KidsUp Parenting Community

عمرك سألتي نفسك ليه طفلك فجأة بيتحول في نوبة الغضب لشخص تاني خالص!
وكأن الكلام والمنطق مابقاش ليهم وجود

ببساطة السبب إن مخ أطفالنا لسه (تحت الإنشاء)
في كتاب "طفل المخ الكامل"د/انيال سيجل بيشرح لنا إن المخ مقسوم لـدورين أو طابقين زي ما عبر بالظبط:

الطابق السفلي: وده المسؤول عن الانفعالات، الضرب، الصراخ، والبكاء (وده شغال تمام من يوم ما اتولدوا)

الطابق العلوي: وده المسؤول عن التفكير، المنطق، والتعاطف (وده بيفضل يتبني لحد سن الـ 25!)😌

لما طفلك بينهار، بيكون فعلا مش عارف يفكر، لأن الطابق العلوي قفل تماما ومش عارف يتصرف

و وظيفتنا إننا نساعدهم يربطوا بين الطابقين عشان المخ يشتغل بكل كفاءته
ودا اللي هنعرفه في نادي القراءة "Read and Rise up"
هنمسك الكتاب ده فصل فصل ونفهم إزاي نساعد أطفالنا يبنوا "الطابق العلوي" ويدمجوا الطابقين مع بعض
عشان يقدروا يتكلموا ويعبروا وقت الضغط والغضب

تقدري تنضمي لينا وتبدئي الرحلة من أول فصل فيها ♥️
اكتبي كلمة كتاب وهبعتلك كل التفاصيل

#تربية

سؤال بسيط بس اجابتة فارقة جدا جدا... يعني أية تربية من وجهة نظرك ؟

التربية مواقف يومية مستمرررره
أحيانا بتكون بكامل تركيزنا وأحيانا بنتعامل واحنا مش مركزين
وأحيانا بنغلط ونعمل تصرفات وردود فعل مش راضيين عنها ، ودا مقبول لأننا بشر مش آلالات متبرمجه
لكن المشكلة بتحصل لما نعمل تصرفات فاكرينها صح وهي غلط وليها تأثير سلبي عالولاد !!
وفاكرين إن دا الصح و إننا بنمارس دورنا التربوي على أكمل وجه واحنا بنعمل العكس تماما 🙃

عشان كدا اللقاء اسمه( أخطاء تربوية بحُسن نية)

تقدري تنضمي للقاء بدون أي شروط سوى نية حقيقة وقلب مفتوح ❤️
✏️اكتبي كومنت ب (حسن نية)وهبعتلك لينك اللقاء
#تربية

بتمنى من كل قلبي ربنا يوفقني وأوصل حاجتين من خلال شغلي
١-إن الأمومة لوحدها كمسؤولية تستحق كل الدعم وكل التقدير وكل الدعاء وكل الرحمة من غير ما الأم تكون محتاجه تشتغل ولا تدرس ولا تعمل حاجه جمب أمومتها - عالاقل أول٧ سنين من وجهة نظري -
٢-وإني أقدر أساعد الأمهات تستمتعوا بأمومتهم مهما كانت أعمار ولادهم مختلفة ( من باب إن اللحظة الحالية هي أفضل لحظة ممكنه زي دكتور أحمد رزه ما بيذكر دايما)

فالحر دا بتعملوا ايه تهونوا بيه الجو على نفسكم وعالولاد ؟

وحشتوني 🤍

الفترة اللي فاتت خلتني أسأل نفسي سؤال مهم جدًا:
هو أنا كأم… محتاجة إيه فعلًا؟

مش نصايح أكتر ولا طرق أسرع أد ما محتاجة فهم (لنفسي قبل طفلي)

لأني اكتشفت إن أكتر حاجة بتضغطنا كأمهات
مش إن ولادنا متعبين ..لكن إحساسنا إننا تايهين ومش عارفين نتصرف إزاي

والإحساس ده… بيحط جسمنا في حالة تهديد

علميًا، ده بيخلّي جهازنا العصبي يدخل في وضع
fight أو flight

يعني يا إما نندفع ونتخانق
يا إما نحاول نهرب ونقفل

وفي الحالتين… بنفقد السيطرة ،مش لأننا وحسين أو ماشيين غلط ..لكن لأننا مرهقين

قوليلي إيه أكتر موقف بيخليكي تحسي إنك فقدتي السيطرة؟
#تربية

كتير بنشيل هم "هنعلم ولادنا إيه عن رمضان؟" ونقعد نشرح ونوجه ونقول دروس طويلة.. وننسى إن أهم درس بيتعلمه طفلك هو اللي بيشوفه فيكي خلال اليوم

طفلك مش محتاج محاضرات عن الصبر...هو بيتعلم الصبر لما بيشوفك ماسكة أعصابك وإنتي صايمة.

شاركيني.. إيه أكتر عبادة بتحسي إن طفلك بدأ يقلدك فيها أو يسألك عنها بحب؟ 🌙

بنجري طول اليوم عشان نلحق الصلاة، والقرآن، وتجهيز الفطار.. وبننسى إن "الخلق الحسن" مع أقرب الناس لينا عبادة
لما بتمسكي أعصابك وانتي صايمة وتختاري تردي بحنية بدل الزعيق، إنتي كده بتحسني لنفسك ولطفلك

مجهودك في "ضبط نفسك" هو فرصة كبيرة للتقرب لربنا بالتربية
انتي مأجورة على كل لحظة بتختاري فيها تبذلي مجهود أكتر عشان تكسبي علاقتك بإبنك

شاركينا.. إيه أكتر موقف النهاردة كان محتاج منك "صبر" وقدرتي تعديه بسلام؟

ليه فيه ناس لما بتكبر، أول ما تسمع كلمة "رمضان" قلبها بيدق وبتحس بفرحة مش مفهومة؟ 🎈
وليه ناس تانية أول ما يجي رمضان، أول صورة بتيجي في بالهم هي الصداع، العطش، والعصبية؟ 😫

السر في "الروابط"

المخ بيكون روابط بين الحدث والشعور، بمعنى ان كل ما الحدث (x) يحصل ويصاحبه الشعور (x ) بيربطهم ببعض أغلب الوقت ، ودي قاعدة أرساها د. دانيال سيجل
( الخلايا التي تنطلق معاً، تتصل معاً)

عقل طفلك دلوقتي بيبني "وصلات" خاصة بشهر رمضان وهو مش حاسس:

لو شافنا صايمين وإحنا متأففين، بنشتكي من التعب، وبنتخانق على أتفه الأسباب قبل المغرب.. المخ هنا بيبني وصلة: (صيام = ضغط وعصبية وتعب) ❌

لكن لو شافنا (رغم تعبنا) بنحاول نبتسم، بنجهز سفرة بحب، بنقرأ قرآن بهدوء، وبنحتوي شقاوتهم بصدر رحب المخ هنا بيبني وصلة: صيام = سكينة وقرب وصبر وحب❤️

الطفل مش بيتعلم "قيمة" الصيام من الكلام والمواعظ.. هو بيتعلم من "الحال" اللي إحنا عليه وإحنا صايمين. هو بيشوف رمضان في تعبيرات وشك إنتي!

رمضان فرصة إنك تظبطي "بوصلة" بيتك التربوية، وتتعلمي إزاي تسيطري على إنفعالاتك حتى في أصعب الأوقات (زي وقت الصيام)، عشان نبني في عقولهم ذكريات و"وصلات" تخليهم يحبوا العبادة طول العمر.

قوليلي إيه أكتر مشكلة أو تحدي بيقابلك في التعامل مع ولادك خلال ساعات الصيام؟ 🧘🏻‍♀️💬
شاركيني في الكومنتات، وهرد عليكي بكل حب

أكتر حاجه اتغيرت فيا بعد ما بقيت أم هي .......