Naw3ya Zag

وانت بقا في الصيف بتروح شرم ولا الساحل؟
= علطول نوعية كده كده

نوعية دمنهور عملتها.........يا ترى نوعية الزقازيق هتعملها ولا ايه 😂🫠

شوفنا كتير......بس توصل أننا نشوف طالب فرقة أولى -اللي نتيجته لسه مظهرتش- منزل "خريج إلا تلت سنين" لأ جديدة دي.🤡

🚨 بوست توعوي هام جداً لجميع الطلاب.. "جدعنة" ممكن تضيع مستقبلك!

الموضوع ده قالب الدنيا في الشرقية اليومين دول، ولازم كل طالب وطالبة في "نوعية" ياخد باله..

📌 إيه اللي حصل؟

شاب اسمه "عمرو عمارة" (طالب جامعة زيكم)، من سنتين صاحبه قاله: "أختي بتبيع خطوط ومحققتش التارجت، هات بطاقتك نسجل خط نساعدها بيه". عمرو استجدع واداله البطاقة.

الصدمة؟ عمرو اتفاجئ إن عليه حكم مؤبد غيابي (25 سنة سجن)!
بسبب إن البطاقة اتسجل بيها كذا خط مش خط واحد، وفيه خط منهم اتمسكت بيه شحنة تهريب ممنوعات عند نفق الشهيد أحمد حمدي، والسواقين اعترفوا إن صاحب الشحنة كان بيكلمهم من الخط ده.. وطبعاً اللي لبس القضية هو عمرو لأن الخط باسمه!

🤲 عمرو حالياً سلم نفسه ومعاه أدلة إنه يومها كان في الإسكندرية وعنده امتحانات، ربنا يظهر الحق ويطلعه منها على خير.

🛑 هتعمل إيه حالا عشان تحمي نفسك؟

عشان تضمن إن مفيش موظف استغل بطاقتك عشان يلحق التارجت بتاعه، اعمل الخطوات دي فوراً:

1. نزل تطبيق My NTRA (التطبيق الرسمي للجهاز القومي لتنظيم الاتصالات).
2. ادخل على خدمة "أرقامي" واكتب رقمك القومي.
3. هتشوف كل الخطوط اللي متسجلة باسمك في الأربع شركات (فودافون، أورانج، اتصالات، وي).
4. لو لقيت خط غريب مش بتاعك: اطلع فوراً على فرع الشركة دي واعمل له إلغاء واقفل الخط.

كلمة أخيرة: بطاقتك الشخصية وصورتها خط أحمر، مفيش حاجة اسمها "خدمة أو جدعنة" في الأوراق الرسمية.. شير البوست عشان تلحق زمايلك!

يعني انتي شايلة رياضة ترم أول، وطالعة تزغرطى بعد امتحان الإحصاء!!!🤡🤡

ارقص مع الغوريلا حلو بكرا تطلع تريند ومتعرفش تمشى في البلد😂😂

Mansuor Salah

ربنا كرمك واتخرجتي على خير ليه تهزى وسطك في الشارع؟ ما فيه كباريهات للحوار دا🫠