Ali Hassaan Ali

الذكاء الصناعي بقى يبنيلك الاكسل شيت كامل لوحده… من غير ما تكتب معادلة واحدة 🤖

جربت بنفسي وقلت للاكسل بالعربي:
"ابنيلي حاسبة تقسيط بسعر المنتج والمقدم وعدد الشهور"

قعد يفكّر، يخطّط الخطوات، ويبني التصميم قدامي خطوة بخطوة
عنوان، خانات إدخال، معادلات حية، وجدول شهري كامل ✨

ده Agent Mode: ميزة جديدة بقت متاحة لمستخدمين الاكسل 🎯
شركة Microsoft أعلنت إنه بقى رسمي في الاكسل على الويب وويندوز وماك

طب إيه الفرق بينه وبين Copilot العادي؟
الـ Copilot العادي بيقترحلك المعادلة وانت تطبّقها
أما Agent Mode بياخد هدفك، يخطّط، ينفّذ بنفسه جوا الشيت، ويراجع النتيجة قبل ما يسلّمك

والأحلى إنه بعد ما يخلّص، بيشرحلك المعادلات اللي استخدمها خطوة بخطوة
ويقولك بالظبط إزاي تعدّل الأرقام بنفسك
يعني مش بس بينفّذ… ده كمان بيعلّمك

جربته على الويب وعلى البرنامج المثبّت على الجهاز — اشتغل في الحالتين

🛑نصيحة مهمة من تجربتي:
الأداة قوية فعلاً… بس لازم تراجع المعادلات والنتايج بنفسك قبل ما تعتمد عليها
هي بتساعدك، بس انت اللي بتتأكد.

إزاي تجربه؟
١. افتح ملف الاكسل (على الجهاز أو على الويب)
٢. اضغط على أيقونة Copilot
٣. اختار "Allow editing" عشان يقدر يعدّل بنفسه
٤. اطلب اللي انت عايزه بالعربي أو الإنجليزي

ملحوظة: لو مظهرش معاك على الويب، جرّب تحفظ الملف على OneDrive الأول

ومعلومة كمان: في النسخة التجارية، البرنامج بيخليك تختار العقل اللي بيشتغل بيه
سواء موديلات OpenAI أو موديلات Anthropic (Claude)

كدا خلصنا فكرة الـ Agent Mode
ولسا فيه اكتر من ميزة لها علاقة بالـ Agent Mode جايه قريب 👀

تابعني عشان تعرف كل جديد في Excel أول بأول 👇
وقولي لو عايز فيديو لشرح الميزة، وإيه الأدوات اللي عايز نجرب نصممها بميزة Agent Mode؟

#اكسل

كم مرة حاولت تتعامل مع تاريخ في الاكسل وطلعلك رقم غريب زي 4584646 بدل التاريخ؟ 📅

وأي حسبة تخص التواريخ بتعملها بإيدك؟

جمعتلك أهم معادلات التاريخ — كل واحدة بتعمل إيه 👇

▪️ استخراج وبناء التواريخ
=TODAY() — بيجيب تاريخ النهاردة ويتحدث أوتوماتيك كل يوم
=NOW() — التاريخ والوقت الحالي مع بعض
=DATE(سنة، شهر، يوم) — بيبني تاريخ صحيح من 3 أرقام منفصلة
=YEAR() / =MONTH() / =DAY() — بيستخرجوا السنة أو الشهر أو اليوم من أي تاريخ
=DATEVALUE() — بيحول تاريخ مكتوب كنص لتاريخ حقيقي الاكسل يفهمه

▪️ أيام الأسبوع والوقت
=WEEKDAY() — بترجع رقم اليوم في الأسبوع (مفيدة جداً مع الفلترة والتنسيق الشرطي)
=WEEKNUM() — رقم الأسبوع في السنة، ممتازة للتقارير الأسبوعية
=TEXT(الخلية، "dddd") — بتطلعلك اسم اليوم مكتوب (السبت، الأحد…)
وبنفس الدالة لو غيّرت الصيغة لـ "mmmm" بتطلعلك اسم الشهر
=HOUR() / =MINUTE() / =SECOND() — بيستخرجوا الساعة والدقيقة والثانية

▪️ حساب الفروق والمدد
=الخلية_الأحدث - الخلية_الأقدم — أبسط طريقة لعدد الأيام بين تاريخين
=DAYS(النهاية، البداية) — بترجع فرق الأيام بين تاريخين
=DATEDIF(البداية، النهاية، "y") — بتحسب المدة بالسنين الكاملة (أو الشهور "m" أو الأيام "d")
=NETWORKDAYS(البداية، النهاية) — بتحسب أيام الشغل الفعلية وبتشيل الويك إند تلقائي

▪️ معادلات بتراعي إجازات بلدنا 🇪🇬
=NETWORKDAYS.INTL() و =WORKDAY.INTL()
دول أقوى نسخة، لأنهم بيخلوك تحدد إجازة الجمعة والسبت بدل السبت والأحد
وكمان تستثني الأجازات الرسمية
يعني الحساب بيطلع مظبوط على نظام شغلنا مش النظام الأجنبي

▪️ توقّع تواريخ في المستقبل أو الماضي
=EDATE(التاريخ، عدد الشهور) — بيحرك التاريخ شهور لقدام أو لورا
=EOMONTH(التاريخ، 0) — بيوديك آخر يوم في الشهر بالظبط
=WORKDAY(التاريخ، عدد الأيام) — بيحسب تاريخ التسليم بعد عدد أيام شغل معين

💡 معلومة مهمة:
الاكسل بيخزن كل تاريخ كرقم تسلسلي
عشان كده الطرح والجمع بين التواريخ بيشتغل زي الأرقام العادية
ولو طلعلك الرقم الغريب ده بدل التاريخ:
حدد الخلية ← Home ← غيّر التنسيق لـ Short Date

والأقوى من ده كله؟
تقدر تستخدم التواريخ مع التنسيق الشرطي
عشان الخلية تتلون لوحدها لما الـ deadline يقرب 🔴
بس دي حكاية ليها بوست لوحدها 😉

احفظ البوست عشان هيفيدك 💡

تابعني عشان تتعلم اكسل بطريقة أذكى 👇

#اكسل

كنت بتفتح ملف CSV في الاكسل
والبيانات بتيجيلك متلخبطة؟
تواريخ غلط، خلايا فاضية، أرقام اتحولت لنصوص

ده بيحصل لأن الاكسل احياناً بيقرأ الملف غلط من الأساس أو الملف نفسه يكون في مشكلة
والحل كان دايماً Power Query
خطوات، قوائم، وقت

شركة Microsoft أضافت حل جديد خالص
معادلتين بيحلوا المشكلة دي مباشرة 🔗

=IMPORTCSV()
=IMPORTTEXT()

إيه اللي بيعملوه؟

=IMPORTCSV بتحدد فيها مسار ملف الـ CSV بتاعك
والاكسل بيجيب كل البيانات جوا الشيت مباشرة
صح من أول مرة، من غير ما تفتحه يدوياً

=IMPORTTEXT أقوى وأشمل
بتتحكم فيها في كل تفصيلة
نوع الفاصل، الترميز، عدد الصفوف اللي تاخدها
مناسبة لأي ملف نصي مش CSV عادي

والأهم في المعادلتين دول؟
النتيجة بتيجي كـ Dynamic Array
يعني لو الملف الأصلي اتغير
البيانات في الاكسل بتتحدث أوتوماتيك
زي أي معادلة عادية

إيه اللي بيخليهم مختلفين عن Power Query؟

Power Query موجود وقوي في تنظيف البيانات المعقدة
لكن لو عندك ملف نظيف محتاج تجيبه بسرعة
كنت لازم تفتح قوائم وتعدي خطوات
دلوقتي معادلة واحدة في خلية وخلاص

المعادلتين دلوقتي قيد الطرح
متاحتين لمستخدمي Microsoft 365 Insider
ومايكروسوفت بتوزع التحديثات على مراحل

لكن من اللي بيتعلن عنه
الاكسل واحده واحده بيتحول
من أداة بتخد مجهود لاستيراد البيانات
لأداة بتجيبلك البيانات بمعادلة

تابعني عشان تعرف كل جديد في اكسل أول بأول 👇

#اكسل

كل عام وأنتم بخير❤️

ناس كتير بتلجأ للعقارات عشان تحافظ على قيمة فلوسها
لكن في سؤال مهم بيتجاهله أغلبهم:

هل في العقارات دي زكاة؟

الإجابة مش واحدة لكل الناس
وبتتغير حسب حاجة واحدة بس 👇

القاعدة الذهبية:
"العبرة بالنية وقت الشراء مش بالاستخدام الحالي"

▪ اشتريتها بنية البيع مستقبلاً — ولو بعد سنين
← زكاة واجبة
تُحسب على القيمة السوقية كاملة وقت إخراج الزكاة

▪ اشتريتها بنية الإيجار — ولو فاضية دلوقتي
← لا زكاة على أصل العقار
لكن عائد الإيجار بيدخل في وعاء الزكاة مع باقي الأموال
بشرط بلوغ النصاب وحولان الحول
(للتفاصيل: رابط بوست وعاء الزكاة في أول تعليق 👇)

▪ اشتريتها للسكن الشخصي
← لا زكاة

طيب لو نيتك اتغيرت في نص الحول؟

▪ كنت ناوي تبيعه وغيّرت نيتك للاحتفاظ
← ينقطع الحول فوراً وتسقط الزكاة عن العقار

▪ كنت محتفظ بيه وقررت تبيعه
← يبدأ حول جديد كامل من تاريخ النية الجديدة

اكتب في التعليقات "زكاة" وهيوصلك الشيت فوراً 📩
نسأل الله أن يتقبل منا ومنكم 🤲

#الزكاة #اكسل

قال النبي ﷺ: "لا ينبغي لمؤمن أن يُذِلَّ نفسه"
قالوا: وكيف يُذِلّ نفسه؟
قال: "يتعرض من البلاء لما لا يُطيق"

في البيزنس في نوع من التكلفة اسمه Sunk Cost
التكلفة الغارقة
أو ممكن تسميها مغالطة التكلفة الغارقة.

في المغالطة دي الشخص بيكون خايف يوقف مشروع معين
مش عشان شايف فيه فرصة نجاح
لا، بالعكس!!
هو خايف يوقف عشان التكلفة اللي سبق وتحملها
سواء كانت مجهود، أو فلوس، أو حتى أمل في نجاح المشروع.

لما بتكمل في مشروع زي ده
مش بس هتستنزف مجهود أكتر وفلوس أكتر
كمان هتبدل الأمل اللي جوّاك بإحباط.

الحل الوحيد إنك تعتبر التكلفة دي هي قيمة الدرس
وتستعد لمشروع جديد وانت متعلم درس مدفعتش في تمن قليل.

النبي ﷺ ما قالش "لا تتعرض للبلاء" عشان ما تتألمش.
قالها عشان ما تضيعش طاقتك في حاجة مش هتقدر تتحملها.

المشروع الغارق مش هزيمة — هو ثمن درس.
والفرق بين اللي بينجح واللي بيوقف
إنه بيقول "اتعلمت" مش "خسرت".

تابعني عشان تشوف البيزنس بعين تانية 👇
#بيزنس

3 اختصارات في الاكسل بتختصر ساعات من شغلك
كل يوم⌛️

Ctrl + H
عندك شيت فيه 500 خلية وفيها كلمة "تم" وعايز تبدلها بـ"مكتمل"
مش هتفتح كل خلية لوحدها
بتضغط Ctrl + H، بتحدد اللي هتغيره واللي هيجي بدله
وبيتغير كل حاجة في ثانية

Ctrl + E
عندك عمود فيه "أحمد محمد" وعايز تطلع الاسم الأول بس
اكتب "أحمد" في أول خلية
حدد اول خلية كتبتها ومعها باقي الخلايا اللي تحتها
Ctrl + E والاكسل يكمل الباقي لوحده

Ctrl + 1
عايز تتحكم في شكل الأرقام، التواريخ، العملات، حدود الخلايا
كل ده في نافذة واحدة بضغطة واحدة

احفظ البوست دلوقتي
عشان هتحتاج الاختصارات دي في شغلك كل يوم👌

تابعني عشان تتعلم اكسل بطريقة أذكى 👇

#اكسل

كتير من مستخدمين الاكسل ممكن ميعرفوش إن في معادلة للترجمة داخل الاكسل شيت.🌍

في ناس شغلتها كل يوم إنها تترجم بيانات من لغات مختلفة
وكل مرة بتفتح Google Translate
بتنسخ
بترجع للشيت
تنسخ تاني

والمعادلة موجودة في الاكسل.

=TRANSLATE()
بتحدد النص، لغة المصدر، لغة الهدف
والترجمة بتحصل جوا الخلية مباشرة

وفيه معادلة تانية ممكن تساعدك
=DETECTLANGUAGE()
لو مش عارف أصلاً لغة النص اللي قدامك
هي بتتعرف عليه وبترجعلك كوده
"en" إنجليزي - "ar" عربي - "fr" فرنسي

وتقدر تجمعهم مع بعض:
=TRANSLATE(A2, DETECTLANGUAGE(A2), "ar")
الاكسل يتعرف على اللغة لوحده ويترجم
من غير ما تعرف أصلاً إيه لغة النص

المعادلتين متاحتين لأي مستخدم Microsoft 365
بس محتاجين اتصال بالإنترنت
لأنهم بيشتغلوا على Microsoft Translation Services

تابعني عشان يوصلك كل جديد 👇

#اكسل