Positive Students ZU

العيد خلص… واللي خايفين منه وصل 😫

عملت إيه في المذاكرة اللي كانت متراكمة عليك قبل العيد؟ 👀
لحقت تنجز منها حاجة؟
ولا قررت نبدأ صفحة جديدة من النهارده؟

مفيش مشكلة لو لسه ما بدأتش… المهم تبدأ، حتى لو بخطوة صغيرة 🤍

قولنا في الكومنتات : أول مادة ناوي تراجعها إيه ؟ 👇

💚 Positive Student تهنئكم بعيد الأضحى المبارك

أعاده الله عليكم بالخير واليُمن والبركات 💚

كل عام وأنتم بخير و عيد سعيد عليكم و على الامة الإسلامية🌙💚

كل يوم تفضل تأجل في مذاكرة المادة اللي عليك، وتقول إحنا فين ويوم السبت فين!

وبعدين تتفاجأ إن خلاص ليلة اول أمتحان جت🤡

قولنا لميت المادة ولا لسه بتقول، لسه بدري؟👀

تعرف إيه عن المادة الـ Red flag ؟ 🚩

أيوا بالظبط هي المادة اللي بتفضل راكنها وتفضل كل يوم تقول هفتحها بكرا وبكرا دا مش بيجي

بس المشكلة إنك سايبها للآخر وهتلاقيها مستنياك في أول الجدول 🤏🏻

قولنا في الكومننات إيه المادة الـ Red flag بالنسبالك؟

فيه ناس بتشتغل من غير صوت، بس النتيجة بتخلي الكل يلاحظ.💚

مش أعلى صوت في التيم، بس أكتر حد شغله بيتشاف.
مش بيستنى حد يفكره، ولا مستني تشجيع عشان يبدأ، لكن هو اللي بيبدأ وبيكمل للآخر .

الـ Best Member المرة دي
مكنش أحسن يومين وخلاص، لكن هو كان ثابت دايمًا وموجود، ودي لوحدها حكاية، مكنش مجرد كلام، ودا الفرق الحقيقي.

فخورين بيكم دايما .💚

لو فاتك الحضور.. فإنت فاتك كتير من الزتونة.🤩

لقطات سريعة من سيشن النهاردة مع دكتور عمر خالد .

اللي كلمنا فيها عن أسرار الـ CV والـ LinkedIn، وإزاي تجهز نفسك لسوق العمل وتكون محاسب محترف من واقع خبرته في شركات كبيرة زي Arabhardware وPDC CRO.

شكراً لكل اللي حضروا ونورونا، حماسكم وتفاعلكم هو اللي خلى السيشن بالجمال ده!💚

قولولنا في الكومنتات إيه أكتر معلومة استفدتوا بيها النهاردة؟👀

سوق العمل مش محتاج حد شاطر بس، محتاج حد عارف يسوق لنفسه صح!

وعلشان تتقن اللعبة دي، محتاج تتعلم من حد في قلب السوق فعلاً، وده اللي هيحصل في السيشن الجاية مع دكتور عمر.
Senior General Accountant،
بخبرة تزيد عن 4 سنوات في مجال محاسبه الشركات الماليه .

في السيشن دي هتعرف :
▪️إزاي تبدأ تدور على شغل بطريقة ذكية (سواء كنت محاسب أو لا).
▪️إزاي تعمل CV احترافي يخلي الشركات هي اللي تطلبك.
▪️إزاي تبني بروفايل LinkedIn قوي وتجهز نفسك لكل أسئلة الانترفيو.
▪️ده غير شرح عملي للمفاهيم المحاسبية والمالية وإزاي بتطبق في الشركات الكبيرة.

📌معادنا يوم السبت 5/2 الساعه 1

مستني إيه؟ الخطوة اللي هتاخدها دلوقتي هي اللي هترسم طريقك لبقية حياتك المهنية.

سجل في الفورم دلوقتي و متضيعش الفرصه من ايدك 👇🏻

https://forms.gle/yxSsxHr23yaZXqML6

كل حبة رمل ، حكاية فخر مابتنتهيش. 🇪🇬

النهاردة بنحتفل بمرور سنين على رجوع سيناء كاملة لينا، يوم بيفكرنا إن الصبر والتمسك بالأرض دايمًا بيوصلوا للنصر. حكايه أرض الفيروز اللي بيعزها وبيفتخر بيها جيل ورا جيل.

كل سنة ومصر دايما في أمن و أمان💚

في ناس وجودهم في التيم مش مجرد رقم، دول هم اللي بيدوا للشغل روح 💚

​بكل فخر، بنشكركم على شطارتكم وإلتزامكم اللي شوفناه الفترة اللي فاتت.

إلتزامكم ده هو اللي بيخلينا دايمًا سابقين، واستمراريتكم هي اللي بتطمنا إننا ماشيين صح.

​فخورين بيكم جداً👏🏻💚

نص الطريق عدى! 💚

ومن غير كلام كليشيه عن الطاقة الإيجابية، الأيام دي تقيلة ومتكررة ومرهقة،
بس خليك عارف إنك مش لوحدك..

اعتبر البوست دا رسالة وخلينا نقولك حاجة:
كل ما تضغط نفسك أكتر، كل ما هتنجح أكتر
و افهم إن كل ما تضغط نفسك دلوقتي كل ما هتوصل لمستوي أعظم، انت بس محتاج تكمل للآخر.

الـ Good things take time.
يعني أي هدف قوي ويستاهل، بييجي بقرارات صعبة، وعزم وتكرار وده اللي هيميزك ✨

متنساش تقول لنا في الكومنتات إيه اللي بيخليك تكمل؟




#خُطوه_بخُطوه_و_سعيك_مشهود