العلوم ده حكاية مع مس منى عزام

اجري بسرعة يامنى دول خرجو من المخبأ بتاعهم🪳🪰🐜 😯دي الجملة ال قالها اخويا الصغير وهو بيصرخ واحنا في اليوم الاخير في الرحلة..
تعالو احكيلكم الحكاية من الاول..كان يا مكان ياسادة يا كرام في فصل الشتا ال فات والدنيا لسة برد قررت اخد اخويا في رحلة لغابة وفضلنا هناك طول الشتا نستكشف الغابة لحد ما في يوم اخويا بيقولي
🧑 يا منى انا حاسس ان الحرارة بدأت ترتفع شوية بالتدريج.. والحمد لله الدنيا مبقتش برد زي الاول
قولتله 👩 -فعلا يا احمد علشان احنا دخلنا في فصل الربيع الجميل واول ما بيجي الربيع الحرارة بتبدء ترتفع تدريجيا
وكمان يا احمد هتحس ان النهار بقى اطول يعني نور الشمس هيزيد -
رد وقالي: 🧑فعلا يا منى انا حسيت كدة- واول مرة يا منى اعرف ان فصل الربيع بيجي بعد الشتا على طول وكمان درجة الحرارة فيه بترتفع تدريجيا وضوء الشمس بيزيد .

وبعدين قولتله: 👩يلا يا احمد ندخل الخيمة بتاعتنا ونجهز حاجتنا علشان نرجع مصر حالا- احنا كنا متفقين اول ما الشتا يخلص هنرجع مصر .

رد وقالي 🧑ارجوكي يا منى نقضى يوم واحد بس كمان في الغابة نتفرج على الحياه هنا عاملة ازاي في فصل الربيع

كنت رافضة في الاول ولكن اخيرا وافقت - علشان مزعلش اخويا الصغير
ونمنا في الخيمة بتاعتنا واول ما صحينا قررنا نبدأ رحلة اخر يوم في الغابة ...
واذا بالمفاجآة الاقي احمد بيقولي 🧑الحقىىى يا منى الازهار الملونة بدأت تفتح💐🌸🌼🥀
ودي علامة على ان بدء موسم التكاثر بدء لان سمعت يا منى ان الازهار بتتكاثر وتجيب نباتات نونو جديدة ..

.وبعد شوية لاقيت اخويا بيقول بصوت عالى
🧑 الحقي يا منىىى انا شوفت حاجة كمان 😯
البذور اللي كانت قاعدة في التربة بدأت تنبت وتخرج كدة من الارض 🌱
👩قولتله تصدق ي احمد فعلا ايه الجمااااال ده
بص بص هنااااك الحق فاكر الشجرة اللي كانت اوراقها كلها وقعت ف الخريف والشتا وكنا زعلانين عليهم
فيه براعم صغيرة ظهرت مكانهم وهيبدأو يتحولو لاوراق خضرا تعوض الاوراق اللي وقعت في فصل الشتاء والخريف

وهنا اتنهدت كدة وقولت لاحمد اخويا ياااااه ايه الجمال ده
وكأن الطبيعة كلها رجعتلها الحياة والنشاط تاني في الربيع

وهنا كان انتهى اليوم اللي وعدت بيه احمد ..وروحنا عالخيمة بتاعتنا علشان نجهز حاجتنا وناخدها ونمشي - واول ما وصلت الخيمة وبجهز واحمد لسة واقف برة الخيمة
لاقيت احمد بيصرخ بصوت عالي ويقولي "اجري بسرعة يا منى دول خرجو من المخبأ بتاعهم 😯😯
👩 بصيت وبقولو هما ايه يا احمد اللي خرجو 😯
رد وقالي🧑: الحشرات والزواحف اللي كانو مستخبين طول فترة الشتا خلاص خرجوووو 🪳🪰🐜علشان احنا دخلنا في الربيع
وفجأة المكان كله حوالينا بقى مليان نمل وحشرات وزواحف
وحتى الازهار ال اتفتحت لاقينا عليها حشرات طائرة زي النحل 🐝 والفراشات 🦋
وكنا عمالين نحاول نجري انا واحمد اخويا بعيييد علشان خايفين من كل الحشرات دي لحد ما لاقينا طيور بتبني العش تقريبا علشان تحط فيه البيض بتاعها 🕊️🦅🥚

وقررنا نقعد نرتاح جنبهم لاننا تعبنا جدا من الجري و قولت لاحمد 👩ياااااه يا احمد وكإن الطبيعة كلها استيقظت فجأة في فصل الربيع وكأنهم بيستغلو ان الطقس مبقاش بارد خلاص والحرارة بدأت ترتفع مع دخول الربيع

رد احمد وقالي:🧑 عندك حق يا منى النباتات والحشرات والطيور كلهم بيستغلو اعتدال الطقس بتاع الربيع. ..

📖واحمد فتح المذكرة بتاعته وكتب جملة جميلة اوي
اخيرا -" لقد عرفت سبب استيقاظ الطبيعة كلها في فصل الربيع .. السبب الحقيقي هو الارتفاع التدريجي في درجة الحرارة وزيادة ضوء الشمس ..
فبعد فصل الشتاء البارد ترتفع الحرارة تدريجيا وندخل في الربيع فنجد ان النباتات والحيوانات تنشط
" فالحشرات تخرج من جحورها والطيور تبني اعشاشها والزهور تفتح ازهارها" وقفل المذكرة وقومنا انا واحمد ورجعنا على مصر فوراً 🚗
وبكدة تبقى خلصت حكاية تأسيس اول درس في علوم المنهج اليباني للصف الرابع الابتدائي ❤
يلا بينا ندخل التحدي مع مس منى عزام
السؤال الاول- اختر الاجابه الصحيحه
١-يأتي فصل الربيع في السنة مباشرة بعد فصل ..........
أ) الشتاء
ب) الصيف
٢ـالمحرك الأساسي الذي يعيد النشاط والحياة لجميع الكائنات الحية في الربيع هو الدفء و..........
أ) زيادة ضوء الشمس
ب) شدة الرياح
٣-تخرج الحشرات (مثل النمل) من جحورها ومخابئها في الربيع بعد فترة طويلة من ..........
أ) السكون والبيات الشتوي
ب) الطيران واللعب
السؤال الثاني - ضع علامة (✔) أو (✘)
١-يقل عدد ساعات النهار (نور الشمس) في فصل الربيع مقارنة بفصل الشتاء.(....)
٢- تبدأ النباتات في إنتاج براعم جديدة صغيرة على أغصانها مع بداية دفء الربيع.(.....)
٣-ينخفض معدل حركة الكائنات الحية وتدخل في خمول طويل عند قدوم فصل الربيع.(.....)
٤-تستغل الطيور اعتدال الطقس ووفرة الطعام في الربيع لبناء الأعشاش ورعاية الصغار.(.....)
متنساش تجاوب عالتحدي وتكتبلنا الاجابة في الكومنت وهنختار اكتر ناس بتتفاعل يفوزو معانا في المنصة ..
🌸لو عايز لينك تليجرام شرح العلوم بالكرتون اكتب كلمة تليجرام - ولو عايز تلحق مكانك في منصة الاونلاين اكتب كومنت اونلاين 😙

كله ياخد باله احنا في خطرررررر😯🤬
دي الجملة اللي سمعتها بصوت عالي وانا في الغابة 😯
تعالو احكيلكم الحكاية من الاول- كان يامكان ياسادة يا كرام
من ٥ سنين زمان قررت اطلع رحلة لغابات السافانا واول ما وصلت هناك كنت خايفة جدا لاني بطبيعتي مش بعرف ازاي ادافع عن نفسي لو حاجة طلعتلي وفكرت تضايقني
ووانا ماشية وكلي خوف فجآة ..لاقيت شجرة جميلة اوي بتقولي 🌳: انتي مين وراحة فين!!!
قولتلها 👩انا منى وجاية رحلة هنا علشان اتفرج على كل اشجار غابات السافانا
ردت الشجرة وقالتلي🌳: اعرفك بنفسي انا شجرة الأكاسيا او قوليلي يا شجرة السنط
👩اسمك جميل اوي يا شجرة السنط وشكلك رقيق اوووي
كمان اول مرة اشوف شجرة هادية وجميلة كدة
وانا لسة بتكلم ..اذا بالمفاجآه😯
الاقي زرافة جاية تقرب من الشجرة علشان تاكل من اوراقها ..خوفت اوي عالشجرة 🦒🌳

وقعدت اقولها 👩خدي بالك يا سنط خدي باااالك انا مبعرفش ادافع عن نفسي يا سنط فأكيد مش هقدر ادافع عنك 😭
الشجر ردت وقالتلي 🌳متخفيش متخفيش الشجرة
وفجأة بدأت تطلع الشجرة اشواك حادة جدا حوالين اوراقها وكأنهم اسلحة علشان تدافع بيهم عن نفسها اودام الزرافة ومتخليش الزرافة تقدر تكمل اكل من اوراقها

وهنا قولت للشجرة 👩براااافو عليكي يا سنط
ردت وقالتلي🌳 انتي فاكراني هسكت لحد كدة! لالا اتفرجي عليا هعمل اي تاني
وفجأة لاقيت الزرافة بتقول للشجرة
🦒 : ايييه ده يا سنط حرام عليكي انتي بتفرزي سم بيخلي طعم اوراقك سئ جداااا خلاص خلاص انا ماشية ومش هقرب من اوراقك مرة تانية هروح اشوف شجرة سنط تانية اكل منها
منك لله يا شيخة
وهنا شجرة السنط ضحكت للزرافة ضحكة شريرة وقالتها 🌳 : هاهاها انتي فاكراني هسمحلك تروحي لباقي شجر السنط صحابي ؟ وتاكلى من اوراقهم اصبري عليا ....
وهنا شجرة السنط بدأت تفرز رائحة كريهة جدا وتبعتها لباقي اصحابها
استغربت جدا .!!! وسألت الشجرة
👩ايه الريحة دي يا سنط!!!
ردت وقالتلي 🌳 الريحة دي بتعتبر رسالة كدة لباقي صحابي
👩قولتلها ايوة يا سنط يعني معناها ايه الريحة دي!!!
ردت عليا شجرة السنط بصوت عالى جدا وقالت: 🌳 دي رسالة لباقي اشجار السنط اللي معايا في الغابة ومعناها "كله ياخد باله احنا في خطررررررر "
قولتلها: 👩 اااااه يعني الرائحة الكريهة دي
علشان ياخدو بالهم ان فيه زرافة جاية عليهم ويستعدو بالشوك وافراز السم اللي هيخلى هما كمان طعم اوراقهم سئ ومتقدرش الزرافة تاكل من اي حد فيهم ...

وهنا قولت لشجرة السنط : 👩 يااااه وانا ال كنت بقول عليكي رقيقة
ردت الشجرة وقالتلي🌳 انا رقيقة لحد ما الزرافة تفكر تقرب مني ساعتها بتحول للشجرة الشريرة دفاعا عن نفسي وعن باقي اصحابي .. وهنا ودعت شجرة الاكاسيا وقولتلها شكرا جدا يا سنط انا اتعلمت منك ان احنا فعلا لازم ندافع عن نفسنا لما حد يفكر يضايقنا .. وكملت رحلتي في الغابة وانا مش خايفة خلاص لاني اتعلمت ازاي ادافع عن نفسي
وهنا نبقى وصلنا لنهاية حكايتنا 😙
وتعالو بقى ندخل التحدي 👇 ومتنساش ان كل يوم بنختار فائز واحد من ال بيجاوبو
ضع علامة صح او خطأ
١- عندما تقترب الزرافة من شجرة السنط تقوم الشجرة بإفراز رائحة عبير ازهارها(......)
٢- اوراق شجرة السنط محاطة بالشوك الذي يمنع الزرافة من تناول اوراقها(......)
٣-عندما تبدأ الزرافة بتناول اوراق شجرة السنط تقوم الشجرة بإفراز السم الذي يجعل طعم الاوراق سئ (...)
٤-تقوم شجرت السنط بارسال رائحة كريهة كرسائل تحذيرية لباقي اشجار السنط لتحذيرهم من قدوم الزرافة(.....)

هنتظر اشوف اجابة كل طالب في كومنت- ولو عايز جروب التليحرام ال هينزل عليه حكايات المنهج اكتب تليجرام
ولو حابب تنضم لمنصة العلوم اونلاين اكتبلنا كلمة اونلاين في كومنت 👇🌟

👴الحقي يا منى دي ماااتت 😯
دي الجملة اللي جدي قالها اول ما دخل البيت .. تعالو احكيلكم الحكاية من الاول
🪄كان يا مكان يا سادة يا كرام من ٣ سنين زمان كنت فكرت ازرع نبات - ف روحت جبت اصيص زرع وحطيت فيه بذرة مانجة وجبت اصيص كمان وحطيت فيه برضو بذرة مانجة
بس قررت اني احط اصيص اودام الشمس عالشباك
والاصيص التاني حطيته جوه غرفتي وجنب سريري بالظبط علشان اشوفه اودام عيني كل يوم وافضل اتفرج عليه وهو بيكبر
ولكن لما باجي اسقي الزرع بجيب ماية واروى بيها الاصيصين زي بعض بالظبط وتعدي الايام والاحظ ان الاصيص ال حطاه عالشباك النبات فيه بيكبر ولكن الاصيص التاني ال جنب سريري في الاول كان بيكبر وبعد كدة بدأ يبقى بطئ خالص في النمو لدرجة انه وصل لمرحلة ان النمو بتاعه وقف خالص 😓 مكنتش قادرة افهم ليه بيحصل كدة
وكنت اكلم جدي واحكيله ان الاصيصين بسقيهم بالماية زي بعض بالظبط واحد فيهم بيكبر والتاني لا
لحد ما في يوم جدي قالي انا هجيلك المنزل يا منى ونشوف ايه الموضوع ! وفعلا جدي جه وشاف الاصيص ال عالشباك وقالي 👴 اللهم بارك ده جميل خالص وبيكبر 🌳
واول ما دخل الاوضة قالي الحقييي يا منى دي ماتت 😯- قعدت اعيط واقولو اشمعنا يعني يا جدي الشجرة دي ماتت
رد وقالي👴 : للاسف يا منى انتي خليتي الشجرة دي في اوضتك بعييد عن الشمس ولذلك مقدرتش تكمل حياتها معاكي هنا في الاوضة
وهنا قولت لجدي؛: 👩ايه ده هي الشمس مهمة اوي كدة للشجرة يا جدي !
رد وقالي👴 طبعا ؛النبات بيحتاج الشمس علشان يقدر يعمل عملية سرية
👩وسألته ايه العملية دي ؟
👴قالي ؛ عملية البناء الضوئي يا منى
مفهمتش حاجة❌❌ :
👴كمل جدي وقال : دي عملية يا منى النبات بيعمل فيها غذائه بنفسه ( بيبني غذائه على ضوء الشمس) علشان كدة اتسمت بناء ضوئي 🌟
👩تمام يا جدي يعني النبات بيعمل الغذاء بتاعه اللي هيتغذى عليه بنفسه
👴طبعا يا منى والنبات مش بيحتاج مننا اصلا نحطله اكل لان هو بيعرف يصنع غذائه بنفسه في عملية البناء الضوئي السرية دي
👩وهنا جه في بالي سؤال
يا جدي ممكن تقولي ايه الحاجات اللي مفروض تتوفر للنبات علشان يقدر يعمل عملية البناء الضوئي السرية دي
👴رد وقالي: طبعا يا منى النبات لازم يتوفرله ٣ حاجات
ماء 💦- ضوء☀️-هواء 🌬️
👩وهنا قولتله : فعلا يا جدي النبات ال كان عالشباك
كنت بحطله ماية كل يوم وبكدة اكون وفرتله الماء💦
وكمان سايباه في الهوا فكدة اتوفرله الهواء 🌬️
وكمان كنت حطاه اودام ضوء الشمس يبقى كدة حصل على الضوء كمان ☀️
👴رد الجد : برافو يا منى وعلشان النبات اللي كان عالشباك اتوفرله ماء وضوء وهواء فقدر ان هو يعمل عملية البناء الضوئي السرية ويصنع فيها غذائه ويتغذى وينمو ويكبر🌳

انما النبات التاني ال حطتيه في الغرفة بتاعتك موصلهوش ضوء يعني كدة وفرتيله ماء وهواء بس ولذلك مقدرش ياعيني يعمل عملية البناء الضوئي ومقدرش يصنع غذائه ولذلك مقدرش انه ينمو - ومن اليوم ده قررت اني لما اجي ازرع نبات لازم اوفرله ٣ حاجات (ماء وضوء وهواء) علشان يبقى يقدر يصنع هو بنفسه غذائه في عملية البناء الضوئي
ويتغذى ويكبر وينمو....
وبكدة تبقى خلصت اول حكاية من ..وتعالو ندخل التحدي ومتنساش - كل يوم بنختار طالب ينضم معانا في مجموعات الاونلاين 😙
◀️اختر الاجابة الصحيحة
١-يحتاج النبات الى............... للقيام بعملية البناء الضوئي
(ماءوهواء-ضوء- كل ما سبق)
٢-يصنع النبات غذائه في عملية .......
(البناء الضوئي- التنفس- النتح)
٣-النبات الذي تتم زراعته .................. لن ينمو
( امام الضوء - بعيد عن الضوء- )
◀️اكمل العبارات الاتية
١-يقوم النبات بعملية .............. لصنع غذائه بنفسه
٢-يحتاج النبات الى .......و........و....... للقيام بعملية البناء الضوئي وصنع غذائه




#تأسيس علوم_المراحل_الاولى( رابعة وخامسة وسادسة)

انا مين؟🤎
🌟أ/ منى عزام - معلمة مادة العلوم للمرحلة الابتدائية والإعدادية
📑طريقة الشرح تتميز بأنها كرتونية وبالحكايات واول معلمة تحكي المناهج الجديدة في صورة قصص مصورة وليس شرح نمطى
📑 ازاي نتابع الشرح؟
تقدر تتابع الشرح مجانا عاليوتيوب (فيديوهات فقط)
طب ينفع نتفرج على فيديوهات العام السابق ال عاليوتيوب ؟
لا لان كل مناهج العلوم هتتغير ❤️‍🩹
اسم القناة : العلوم ده حكاية مع مس منى عزام ولو عايز لينك اليوتيوب اكتب في كومنت كلمة" يوتيوب"
وايضا تقدر تنضم معانا في "منصة العلوم" دروس اونلاين او اوفلاين
◀️ايه الفرق بين اليوتيوب والمنصة ؟
اليوتيوب مجرد فيديوهات شرح فقط ولكن المنصة بيتواجد فيها معلم بيتابع مع الطالب وواجبات واختبارات وبيكون لكل طالب ملف بحيث ولى الامر يعرف مستوى ابنه وبنوصلك لحد الامتحان بضمان الدرجة النهائية بإذن الله تعالى
◀️ايه الفرق بين الاونلاين والاوفلاين في المنصة
📑الاونلاين بتحضر الحصة مباشر معايا على تطبيق زووم
📑اوفلاين بتستلم الحصة ال تم شرحها على زووم ولكن كفيديو مسجل
وسواء اونلاين او اوفلاين النظامين نفس الواجبات و الامتحانات والمتابعة
◀️ازاي ننضم للمنصة؟
الحجز بيبدأ من منتصف شهر ٧ عن طريق واتساب المنصة وبيكون القبول بأسبقية الحجز .
ولو لسة عايز لينك واتساب المنصة -اكتب في كومنت واتساب 🌼🌟
ولكن لو عايز تليجرام شرح جميع الصفوف
◀️تليجرام الصف الرابع&والتأسيس علوم كرتون ☀️👇
https://t.me/monaazzam2026
◀️تليجرام الصف الخامس علوم كرتون٢٠٢٧🌟👇
https://t.me/mona20264
◀️تليجرام الصف السادس علوم كرتون ٢٠٢٧🌟👇
https://t.me/monaolom4
◀️تليجرام الصف الاول الاعدادي علوم كرتون٢٠٢٧🌟👇
https://t.me/monaezz2022
◀️تليجرام الصف الثاني الاعدادي علوم كرتون ٢٠٢٧🌟👇
https://t.me/monaazzam2023
◀️تليجرام الصف الثالث الاعدادي علوم كرتون٢٠٢٧🌟 👇
https://t.me/monaezz2021
دمتم بخير 🤎

بفضل الله تعالى مئات الرسائل من طلبة بيفرحونا بنتيجتهم في مادة العلوم- والصراحة دي عيدي بقى 🤭❤
شكراً جدا لكل طالب كان معانا ف المنصة اونلاين او اوفلاين او كان متابع عاليوتيوب وجاب درجة رفع بيها راسنا🤎

كل عام وانتم الى الله اقرب والعام القادم نكون صحبة على عرفات بإذن الله❤🤎🤍 منى عزام

تلك الشهادة لا تُقاس بدرجات، بل تُقاس بصدق الأثر، ولا تُمنح في نهاية عام، بل تمتد مع العمر كله.
المعروف أن المعلم يمنح الطالب شهادة تقدير، لكن عندما تنعكس الصورة ويصبح الطالب هو من يمنح معلمه شهادة امتنان، فذلك هو النجاح الحقيقي.
شهادتك أعظم من أي شهادة حصلتُ عليها، لأنها لم تُكتب بحبرٍ على ورق، بل نُقشت في قلبي أثرًا لا يُمحى.
هي شهادة من نوعٍ آخر، لا تُعلَّق على جدار، بل تُعلَّق في الذاكرة وتبقى حيّة مع كل إنجاز يصل إليه من تعلّم على يديك. حبيب قلبي اسلم من طلاب الاونلاين من منصة العلوم

في نهاية عام ٢٠٢٦- احب اشكر كل طلابي 🤎"جيش مس منى عزام في مادة العلوم" سواء كنتو متابعنين عاليوتيوب او منضمين معانا في المنصة اونلاين واوفلاين- احنا عيشنا مع بعض رحلة بكل تفاصيلها -حقيقي مكنش مجرد معلم بيشرح وطلاب بتفهم ولكن كانت رحلة حقيقية حسيت معاكم شعور الامومة ال محستهوش قبل كدة - كل طالب معايا قالي كلمة في نهاية الترم فرحتني انا فخورة بيه وبيكم كلكم وفرحتي هتكمل ب تقفيل كل طالب فيكم لمادة العلوم - واحب اشكر كل ولي امر وطالب قال كلمة طيبة او حتى دعالي في يوم م الايام- ظروف الترم كانت صعبة عليا وكنت بسابق الوقت دايما - وان شاء الله دايما اكون عند حسن ظنكم -والمنصة سنة عن سنة بتكبر بيكم وليكم . وهكون شاكرة خالص لو حبيتو تفرحوني بآدائكم في امتحان. العلوم وتطموني عليكم- هسيب البوست ده هنا مش همسحه لحد ما اطمن على كل بطل فيكم ❤🤍🖤🤎
وشكر خاص لكل تيم المنصة من ادارة اشراف و جميع معلمي الواجبات لقد بذلتم قصارى جهدكم من اجل نجاح المنصة 🌟