

طيب احنا اتفقنا قبل كده ان محاولة تعليم و توجيه الكمبيوتر عشان ينفذ المهام المختلفة عن طريق الاوامر اسمها ايه - ايوة البرمجة - الله ينور عليك

== طيب برضه هي فين المشكلة اللي احنا بنحلها؟

-- عزيزي المبرمج الصغير يبدو ان انت عندك ازمة صغيرة في تعريف المشكلة المشكلة هي:
-كل موقف معقد يتطلب حل
- او هدف نريد تحقيقه
- أو منتج Output عايزين نحصل عليه"

وده ينطبق على البرمجة تماماً - احنا كل مرة عندنا هدف عايزين نوصله وهو اننا نخلي الكمبيوتر (أو الآلات) تبتدي تنفذ مهام معينة بشكل أوتوماتيكي من غير تدخلنا , ده بالإضافة لإننا أحياناً بنكون منتظرين مخرجات معينة تظهر لنا زي نواتج العمليات الحسابية أو نشغل شكل من أشكال الميديا على الشاشات (صور) أو السماعات (ملفات صوتية) أو الاتنين معا (الفيديو) يبقى كده اتفقنا على ان البرمجة هي تعتمد أساساً وبشكل كبير جداً على مهارة حل المشكلات Problem Solving

== ماشي أنا موافق, يعني ايه بقى حل المشكلة؟

-- حلو السؤال عزيزي المبرمج الصغير حل المشكلة ببساطة هي مجموع الخطوات و الانشطة المتسلسلة واللي لازم تكون منطقية و مترابطة عشان تقدر توصلنا للهدف اللي احنا عايزينه

== طيب احنا بنعرف الهدف ازاي؟

-- الهدف بيكون عكس المشكلة , بمعنى ان الهدف هيكون:
- الخروج من الموقف الحالي
- نحصل على المنتج Output اللي محتاجينه
- أو اننا نتغلب على المعوق Obstacle اللي موقف سريان عملية الانتاج وده ممكن يكون في اي مجال من مجالات حياتنا مش البرمجة بس (افتكر ماما وهي واقفة تعمل حاجة حلوة - او اخوك الصغير اللي عايز يجيب جون في الماتش - او حتى حضرتك وانت بتحل مسائل الماث)

== طيب بنحدد الهدف بأي طريقة؟

-- اول حاجة التحليل الدقيق للموقف وده بنعرف فيه:

الظروف العامة للتنفيذ و التشغيل - زي مثلا احنا التطبيق هيكون على كمبيوتر؟ موبايل؟ موقع؟
ايه المدخلات اللازمة عشان التشغيل يكون سليم - ارقام ولا اسماء ولا اختيارات محددة؟
المخرجات المطلوبة - زي نتايج العمليات الحسابية

-- الخطوة التانية لو المشكلة كبيرة نقسمها وحدات صغيرة ونبدأ نحل كل وحدة على حدى

-- الخطوة التالتة نبدا نكتب الخوارزميات الخاصة بالحل Algorithm

== ال ايه؟

-- اااااااااااااااااااااه , طيب اقلك خليك متابع المقال الجاي عشان اكلمك أكتر عن الخوارزميات بس لو سمحت اقرا المقالات القديمة لو مقريتهاش قبل كده

خليك معانا

م/أميرة عبدالعزيز

مدرب كمبيوتر معتمد من الشبكة الاهلية للتدريب
مدرب برمجة للاطفال معتمد من Code.org
مدرس STEAM , Arduino
أدمن Compu AlexKids

#برمجة #سكراتش #اكسس #اعدادية #جافاسكربت #تعليم #اوفيس #صيف2026

Thanks for being a top engager and making it on to my weekly engagement list! 🎉 Nabila Khiry, عبود سالم الوصابي, Marvin Wahid

Follow us on
تابعونا على #انستجرام
Alex Kids

Follow us on
تابعونا على #التيكتوك
https://www.tiktok.com/

Follow us on
تابعونا على #اليوتيوب
https://www.youtube.com/

Follow us on
تابعونا على #تيليجرام
https://t.me/AlexKidsComputerCourses

من الوورك شوب الخاص بالبرمجة للأطفال الصغار 5-9 سنوات

ممكن ولادكم يتعلموا برمجة ويستغلوا الصيف افضل استغلال

ومش بس برمجة كمان ممكن يتعلموا تصميم جرافيك بالكانفا

للمزيد 011 27737909

مهندسة / أميرة عبدالعزيز
- مدرب STEM معتمد
- مدرب برمجة للاطفال معتمد من Code.org
- مدرب كمبيوتر معتمد من الشبكة الاهلية للتدريب nen-global.org
- مدرب Arduino & Robotics
ادمن صفحة كمبيو اليكس كيدز Compu Alexkids



#برمجة #سكراتش #جافاسكربت #تعليم #صيف2026