icode

لما اسألهم فين الهوم ورك ويعملو نفسهم ناسيين 🫣🫣

ساعة واحدة زيادة.. ممكن تشتت انتباهه بالكامل! ⏳📱
​بنشوف كتير من أطفالنا بيقضوا وقت طويل قدام شاشات الموبايل والتابلت، ولما ننادي عليهم مش بيردوا، أو نلاحظ إن تركيزهم في المذاكرة والأنشطة اليومية مبقاش زي الأول.
​💡 الدراسات والأبحاث بتأكد:
الأطفال اللي بيقضوا أكتر من ساعة يومياً أمام الشاشات، بيكونوا أكتر عرضة لـ التشتت، وضعف التركيز، وصعوبة الاستيعاب.
​السبب مش مجرد "تسلية"، السبب إن الشاشات بتقدم "محتوى سريع جداً" بيخلي عقل الطفل يتعود على الإثارة السريعة، وبالتالي لما ييجي يركز في كتاب أو لعبة حركية بيحس بالملل والتشتت فوراً.
​عارفين إن السيطرة على الموضوع ده مش سهلة.. عشان كده جمعنا لكم في أول تعليق 👇 حلول عملية ومجربة لتقليل وقت الشاشات وزيادة التركيز بدون خناق!
​شاركونا في التعليقات: أطفالكم بيقضوا كام ساعة في اليوم على الموبايل؟ 📋👇

الأمهات بعد ما اولادهم يخلصو كورسات البرمجة

"هو مش مش غبي.. هو بس بيفكر بطريقة تانية" 💡✨
​لما طفل يعافر مع القراءة أو الحساب، ويحس دايماً إنه متأخر عن زمايله في الفصل، بيبدأ يصدق فكرة إنه "مش ذكي".. وده أصعب شعور ممكن يعيشه طفل في بداية حياته.
​صعوبات التعلم مش معناها ضعف ذكاء، هي مجرد "اختلاف" في طريقة استقبال المخ للمعلومة. والمناهج التقليدية للأسف مش دايماً بتستوعب الاختلاف ده.
​وهنا بيجي دور البرمجة.. مش عشان نطلعهم مهندسين، عشان نرجع لهم ثقتهم بنفسهم!
​البرمجة بتعمل اللي عجز عنه الكتاب والقلم:
تابعو التعليقات ...............

​

بصوا .. من واقع خناقاتي اليومية مع الولاد في الكورسات، ومن اللي بشوفه في بيوتنا كلنا، في أزمة حقيقية بنعيشها ومحتاجين نفتح الصندوق بتاعها ونتكلم بصراحة.
​كلنا بنفرح أوي لما نلاقي الطفل دماغه مسمّعة، بيلقط الفكرة وهي طايرة، وبيقعد في وسط زمايله أو إخواته متميز وذكي. وبنبقى حاطين عليه آمال قد السماء. وفجأة.. نلاقيه في أول امتحان، أو أول مشروع حقيقي مطلوب منه ينفذه بنفسه، جايب "صفر" أو مطلعش بمنتج واحد!
​ليه؟ عشان الكلمة السحرية اللي بنستسهل نقولها: "أصل ملوش نفس يبذل مجهود"، أو "هو ذكي بس كسلان شوية".
​الحقيقة الناشفة اللي لازم نواجه بيها نفسنا هي إن: الذكاء من غير سعي ملوش أي تلاتين لازمة! ربنا سبحانه وتعالى حط قانون واضح وصريح في الكون ده: "وأن ليس للإنسان إلا ما سعى".. منجحش، وموصلش، ومقفلش الدرجات.. لأ، "إلا ما سعى". السعي هو العملة الوحيدة المقبولة عشان تاخد نتيجة.
​الجيل اللي بنربيه دلوقتي ده، هو جيل "الـ Instant" أو السرعة الفائقة. الأكل بيجيله دليفري في نص ساعة، الفيديو بيخلص في 15 ثانية على التيك توك والريلز، اللعبة بتنزله بلمسة شاشة. فدماغهم اتبرمجت إن مفيش حاجة بتاخد وقت ولا محتاجة عرق.
​فلما ييجي يدخل في الجد.. يمسك كود برمجة مثلاً ويطلع له "Bug" أو غلطة تخلّي اللعبة ملوشة، أو تقابله مسألة ماس محتاجة تلات أربع خطوات تفكير.. تلاقيه "فصل". يرمي الماوس أو القلم، ويلف ضهره ويمشي. هو م اتعودش يعافر، هو عاوز النتيجة تطلع كاملة ومثالية من أول لقطة، ولما ده مبيحصلش بيحبط ويستسلم.
​يا جماعة، مفيش نتيجة بتطلع من الفراغ. النتيجة دي مش هدية بتنزل من السماء فجأة آخر الترم، دي "فاتورة" بتدفع تمنها كل يوم من وقتك ومحاولاتك وغلطاتك. لو مفيش سعي، النتيجة صفر.. حتى لو كان طفلك ده أينشتاين زمانه.
​طب نعمل إيه عشان نطلعهم من زون "اللا مجهود" ده؟
تابعو التعليقات .....

بلاش يكونوا مجرد مستخدمين.. خليهم هما المبتكرين!"

​يا جماعة، إحنا ولادنا قاضيين نص يومهم (لو مش كله) ماسكين الشاشات، يا إما جيمز، يا إما فيديوهات ملهاش لزمة. طيب ليه نفضل في دور "المتفرج"؟
​أنا مش جايا أقولك علمي ابنك أو بنتك البرمجة عشان يطلعوا "بيل جيتس" الجديد، ولا عشان يدخلوا هندسة بالعافية. أنا بكلمك عن حاجة تانية خالص.. بكلمك عن طريقة تفكير.

​🚀 ليه الكورس ده بالذات؟

​لما الأولاد بيتعلموا برمجة عندنا، إحنا مش بنقعدهم يحفظوا كلام معقد يوجع الدماغ. إحنا بنخليهم يعملوا حاجات هما بيحبوها:
​بيعملوا ألعابهم بنفسهم: بدل ما يلعبوا لعبة، هما اللي هيصمموها، ويحركوا الشخصيات، ويصلحوا الـ Bugs (الأخطاء) اللي تظهر معاهم بنفسهم.
​بيشغلوا دماغهم: البرمجة بتعلمهم الصبر، وإزاي يحلوا أي مشكلة كبيرة ويقسموها لخطوات صغيرة.
​ثقة في النفس ملهاش حدود: تخيلي فرحة ابنك أو بنتك لما يوريكي لعبة أو برنامج هما اللي صمموها من الصفر!