從香港PhD到倫敦實習老師

上個Post講我帶部古董機開會，好似個白痴咁督個mon當係touch screen。

朋友留言「小小蝦碌可以怡情，同埋製造親切嘅形象。」

我忽然醒起相似既蝦碌曾經出現喺我見呢份工既時候，當日見工試教，我講書，隻手好自然咁指吓啲問題，咁因為我無望返個Mon，所以講講下，有個學生舉手：
「Miss，你去咗答案張slide啊。」

我仲意為自己㩒多咗一下，話：「啊等我去返之前張slide」之後雞手鴨腳咁用mouse去返之前張slide。

搞完一輪，我一講又指問題，今次我就睇住佢去咗下一張slide。我先發現係touch screen。

我仲真心驚訝咁爆咗句：「Oh! This school is so high-tech! I have never seen a touch screen this size before...」

當時坐喺後面睇堂兼評分嘅副校長同依家既同事都忍唔住笑咗。

之後我繼續㩒到個Mon，可能啲學生覺得我好搞笑，所以之後同佢哋傾啲學習問題都認真分享。

唔知係咪因為咁，我先至見成呢份工呢？😂

不過大家都係唔好模仿，我既蝦碌係由細到大都係咁，唔係咁易學到。

#英國老師
#英國中學

學校laptop係touch screen，自己部陳年laptop唔係touch screen，平時喺屋企因為駁大mon所以唔為意，今日要出去開會，但星期五太崩潰，放工唔記得攞學校laptop，於是帶自己部laptop頂住。

跟住成日好似個白痴咁示範啲嘢俾其他老師睇時我喺度touch screen... -___-|||

好彩我依家唔係教電腦咋……

#英國老師
#英國中學

英國除咗奇則，仲有奇柱，以下係其中四間（有兩間係朋友分享），我之前見過有間係廳同房同走廊都有柱，總共三條！日日對住三條柱真係唔知點住……（可惜搵唔返。）

#倫敦買樓
#英國生活
#英國買樓自住

呢個則又係唔知做乜reception room, main bedroom同其中一個浴室都係奇形怪狀，真係要裝修都唔知點搞……

#倫敦買樓

我住嗰區有好多放養貓，平時都有幾隻成日想潛入嚟。有一隻係朝朝都會六點喺我門口等我返工，唔知佢係咪想同我打招呼，因為佢見到我出門口之後就會走。

因為已過身前業主有養貓，廚房裝咗Cat Flap。早排未來屋主過嚟唔記得關窗，結果有一隻貓偷偷哋入咗嚟，之後想喺廚房個Cat Flap走又走唔到，喺度恐慌大叫，嚇親我。

經歷咗嗰次，加上後來間屋有人Break-in，未來屋主都叫做小心咗，無再唔關窗。而我哋平時出入大門都好小心，唔俾啲貓跟入屋。因為試過有隻貓跟咗Housemate入嚟之後唔肯走，最後Housemate要出動到三文魚，先引返出屋。

點知今朝凌晨三點幾，我喺睡夢中俾出面「呯呤嘭啷」嚇醒。

半睡半醒聽到呢種聲，第一反應係我喺未發緊夢，但之後都仲聽到，於是諗係咪有賊？

冷靜落嚟又覺得，如果真係賊，無理由會咁嘈。

於是我忐忑咁去開門。黑媽媽，見到㕑房有一對反射光芒嘅眼睛，同埋聽到幾聲「喵」。

當下太眼瞓，無眼睇，直接返房繼續瞓。

今朝起身，全屋周圍搵都搵唔到佢。我幾肯定係琴晚Housemate半夜返嚟時太黑，佢睇唔到隻貓，結果被佢趁機潛入。

依家問題嚟喇：有乜方法可以令佢現身？

我唔想佢今晚又喺度「喵」，聽日要返工……

#英國生活

買樓記錄（二）：Trustpilot 續集，終於轉做SSTC同收到律師文件

6月2日（星期二）：AML Pass咗又點？繼續陷入「機械人」無限輪迴

事實證明，星期一放學走去Trustpilot留一星評論逼佢哋批核AML Check，只是一小步。

理論上，AML審查星期一通過，Purplebricks就應該自動自覺更新物業狀態為SOLD_STC，同send Memorandum of Sale俾我律師。結果？一如所料，全日都無消息，乜都無發生。

我等到接近放工時間，再次主動出擊，登入網上Web Chat，問：「我個AML已經過咗，請問我要聯絡邊個部門或者負責人，佢哋先會send Memo of Sale？」

結果回覆同上次一樣，所謂既客服，又係直接Copy and Paste一段罐頭字句，叫我打熱線，話「如果你啱啱得到賣家接受Offer點搞」。我第一句明明話Offer兩星期前就接受，AML都過埋！啲回覆仲衰過ＡＩ。

我再打字澄清，說我要一個職員既電郵，佢直接「已讀不回」。

到底對頭係Bot定唔睇字既人類？我真係摸唔透。

於是，放工返到屋企，我再喺Trustpilot寫一星評論，問佢哋點解想要一個正常回覆都要逼我當 Trustpilot係佢哋既官方客戶服務渠道？

6月3日（星期三）：Purplebricks 殿堂級甩鍋：「係賣方律師責任！」

網上一星評論一出，Purplebricks 果然光速現身。一位客服好快就喺Trustpilot留兩次言。第一次係官腔道歉，話會搵相關團隊。過多幾個鐘，佢哋竟然更新個回覆：
「我哋見到團隊已經進行聯絡，並確認我們等緊賣方律師發出Memorandum of Sale。」

他們根本無有人聯絡過我，呢句「團隊已經進行聯絡」到底係大話，定佢哋聯絡咗賣家？最重要的是，Memo of Sale理論上係地產代理（也就是 Purplebricks 自己）根據買賣雙方資料填寫同發出，他們竟然話係「賣方律師」未發出？

為咗查明真相，我決定唔同呢班機械人糾纏，直接將呢個回覆Cap圖，whatsapp俾賣家，賣家話會跟。

5月35日（星期四）：不存在的一日，無事發生

6月5日（星期五）：賣家課金換律師

賣家whatsapph我話佢決定換律師！為咗快啲，佢轉咗用Purplebricks In-house（內部）法律團隊。佢話咁會貴啲，但估咁會少啲溝通問題。

見到賣家肯為進度用多啲錢換內部律師，本來係好事。係到底 Purplebricks In-house 團隊係咪真係可靠㗎？唉。

過咗一個鐘，我收到我律師樓email一堆法律文件（Client Care Letter、Terms of Business 和 General Advice on Searches），佢哋係貴但似乎真係有效率！

之後我入Purplebricks系統睇，終於轉咗SSTC，但擬定成交日期（Completion Date）竟然係 2026年8月31日。

我當日喺學校應付咗三個學生既緊急危機同一個麻煩家長，筋疲力盡，放學返到屋企自己都meltdown崩潰咗一晚，所以乜都無跟進。（呢日既混亂可以去我patreon睇。）

6月6日（星期六）：

我email賣家提佢2026年8月31日係Bank Holiday Monday，銀行律師全部放假，法律上同技術上根本唔可能嗰日交收。我哋之前講好係8月28日。再加上我買個單位既Share of Freehold預計要9月1日先會正式完成業權過戶。如果成交日期喺8月31日，會搞到法律手續好複雜。我個律師打算用Leasehold搞咗交易，同時審查Freehold文件。同時，我都講同佢一樣，我都俾多咗錢請咗個好啲既律師。賣家好快覆話會通知自己個律師改返個completion date做8月28日。

因為呢個星期工作上真係好累，所以今日都係回氣為主，聽日會睇文件同執文件俾律師，同搵surveyor。

距離8月28日成交日，仲有83天。

#倫敦買樓
#英國生活

下星期帶學校trip，凌晨4點要喺學校集合。學校幫我哋幾位老師安排咗的士。

食晏咁啱同負責老師同枱，佢同我講：Once you get on the cab, you can sleep as we use a very trustworthy cab company, nothing like uber, the driver won't kill you. 你上車可以即管瞓，我哋用嗰間的士公司好靠得住，絕對唔係Uber，司機唔會殺你。

你咁講完我反而唔敢瞓。

#英國老師
#英國中學
#英國生活

下星期要帶學生去比利時+法國Battlefield trip，一早就睇到俾學生嘅旅行須知入面話要帶GHIC Card。我以為係啲學生證件，完全冇理到。

之後，因為下年三月要帶學生去柏林，負責報名同埋訂機票酒店嘅老師email我：「可唔可以share GHIC副本？」

我即刻上網查，原來GHIC係Global Health Insurance Card，係NHS發出嘅免費卡。

英國居民有呢張卡，去歐盟國家或者瑞士有乜事都可以好似當地居民咁用當地嘅公立醫療服務。

於是我嗱嗱臨申請，今日收到，啱啱趕得切帶去Battlefield trip！

如果大家有計劃去歐洲旅行，記得都去整返張，link喺comment。

定其實係咪得我唔知有呢張卡嘅存在呢？😂

#英國生活
#英國老師
#英國中學

今日臨時幫手頂一個家長講座，分享點幫特殊學習需要學生。

講完後，有個我support既中五學生家長喺Q＆A話想分享自己個女喺學校既情況。呢個家長開頭其實都有少少難搞，我仲有少少擔心佢會投訴，估唔到佢話開頭阿女點點點，好彩家校合作同阿女生性依家好咗好多，最尾仲話多謝我同學校，幫咗佢同阿女好多。佢講到眼濕濕，搞到我都好感動。

雖然八點先放到工，但真係有少少滿足。

因為最近接咗一對都幾難搞既父母，希望最後佢哋都會明我哋真係好努力幫緊阿女啦。

#英國老師
#英國中學