El-Moasser

ذاكرنا واجتهدنا ودلوقتى وقت إننا نرتاح ونفرح بنجاحنا 🤩💪
مبروك النجاح لأبطال أولى وتانية إعدادى!

الناجح يرفع إيده 🙌🤩
مبروك النجاح لأبطال الابتدائية!

لو مذاكرتك من غير خطة، وقتك ممكن يضيع منك من غير ما تحس!

وعلشان تستفيد من كل يوم فى الشهر اللى قبل الامتحانات لازم يكون عندك جدول واضح توزع عليه كل المواد، وكمان الدروس الخاصة بكل مادة، وده هيخليك تعرف تذاكر كل حاجة فى وقتها، وتراجع بهدوء، وتدخل الامتحان وأنت واثق إنك مغطى المنهج كله.

مستعدين لأى امتحان علشان مذاكرين من المعاصر والامتحان 💪
بالتوفيق لأبطال تالتة إعدادى بكرة فى امتحاناتهم 💖

الحل الكتير هو السر اللى ورا أى مجموع كبير ✍️

وده لإن حل التدريبات بعد كل جزئية هو أسرع طريقة تتأكد بيها إنك فهمت الدرس بجد، ومع كل سؤال بتحله المعلومة بتثبت فى دماغك أكتر، وبتعرف الأجزاء اللى محتاجة منك مراجعة من تانى، وبتتعود على شكل الامتحان والوقت اللى هياخده منك كل سؤال.

علشان كده ما تكتفيش بالمذاكرة وبس خصوصًا فى الشهر اللى قبل الامتحانات، وافتكر دايمًا إن المذاكرة بتخليك فاهم، لكن الحل هو اللى هيضمنلك إنك قادر تطبق اللى فهمته وتجيب الدرجة اللى بتحلم بيها.

تعرف إن النوم بدرى من أكتر الحاجات اللى هتخليك تجيب مجموع كبير فى الثانوية العامة؟ 😴

وده لإن وقت النوم بيتم عرض وتحليل كل المعلومات اللى استقبلناها خلال اليوم ونقلها من الذاكرة قصيرة المدى للذاكرة طويلة المدى، وده بيخليها تثبت فى الدماغ بشكل أفضل.. ده غير إنه هيساعدك على الراحة والاسترخاء، ويمدك بالنشاط الكافى لليوم الجديد.

علشان كده حاول تلتزم بمواعيد نوم ثابتة بالليل فى الشهر اللى قبل الامتحانات، وتجنب السهر الطويل والمذاكرة لساعات متأخرة مع الإفراط فى المنبهات لإنها بترفع من مستويات التوتر والقلق.

مش مهم هتذاكر قد إيه، المهم هتذاكر إزاى!
تقنية Pomodoro من أفضل الطرق اللى هتساعدك تذاكر بكفاءة وتوظف وقتك صح فى الشهر اللى قبل امتحانات الثانوية العامة، وخطوات تطبيقها هى:

✔️ هتذاكر 25 دقيقة بتركيز
✔️ بعدها هتاخد 5 دقائق راحة
✔️ هتكرر العملية دى 4 مرات
✔️بعدين هتاخد فترة راحة أكبر من 15 - 30 دقيقة
وده هيخليك تذاكر من غير ملل وإرهاق، وتحصل معلومات أكتر، وتنجز كم مذاكرة أكبر فى وقت أقل.

خلصنا امتحانات وجه وقت اللعب 🤸‍♀️
مبروك الاجازة لأبطال الابتدائية 🥳🌊

وقتك فى الشهر اللى قبل امتحانات الثانوية العامة هو أغلى حاجة عندك،
والسوشيال ميديا المفتوحة جنبك على طول هى أكتر حاجة بتضيعه وتسرق تركيزك..
🔕 اقفل الـ Wi-Fi
🔇 اتأكد إنك عامل الموبايل Silent
وخلى السوشيال ميديا مكافأة لمدة 30 دقيقة بس فى اليوم لحد ما تخلص امتحاناتك.