My Entity

#النرجسى لا يمدح جمالك مهما كنتى جميلة ومهما اهتميتى بنفسك لأن كلمات الغزل و الدلع بالنسباله هتحسسك بنفسك و تديقى ثقة و دى كارثة بالنسباله
لازم يحسسك انك معيوبة و يدور ع حاجات فيكى و ف عيلتك وف شكلك يعايرك ويكسر عينك بيها عشان تفضلى طول الوقت شايفة نفسك قليلة وهو كتر الف خيره انه ارتبط بيكى
عمره ما يرسيكى ع بر ف حاجة لأنك لو رسيتى هترتاحى و تطمنى وهو مش عايز كدا عايزك دايما مسحولة نفسيا و فكريا لدرجة انك جسمك مرهق و مهدود من التفكير..
وانتى معاه حتعجزى بدرى وهو هيفضل محافظ ع نفسه هتبقى انتي معاكى شنطة ادوية بدل شنطة المكياج وهو بيلعب رياضة و بيدور ع صحته و مظهره..
لو تعبتى مهما كان تعبك حتي لو دماغك مفتوحة قدامه هتلاقيه بارد و مش مخضوض عليكى وشايفك بتتسلبطى و بتدلعى ومكبرة الموضوع مع ان هو لو ضفره اتكسر هيروح يعمل اشعة و تحاليل من خوفه ع نفسه
مستحيل يسيبك تشتغلى عشان تفضلى محتجاله دايماوالفتافيت اللى بيحن عليكى بيها تبقى امله وكتر الف خيره ولو سابك تشتغلى حيشيلك الليلة كلها عشان ماتعرفيش تحوشى لنفسك قرش يسندك منه ومن غدره..
لو عرف او لاحظ ان علاقتك بأهلك مش حلوة احب ابشرك انه صياد محترف ف المياه العكره.. هيخربها خالصويبعدك عنهم وعن اى حد من صحابك عشان مايبقاش ليكى غيره و يعايريك بيهم و بمشاكلك معاهم بعد كده
ف الحقيقة وانتى معاه مش بس بتبعدى عن اهلك و عن كل حياتك اللى كانت قبله انتى بتبعدى عن ربنا وبتبعدى عن نفسك وبتكونى تايهه و مشوشة بس مكملة عارفه انه غلط بس مكملة كأنك مدمنة ومش عارفة تبطلي..
بتنسى انك كان عندك طموح ف يوم من الايام بتتمحى حرفيا كل احلامك وبتبقى اكبر امنياتك ان اليوم يعدى ع خير م غير نكد..
ع فكرة هو مستحيل يرسم الحب و الجواز ع واحدة شايفها خبرة و فاهمة الدنيا و سيطرة هو بيدور ع واحدة كيوت غلبانة ف نفسها طيبة مش بتاعة مشاكل و ياسلام لو اهلها كمان مش بتوع مشاكل عشان يعمل اد ما يعمل ماحدش يقف له.. ما بيقربش من الستات القوية اللي بتهتم بالماديات واللى هتديله فوق دماغه من اول يوم.. هو عايز واحدة يجيبلها شوية رمل من ع الارض تقوله تعيش و تجيب وكتر خيرك
ياريت ماحدش يقول انه مجرد مريض و ضحية عشان هو بجد شيطان..
مرض بيدخل جسمك مش قلبك بيدمرك ف كل حاجة..
فبلاش تتعاطفى معاه وانقذى نفسك وعيشى حياتك
كونى قويه

اعترافات خطيرة من نرجسي:

١- لو حسيتي إني بقرب منك اعرفي إن ده نصب و إني بعمل ده عشان عشان عايز منك حاجة

٢- لو لقيتيني أخطأت، استعدي للمعركة لأني مش هعترف بخطأي و هسقطه عليكي و هعمل لك gaslighting و أجننك

٣- بحب الجدال معاكي لأنه بيستهلكك و أنا بستمتع بده لأني لازم أطلع كسبان منه

٤- لما بحس بضعف باجي أستفزك عشان تنهاري فأحس بضعفك و ده قمة سعادتي

٥- لو فكرتي تحرجيني أو تعاقبيني علي خطأ عملته حتي لو أنا اعتذرت لك، لازم هعاقبك ع ده، ما تفكريش إن الموضوع خلص، أنا هنيمك مؤقتا و هنتقم منك

٦- لو تجرأتي و تجاهلتيني هستفزك لغاية ما ترجعي يا إما هعمل لك hoovering و أرجعك تطمني لي، و هعاقبك عشان تحرمي تعملي كده تاني

٧- مبفهمش المشاعر و مبحبهاش

٨- لو حسيت إنك هتكسبيني في جدال، هغير الموضوع و هفكرك بحاجة سلبية فيكي عشان أطلع كسبان

٩- أنا طول الوقت بكذب سواء بسبب أو بدون سبب لأن الصدق ده حاجة بتاعة الفشلة مش بتاعتي

١٠- خدي بالك كويس قوي من المعارف المشتركين بيننا، لأنها فرصة عظيمة بالنسبة لي إني أكلمهم وحش عنك و أقلبهم عليكي

١١- الإنكار بالنسبة لي وسيلة دفاع، لو قفشتيني بعمل حاجة هنكر

١٢- لو اتعاملتي معايا علي إنك مساوية ليا ببص لك علي إنك طفلة و هعاقبك بغضب نرجسي و هعلمك تلزمي حدودك

١٣- كوني أحترمك أو أحترم غيرك دي حاجة ماتحاوليش تطلبيها و أنت مطلوب منك تحققي معاييري و ماتطلبيش مني إني أقدرك

١٤- أنا نوع غير جيد للصداقة أو الحب، و مع ذلك لو علاقتنا فشلت هكون معرف كل الناس إنك أنت السبب في ده

زي ما هي أحد الأسباب المهمة للسعادة والبهجة والإقبال على الحياة..
ساعات بتكون أحد أهم مصادر التعاسة والألم..
ممكن علاقة تطلعك سابع سما
وعلاقة تانية تنزلك سابع أرض..
اللي بيبوظ ويشوه ويؤذي الناس علاقة.. واللي بيصلح ويغير ويعالج الناس برضه علاقة.. إحنا بنكبر من خلال علاقاتنا مع بعض..⚡
🌾العلاقة الحقيقة هى✅⤵️
علاقة يوصلك فيها حب ثابت دائم عميق لا يتغير بتغير حالاتك أو أحوالك.. حب (موقف) مش حب (حالة).. حب (مقام) مش حب (حال)..
علاقة يوصلك فيها إنك مقبول كلك على بعضك زي ما انت.. بضعفك أحيانًا وعجزك ساعات وفشلك بعض الوقت.. حتى مع عدم الموافقة على بعض أفعالك أو تصرفاتك..
علاقة يوصلك فيها إن اللي قدامك بيهتم بيك لحسابك إنت مش لحسابه هو.. علشانك مش علشانه هو.. وإنه شايفك إنت مش شايف نفسه أو شايف أي حد تاني فيك..
علاقة تحس فيها إنك موجود.. ومتقدر.. ووجودك فارق.. وإنك تستاهل..
علاقة ماتكونش مضطر فيها تدفع أي تمن.. علشان ترضي أي حد..
علاقة فيها مساحات للحرية والحركة.. مش للتضييق والاختناق والتشويه والاختزال..
علاقة تكون فيها نفسك.. نفسك وبس..
الدفاع القوي الناجح ضد كل الأمراض النفسية مهما تطور العلم وزادت الأبحاث، هو وجود إنسان (ولو واحد) قابلك ومهتم بيك وبيحبك حب حقيقي غير مشروط
لحظة أمان واحدة ممكن تكون هي حائط الصد ضد صدمة نفسية مفاجئة
حائط الصد الصلب ضد الذهان والفصام والجنون، بالرغم من نجاح بعض الطرق الأخرى، هو إنك تصدق إنك تستاهل تعيش وتستاهل تفرح وتستاهل تتحب وإن ده حقك
فيه حد أثره بيكون كتاب
فيه حد أثره بيكون مقطوعة موسيقية أو عمل فني
وفيه حد بيكون أثره ناس اتعلمت واتغيرت على إيده
خط الرجعة الأخير ضد الاكتئاب والقلق واضطرابات الشخصية، في وجود كل أنواع الأدوية والعقاقير هو علاقة إنسانية يوصلك فيها إنك من حقك تكون نفسك.. من غير ما تدفع أى تمن
وتمر الأيام ... وتعدى السنين .. ونكبر .. وكل حتة فى جسمنا فيها ذكرى ... وكل خلية فيها حكاية ... وكل منطقة ليها تاريخ ... وكل واحد وحظه ... وكل واحد وطريقة تعبير جسمه عن ذكرياته وآلامه القديمة
جسمك مش بينسى ..
جسمك بيفتكر كل حاجة ..
جسمك له كيان .. وله وجود ..
وله ذاكرة ..جسمك له هيبة ...
تلاقى حد في علاقاته دايماً بيضحى بنفسه ، يعمل كل حاجة علشان يسعد اللي معاه ويرضيه من غير أى مقابل .. يقدم الطرف التاني على نفسه طول الوقت .. يدّى باستمرار وما يستناش ياخد أبداً .. يدوب كل ليلة وكل يوم عشان غيره يتهنى ويرتاح .. وهو ممكن يكون بيتحرق وبينزف من جواه ..
ده اسمه دور الضحية ...
ماتفرحش بالتقديس ..
وماتقدسش حد ...
اللي يستاهل التقديس هو ربنا بس ..
وإحنا بشر .. مش آلهة ...
علاقة العمى من العلاقات المؤذية جدا بين الناس ...
فاختار بوعي علاقاتك صح..

أنواع الشخصيه النرجيسيه
😪
أنواع الشخصية النرجسية يتضمّن اضطراب الشخصية النرجسية أنواعًا متعدّدة، تشمل الآتي: 1- الشخصية النرجسية الصحية نعم، النرجسية الإيجابية موجودة حقًا! بداية، ولمجرّد أنّ أحدهم يعاني من بعض السمات النرجسية، فذلك لا يعني أنّه مُصاب باضطراب الشخصية النرجسية، إذ لابدّ أن يُظهر ما نسبته 55% على الأقل من أعراض اضطراب الشخصية النرجسية حتى يتمّ تشخيصه بهذا المرض حقًا. وهكذا فالعديد من الأشخاص إن لم يكن الجميع، يمتلكون بعض السمات النرجسية الصحية والإيجابية! تقول المعالجة المعرفية أليسا مانكاو في هذا الشأن: "يملك كلّ شخص نسبة من النرجسية الصحية في داخله. حيث تُشعره هذه النسبة بالفخر تجاه إنجازاته، وتحثّه على مشاركتها مع الآخرين نظرًا لأن ذلك يمنحه شعورًا جيدًا. النرجسية الصحية هي أيضًا القدرة على الشعور بالاستحقاق ومعرفة أنّك تنتمي إلى أماكن معيّنة وتستحقّ الحصول على أشياء جيدة واقعية، وهو أمر منطقي لا عيب فيه.
2- نرجسية العظمة Grandiose Narcissism تشبه نرجسية العظمة المفهوم الأوسع للنرجسية. في علم النفس، تُشير العظمة إلى الشعور بالتفوّق غير الواقعي، وبالتالي فإنّ نرجسية العظمة (وتسمى أحيانًا النرجسية الصريحة) تنطوي على المبالغة في تقدير المرء لقدراته وتأكيد هيمنته على الآخرين إضافة إلى شعور متضخم باحترام الذات. بمعنى آخر، فإنّ نرجسية العظمة تكون عندما يتمّ إظهار الصفات النرجسية (الشعور بالاستحقاق، التفاخر والهوس بالذات) بشكل علني على حساب الآخرين، ودون مراعاة لمشاعرهم أو التعاطف معهم.

3- النرجسية الهشة Vulnerable Narcissism وتُعرف أيضً بالنرجسية الخفية. حيث أنّها وبعكس نرجسية العظمة، يكون النرجسي فيها خجولاً ومنطويًا على نفسه. وفقًا للمجلة الأمريكية للطب النفس فإنّ النوع الخفي من النرجسية يجعل صاحبه حزينًا ومفرط الحساسية تجاه آراء وتقييمات الآخرين إضافة إلى شعوره الدائم بالغيرة. إنّه يتوق إلى اعتراف الآخرين به، ويتصرّف بشكل دفاعي في مواجهة الانتقاد.

4- النرجسية الخبيثة Malignant Narcissism وهي كما يعبّر عنها الاسم، نرجسية سيئة خبيثة وشريرة، وتُعدّ أشدّ أنواع اضطراب الشخصية النرجسية خطورة. يُظهر أصحاب هذا النوع عدوانية تجاه الآخرين ويستمتعون برؤيتهم يتألمون ويعانون، دون أيّ إحساس بالتعاطف أو الرغبة في المساعدة.

5- النرجسية الجسدية Somatic Narcissism النرجسيون الجسديون يستمدّون قيمتهم الشخصية من أجسادهم. ويظهر ذلك من خلال شعورهم المفرط بجمالهم وقوّتهم ولياقتهم البدنية. ونجد هؤلاء الأشخاص مهووسين بأجسادهم ومظاهرهم الجسدية وينتقدون الآخرين بناءً على مظاهرهم الخارجية. كما أنّهم غالبًا ما يتجاهلون حاجات الآخرين ويقدّمون الأولوية لأنفسهم.

6- النرجسية العقلية Cerebral Narcissism يستمدّ النرجسي العقلي أو المثقّف أهميّته الشخصية من عقله وقدراته الذهنية. حيث يمتلك شعورًا مبالغًا فيه بأنّه الأذكى والأكثر عبقرية وتفوّقًا من الناحية الذهنية. وفي محاولة لتغذية الإيجو لديه، نجد هذا النوع من النرجسيين يتفنّن في إشعار الآخرين بأنهم أغبياء أو أقلّ ذكاءً وفهمًا.

م7- النرجسية الروحانية Spiritual Narcissism يستعمل النرجسيون الروحانيون روحانيتهم لتبرير تصرّفاتهم المؤذية، وقد يلجأون لاستخدام مصطلحات روحانية من أجل إرباك الآخرين. إنهم يحتاجون إلى عكس صورة مثالية عن أنفسهم هربًا من شخصيتهم الداخلية المنكسرة. وبالتالي فهم يحاولون التلاعب بالغير والتقليل من شأنهم من الناحية الروحانية.

✍️ 🎬
ازاي تقدري تستخدمي نفس اسلوب النرجسي في حمايتك منه؟ ⁉️
🔮⬇️ اول حاجة انك تعرفي وتتاكدي انه مضطرب .. عرفتي قيمته ؟ لا مش في اللي فدماغك مش الشخص اللي نفسك يكون بداله لا قيمته هو ؟
🔮⬇️اول حاجة تعمليها تحطيه في قيمته الحقيقية في دماغك .. متقوليش حرام ده محتاج علاج او حرام هو كدة عشان بيئته اللي اتربى فيها تشيلي القيمة المزيفة اللي انتي حطهاله وتحطي قيمته الحقيقية وبكدة زي مانتي قيمتك عنده ضحية او واحدة بياخد منها موارد عاطفية انتي كمان حطتيه في المستوى الصحيح بتاعه
🔮⬇️تاني حاجة ال no contact مش هو احيانا بيتعمد يهينك ويعاقبك بالصمت العقابي لما بتغلطي في نظره؟ انتي كمان هتتعاملي معاه بنفس الشكل ده وبكدة انتي هتبطلي تدخلي في الدوامة بتاعته (ال cycle) ⁉️
🔮⬇️تالت حاجة انك هتصحي نفسك من الغسيل اللي عمله لدماغك والتلاعب العقلي بتاعه وتبتدي تقومي من ال trauma بتاعتك وتفوقي منها وتعرفي بالظبط ايه خلاكي تقعي ضحية للنرجسي ده؟⁉️
🔮⬇️رابع حاجة العلاقة الثلاثية او المثلثة اللي كان بيعملها فيكي النرجسي انه يدخل واحدة معاكم في العلاقة عن طريق خيانة او يقارنك بيها انتي كمان بقى هتدخلي حد فحياتك وناس تكون صحية مش شرط علاقة عاطفية قصدي علاقة صحية هتملي وقتك هتملي فراغك اللي بيدخلك منه النرجسي لما حياتك هتتملي بعلاقات صحية هتقدري تخفي اسرع ❗🎬
فاكرة النقط البسيطة اللي وقعتك ضحية للنرجسي؟ اللي هو التعاطف مع الاخرين و انك تتواصلي عاطفيا مع الاخرين ؟ هي دي بالظبط اللي هتخليكي تخفي منه لان علاقاتك التانية هتكون حقيقية اكتر فبالتالي هتديكي دعم اكتر