甜喵兒．炊兔子

💝回憶Memory · 長文慎入 & 多圖💝

一年喇，大家過得好嗎？Miss you ALL💓

(以下係Copy from Instagram😉)

好多時出去上堂整寵物食品，都有狗友們問或奇怪點解會咁快手好似好熟手技工咁😅
其實因為我曾經係烘焙導師👩🏻‍🍳，做左大概8年左右嘅時間🥹有喺Towngas教下，出面應邀又教下，自己有間工作室 & 食物製造廠牌📃

當時確實係因為興趣而開始，幸運地一開始就遇到好好嘅烘焙老師、好好嘅好朋友兼生意伙伴、一向支持十足嘅老公、一班志同道合又好支持我嘅學生等等，確實係非常幸運🍀

上年5月已完成人生一個里程碑，距離剛好一年，結束多年嘅心血結晶，難得會懷緬吓過去🌾
但無需再不斷去進修、不斷去鑽研、不斷去嘗試，其實壓力減輕左不少🤐
當然當中得著嘅非常多，多到有時都好懷念過去🥹
但，我唔覺得好可惜，因為結束左又有另一啲野喺生活中再開始🐺🐕❤️
依家嘅時間用晒嚟湊🐱湊🐶，又另一種唔同嘅開心同幸福💘

所以閒時見到一啲寵物烘焙，都好想手痕去學習下，又唔駛洗又唔駛預備材料用具、兩個女又鐘意食、又止下技癢咁，不知幾快樂😆🤣
但可能教開嘅關係，有時都會有啲腌尖😅so far去學咁多，得一間我係滿意同埋會繼續去學習🥹

間時都會有學生問我，「老師會唔會有興趣再出嚟教啊，因為好耐冇跟你學嘢」等等，但目前確實冇呢一個計劃🫶🏻
一來當時將90%嘅用具連教室一齊頂手咗俾人，所以都唔係咁容易可以再開始返，同埋放低咗再開始返，又要另一種勇氣，所以都係繼續湊吓🐱湊吓🐶，手痕又整吓寵物嘢食，咁就好啦😘

呢一個IG其實以前係唔屬於烏冬🐺拉麵🐕佢哋，但後來用咗嚟放佢哋嘅日常生活，所以以前嘅學生有時都會睇到佢哋嘅post。
如果學生們你哋睇到呢度，再次感謝你哋一直以來嘅支持與愛護，希望將來有機會再見，又或者同大家一齊整吓嘢食🥰

#甜喵兒與炊兔子 #甜喵兒烘焙