Basma Taha Resilience &self leadership coaching

‏اللهم أرزقني بما لا أعرف كيف اطلبه منك فأنت أعلم بما تحتاجه نفسي ياربّ.

النهاردة هقول لك ازاي تنمّي الأخلاق الطيبة داخل شخصية ابنك؟

🍀🍀كتير من الأهالي بيفتكروا إن الأخلاق بتتعلّم بالنصايح الكتير، لكن الحقيقة إن الأطفال بيتعلموا الأخلاق من اللي بيشوفوه أكتر من اللي بيسمعوه.

لو عايز ابنك يكبر وهو مُحترم، صادق، رحيم ومتعاون... جرب الخطوات دي:

🍀✅ 1- خليك قدوة قدامه
لو طلبت منه مايكـــدبش وأنت بتكـــذب ، أو طلبت منه يحترم الناس وأنت بتتكلم عنهم بشكل ســـئ هيقـــلد أفعالك مش كلامك.

🍀✅ 2- علّمه سبب السلوك الصح
🚩 بـــدل ما تقول: "قول شكراً."
قول:
✔"لما حد يساعدنا بنشكره عشان نحسسه إننا مُقدرين مجهوده."

لما الطفل يفهم السبب بيقتنع بالسلوك أكتر.

🍀✅ 3- امدح الأخلاق مش بس الذكاء
بدل:
"أنت شاطر."
قول:
✔"أنا فخورة إنك كنت أمين."
✔"عجبني إنك ساعدت أخوك."
✔"تصرفك كان محترم."

كده الطفل يعرف إن قيمته مش في نجاحه بس، لكن في أخلاقه كمان.

🍀✅ 4- علّمه تحمـــل المسؤولية
خليه يرتب سريره، يجمع ألعابه، أو يساعد في مهام بسيطة في البيت.
المسؤولية بتبني الانضباط والاعتماد على النفس.

🍀✅ 5- دربه على التعاطف
اسأله:
"لو كنت مكان صاحبك كنت هتحس بإيه؟"
السؤال ده بيساعد الطفل يفهم مشاعر الآخرين ويكون أكثر رحمة وتفهمًا.

🍀✅ 6- علمه الإعتـــذار
ماتعــاقبش علي الخطـــأ وبس ، علمه إزاي يصلحـــه
الطفل محتاج يعرف إن الإعتـــذار قـــوة وأدب، مش ضعـــف

🍀✅ 7- استخدم القصص والمواقف اليومية
بعد أي موقف أو قصة اسأله:
✔"إيه التصرف الصح؟"
✔"إيه اللي كان ممكن يتعمل بشكل أفضل؟"

الأطفال بيتعلموا من الأمثلة أكتر من المحاضرات.

🍀✅ 8- كافئ السلوك الجيد
مش لازم مكافآت مادية.
كلمة حلوة، حضن، أو تشجيع قدام الأسرة أحيانًا بيكون تأثيرهم أكبر بكتير.

🍀✅ 9- علمه احترام الاختلاف
مش كل الناس هتفكر زيه أو تعيش زيه.
تعليمه احترام الآخرين من وهو صغير بيخليه أكثر نضجًا وثقة في المستقبل.

🍀✅ 10- ادعي له دائمًا
مهما اجتهدنا، التوفيق من عند الله.
ادعي له أن يرزقه الله حسن الخلق، فالأخلاق الطيبة من أعظم النعم.

ربنا يحفظ أولادنا أجمعين ويساعدني علي تربيتهم بنفسيه سليمة يارب 😍

شاركيني ناوي تبدأ بأنهي خطوه فيهم! ؟

{ #أصل الحكايه من البدايه #قصه مشاعر}

علشان تغــــير احساسك وتســــيطر علي مشاعرك

مهم تفهم ازاي كل شيء بيبدأ جواك وتفهم المعادلة بشكل صحيح

أفكارك بتتحــــول لمشاعر والمشاعر بتتحــــول لسلوكيات (والعكس صحيح سلوكياتك ممكن تخلق جواك مشاعر اساسها فكرة معينة جواك هي اللي سببت السلوك ) ♥
♥♥ كمثال :
( الفكرة : انا مش جميله ، الشعور : احساس بالغــــضب والكــــره وعدم الكفايه ، السلوك : اختيارات خاطئة والرضا بكل ما هو قليل وكل ما هو غير مناسب)

فعلشان تغــــير اي سلوك مهم ترجع للشعور اللي سبب السلوك والشعور هياخدك للفكرة الأساسيه هنا بيبدأ العلاج وهنا بيبدأ طريقك تجاه فهم نفسك والقرب منها.

شاركيني سهل تطبق الخطوه دي! ؟

{ #أصل الحكايه من البدايه #قصه مشاعر}

🌤️ صباح الخير...

أحيانًا بنبص لحياتنا ونحس إن الأمور واقفة مكانها، وإن التغيير اللي بنتمناه بعيد أو مستحيل. لكن الحقيقة إن كل تغيير كبير بدأ بخطوة صغيرة جدًا، يمكن في وقتها محدش كان شايف أهميتها.

🌱 التغيير مش معناه إنك تصحى بكرة شخص جديد...
التغيير الحقيقي بيبدأ لما تقرر النهاردة إنك متستسلمش، وإنك تكمل رغم التعب، وإنك تتعلم من أخطائك بدل ما تفضل حابس نفسك فيها.

💛 الأمل مش مجرد شعور جميل...
الأمل قوة بتخليك تفتح عينك كل يوم وتقول: "ممكن يكون النهاردة أفضل من امبارح."

يمكن الطريق لسه طويل...
يمكن النتائج لسه ما ظهرتش...
لكن كل مجهود بتبذله، وكل مرة بتقوم بعد ما وقعت، بيقربك من النسخة اللي نفسك تكونها.

✨ افتكر دايمًا:

💚 لا يوجد شتاء يدوم للأبد.
💚 ولا ظلام يستمر بلا نهاية.
💚 ولا محاولة صادقة تضيع هباءً.

ابدأ يومك بقلب ممتلئ بالأمل، وعقل مؤمن بالتغيير، وثقة أن الله قادر أن يبدل حالك إلى أفضل مما تتخيل.

صباح الخيرات والنعيم 💚

شاركيني دعاء تحبه! ؟

{ #أصل الحكايه من البدايه #قصه مشاعر}

اللهم وفقني فإن التوفيق من عندك، وسهّل أمري فإن التسهيل من لطفك، ويسر لي كل ما أهمني، واكتبني من الناجحين الصالحين في الدنيا والآخرة، اللهم إني اسألك ألا يضيع لي تعب ولا ينهدم لي حلم ولا يموت لي طموح.
آميين🤲🏼🧡

🚨 حتي لا تُصبح مجرد ATM في حياة أولادك !"

جُمل مُـــؤلمة موجوده بشكل كبير في عقل بعض الآباء والأمهات بعد سنوات كتيره من العطاء ذي :

🍃كل ما ابني يشوفني يطلب فلوس .
🍃كل مره يتصل بيا يكون محتاج حاجة .
ولو رفضـــت يـــغضب ، وكأن قيمتي عنده في اللي بعطيه له !

🍃🍃قبل ما نلـــوم أولادنا ...مهم نسأل سؤال مهم :

👈 مين المسؤول؟

👈هل الإبن لوحده هو المسؤول عن السلوك ده ؟

👈ولا إحنا كمان ساهمنا من غير ما نشعر في بناء العلاقة دي ؟

🔴 لما الفلوس تكون أسرع لغة للتعبير عن الحب...
🔴 ولما تعـــوض غيـــاب الوقت بالهدايا...
🔴 ولما تلبي كل رغبة لأولادك علشان مش ناقصين أو علشان تخـــلص من الـــزن

في الوقت دا بتعلم إبنك أن الحب بيترجم كله بالي بياخده منك

المُشكـــلة مش في الإنفاق على الأبناء...
لكن لما يتحـــول الإنفاق إلى أساس العلاقة بينك وبينه

إبنك محتاج لــ :
💙 وقتك قبل مالك.
💙 اهتمامك قبل هداياك.
💙 حوارك قبل مصروفك.
💙 احتواءك قبل مشترياتك.

والحل مش أنك تمنـــع العطاء خالص ولا أنك تغـــرق أولادك فيه...

⚖️ الحل هو التوازن.

👈نعطي اللي بيحتاجوه وفي نفس الوقت نعلمهم الشكر والتقدير والإمتنان "شكراً ياماما .. شكراً يابابا

👈نوفر لهم الراحة ..وندربهم على المسؤولية.

👈نحتويهم بالحب .. ونربيهم على القيم.

لأن الأب مش ماكينة صرف أموال ...والأبناء مش عملاء.

لكن هي علاقة مبنيه علي المودة والوقت والثقة والتقدير والإحترام ❤

ربنا يحفظ أولادنا أجمعين ويساعدني علي تربيتهم بنفسيه سليمة يارب 💚

🔴 طيب إزاي تعلم ابنك احترام الحـــدود الشخصيه للغير لو مهتم بالموضوع ده اكتب مهتم وشير في الخير واعمل منشن لأصدقاءك

{ #أصل الحكايه من البدايه #قصه مشاعر}

النهاردة هقولك علي 7⃣ حاجات بتستهلك طاقتك من غير ما تحس

1⃣ مقارنه نفسك باللي حواليك
🎯 مهم تقنع نفسك ان كلنا مختلفين ( ظروفنا مُختلفه ، قدراتنا مختلفه )
🎯 المقارنات المستمره هتخليك تحس انك غير كافي حتي لو انت في الحقيقة ناجح

2⃣ كتر التفكير في كل حاجه

🎯 كتر التفكير بيستهلك طاقتك وبالتحديد لو ديماً بتفكر في السيناريو السئ 🤷🏻‍♀️

3⃣ محاولتك المستمره انك ترضي كل الناس
🎯 استحاله تقدر ترضي الكل ولو فضلت تحاول هتفضل تستهلك في طاقتك علي الفاضي.

4⃣تضغط نفسك وتحاول تتحكم في كل شئ حواليك
🎯 مهم تفهم إننا بشر استحاله نسيطر علي كل شئ أو نتحكم في كل حاجة حوالينا

5⃣ المُحيط حواليك سلبي
🎯 وجود ناس حواليك علي طول في حاله من التشاؤم والشكوي والأحباط بيسحب منك طاقه كبيره جدا

6⃣الكتمان
🎯 لما تحتفظ بالكثير من الأحداث السلبيه جواك من غير ما تتكلم أو تعبر ده بيستهلك طاقتك بشكل كبير جداً

7⃣ العلاقات السا🐍مه
🎯 اي علاقه بتخليك ديما حاسس إنك مضغوط ، غير كافي تأكد إنها بتسحب طاقتك وبتغيرك من الداخل 🥺

مهم جداً تحاول تتجنب أو تقلل من ال 7⃣ أسباب دول علي قد ما تقدر علشان تعيش حياة حياه سعيدة ومُستقره 🥰

شاركيني ايه تاني من وجهه نظرك بيستهلك الطاقه !؟

{ #أصل الحكايه من البدايه #قصه مشاعر}

🌿 صبـاح الخيـر 🌿

كل صباح هو فرصة جديدة ربنا بيمنحها لنا علشان نبدأ من جديد لنصحح اللي أخطأنا فيه، ونقرب خطوة تانية من أحلامنا وأهدافنا.
لا تجعل ما حدث بالأمس يسرق منك طاقة اليوم، لأن الايام لا تتشابه، والفرص لا تتوقف، ورحمة الله أوسع مما نتخيل.

ابدأ يومك بقلب ممتن، وعقل مُتفائل، ونية صادقة لفعل الخير. قد تكون كلمة طيبة منك سبب في إسعاد شخص، أو موقف بسيط منك سبب في تغيير يوم كامل لأحدهم.

قال الله تعالى:
﴿ وَأَنْ لَيْسَ لِلْإِنْسَانِ إِلَّا مَا سَعَى ۝ وَأَنَّ سَعْيَهُ سَوْفَ يُرَى ﴾
[النجم: 39-40]

وافتكر ديماً :
"لا تنتظر يومًا جميلًا... اصنع جمال يومك بحسن ظنك بالله."

أسأل الله أن يملأ صباحكم بالسكينة، ويبارك لكم في أعماركم وأرزاقكم، ويفتح لكم أبواب الخير والتوفيق من حيث لا تحتسبون. ☀️💛

صباح الخيرات والنعيم 💛

شاركيني ناويه تسعدي نفسك إزاي النهاردة! ؟

{ #أصل الحكايه من البدايه #قصه مشاعر}

اللهُم أجعل أيامنا تزهر بالخير والطمأنينة❤️

#يارب

النهاردة هقول لك ازاي تكوني صديقة قريبه من أولادك 😍

👈كتير من الأمهات بيقولوا: أنا عايزة أبقى صديقة لابني

⛔بس السؤال الأهم:
يعني إيه صديقة؟ وإزاي متضيعش الهيبة ولا تكســـري المسافة الآمنة؟

الصداقة مع ابنك مش تنـــازل عن دور الأم
دي علاقة ذكية مبنية على وعي وحدود وحُب حقيقي 👌

👩‍👦 عشان تكوني صديقة لابنك… ركزي على دول:

🔹 اسمعي أكتر ما تحكـمــي
خليه يحكي من غير خـــوف من الـلــوم أو الـسخــريه. أول ما تحكـــمي عليه… هيسكت.

🔹 احترمي مشاعره حتى لو مش فاهمة سببها
الـحــزن مش لازم يكون له سبب بالنسبالك “مُقنع” عشان يكون حقيقي.

🔹 كوني مصدر أمان مش تحـقيــق
لما يغـلــط يبقى متطمن إنه ييجي يحكي، مش يخبّي.

🔹 شاركيه عالمه
اسألي عن اهتماماته، صحابه، اللي بيحبه… مش بس دراسته ودرجاته.

🔹 قولي (أنا جنبك) أكتر ما تقولي (أنا قلتلك) الدعم أحيانًا أهم من النصيحة.

---
⚠️ طيب ايه هي السلوكيات اللي مهم تتجـنبيــها :

❌ ماتبقاش الصداقة على حساب التربية
مش معنى إنك صديقته إن مفيش حدود أو قواعد.

❌ ماتستخدميش كلامه ضـــده وقت الـغضــب خلي بالك ده أسرع طريق (( لـكســر الثقة.))

❌ ماتقارنيهوش بحد
المقارنة بتـقتــل القرب وبتزرع الـغيــرة و الـبُعــد

❌ ماتستصغريش مشـاكــلة
اللي هو شايفه كبير… كبير فعلًا بالنسبة له.

❌ ماتحمّليهوش أسرارك ومشـاكلــك
انتي السند مش العكس.

---

✨ الخلاصة
الصداقة الحقيقية بين الأم وابنها هي إنك تبقي أم بحضن صديقة مش صديقة نسيت إنها أم.

ربنا يحفظ أولادنا أجمعين ويساعدني علي تربيتهم بنفسيه سليمة يارب 💚

⛔ طيب ازاي تكوني صديقه لبنتك لو مهتم بالموضوع ده اكتب مهتم وشير في الخير واعمل منشن لأصدقاءك

{ #أصل الحكايه من البدايه #قصه مشاعر}